EMSAT - 2024|2025

افضل جهات الابتعاث الموجوده ف الدوله .

ملاحظة: في فرق كبير بين الجامعات الاماراتية والجامعات الامريكية من ناحية القبول، الجامعات هني بس تهتم للعلامات والامسات والمقابلة (إن وجدت)، و لكن جامعات امريكا تهتم لاشياء اكثر، يهتمون ف كيف الطالب يقضي وقته برا المدرسة و كيف يفيد المجتمع و شو يسوي في وقت فراغه، ف خلوا هالشيء في بالكم لما تقدمون. الجامعات الاسترالية و الكندية معظمها مشابهة لجامعاتنا نحن، الاستثناء هذا تقريبًا بس موجود ف الجامعات الامريكية. وتذكير ان كل البعثات عندنا حاليًا تقريبًا ما يبعثون لبريطانيا (انقلترا، سكتولند، ايرلندا الشمالية، وييلز). التقديم للجامعات الاسترالية عن طريق والجامعات الكندية من خلال موقع الجامعة نفسه حسب علمي.

اكيد شي: منحة ادنوك منحة تدرا منحة RTA منحة ATA منحة الامارات للطيران منحة SCO و العديد من المنح الأخرى .

ع حسب معلوماتي، بعثة ادنوك تفتح ع اخر فصل، شي معلومات اكثر ف هالرابط: https://jobs.adnoc.ae/us/en/ADNOC-Scholarship-Program-r

بعثة MOE هي بعثة من وزارة التربية والتعليم ويقبلون عدد زين من الطلاب والتقديم يكون من NAPO اول شي انته بتقدم طلب ولازم بعدين تحصل ع قبول جامعي من جامعة معتمدة عند البعثة + من افضل خمسين جامعة فالعالم فالتخصص هذا.

إذا كنتوا تبون في التقديم للجامعات الدولية، لازم تسوون IELTS و SAT. تأكدوا ان يكون عندكم recommendation letter وpersonal essays و extracurriculars قوية. بيفