𝑨 𝒉𝒂𝒑𝒑𝒊𝒏𝒆𝒔𝒔 𝒏𝒐𝒗𝒆𝒍𝒔❤️.
Open in Telegram
أهلًا بك بداخل أرض السعادة والخيال❤️🫶🏻. ستجد هنا كُل ما يُسعدك من روايات تريدها🥰"". owner : @Ayooya23 ومحدش يشيل اسم اي حد من تحت أي اسكريبت يا سكاكر 🥺❤️.
Show more1 590
Subscribers
No data24 hours
-87 days
-4430 days
Data loading in progress...
Similar Channels
Tags Cloud
Incoming and Outgoing Mentions
---
---
---
---
---
---
Attracting Subscribers
December '25
December '25
+2
in 0 channels
November '25
+3
in 0 channels
Get PRO
October '25
+9
in 0 channels
Get PRO
September '25
+5
in 0 channels
Get PRO
August '25
+6
in 0 channels
Get PRO
July '25
+7
in 0 channels
Get PRO
June '25
+6
in 0 channels
Get PRO
May '25
+13
in 0 channels
Get PRO
April '25
+25
in 0 channels
Get PRO
March '25
+31
in 1 channels
Get PRO
February '25
+72
in 0 channels
Get PRO
January '25
+135
in 0 channels
Get PRO
December '24
+155
in 0 channels
Get PRO
November '24
+166
in 0 channels
Get PRO
October '24
+127
in 0 channels
Get PRO
September '24
+108
in 0 channels
Get PRO
August '24
+168
in 0 channels
Get PRO
July '24
+202
in 0 channels
Get PRO
June '24
+273
in 0 channels
Get PRO
May '24
+158
in 0 channels
Get PRO
April '24
+32
in 4 channels
Get PRO
March '24
+21
in 1 channels
Get PRO
February '24
+52
in 1 channels
Get PRO
January '24
+392
in 2 channels
Get PRO
December '23
+658
in 0 channels
Get PRO
November '23
+737
in 39 channels
Get PRO
October '23
+123
in 29 channels
Get PRO
September '23
+681
in 0 channels
| Date | Subscriber Growth | Mentions | Channels | |
| 23 December | +1 | |||
| 22 December | 0 | |||
| 21 December | 0 | |||
| 20 December | 0 | |||
| 19 December | 0 | |||
| 18 December | 0 | |||
| 17 December | 0 | |||
| 16 December | 0 | |||
| 15 December | 0 | |||
| 14 December | 0 | |||
| 13 December | 0 | |||
| 12 December | 0 | |||
| 11 December | +1 | |||
| 10 December | 0 | |||
| 09 December | 0 | |||
| 08 December | 0 | |||
| 07 December | 0 | |||
| 06 December | 0 | |||
| 05 December | 0 | |||
| 04 December | 0 | |||
| 03 December | 0 | |||
| 02 December | 0 | |||
| 01 December | 0 |
Channel Posts
ابتسمت
- وهي وتحسيها قد المخده شوية لكن زقرده كدا وفراكه و اية كمان بقي
اتكلمت وانا ببتسم وماسكه دموعي = اية؟
- و توتي.
= ليه كتمت كل ده
- لانك مكنتش بتبيني ليا اي مشاعر وهدي الى هي خالتي فضحتك
مخي عمل ايرور = انا مقلتش لامي!!
- سمعتك وانتي بتكلمي روان صحبتك
= ينهار اسود يا هدي بتفتني عليا
- خالتي دي قمر
= قصدك امك
- لا امك انتي
= دي امي ؟ هي في ام تعمل كدا في بنتها
- هوا في بنت تعمل كدا في ابن خالتها بتستخبي ليه ها!
= للحظه واحده عرفت اني بحبك وقعدت التلت ايام افكر هعمل اية من غيرك في حياتي اكتشفت انها هتبقي فاضيه ومن غير اهميه
= ليه وافقتي كريم يكلم طنط؟؟
= انا مكنتش بحب كريم يا احمد انا اتعود عليه لما اداني حب و اهتمام وخد مساحه من يومي وفجاه سحب ده قررت اتنازل واكلمه وبعدين اكتشفت انوه حتي مجاش عشان يخطبني واكتفي انوه يكلم ماما فا سبته لانه محبنيش ولا انا حبيته
- وانا كنت خايف اخسرك كا صاحبه قبل اي حاجه بجنانك وطنتيتك حوليه زي الطفله كنت خايف اخسر ماسكه ايدك وانا بعديكي السكه
ومبقاش سندك وانتي بتلبسي الكوتشي او مبقاش صندوقك الاسود الى بتتكلمي معاه وقت خنتقك كان بالنسبالي اكتم مشاعري اهون من اني اخسر حاجه واحده من دول يا روان
- احمد
= نعم
- انا بحبك اتجوزني دلوقتي
ضحك = لو كنتي فتحتي الاكل كنا خلصنا بدري بدري يا شيخه
- مش فاهمه
= افتحي السندوتش ده
فتحت العلبه لقيت خاتم في نص الساندوتش طلعه ولبسهوني
- معلش مش هسألك تتجوزيني ولا لاء اصلي حدد كتب الكتاب مع هدي خلاص
= انا قرطاس لب؟ هل انا قرطاس لب
- انتي اجمل حاجه فالدنيا انا كنت هجبلك اللابوبو بس انتي بومه فا جبتلك دي
" بصيت على البومه الى جابها وضحكت "
- بكرهك يا أحمد صدقني
ضحك: وانا بحبك ياتوتي.
>>>>>>>>>>>>>>>>>>>>>>>>>>>>>>>>>>>>>
تمت.
بقلم الكاتبة سلسبيل احمد 💗💗✨️✨️❤️❤️❤️
| 2 | - يعني مش هتجبلي لابوبو ام 1000 جنية؟
= لا انا هجبلك شبشب عشان تفوقي لنفسك عملتي ايه امبارح وكنتي مخبيا؟
- انا يابني؟؟؟
= اخلصي يا روان عارف انك هببتي حاجه
-ءءء مفيش.. تعبت فا قومت كلمته
= عشان انتي بنته؟
- لا عشان معنديش كرامه معترفه..
= جدعه انك عارفه و هتفضلي كدا يا بومه
- اه وانت هتفضل سنجل يا احمد
= مش احسن ما ارتبط و اتخزوق زيك ؟؟؟
- بتفهم يا احمد شاطر يا بني
= ابنك مين يا شبر و ربع
- ونص
= بس وانتي 155m
- لو سمحت مسمحلكش انا 156m
= كبرتي يا توتي !؟
- شوفت
= لا بس السنتي ده طولك جدا
- انا اصلا طويلة اية دا موطي راسك ليه
= عشان اعرف اكلمك
- اها يعديم الدم يالي سلوي معرفتش تربيك بجنيه
= حوش حوش الى هدي ربتها
- لا هي ربتني بس انا مهزقه
= طب بقولك اية
- قول يخويا
= بصراحه انا معجب بواحده
حسيت بقبضه في قلبي وتجاهلتها - بجد مين
= انتي لونك اتخطف كدا ليه
- اهاااااا بطني للزم ادخل الحمام
جريت من بلاكونتنا وسبته في بلاكونته
مرحتش الحمام دخلت تحت اللحاف بستخبي من اية معنديش فكره
لا عارفه بس بستعبط..
بعد تلت ايام وانا في البلاكونه قاعده في الجمب عشان ميشوفنيش لو خرج
- انتي مستخبيا حلو والله يا روان بس ناسيه كوباية النسكافيه كنتي خبتيها
غمضت عيني وانا بلعن غبائي وببص لكوبايه النسكافيه الى كانت مشروبي المفضل كانت بقي هه
= احم ازيك فينيك كدا
- وحيات امك؟
= مالك ب هدي دلوقت
- انتي الي فينيك يا روان بتستخبي من اية؟؟
= ولا حاجه
اتعصب : بقي كدا
= اها
- طب غوري غيري ويلا ننزل
= مش قادره
- ماشي براحتك خلاص ربع ساعه وهخبط عليكي تكوني جهزتي
= انت يااا خد يابني
مشي وسابني
تفتكروا هلبس وانزل لا اصلي مهزقه وربنا
عملت نفسي نايمه ايهيهي
- روان يا زفته
= اية يا هدي عايزه اية
- قومي يالي متربتيش احمد بره
= قوليله نايمه
- قومي يابت عيب كدا
= حااااضرررررر
قومت وانا بهدوم البيت عشان عارفه اني هدخل
- انتي ملبستيش؟
= قولتلك مش قادره !
- طب براحتك برضو
شدني لبره وقفل الباب
= يغبي استني طب البيجامه ماشي انما ده شبشب الحمام
- اتفضلي اللبسي الكوتشي
= هات ايدك طب أسند عليك
الحركه المعتاده وطي ليا خالص علي ركبه عشان اعرف أسند عليه لاني قصيرة اوي وهو طويل اوي
نزلنا جمب البيت قعدنا في عربيته مراعاه لبيجامتي
- هاه قوليلي مالك
= أ
- استني
خرج يحاسب بتاع دليفري وخد منه شنط ودخل
= اية ده؟
- اكل خالتو قالتلي مبتكليش
= مش جعانه
- مانا عارف وانتي بتاكلي عشان جعانه من امته
= قصدك اية بالقلام ده
- قصدي انتي بتاكلي كا هوايا
= والله انت مهزق
- اتعلمت منك اطفحي
= احمد والله تعبانه طلعني عند امي
- يابنتي ماهي مش طيقاكي دي عايزه تسربك
= عايزه اطلع
- من امتى وانا بسيبك مضايقه؟ مش عشان هربتي تلت ايام كدا خلاص انا سبتك تستخبي وتعملي نايمه وتعبانه و مشغوله براحتك بس هعرف مقلوبة ليه ومين زعلك كدا..؟ مين بقا انا ولا حد امه داعيه عليه
يابت انطقي
عيوني دمعت من محاولاته الى عمره ما زهق منها" عشاني وبرضو افتكر ان كل دا هيبقي لواحده تانيه غيري "
اتعصب - روان متعيطتش لو عيطتي ها
مكملش و دموعي نزلت اكتر عارفه انوه مبيحبنيش ضعيفه بس غصب عني
نبرته اتغيرت 180° وطبطب عليا - طب بس اهدي مكنش قصدي اتعصب بس مبحبكيش تعيطي عشان
قاطعته: عشان مبتحبنيش ضعيفه
مسح دموعي وابتسم: طب مين زعل توتي ممكن اعرف
- محدش زعلني
بدء يستخدم طريقته الشهيره الي بتخليني اتكلم
= طيب انا مش هتضغط عليكي وانا اصلا بدخل فالي مليش فيه وكل واحد لي خوصوصياته وانتي براحتك اسفين عالازعاج
قعدت اضحك على طريقته السريعه الزعلانه وهوا
بيتكلم
- بتضحكني ليه وانا بعيط يا احمد!!
= بوظت حلقه النكد؟
ضحكي زاد - احمد انت مهزق وانا بكرهك
= وانا بحبك
" وهنا كان لازم لساني يتشل وقلبي يقف "
لاحظ تتنحتي الى طولت
- اروح واجي بكره ولا اية عشان تردي
= ..........
- طيب ممكن اي اشارة انك سمعاني
= هو انت مش قولتلي معجب بواحده
- قولت هي مين؟
= لاء
- مقلتش مين صح تروح الهانم تعمل اية تستخبي وتزعل من قبل ما تعرف اي حاجه
= طب هي مين
- هي واحده كدا مجنونه حبت واحد معاها فالكليه طلع غبي وحيوا.ن وبيستغلها وهي رجعت كلمته تاني!
اديقت وضحكت بسخريه: عشان معندهاش كرامه صح
- لا عشان الناحيه التانيه في واحد غبي مخدش اي خطوة معاها وكانت ممكن تضيع منه اما هي كانت حنينه وبتسامح لدرجه العبط وتدخل تصالح واحد ميستهلش وهي غاليه جدا
عيوني لمعت بالدموع
- استني متعيطتيش اكمل بس.. | 102 |
| 3 | _قولي، أنتِ خايفة وقلقانة كدا من أيه؟
خدت نفس طويل وقلت والخوف واضح في صوتي
_خايفة كل حاجة تقف بيننا تاني، خايفة المشاكل تزيد ومنعرفش نحل حاجة
خايفة نفس السيناريو يتعاد، قلبي مش هيستحمل دا مرة كمان.
عيوني دمعت من غير ما أحس فمسحتها بسرعة وأخدت نفس طويل.
_مش هيتعاد يا ذكرى عشان إحنا معدناش عيال صغيرة، زمان مكناش عارفين نتعامل مع المشاكل، الناس كانت بتدخل بينا بدون وجه حق، كل حاجة وقتها كانت ملغبطة ومش مفهومة بسبب كدا، إحنا كبرنا كفاية عشان نلزم الكل حدودهم، وحتى لو المشاكل زادت ومتحلتش، مش هتدخل بيننا، مفيش حياة من غير مشاكل، بس في زوجين عايزين يكملوا مع بعض، رغم أي مشاكل، مسؤلين كفاية عشان يبنوا بيت، متفاهمين كفاية عشان يكبر ويستمر، وبيحبوا بعض كفاية عشان يحافظوا عليه.
كلامه فكرني بكلامي مع زمايلي أول يوم هنا على العشاء، أتأكدت إننا متفقين، ومتفاهمين، مش ناقصنا حاجة غير إننا نكون سوا !
ابتسمت وبصيتله بحب فكمل كلام
_ذكرىٰ، أنا بحبك، عايزك جنبي، عايز نكبر مع بعض، مش شايف حياتي الجاية من غيرك، عايز الليالي تتقضي وأنتِ راسك على كتفي زي زمان، لسه حكايتنا مخلصتش، لسه في حاجات كتير معشناهاش سوا، وأنا عقلي وقلبي مستنين الأيام دي، ومش قابلين إنك تكوني مجرد ذكرىٰ.
عنيا دمعت وأنا بسمعه، خرج من جيبه علبة قطيفة، فضحكت، وضحك هو كمان فتحها قدامي كانت الخواتم القديمة بتاعتنا بصيتله بعدم تصديق
_هم لسه معاك.
حرك راسه بآه وقال بصوت مليان حُب:
_تتجوزيني تاني يا ذكرىٰ؟ تقبلي تكملي معايا أيامي إلي باقيه.
حركت راسي بآه بسرعه ودموعي بتهرب مني فضحك وخرج الخاتم من العلبة ولبسهولي تاني، خرجت الخاتم بتاعه ولبستهوله، الفرحة مكانتش سيعاني وأنا كل شوية أرفع إيدي وأبص للخاتم إلي رجع مكانه، حطيت إيدي على قلبي وأنا بصاله فرفع إيده هو كمان وقال بهدوء وعينه بتلمع بحب:
_كدا كل واحد لقى إلي كان ضايع منه، وكل حاجة رجعت مكانها.
حركت راسي وأنا بكرر وراه مبتسمة بفرحة:
_كل حاجة رجعت مكانها.
فضلنا نتكلم لحد ميعاد الفطار ولما قربنا وإسراء شافت الخواتم صرخت ونطت في حضني بفرحة، فرحتني زيادة، الكل باركلنا ودعالنا بالتمام، وأحتفلوا بينا بليل في سهرة حوالين النـ.ار بعد ما إسراء فضحتنا وحكت للكل قصتنا وحكاية الحب القديمة، كان أسعد يوم في حياتي، وكأن الدنيا صالحتني، بطلت أهرب، بطلت أخاف من مشاعري، وبطلت أخاف من بكرا.
وبعد أيام وأيام، يوم كتب كتابنا
في وسط صحابنا إلي بيحبونا
وبعض أهلنا إلي بيحبونا
لما سألت يوسف على الباقيين غمز وقالي:
_هنعملهالهم مفاجأة.
ضحكت على كلامه
وعلى يومي الهادي
إلي كان هادي لدرجة إن نزلاء الأوتيل
نزلوا يرقصوا معانا من كتر ما كنا مبسوطين وصوتنا عالي، ومهيبرين
كانت ليلة متتنسيش
ليلة شالت ليا وعد من الدنيا،
أقضي باقي الليالي إلي جاية
وراسي على كتفه.
تمت بقلم المبدعه سلمىٰ بسيوني 😚😚 | 77 |
| 4 | نزل وجابلنا آيس كريم ورجع خبط على الأوضة ودخل، ودخل معاه صوت أغنية لوردة، كانت شغالة برا الأوضة، ناولني الكوباية بتاعتي وأنا بصاله بنسمع أنه وهو الأغنية
"وعملت إيه فينا السنين عملت إيه
فرقتنا لا، غيرتنا لا
ولا ذوبت فينا الحنين السنين
لا الزمان، ولا المكان
قدروا يخلوا حبنا
ده يبقى كان، يبقى كان الزمان
وبحبك والله بحبك والله، والله، والله بحبك
قد العيون السود أحبك
وأنت عارف ما أنت عارف
قد إيه كثيرة وجميلة
العيون السود في بلدنا يا حبيبي"
ضحكنا إحنا الأتنين مرة واحدة، على صدفة الأغنية، اليوم صالحني بذكرى جميلة، وبالعيون السود، ووجود يوسف وذكرياتنا هدت أعصابي بعد كل إلي حصل.
لما رجعنا الفندق قابلت إسراء في الريسبشن، كانت نازلة تجري أول ما شافتني حضنتني وهي مخنوقة بالدموع:
_أنتِ كويسة! أنا سمعت إلي حصل! أنتِ سليمة.
بعدت فابتسمت وطمنتها:
_أنا كويسة متقلقيش، عدت على خير، كفاية عياط.
حضنتني تاني
_كنت قلقانة عليكِ أوي.
_أنا زي الفل والله رجلي بس إلي تعبانة شوية.
_طب تعالي نطلع الأوضة وترتاحي يلا.
_يلا.
_هو فين؟
كان يقصد أيمن فردت إسراء بقرف
_غار في ستين داهية، مراته أخدته ورجعوا القاهرة بعد الفجر على طول، ربنا ياخده.
_طب يلا عشان ترتاحي
مد إيده كان هيشيلني تاني فخبطه في إيده
_إسراء هتسندني.
حرك راسه بيجاريني
وبدأت أتحرك مع أسراء بس مكنتش عارفة، كل حتة في رجلي وجعاني.
قرب وشالني فجأة فتخضيت عيني وسعت وأنا بقوله:
_نزلني يا يوسف!
_بس بقىٰ، لما أقول كلمة تسمعيها من سكات.
لفيت وشي لورا، إسراء كانت وقفة بتضحك وفرحانة، حسبي الله يا شيخة على الكسفة إلي أنا فيها دي.
طلعني لحد أوضتي ونزل عشان يجيب الدواء
فدخلت إسراء وهي بتسقف:
_الله يا عبدلله، مكنتش أعرف أن الحيوان أيمن ممكن يجي من وراه خير أبدًا.
_اسكتي دا أنا كنت همـ.وت في جلدي.
_يا حبيبة قلبي.
قربت جنبي وأخدتني في حضنها وحسست على شعري، فضلنا نرغي كتير عن إلي حصل، حكت لي إن مصطفى أتصل عليها عشان تكون معايا، عرفها إنهم كانوا سهرانين سوا في مطعم جنب الشط إلي كنت فيه، وأيمن شرب وأڤور.
_عشان كدا كلهم كانوا موجودين حتى دينا !
_هي فعلا إلي ضربته!
_أيوا، أنا كمان مصدقتش للحظة.
_عملتها إزاي، دا كان مربيلها الرعب.
_شكلها شافت منه كتير، كانت واقفة بتتفرج على يوسف وهو بيضربه من غير ما تنطق، متهزتش غير لما أغم عليه.
_البني آدم طاقة، وهي طاقتها خلصت.
الباب خبط وكان يوسف فقامت إسراء تفتحله، شوية ودخلت
_جاب دوا وجاب فطار، كلي يلا عشان تاخديه وترتاحي.
ابتسمت وفرحت لاهتمامه وبدأت آكل، إسراء كانت واقفة في البلكونة صرخت فجأة فزعتني.
_يا نهار أسود!
_في أي يا إسراء.
_كارثة، في كارثة.
زعقت فيها
_قولي يا زفتة في أيه!
قالت وهي بتعيط وتزعق في نفس الوقت
_نوسة يا ذكرىٰ.
_نوسة مين؟
_العربية بتاعتي، نوسه أتبهدلت خالص.
_أنتِ ليه محسساني إن نوسة دي فيراري، دي عطلت مننا خمس مرات على الطريق وإحنا جايين، دا لولا ستر ربنا كنا أتخطفنا.
_متتكلميش على نوسة كدا، دي أصيلة وشيلاني من أيام الجامعة.
_متزعليش نفسك طيب، في ورشة قريبة من هنا يوسف عارف مكانها خليه يوديكِ عشان تصلحيها.
_منا هعمل كدا، نوسة متباتش بايظة كدا أبدًا.
رفعت إيديها للسماء
_منك لله يا أيمن، منك لله يا أيمن، منك لله يا أيمن.
كانت طالعة برا فقولتلها بصوت عالي
_أيوا كملي على كدا بقىٰ.
قعدت يومين في السرير، البنات بيطلعوا يقعدوا معايا عشان مملش، وبشتغل من الأوضة على قد ما بقدر، ويوسف مبطلش يسأل عليا أو يهتم.
في اليوم التالت رجلي أتحسنت بشكل كبير كنت زهقت من قعدة الأوضة، نزلت الشط وخدت شال على ضهري عشان أشوف الشروق.
أخدت نفس طويل من هوا الصبح النضيف وأنا بشوف الشمس بتاخد حقها ووقتها في السطوع.
_أنتِ أي إلي نزلك!
_خضتني يا يوسف.
_رجلك يا ذكرىٰ.
_رجلي بتتحسن، أنا إلي هنفجر لو فضلت في الأوضة أكتر من كدا.
_طب فطرتي؟
_لا مش جعانة، هفطر معاهم بقىٰ، نزلت أشوف الشروق.
بصيت على الشمس
_مش عارفة إزاي فوتت الحلاوة دي اليومين إلي فاتوا.
_وأنا مش عارف إزاي فوتت الحلاوة دي سنين.
لفيت ليه وابتسمت كان باصصلي فقال:
_مش هنخطف من الزمن لحظة تفاهم بقى ولا أيه؟
ضميت الشال عليا وأنا بقول بضحكة لذيذة
_نخطف وماله.
_حياتك كان فيها أيه قبلي؟ كنتِ ناوية على أيه يعني.
_الكارير والشغل.
_وبعدي؟
حركت كتافي:
_مش عارفة، أنت جيت كركبت كل حاجة، لسه مفيش خطة.
_تتجوزيني تاني؟
إرتبكت فجأة وضحكت
_أيه دا !!
_الخطة الجاية إن شاء الله.
_بتهزر!
_لا طبعًا، أنا عمري ما كنت جد قد حالًا.
_بس أنا ..
سكت فسألني | 67 |
| 5 | Part 3 والأخير 😚😚
الهواء كان شديد وصريخي عالي وصوته أعلى وهو بيزعق حتى بعد ما كسر الشباك، دخل إيده منه وشدني من شعري، عضيت إيده بعزم ما فيا، فتأوّه وهو بيشد إيده، رجع كام خطوة لورا وهو بيشتمني بعصبية، حاولت أدور العربية تاني بسرعة وأنا بترعش وصوت يوسف معايا
_ذكرى، ذكرى أنا في الطريق.
رديت عليه وأنا بتنفس بالعافية
_تعالى بسرعة ..أنا مش كويسة، مش كويسة.
سمعت أيمن فجأة بيصرخ بصوت عالي وقع على الأرض بيتأوه وهو ماسك راسه ودينا قدامه في إيديها عصاية كبيرة عليها د مه، بتصرخ وتعيط في نفس الوقت:
_عملت فيها كدا إزاي!
عملت فيا كدا إزاي.
إنهارت من العياط بعدها وهي بتبصلي.
خرجت من العربية وأنا بدوس على الإزاز المكسور برجلي، بجري بعيد عنهم وأنا بيعيط وبتنفس بسرعة، خبط في حد فرجعت كام خطوة لورا برعب، كان يوسف جاي بيجري، خدت نفسي وأنا بشاورله عليهم، شاورلي على عربيته
_خليكِ في العربية وأوعي تخرجي.
مكنتش مصدقة إلي بيحصل، مكنتش فاهمة فيه أيه! مرعوبة ومنهارة وبعيط، بدأت أحس بوجع رجلي، قعدت على الأرض وسندت على عربيته مش قادرة أقوم.
شايفة يوسف بيجري ناحية أيمن، شده من هدومه قومه بالعافيه ورزعه على عربية إسراء وفضل يضرب فيه، دينا بعدت ورجعت لورا ومفتحتش بقها، حطت إيديها على وشها وهي لسه بتعيط، أيمن وقع على الأرض ويوسف بيضربه وبيصرخ فيه:
_قلتلك أبعد عنها يا ***، قلتلك سيبها في حالها ومتجيش جنبها.
شده قومه وضربه فوقع على الأرض تاني فزعق فيه بغضب
_كنت فاكرني بتكلم وخلاص، ماشي! أنا هوريك!
شده تاني وضربه، وكل ما يقع يقومه تاني ويضربه، أيمن مقاومته كانت بسيطة، ألمه كبير، كان بيصرخ من الألم بسبب سرعة يوسف وغضبه، والضربة إلي دينا ضربتهاله،
فجأة لقيت شوية من زمايلنا موجودين!
مصطفى وأتنين رجالة كمان.
قربوا وحاولوا يبعدوا يوسف عن أيمن، ويفضوا الموضوع، قمت على حيلي بالراحة، بمشي على أطراف صوابعي لحد ما قربت منهم لما سمعت صوت يوسف بيصرخ وهو بيبعدهم كلهم عنه وهو بيقول بصوت مليان غضب
_محدش يقرب مني! إلي هيفتح بقه هيجي مكانه!
الكل بعد عنه وقفوا مش عارفين يتصرفوا، نظرات دينا ليهم بتقولهم أن أيمن عامل مصيبة، بس محدش فاهم حاجة، يوسف موقفش يضربه والكل بيحاول يوقف يوسف بالكلام لحد ما أيمن سكن تمامًا، وحركته وقفت ومقاومته أنعدمت، يوسف كمان وقف وقربت دينا بتجري على جوزها تطمن عليه فزعق يوسف فيها
_لسه عايش متقلقيش، الدنيا لسه مخلصتش من و* .
وطى على الأرض وشاله سنده على العربية تاني وخبطه في وشه عشان يفوق فصرخت فيه دينا
_عشان خاطري خلاص، عشان خاطر ولاده، أبوس إيدك.
فضل يخبطه في وشه لحد ما فاق وفتح عينه بيتنفس بالعافية، وشه كله كدمات ود م
مسكه من فكه وقاله
_ورحمه أبويا لو شفت وشك الو** دا في حته تاني مش هتطلع من تحت إيدي سليم، أوعى أشوف ضلك جنبها، احذرني.
سابه من إيده فإتكوم على الأرض ورد هو على دينا وهو بيشاور عليه وبينهج
_أهو، فكريه لو صحي ناسي، لو شفت وشه تاني مش هيتبقالك منه حاجة، ولا أنتِ ولا ولادك.
بعد عنهم وقرب وأخدني في حضنه وأنا بعيط
_أنتِ كويسة! عملك حاجة!
أخدت نفسي بالراحة
_أنا كويسة، الحمدلله كويسة.
بعدت وشاورتله على رجلي
_رجلي ..في إزاز في رجلي.
وطى ومسكها بصلها بألم.
_لازم نروح المستشفى.
قام وشالني فتخضيت، وصلني لحد عربيته فتح الباب وقعدني وقفله ولف قعد جنبي، سندت على الكرسي بستوعب إلي حصل، دموعي بتنزل من غير ما أحس.
مسك إيدي طمني وهو بيقول
_كل حاجة خلصت، مفيش حد هيقدر يجي جنبك تاني، ولا هو ولا غيره، أنا مش هسيبك.
.
.
_بسيطة إن الله يا أستاذ يوسف، إحنا شلنا الاإزاز كله من رجل المدام، هكتبلها على كام مرهم تستمر عليهم الأسبوع دا وكام يوم وهتبقى كويسة.
حرك راسه وشكر الدكتور، خرج معاه برا الأوضة وغاب دقايق ورجع تاني.
_ها أحسن؟
_الحمدلله.
شاورتله يقعد قدامي وسألته
_أنت إلي كويس؟ كان فاضلك تكه وعضلاتك تتضخم وتقلب الرجل الأخضر.
ضحك وبصلي، هدي وأخد نفسه وقال بجدية
_كنت هتجنن لما سمعت صوتك بتصرخي في التليفون، دماغي رسمت 100 سيناريو كلهم أصعب من بعض، كنت خايف تضيعي مني.
مسح على وشه بخوف
غمضت عيني وأنا ببتسم:
_أنا كويسة، أنا بس مكنتش متخيلة الأمور توصل لكدا، حسيت للحظة أني همـ.وت.
نزلت من عيني دمعه فمسحها بأيده
_أوعدك طول ما أنا هنا محدش هيقرب منك، ولا يلمس منك شعرة واحدة.
_وأنا واثقة فيك.
باس باطن إيدي وقال
_يلا نرجع الفندق؟
_على طول كدا؟ مش فاكر كل مرة وإحنا راجعين من المستشفي كنا بنعمل أيه؟
_لا مش فاكر الحقيقة.
كشرت بزعل
_أنت نسيت بجد!!
ابتسم وهو باصصلي
_أجيبلك الأيس كريم بالشوكولاته زي العادي ولا أغير.
منساش!
ضحكت وأنا بقوله:
_زي العادي متغيرش.
كانت عادة عندنا من زمان، وإحنا خارجين من مستشفى أو من عند الدكتور ناكل أيس كريم، بحجة إن المستشفى والمرض حاجات مُرة، محتاجة الحلو بعدها عشان يوازن حلاوة الدنيا. | 61 |
| 6 | _القمر قاعد لوحده ليه؟
لفيت وقمت من مكاني بسرعة
_أيمن؟!!
_آه أيمن أيه شفتي عفريت!
كان شارب، مش مظبوط كلامه غريب ونظراته تخوف، كنت مرعوبة، حاولت مبينش دا في صوتي وأنا بقوله:
_أرجع الفندق يا أيمن وأبعد عندي، أرجع لمراتك.
_أنا مبحبهاش، أنا بحبك أنتِ.
كنت بتحرك بهدوء عشان أوصل للعربية وهو بيكمل كلام ويقرب عليا
_بس أنتِ بتحبيه هو ...هو في أيه زيادة عني.
صوته علي وبقى عنيف، طلعت أجري على العربية وجري ورايا وهو بيصرخ بغضب
_ولا هو حلو ليه ووحش ليا.
دخلت العربية وقفلت عليا اللوك وأنا بحاول أدورها وهو بيرزع على الإزاز، كنت مرعوبة وبترعش والعربية مش عايزة تدور شتمت إسراء وعربيتها والأيام إلي عرفتها فيها وأنا بصرخ في العربية تدور كأنها سمعاني، طلعت تليفوني بسرعة وأتصلت على يوسف، مأخدش وقت ورد عليا أتفزع لما سمع صوتي وأنا بصرخ
_إلحقني يا يوسف إلحقني، أيمن هنا، هيكسر عليا العربية.
سألني بسرعة أنا فين وقلتله وأنا بعيط عرفني أنه نزل وطلب أفضل معاه على الخط، أيمن كام مجنون، فضل يرزع على الشباك وفي لحظة واحدة صرخت برعب وأنا شيفاه بيكسره.
كسر الشباك عليا، وصوت يوسف طالع من التليفون بيزعق برعب.
_ذكرىٰ!!
القدر بيلعب لعبته ويوصلنا لنقطة صعب الهروب منها، المرة دي سلبيتي لبستني في حيط، رمتني في حرب مش عارفة هطلع منها كسبانة ولا لاء.
يتبع.......
متحمسين للباقي؟! 🙈🙈 | 66 |
| 7 | _خير يا ذكرىٰ، حد بيضايقك؟
رد عليه أيمن بكل البجاحة إلي في الدنيا
_لا مفيش حد بيضايقها !
_أنت أسمك ذكرى؟ حد وجهلك كلام؟
أتأفف وقال:
_أنا جايب لذكرى فطار مش أكتر.
_وأنا مطلبتش منك أي حاجة!
حط يوسف إيده على كتف أيمن وضغط عليه فظهروا الألم والعصبية على وش أيمن ويوسف بيقول بإبتسامة:
_فطار؟ يا حبيبي! وريني كدا جايب ايه.
قلع نضارة الشمس وأخد منه الطبق
فتح الساندوتشات وقلب فيها
بعدها حط إيده على كتفه تاني بنفس الطريقة
_بص يا حبيبي، ذكرىٰ مبتحبش اللانشون.
ولا بتحب البيض بالبسطرمة، فَدول بقى تاخدهم وتقعد على جنب تنقنق فيهم كدا لحد ما نبدأ شغل، أتفقنا؟
_أو يديهم لمراته.
إسراء قالتها فجأة، فيوسف عينه وسعت
_يا ما شاء الله وكمان متجوز!
قرصة في دراعه وهو باصصله
_فطرت المدام بقىٰ ولا هتشتغل على لحم بطنها.
كان هيرد عليه والغل مالي وشه فقاطعه يوسف قبل ما يتكلم.
_لا دا إحنا نروح نفطرها بقى وتعرفني عليها يا حلو أنت.
عيني وسعت وأنا شيفاه واخده وماشي بعيد، دينا جنبنا هنا، هو اخده ورايح على فين؟
_تفتكري هيعمل فيه أيه؟
_مش عارفة، ومش فارق معايا، هم وإنزاح من على قلبي، يارب يروح في ستين داهية.
_ ربنا يخليه والله راجل، الزبالة دا كان عايز حد يربيه.
بعدها بشوية من أختفاء الأتنين يوسف رجع ومعاه أوردر فطار لينا كلنا، لما سألته عليه قالي:
_مش عايز أسمع سيرة الزفارة دي تاني.
_زفارة؟
_البسطرمة مبتحبيهاش ...عشان زفرة.
ناولني طبق
_دا أومليت مفيهوش بسطرمة، بالهنا والشفا يلا.
إسراء كانت جنبي بتضحك
_طب والله الراجل دا تمام ومية مية.
طول اليوم بنشتغل، وأيمن مظهرش تاني، ودي كانت أكتر حاجة مريحة في الحياة، حسيت أني بشتغل من غير ما أحس أني متقيدة وفي عيون مريضة بتراقبني، يوسف نجح يحسسني بالأمان، زي زمان بالظبط.
بليل على العشاء القعدة كانت لطيفة، يوسف مبيبطلش ينكش فيا و إسراء خفة دمها بتضحكنا كلنا زي العادة، لحد ما يوسف جاله تليفون وقام طلع عند الشط يرد عليه، عنيا كانت متابعاه، لحد ما شفته قفل التليفون وقعد على الكرسي بياخد نفسه بالعافية، قلبي وقع في رجلي، قمت روحت عنده بسرعة حالته اتطورت، يوسف عنده ربو، أول ما وصلت عنده كان بيشهق ويتخنق كأنه بيغرق، ومش قادر ياخد نفسه.
قلتله بسرعة وأنا بجري للسفرة تاني.
_يوسف إهدى، إهدي هجيب البخاخة وأجي بسرعة متقلقش.
طلعت البخاخة من شنطتي بسرعة وهم بيسألوني فيه أيه لما أتخضوا من شكلي، أخدتها
وجريت عنده بسرعة وأغلبهم جه ورايا، حطيت طرفها في بقه وضغط عليها ٣ مرات بخوف، ثواني وبدأ يتنفس ويهدى، أخدت نفس طويل كأني أنا إلي كنت بتخنق.
_أنت ...بقيت كويس!
_كويس الحمدلله كويس.
الكل سلم عليه واتمناله الشفاء ورجعوا لمكانهم تاني، أخدت نفس طويل وأنا بحمد ربنا، لسه بتر عب، رغم أن دا طبيعي من أيام جوازنا، بس عمري ما أتعودت، كل مرة كنت بخاف كدا، كل مرة بجري بالشكل دا.
قطع أفكاري وقال وهو مبتسم بإنهاك.
_البخاخة معاكِ!
مكنتش جاهزة أرد على كلامه كنت بتهته زي العيال الصغيرة
_دا عشان ...عشان.
مسك إيدي إلي كانت بتتحرك بعشوائية كأنها بتدور إجابة معايا:
_عشان لسه بتحبيني.
عيني دمعت:
_بس..
_مفيش بس، أنتِ بتحبيني وأنا بموت فيكِ، لازمته أيه البعد لحد حالا؟
قلت بصوت بيترعش
_لازمته إن حصل مشاكل كتير أوي ولسه هتحصل.
_طول ما إحنا مع بعض هنقدر ...
قاطعته والدموع عرفت مكان خدي
_هنقدر نقف في وش كل حاجة، دا إلي قلناه زمان على فكرة، وجه الفراق كسر الكلام دا كله.
_يا ذكرىٰ..
_عشان خاطري أقفل الموضوع دا دلوقتي وقوم أرتاح أنت تعبان، وأنا كمان محتاجة أنام.
هربت من قدامه وأنا بمسح دموعي، قولت لمصطفى يطلعه أوضته ويطمن عليه، وهربت أنا على أوضتي، الهروب كل مرة بيكون سهل، المرة دي صعب ليه؟
كنت قاعدة طول الليل بفكر دماغي مش سيباني في حالي، قلت لإسراء تيجي تقعد معايا جت فعلا، بس نص ساعة وراحت في النوم، مش فاهمة معندهاش سرير في أوضتها ولا أيه!!
_إسراء، قومي أقعدي معايا.
_يا ذكرىٰ أتخمدي بقى يا ذكرىٰ، وسيبيني أنام هو شقى بالنهار وبالليل.
خبطها بالمخدة
_نامي يا زفتة نامي.
لبست وخدت مفتاح العربية بتاعتها معايا وقبل ما أنزل قولتلها:
_على فكرة أنا خدت مفتاح العربية.
ردت بصوت نعسان
_خدي يا قلبي إلي تاخديه براحتك.
ضحكت على صوتها وأنا نازلة، لفيت شوية بالعربية لحد ما ركنت على شط بحبه قريب من الفندق، قلعت الجزمة في العربية ولمست الرملة برجلي وأنا باخد نفس أخرج فيه كل قلقي، كنت محتاجة أرتاح، وأخد هدنة من أفكاري.
بعدت عن العربية وقعدت قدام الشط على الرمله، غمضت عيني وأنا سامعة صوت البحر والهدوء لحد ما سمعت صوته | 63 |
| 8 | قلت وأنا بحاول مبتسمش
_صدفة فعلا.
_صدفة جدًا، عاملة أيه؟
_الحمدلله بخير، أنت رجعت إمتىٰ؟
_لسة مبقاليش يومين في مصر.
سكت شوية وبصلي وعيونه بتلمع
_سيبت حاجة في نصها كان لازم أرجع أكملها.
عينه في عيني، فهمته، وفهم أني فهمته، ابتسمت ابتسامة خطفته وأنا باخد قهوتي من الباريستا
_المشروع أكيد.
ضحك بتسليه و بصلي وأنا بناوله العصير إلي طلبه
_المشروع آه.
_ملقتش غير شركتنا بقىٰ تكمل فيها إلي مكملش؟
_صدفة بقىٰ هنقول أيه!
_صدفك كترت ها.
_ربنا يزيدها الصدف إلي تخطف القلب دي.
حاولت أداري ابتسامتي وأنا بقرب ناحية السفرة بس كانت محاولة فاشلة.
شفت إسراء ابتسمت أول ما شافتنا جنب بعض، قعدت جنبها وقعد هو قدامي.
_ متغيرتيش، مبطلتيش تحبي القهوة.
ومبطلتش أحبك قلتها في قلبي وخبيتها عليه لما قلتله:
_إلي يهجر القهوة خسران.
_طب وإلي القهوة تهجره؟
_القهوة مش غدارة، بس قعدتها على النار كتير تبوظها وتحرقها.
إسراء إتدخلت فجأة وهي بتقطع أكلها بعشوائية
_قهوة أيه دي إلي غدارة وحدوا الله في قلبكم، أنتوا مجربتوش بن العميد؟
ضحك وبصلي
_مين دي؟
ردت إسراء قبلي
_إسراء محسن، بشمهندسة قد الدنيا، صانعة محتوى على فيس بوك، حسي الفكاهي مفيش منه دا بلس أني صاحبة جدعة جدًا أسأل ذكرىٰ.
هزيت راسي وأنا بضحك، بعترف بحقيقة كلامها، إسراء مفيش في جدعنتها، ولا طيبة قلبها، لما بدأنا ناكل زغدتني في جنبي
_ماتشينج غير متفق عليه دا ولا أيه؟
كانت بتشاورلي بعينيها على يوسف، كان لابس قميص أسود على بنطلون جينز.
ابتسمت وأفتكرت حاجة، الفضول كان هينط من عينها
_أنطقي!!
ضحكت وأنا بوشوشها
_هو عارف أن لما بتكون حاجة ملغبطاني أو موتراني بلبس أسود، فراح لبس أسود.
أخدت نفس وكملت وأنا ببتسم
_كأنه بيقولي أنا عارف إنك قلقانة وحاسس بيكِ.
سقفت فجأة وهي بتضحك
_الله يا عبدلله.
الكل سكت وبصلها فهلكت على نفسي من الضحك وردت هي على نظراتهم
_كل واحد في طبقه يا حبايبي بطلوا تطفل.
رد عليها مصطفى
_تطفل أيه؟ أنتِ فاضلك شوية وتطلعيلي في الطبق يا إسراء
_أنت بالذات خليك في طبقك مش كفاية بتنزلنا في عز الشمس زي الرحالة.
شاورت عليا
_البنت يا عيني الشمس أثرت عليها ومستحملتش.
_الشمس؟
كان يوسف قالها وهو بيبتسم فرديت عليه
_الشمس آه، كانت قاسية النهاردة أوي.
قالت إسراء بهزار:
_الشمس كانت كاريزما أوي النهاردة
خبطتها في رجلها فاتعدلت
_كانت حامية جدًا البنت كانت معرضة لضربة شمس لقدر الله.
رد عليها مصطفى:
_متقىقيش يا ست إسراء، الإجتماع بكرا هيكون متأخر شوية.
_ربنا يسترك.
القعدة كانت لذيذة بإستثناء الكلام إلي كنّا بنرمي بعض بيه، وأكتر حاجة ريحتني إن أيمن مرجعش، أختفى هو ومراته فجأة، فضلنا قاعدين لحد ما طلب نتكلم لوحدنا، قلقت، خفت، توترت؟ كوكتيل مشاعر.
.
.
_ها عملتي معاه أيه؟
_زعقت فيه وقولتله:
_لا المشروع دا مش هشتغل عليه روح شوف أي شركة تانية أو حد تاني يساعدك فيه، قراري واضح ومش هرجع فيه.
_وبعدين؟
_قالي المشروع دا أنتِ أكتر واحدة حفظاه ودارسة تفاصيله بابتسمت
قالي قصدت الشركة دي عشان أنتِ شغالة فيها فقلبي رق
قالي مقدرش أثق في حد غيرك نخيت
قالي عايزك تشرفي على تنفيذه عشان تكملي إلي بدأناه فقلبي رفرف.
قالي دا مشروعنا وحلمنا من زمانن فـ
_أكيد محضنتيهوش صح.
_لا مش للدرجادي!
_وحياة أمك! ما هو دا إلي ناقص.
_صباح الخير يا زوزو فكرتي في كلامنا؟
متدلعنيش! بتدلعني ليه أنت.
_مبدأيًا اسمي ذكرى، مش عشان سمحتلك تقول ذكرى من غير ألقاب هتظيط فيها.
_وبعدين يا قلبي كملي؟
وشي إحمر وأنا بصاله، وعملت نفسي مسمعتش حاجة
_فكرت آه، هكمل المشروع، مش عشان أي حاجة غير العشرة مش أكتر، متفكرش في أي حاجة تانية، وزي ما قلتلك، حافظ على إحترامك معايا على ما نخلص الشغل.
حرك راسه ببراءة شديدة، وديع يا ناس مفيش في أدبه، وأخلاقه، مصطفي كان جنبنا شوية فنادىٰ عليه ويوسف راحله، غمضت عيني بعد ما بعد وأنا ببتسم بحنين على أسلوبه إلي كان واحشني.
_صباح الفل يا زوز
_أي النوم دا كله يا سوسو ناموسيتك كحلي ولا أيه؟
_لا وحياتك كان فيه واحدة مستلمة ودني رغي إمبارح فكراها مايك فضلت صاحية معاها للصبح.
_أيه دا مين البنت المتعبة دي!
_واحدة أول حرف من اسمها ذكرى.
ضحكت وأنا بحضنها فبعدت وناولتني القهوة
_جبتلك معايا اسبريسو عالله نفوق ونخلص شغل بقى ونمشي من الصحراء دي.
أخدتها من إيديها
_كنت محتاجاها جدًا، تسلم إيدك يا سوسو.
_صباح الخير يا ذكرىٰ، جبتلك معايا فطار.
بصيتله بعدم إستيعاب! أيه البجاحة دي!!
زعقت فيه بدون وعي
_أنا مش قلتلك تبعد عني بقى! أي القرف دا !!
يوسف سمع، قرب بإستغراب عايز يفهم فيه أيه؟ | 52 |
| 9 | Part 2 😚😚
_صباح الفل عليكوا يا بشمهندسين!
قلع نضارة الشمس وهو بيضحك
عينه في عيني، بييبتسم بشوق، ابتسامة حفظاها كأني شيفاه يوسف ابن العشرين سنة.
يوسف هنا؟ عيني مبتكدبش، رجع من السفر إمتىٰ؟ وأيه إلي جابه هنا !!
مصطفىٰ أول ما شافه راح يسلم عليه بود، واضح إن بينهم سابق معرفة، الكل قرب ورحب بيه وسلم عليه، بيرد عليهم ويتكلم معاهم وعينه معايا أنا، الكل أخد باله، كنت عايزة الأرض تنشق وتبلعني أو أطلع أجري ومكلمهوش بس رجلي كانت مكلبشة في الأرض، مش فاهمة أيه اللبخة دي!!
سلم عليهم كلهم وقرب مني فزغدتني إسراء في جنبي وهمستلي
_فوقي!
_وحشتيني.
رفعت عيني لعينه ورجعت خصلة لشعري ورا ودني، عينه اتحركت مع إيدي لحد ما رجعت لوشي، كان بيبصلي كأنه بيتأكد إن كل حاجة زي ما هي، إني لسه حبيبته إلي يعرفها، قال بابتسامة كانت وحشاني:
_طولتي شعرك!
غمضت عيني للحظة وفوّقت نفسي فتحتهم بإبتسامة حلوة ورديت عليه وأنا بشاور على الورق بتاع مشروعه.
_وأنت حققت حلمك، ألف مبروك!
سحبت شنطتي بإيد مرتبكة من على الترابيزة وأنا بقول بصوت عالي
_بعد اذنكم يا جماعة صدعت شوية من الشمس، محتاجة أرتاح.
اسراء مشيت ورايا بخطوات سريعة وهي بتقول:
_نشوفكم على العشاء.
_عيطي يا موكوسة عيطي.
_كان واضح عليه أوي؟
_عنيه كانت بتحضنك.
_يادي الفضيحة.
_دا واقع من الدور العاشر
زغزغتني وهي بتضحك وبتسألني:
_وشوشك قالك أيه ها، قولي قولي!
_يخربيت زنك يا شيخة.
زعقت من فضولها
_ما تقولي بقى!
حطيت إيدي على شعري
_علق على شعري، أني سيبته يطول، مكانش بيحبه طويل، كنت على طول بقصه عشانه، هو كمان أتغير، دقنه طولت، مكانش بيطولها كدا خالص.
_هو واقع من العاشر وأنتِ من العشرين.
قلدتني وهي بتقول
_فالحة بس تقوليلي...أنا مبحبهوش يا إسراء، دا اسمه إحترام يا أسراء، أتلهي يا أختي.
عيطت بتذمر وأنا بقولها:
_أسكتي يا نيلة أنتِ أشوف هخرج من الموقف الزفت دا إزاي!
ضحكت على شكلي وعلقت
_حسيت أني في بداية الموسم التاني من مسلسل تركي، والبطل والبطلة بيتقابلوا بعد سنين.
ضحكت ورديت عليها:
_وأنا كمان، حسيت نفسي في مشهد كليشيه من مسلسل تركي، لما البطل والبطلة يشوفوا بعض بعد فراق طويل وتقعد تفتكر ذكرياتها معاه وتعيط
_عشان كدا عملتي كات قبل ما المشهد يكمل وطلعتي تجري.
قلت بتكبر:
_أيه رأيك في أدائي؟
_زفت.
_طب أنتِ بتعيطي ليه دلوقتي؟
_عشان مبحبش المسلسلات التركي.
_أنت أيه إلي رجعك يا بشمهندس، روح نفذ مشروعك في أي حتة تانية بعيد عن هنا
سكتت شوية، لا لا مش مبظبوط، أتحركت قدام المراية تاني وأنا بحاول أظبط الكلام.
_أنا مش هشتغل في المشروع دا، من فضلك شوف أي حد من الزملاء يشتغل معاك فيه أو تغير الشركة.
لا، محتاجة أكون راسية أكتر من كدا
أتنهدت وقعدت على الكرسي بزهق من المحاولة سمعت صوت خبط على الباب قمت أفتح كانت إسراء
_أوعا، يا حلاوتك في الأسود، عايزة تندميه ولا أيه؟
_أندمه أيه، الفستان عادي جدًا.
كان فستان أسود نص كُم، رفعت شعري لفوق كحكة وسيبت خصلتين ينزلوا على وشي.
_شكلك تحفة عامة، جاهزة ننزل؟
بلعت ريقي وخبيت قلقي
_أيوا يلا.
خدت تليفوني وشنطتي ونزلت معاها
قبل ما ندخل المطعم قابلنا أيمن على الباب، كان متعصب وبيبصلي بغرابة
_مين يوسف دا يا ذكرىٰ؟
دي هربت منه خالص!!
إسراء أتعصبت منه كانت هترد بس شاورتلها تدخل حركت راسها بلاء فطمنتها
_إدخلي يا إسراء وأنا جاية وراكِ.
دخلت بتردد فبصيتله
_مين يوسف بقىٰ، أنا شفته بيبصلك إزاي، شفت ...
قاطعته بغضب مخزناه من مدة
_أنت مجنون! هو أنا عشان أنا ساكتة على أسلوبك معايا ومش عايزة أخرب بيتك تفتكر نفسك ليك مكان في حياتي ولا ليك كلمة عليا !
_يا ذكرىٰ..
شوحت بإيدي في وشه وقولت بعصبية:
_ أنت إزاي تتكلم معايا كدا، مين إداك الحق تسأل سؤال زي دا ولا تتكلم معايا في حياتي الشخصية من أصله!!
لآخر مرة هقولك تحفظ الألقاب والحدود، وإلا وأقسم بالله هفضحك قدام دينا و قدام الشركة كلها.
سيبته واقف مكانه ودخلت أنا كانت دينا بتاكل فشاورتلها وأنا بقول:
_قومي يا دينا شوفي جوزك بينادي عليكِ، بصت لي بإستغراب وقامت من مكانها تطلع لبرا، فقعدت جنب إسراء وأنا باخد نَفس من إرهاقي، عايزة أيمن يختفي من الدنيا، نفسي يمشي من حياتي.
_أنتِ كويسة؟
_محتاجة قهوة وكله هيبقى تمام.
ابتسمت وطبطبت عليا.
قمت من السفرة وروحت عند الباريستا
_دابل اسبريسو من فضلك.
حرك راسه وبدأ يعملها كنت واقفة مستنية لحد ما تفاجأت بصوته ورايا
_أي الصدفة الحلوة دي، لابسين نفس اللون!
أستاذ يوسف الكاريزما زي ما توقعت لبس أسود، لاء وعامل نفسه عبيط! | 75 |
| 10 | مكناش فطرنا فأكلنا حاجة سريعة وكملنا شغل، كان عندنا إجتماع في الموقع فأتغدينا وأتجمعنا هناك في نص اليوم نناقش المشاريع إلي معانا.
حط مصطفى الورق قدامنا وقال بعملية
_في مهندسين كمان هينضموا لينا عشان تنفيذ المشاريع بتوصية من الشركة طبعًا.
حركت راسي وأنا ببص على الورق لحد ما قابلني مشروع قلبي أتحرك مجرد ما شفته!
المشروع دا أنا عرفاه،
حفظاه وحافظة تفاصيله!
عشت معاه أيام وليالي.
إزاي وصل لإيدي تاني!
معقوله يكون هو!
_مين إلي رسم المشروع دا !
كنت بسأل وأنا عارفة الإجابة،
حفظاها ومتأكدة منها، كنت بسأل وأنا بفتكر الليالي الطويلة إلي كنا فيها سوا
ليالي مليانة ضحك وأحلام وكوبايات شاي كتير وسهر للصبح عشان المشروع دا يخلص، ليالي بتنتهي بينا وأنا نايمة على كتفه مكان مذاكرتي وشغله.
مصطفى فوقني وهو بيرد عليا باسمه، إلي قولته معاه في سري.
_بتاع ...بشمهندس يوسف المهدي.
إسراء عنيها وسعت وهي بتبصلي، وأنا حاولت أداري توتري ورعشة إيدي وأنا باخد نَفس عميق.
كانوا بيتناقشوا في الشغل بصوت عالي وأنا في دنيا تانية لحد ما الكل سكت مرة واحدة في دخوله
_صباح الفل عليكوا يا بشمهندسين!
يوسف؟ يوسف هنا؟
طول عمري بختار الهروب عن المواجهة، بس عمري ما كنت أتخيل أتحط في موقف مضطرة أواجه فيه، هنا بالذات مش هقدر أهرب، مش هقدر أجري، هنا بالذات المواجهة مبقتش اختيار، دي قدر!
يتبعععع.....
رأيكم بسرعه 🥺🥺🥺🥺🙈 | 64 |
| 11 | _بصراحة استغربتك، إزاي الكلام الحلو دا على الجواز يطلع منك رغم إنك...
_مُطلقة
بصت لي بأسف فقولتلها بابتسامة
_الموضوع مبقاش بيزعلني، أو الكلمة يعني مبقتش تأثر أوي.
سِكتت وسكت والفضول في عينيها هيموتها فكملت كلام وأنا بضحك.
_يا بنتي مش معنى إني فشلت في الجواز إن كل جوازات إلي في الدنيا زفت يعني.
_لا بس على الأقل نظرتك ليه هتتغير.
_دا لو أنا أتبهدلت ونفدت بجلدي من الجواز مع إنها مش قاعدة، بس عكس توقعك، أنا كنت سعيدة في جوازتي، كنت متجوزة راجل زي القمر، راجل بمعنى الكلمة.
سكتت وأتنهدت وقولت بعدها وأنا بلعب في صوابعي
_بس هو النصيب، الحمدلله.
_أمال فين المشكلة!
رجعت خصلة من شعري لورا وقولت وأنا بستسلم لفضولها اللذيذ.
_كنا صغيرين، قرايب من وإحنا عيال، قربنا أكتر لما دخلنا نفس الكلية، حبينا بعض، وإتجوزنا وإحنا في الكلية، أتحدينا أهالينا لحد ما وافقوا، محدش كان موافق نتجوز صغيرين كدا، بس إحنا أصرينا أوي لحد ما أتجوزنا، كنا طايرين من الفرحة، فرحي دا كان أحلى يوم في حياتي.
ابتسمت وعيني لمعت وأنا ببص للبحر قدامي والهوا مطير شعري حواليا:
_كنت سكرانة من الحب وطايرة من الفرحة، برقص وأتمايل ومش شايفة اي حاجة تانية غيره، ومش شايفة نفسي غير في عينه، كان أحلى يوم في حياتي وعمري ما نسيت مشاعري وقتها، عشنا مع بعض أيام متتنسيش، نجحنا سوا وأتخرجنا سوا وأشتغلنا سوا، بس الدنيا ممشيتش على كيفنا، كنا صغيرين أوي قدام مشاكلها، وكل ما المشاكل تكتر نحاول ونعافر أكتر.
بدل ما نتحكم احنا في مشاكلنا،
اتحكمت هي فينا.
نستنا الوعود إلي خدناها
وحطت نقطة في نهاية قصتنا.
_مشاكل أيه دي إلي تنهي قصة زي دي!
_أهالينا مسابوناش في حالنا، بنت قريبته كانت بتحبه مسابتناش في حالنا، الكل راهن على فشلنا، وفجأة لقينا نفسنا في حرب، مكناش طرف فيها أصلا، كل حاجة كانت ضدنا.
بصتلي بحزن، واتنهدت أنا بابتسامة:
_وصلنا لمرحلة معدناش قادرين نستحمل كل المشاكل دي، كانت غلطة، مكانش ينفع نتجوز بدري بالشكل دا.
أتفقنا إحنا الأتنين على البعد في نفس اللحظة إلي حسينا فيها إن كل حاجة أكبر مننا.
_لو رجع بكِ الزمن هتكرري نفس الغلطة تاني؟
حركت راسي بآه وأنا بضحك وعنيا فيها بقايا دموع خبيتها بسرعة
_حتى لو غلطة، كانت غلطة حلوة، غلطة مش ندمانة عليها، ولا أتمنيت لحظة أنساها، غلطة مع الشخص الصح.
عنيها لمعت وهي بتقول:
_أول مرة أشوف واحدة مطلقة بتتكلم عن طليقها كدا.
_كنا عايزين نحافظ على الصورة إلي بنشوف بيها بعض، عشان هو ميستاهلش أشتمه لما تيجي سيرته، ولا لما أفتكره حتىٰ.
_يا سلام على الحب يا سلام.
_دا مش حب، دا اسمه إحترام
_بس يا خايبة أيش فهمك أنتِ، دا أنا لما بجيب لبنت عمتي سيرة الأكس بتلعن فيه لحد سلالته السابعة، دا لولا القيود الإجتماعية كان زمانها مشرفه في أبو زعبل بعد ما جابتله عاهة مستديمة، دا أنتوا كدا طالعين من فيلم أوي.
ضحكت على كلامها وأنا برد
_أغلب إلي بحكيلهم بيقولولي كدا، بيقولولي أنتوا قصة من زمن تاني.
_طب والله عندهم حق.
_هو فين دلوقتي؟
_سافر بعد طلاقنا على طول.
_قرر يخاصم الدنيا.
حركت راسي بآه فسألت:
_بيوحشك؟
رميت عليها المخدة إلي في إيدي.
_أنتِ جاية تقلبي عليا المواجع يا زفتة أنتِ!!
ضحكت وهي بتشيلها عنها:
_ما تجاوبي من سُكات، الله!
_أنتِ طالعة فضولية لمين يا إسراء.
_لخالي، دا مدرستي في الفضول، ها بيوحشك؟
ابتسمت
_مش عارفة! يمكن أتعودت على الفراق وقلبي جمد.
حركت كتافي بقلة حيلة
_مش عارفة.
سكت شوية وبعدها قلت بصوت مهموم:
_بس عارفة أصعب حاجة في الطلاق فعلًا؟
_أيه؟
_فراق الزوج دا مش زي أي فراق في الدنيا
أصعب حاجة فيه أنه كان أقرب حد، كان جزء من كل حاجة، كان أساسي في أيامك، بتنامي على صوته وبتصحي على صوته، أكتر حد فاهمك في الدنيا من غير ما تتكلمي، بيحس بيكِ من نظرة عينك، شريك في كل مكان، في كل شعور، في كل ذكرى وضحكة كأنه خد حتة معاه من قلبك قبل ما يمشي.
_دا واحشك بالقوي!
_لا، كان أيام الطلاق بس، كانت أيام صعبة أنما دلوقتي لاء، يمكن الذكريات توحشني، أنما هو لاء.
إسراء جميلة، كانت أول مرة مهربش من الحكايات من فترة بسببها هي، حسيت أني بتكلم بسهولة، ودي معجزة بالنسبالي، محصلتش من ساعة ما هو مشي.
_صباح الخير فطرتي؟
بصيتله بقرف، الموضوع زاد أوي، إسراء كانت واقفة جنبي على وشها نفس تعبير الخنقة فردت عني.
_فطرنا آه، ما تروح تشوف شغلك يا بشمهندس أيمن، وتسيبنا في حالنا.
_أنا بكلم ذكرى، متتدخليش.
عنيها وسعت من وقاحته فرديت بعصبية
_بشمهندسة ذكرى بالنسبالك! وإسراء ليها كل الحق تدخل، ياريت تروح تشوف شغلك عشان زودتها أوي.
بِعد وراح يكمل شغله فتأففت وقالت اسراء
_ما تروحي تقولي لمراته! دا عايز حد يلمه!
_وهي ذنبها أيه يا إسراء، هشوف حل بس مش دينا، لازم يكون له حد. | 68 |
| 12 | Part 1 😚😚
_اتطلقتوا ليه؟
_إحنا الإتنين كنا بنحب الورك.
_بتستعبطي!
_ما تفكك مني ومن حكايتي بقى؟
_ما أنا عايزة أعرف يا ذكرىٰ!
_مشفتش في فضولك وصراحتك!
ابتسمت وعدلت هدومها
_دا كدا كدا، ها احكيلي بقىٰ!!
_يادي النيلة! يا بنتي الموضوع عدى عليه كتير أوي وأنا خلاص تخطيته ومعدش في دماغي، وبصراحة عايزة أستغل السفرية دي وأغير جو فمتنكديش علينا يا إسراء.
_براحتك يا ستي أما نشوف آخرتها، أنا هقوم أنزل الماية شوية.
قامت ومسكت أنا تليفوني بقلب فيه، هي مش سفرية استجمام، دي سفرية شغل، بس إحنا استغلينا إننا مسافرين دهب وأتحركنا قبل التيم بكام يوم عشان نغير جو، ودي أحسن حاجة حصلت.
الهروب سهل يمكن يكون أسهل حاجة أتعلمتها في يوم، رغم كل الأسئلة إلي هتفضل بدون إجابة، الدنيا كدا أسهل.
على بليل وصل باقي زمايلنا، ولإننا هنبدأ شغل تاني يوم قررنا نخرج يومها بليل كلنا سوا.
وعلى الساعة ٩ جهزت، لبست فستان صيفي طويل ولميت شعري في ضفيرة عشان أحميه من الرطوبة وقبل ما أنزل لقيت باب أوضتي بيخبط، فتحت الباب بإستغراب
_بشمهندس أيمن؟ خير؟
_تأخرتي قلت أطمن عليكِ، الكل مستني تحت.
_تطمن عليا؟
رفعت تليفوني إلي كان في إيدي قدامه
_تليفوني شغال على فكرة كان ممكن ترن عليا، أو كان ممكن دينا، صاحبتي، ترن عليا !
_آسف لو أزعجتك، هبقى أرن بعد كدا.
حركت راسي بتمام
_أمال فين دينا؟
ظهر الضيق على ملامحه
_مش عارف تقريبًا سبقت هي مستنية تحت.
يعني مش عارف مراته فين وجاي يطمن عليا؟!
_طب اتفضل وأنا نازلة وراك
_بس ..
_وبعد كدا مراتك دينا، صاحبتي هي إلي تتصل تطمن عليا.
ابتسمت قبل ما أقفل الباب في وشه، أخدت نفس عميق من ضيقي وبعد دقايق نزلت وراه، الكل كان متجمع في مطعم الفندق.
_يا أهلا باللي غدروا بينا وجم قبلنا يغيروا جو
_النفسية محتاجة أجازة والله، المرة الجاية معانا بقىٰ.
_متعوضة إن شاء الله، بس أيمن يحن عليا ويقعد بالولاد.
ابتسمت وبصيتله
_يقعد بيهم طبعًا، هو ليه مين غيركوا.
ابتسم بارتباك وسكت وقعدنا طول العشاء بنتكلم شوية في الشغل وشوية عن حياتنا لحد ما بدأوا يتكلموا عن الجواز، أيمن رمىٰ كام إفيه عن الحياة بعد الجواز وقد أيه هي نكد وهم، قرفت منه حقيقي!
الراجل إلي يقلل من مراته قدام الناس مهما كان شيك ومحترم مبشوفهوش غير راجل...مقرف.
قلت بصوت فض الدوشة وخلاهم سمعوني
_الجواز رابط مقدس، مفيش حاجة في الدنيا مفيهاش مشاكل، الشغل فيه مشاكل، الدراسة فيها مشاكل، الصداقة فيها مشاكل، أي حاجة في الدنيا فيها مشاكل، وبصراحة بشوف وصف الجواز بالنكد عشان فيه مشاكل زي أي حاجة في الدنيا سطحية، الجواز نعمة من عند ربنا، وعشان ألفناها وأعتدنا وجودها بقت حِمل، بدل ما نحمد ربنا بقت أسهل حاجة الشكوى، وبدل ما نحاول نصلح ونحل المشاكل بقينا نمشي نكره خلق الله في جواز، رغم إن في قصص كويسة، وجوازات ناجحة وحكايات ربنا مبارك فيها.
_بس قليلين أوي يا ذكرىٰ، قليلين ومش بيتكلموا حتى، أغلبهم بيخاف من الحسد، فبقى الكلام كله يطلع من الوحش، كل الآراء زي الزفت، حاجة تصد من الدنيا بحالها مش من الجواز بس.
_صدقيني الجواز دا رزق ونصيب، ومينفعش تحربتك تكون زي تجربة غيرك، حتى لو مفيش قصص كويسة بتتحكي، مينفعش تبني تصوراتك عن الجواز من حكايات وتجارب فاشلة، كل واحد وليه نظرته متمشيش ورا حد، لما يجي وقتك عيشي تجربتك بدون خوف، بقناعاتك أنتِ مش قناعات حد تاني يا مريم.
ابتسمت وهزت راسها
_عندك حق، ويمكن دا إلي بيلبسنا في الحيطة، المشي ورا ناس تانين من غير حتى ما نفكر.
سكتوا للحظة فَدينا بصت لجوزها، حسيت إنها هتقوم تضربه دلوقتي، في اللحظة دي ابتسمت وكتمت ضحكتي أنا كمان عايزة أقوم أضربه.
قاطع تفكيري زميلي مصطفى وهو بيقول:
_ربنا يطمنك يا بشمهندسة.
رفع إيده وبين لينا دبلته وكمل
_دا أنا مليش غيرها، والكلام السلبي الكتير دا بيقلقني.
_صدقني في الحلو زي ما في الوحش، الجواز بس محتاج صبر وتغافل، وعشان الناس بتستسهل الوحش بقى كتير أوي وصوته عالي لدرجة أنه غطىٰ على الحلو مش أكتر، المهم أنك تطمن عشان تطمنها، أنت لو قلقان قيراط فهي قلقانة الـ٢٤.
إسراء كل دا كانت بصالي بدهشة بس مشاركتش في الحوار، هي الوحيدة إلي تعرف أن تجربتي في الجواز فاشلة، مكانتش مصدقة إلي بتسمعه.
الكلام طال لحد ما الكل طلع وفضلت أنا وإسراء بس، خرجنا من الفندق.
قعدنا قدام البحر،
آخر الليل وفي لسعة برد رايقة
فكيت شعري وغمضت عيني بستمتع باللحظة، والسلام النفسي إلي مبيتكررش كتير.
_وبعدين؟
فتحت عيني وبصيتلها بضحك
_هاتي إلي عندك هاتي، الكلام هيقف في زورك يجرالك حاجة.
ضحكت وسألتني بحذر | 77 |
| 13 | صباح الخير يا سكاكر
عاملين ايه؟ 🙈
انا غايبه بس راجعه بحاجه تقيله واقل مايقال عنها تحفههه فنيه حقيقي 😚
ار يو ريدي؟؟ 🥺 | 78 |
| 14 | Part 22 🥺
لليل:بيجيب ورد شيكولاته جوا البوكيه الورد بيروح المستشفى بيلاقي ساهر جاي عليهم.
ساهر:بيرفع راسه بيقول ممكن اعتذر لي جوهره.
لليل بغضب:ابعد عن وشي ي ساهرمش عاوز اشوفك تاني غفرت ليك عشان حاجه واحده بس انك بعت اختك عننا.
ساهر:ابوس ايدك اسمح ليا انا هختفي.
لليل:طب ثانيه دخل وحط نقاب علي وش جوهره وقال ساهر عاوز يعتذر .
بيدخل ساهر جنبه امه :بيقول احم جوهره انا عارف اني غلط في حقك في شرفك بس شيطان كان عميني بس صدقيني انا ندمت وندم شديد اتمني انك تسامحني تسامحي اختي.
جوهره:الي وجعني ي استاذ ساهر الغدر الي حصل اني مش عملت حاجه أن كل حاجه نصيب بس حصل الي حصل انا مسامحك انت هي لا.
ساهر:تمام انا بعتذر جدا ليكي لي لليل أمه اخدته مشيت.
جوهره:لابسه نقاب دموعها نازله بتقول نعم ياليل.
ليل:بيرفع نقاب من علي وشها بيمسح دموعها يبوس راسها بيقول خلاث الموضوع اتقفل حقك عليا انا.
جوهره:مش زعلانه بس الي مزعلني الغدر اني بحبها كنت بكلم معاها.
ليل:احنا بقينا في مجتمع مش فيه امان صدقني بعدين بقي انا جايب ليكي حاجه حلوه.
جوهره بفرحه:زي. الاطفال قالت بجد ايه هس يا ليل.
ليل:فتح دولاب وطلع البوكيه الورد وشيكولاته وقال اتفضلي يا جوهره حياتي.
جوهره:بتاخد الورد بتقول الله كمان شيكولاته من الي انا بحبها.
ليل:قولت الصراحه الورد شبهمغاوي ف قولت اجيبه اقولك اتفضلي الورد يجميله يشبهلك
جوهره:ضحكت وقالت بحبك يا رفقي في دنيا في الجنه.
ليل:اكترررر يا حب حياتي.أفضل الهدايا لأحبائكم
الحب الوفي الصادق اريدُ معي في الجنه)): جوهره:أحبك وسأظل أحبك مادام في قلبي نبض وخفقان. أحبك موت، لا تسألني ما الدليل، أرأيت رَصاصه تسأل القتيل،انا هاا المغرمه بيك، احببتك مثل القمر الذي يضيء السماء، لانك بالمرونه انت المنور تبع حياتي،نطفه حبي ليك بدأت تكبر مع مرور الثانيه والدقيقة والساعه لحد ماوصلنا لهذا اليوم ولهذه المرحلة ،مُتعلقة بِك وكأن الأرض لا تحتوي غيرك،أحبّك عدد ما قالوا العشاق كلمة أحبك، أحبك عدد ما سطرت الأوراق كلمة أحبك،انت زوج والامان وراحه القلب ،انت ونسي في هذه الدنيا الشاقه احببنا بعض من السن الشباب ،وهاا فضلنا الونس لبعض في هذا السن الكبير،هل تعلم اني احُبك عدد طلوع الامواج من البحار.
ليل: هل تعلمي أنتي اني اعشق التراب الذي تمشي عليه ،انا احبك ياونيسه عمري في دنيا والاخرة
جوهره:وانا احبك واطالب بالدعاء لربي اكون جنتك في الاخري ي حبيب القلب،.
ليل:وانتي حبي في الارض وفي الاخرة
جوهره:،وانت حبي في الجنه.
تمت 🙈🙈 | 120 |
| 15 | Part 21 🥺
دكتور خرج:وقال للاسف المدام جوهره خسرت الجنين.
لليل:زعل وقال المهم المهم عندي جوهره ي دكتور طمني عليها..
دكتور:هي بخير شويه تفوق من البنج.
لليل:بيسيب دكتور بيطلع يجري علي اوضه جوهره بيمسك أيدها قال انا مش مهم عندي غيرك انتي وبس الاطفال هتيجي بس انتي مش هتتعوضي ي جوهره مسك أيدها باسها.
عند سميه:جريت علي المستشفى الاوضه الي فيها ابنها وقالت بصوت عالي متبعدش عني ي ساهر ي بني.
دكتور:هنا كان بيعمل إنعاش القلب مع ضربه الاخيره.
سميه:بتقول امسك ي بني في دنيا يارب يارب متحرمنيش من عيالي الاتنين في نفس اليوم.
دكتور:اخر ضربه بيرجع قلب ساهر ينبض من تاني.....دكتور ضحك وقال ابنك بيحبك علي فكره.
سميه:بتجري بتاخد ساهر في حضنها بتبوس ايده راسه بتقول اه ي بني اه.
أما عند لليل:قاعد حاضن أيد جوهره بيقول بحبكككككككك بحبك اوي مش عارف لو خسرتك كنت هعيش أو هتعامل إزاي.
جوهره بتفوق:بتقول لليل حبيبي انا معاك اهو.
لليل:بيقول الي سمعته صح صوت حببتي جوهره صح بيقولها حمدلله علي سلامتك ب روح قلبي.
جوهره بحب: بحبك اوي ضمني لحضنك اوي ي لليل محتاجاك جنبي.
لليل:بحب حضنها بحب هو بيشيم ريحتها الي شبه الفراوله.
جوهره:بتقوله انا عاوزه شيكولاته دلوقتي ي لليل.
لليل: طلع من حضنها وقال من عيوني بيطلع بتخش هدي سناء يطمنوا علي جوهره.
ساهر بيفوق:بيقول امي خدني بسرعه علي اوضه جوهره عاوز اتاسف ليها.
سميه: حاضر ي حبيبي بس ارتاح انت بس انهارده.
ساهر:ارجوكي ي امي ارجوكي.
سميه:بتنادي دكتور بيحطه علي كرسي بعجل.
يتبع..... | 118 |
| 16 | قَالَ النَّبِيُّ صَلَّى اللَّهُ عَلَيْهِ وَسَلَّمَ : " إِنَّ مِنْ أَفْضَلِ أَيَّامِكُمْ يَوْمَ الْجُمُعَةِ، فَأَكْثِرُوا عَلَيَّ مِنَ الصَّلَاةِ فِيهِ ؛ فَإِنَّ صَلَاتَكُمْ مَعْرُوضَةٌ عَلَيَّ ".♥ | 103 |
| 17 | Part 20 🥺
لليل:ماسك أيدها بيقول لا اله الا انت سبحانك اني كنت من الظالمين يارب يارب متسبنيش جوهره لا ي جوهره.
الممرضه:بتضحك بتقول الحمدلله النبض نوع مااا بس مش احسن حاجه بتقول عاوزين نسرع شويه عشان نوصل لي المستشفي...
لليل بيضحك:بيبوس ايد جوهره راسها جنب ودنها بيقول بحبك ي فاكهة قلب لليل.
انا سميه:وقعت علي الارض في شارع تشيل رمله تحطها عليها تصوت بتقول عيالي ضاعوا واحد مات والتانيه صاع مستقبلها اه يابني اه ي بنتي..
هدي : بتصعب عليها بتروح عندها تقولها وحدي الله تعالي معايا عشان تحضري غسيل ابنك.
سميه :بتقوم تقف معاها بتبوس ايد هدي بتقول ونبي ونبي قولي ابني مش مات ابني هيرجع لي حضني التاني ابني ابني هيرجع صح يفتح الباب بالمفتاح انا قعد عشان احضر ليه العشا.
سناء هدي:بيعيطوا بيقولوا وحدي الله ربنا عاوز كده ..
سميه:تبني موجود محدش يقول عليه مات بتطلع تجري علي طريق عربيه الإسعاف..
سناء بتعب:اجري ي هدي وقفها ركبها العربيه ي هدي.
وصلوا علي المستشفى لليل نزل مع جوهره لحد م دخلت اوضه العمليات.
لليل:بيقعد علي الارض قدام المستشفي بيقول يارب انت عارف انا بحبها إزاي م تحرمنيش منها يارب.
الجد: واقف مش عارف ايه الي حصل لي عائلته ليه تفكك دا.
لليل:قاعد دموعه نازله منه مغمض عينه مش قادر غير دموعه بتنزل بيفتكر للحظه من لحظاته مع جوهره.
جوهره:حاطه طبق الفرواله بتاكل فيه بتتفرج علي مسلسل تركي رائحه الفراوله.
لليل:داخل بيقول هو في فرواله تاكل فرواله ي جوهره.
جوهره:انت جيت ي حبيبي حمدالله على سلامتك سبني بقي عشان خلاص تكه مراد هيقول لي اسيل أنه معجب.
لليل:راح قعد جنبها وقرب من شفايفها امل الفراوله من بوقها وقال طب م انا مُغرم في عيونك ي جوهره.
جوهره:اول م بتسمع كلمه من مراد هو بيقول لي اسيل انا معجب فيكي كتيررررررر بتقوم تحضن لليل بتقول اعترف اعترف ي ليل لولولولولولولولولولولواولولي.
لليل:بيحضنها بيضحك بيقول لا اله الا الله دا مسلسل اومال لو حقيقه.
جوهره:بتطلع من حضنه تبص لي عينه بتقول انا امون عندك ايه.
لليل:انتي طبق الفاكهه الي محلي البيت ومحلية قلب لليل.
بيفوق لليل علي سرحانه.......... دكتور طالع بيقول للاسف خسرنا..
يتبع..... | 127 |
| 18 | Part 19 🥺
لليل بغضب هستري:بيخ*نق هاجر بيقول انتي عملتي ايه انا هموتك .
هنا الإسعاف بيكون وصل عربيه الشرطه الي جد كلهم بسرعه.
شرطه:بتخش بيمسكه هاجر الي منها لله ضيعت نفسها عي فاكره الحب بالعافيه.
هنا لليل: بيبعد الراجل الي جاي من الإسعاف عشان يشلها.......لليل بيمسك أيده بيخبي جوهره في حضنه بيقول اوعي تسبني انا اسف انا سبب في دا كله.
سميه:بتطلع علي صوت البوكس بتقول في ايه بتشوف ابنها ساهر داخل عربيه الاسعاف بنتها في ايدها كلبشات بتطلع تجري بتقول عيالي هاجر ساهر ابني في ايه.
هاجر:بتضحك زي المجنونه قالت قتلت جوهره موتها وخلاص لليل بقي بتاعي......عيطت بس ساهر اخويا مات بسسبي.
الكلمه بتنزل علي سميه بصدمه:بتجري علي ابنها تشيل الغطا من علي وشه بتقول لا ونبي ي ساهر م تبعد عني دا انا بقالي 7 سنين محرومه منك من ساعة م سفرت اوعي ي بني تحرق قلب امك عليك قوم ي ساهر ي حبيبي قوم.........بتبص لي بنتها هاجر الي اتهبلت بتقول عملتي فينا ايه ي هاجر.
هاجر:بتشد في شعرها زي المجنونه بتصرخ م عندها بتقول لليل ملك هاجر بتقع من طولها..
لليل:بيركب مع جوهره في الاسعاف بيقعد علي رجله قدام سرير بيقول جوهره هتبقي احسن متخافيش انا معاكي ي حببتي.
جوهره بتعب:بتحط ايدها علي وشه بتقول بحبكككككككك ي لليل.
لليل:دموعه بتنزل بيقول اوعي ابوس ايدك تغمضي عينك فوقي معايا فوقي ي جوهره.
الممرضه:بتشوف نبضات بنقل بتعمل إنعاش ليها بسرعه.
يتبع...... | 88 |
| 19 | Part 18 🥺
جوهره بحب:بتحضن لليل بتقول ياعني انت ما صدقني انا ي لليل.
لليل:بحب انا اكذب كُل مصدقش غيرك صدقني كنت غبي لما حسستك اني مش مصدقك اتهامتك انك دي.
جوهره بحب:متزعلش نفسك ي لليل انا حطيت نفسي في موقفك انت كمان راجل الحمدلله في نهايه انك واثق فيا.
لليل بحب:باس راسها مسك أيدها بسها ودمعه نزلت منه وقال حقك عليا اني مديت ايدي عليكي انا واعدك اني هبذل اقصي جهدي اني اخد رسول قدوة احبك زي حبه لي زوجاته.
جوهره: عيطت وقالت البني آدم بيغلط وانت بشر كلنا غلطين المهم انك صدقتني اتعلمت من غلطك انا مسمحاك ي حبيبي.
فاجأة بتخش هاجر ماسكه مسدس في أيدها بتقول إزاي تصدقها هي بعد الي عملته دا كله ازاي فهمني..
كل العائله بتطلع وراها بتقول بتعملي ايه ب مجنونه.
جوهره بخوف: بتمسك في لليل بتقول هاجر مالك ي حببتي في ايه ايه الي انتي بتعملي دا.
لليل:نزلي الي في ايدك دا ي هاجر ايه الي انتي بتعملي دا ..
هاجر بشر:انا انا بحبك انت هتكون ليا انا انا الي خليت اخويا يعمل صور عشان تصدق انها شمال في الاخر ترجع ليها لالالالالالالا الحب دا ليا انا وانا انا هخلص منها حالا.
لليل بخوف:سيبي ي هاجر مش تضيعي مستقبلك دا قسمه نصيب انتي اختي.
هنا بيجي من ضهرهم ساهر اخته هاجر خلاص هتضرب طلقه بيلفها ساهر ليه طلقه بتيجي في صدره.
هاجر:بيقع منها المسدس بتقول ساهر اخويا بتقع علي الارض منهاره.
ساهر:بيغمض عينه هو بينزف بيقول اتغيري ي هاجر انا مسمحك اتغيري ي حببتي.
لليل:بيجري علي ساهر بينسي كل حاجه حصلت منه بيقول فوق معايا بيبص لي هاجر بغضب بيقول عملتي ايه.
هاجر: بتقوم تمسك ايد جوهره بتقول ونبي خليه ينقذ اخويا.
جوهره بتعيط:بتاخد هاجر في حضنها بتقول متخافيش متخافيش.
هاجر ،:هنا بغدر بتمسك سكينه الي محطوطه في طبق الفاكهه بتضربه في ضهر جوهره..
جوهره بصدمه:بتقول اه بتقع من طولها.
لليل بصدمه:بيجري علي جوهره بيخنق هاجر بيقول..
يتبع..... | 83 |
| 20 | Part 17 🥺
هدي :الحق جوهره ي لليل ......جوهره غرقت.
لليل:بصدمه بيجري علي حمام بيروح عند البانيو بيشيل جوهره.
سناء هدي والجد:طلعوا يجروا وراه كل خايف علي جوهره.
لليل::خد جوهره في حضنه وقال اسف حقك عليا ي جوهره بيقرب من نفسها بيسمعه فاجأة بتترعش جوهره في حضنه.
سناء: بتجري بتقول بسرعه رني علي دكتور العيله ي هدي.
هدي: حاضر حاضر بتجري بسرعه.
الجد:بيضرب بعكاظه جامد بيقول ايه الي حصل لينا وقال خير وسابهم ونزل.
جوهره:في حضن لليل ماسكه في جامد بتقول ولله م عملت حاجه ولله م عملت حاجه انا مش كده ي لليل صدقني ساهر ساهر كان هيقر''''ب مني هو الحرامي.
لليل بصدمه:بيفتح عينه بيقول ساهر اخوه هاجر عينه بتلمع بالغضب وقال لا دا انا كدا فهمت اللعبه.
سناء:قالت قوم ي لليل عشان اغير هدومها عشان مش تتعب اكتر.
لليل:بيقوم بيقول براحه عليها ب عمتي.
سناء: حاضر ي بني بتروح بتغير هدوم جوهره لي هدوم نضيفه.
دكتور:وصل وكان لليل واقف وقال ثانيه يادكتور وقال عمه خلصتي.
سناء؛اه ي بني بس بلبسها نقاب ثانيه.
لليل:وقف مع دكتور وبعد اخد الاذن ودخلوا عشان دكتور ب كشف علي جوهره.
سناء هدي:نزلوا تحت هما زعلانين علي الي حصل لي ورده البيت.
دكتور:خرج وكتب العلاج أنها اخدت دور برد شديد الحمدلله أنكم متاخرتوش عليها عشان كان هيحصل اختناق.
لليل:دموعه بتنزل وقال شكرا ي دكتور..........بيجري لليل يرجع الاوضه وبياخد جوهره في حضنه بيقول انا اسف صدقني كان لازم اكون اول واحد يثق فيكي بس انا اول واحد اخد صدمه بسبب صور.
هاجر:واقفه في البلكونه بتشوف دكتور طالع من دوار لليل بتقول دكتور دا بيعمل ايه ليكون حصل حاجه لليل.
ساهر:في الاوضه بيمسح صور بيندم بيقول ايه الي انا عملته دا البنت مش اذتني في حاجه طب لو طلقها انا هصلح غلطتي اجوزها..
هاجر: بتروح اوضه ساهر بتقول ساهر ي ترا دكتور دا بيعمل ايه هناك.
ساهر:تعالي نروح نشوف كأننا بنطمن كده وعليهم.
هاجر:فكره حلوه.........يلا بينا.
جوهره:في حضن لليل بتبدء تفوق بتقول انا بحبكككككككك ي لليل صدقني انا مظلومه.
لليل:بيبوس راسها بيقول انا واثق فيكي بس دي كانت للحظه شيطان ي جوهره.
جوهره بفرحه:بتقوم من حضنه بتقول ي عني انت..
يتبع....... | 100 |
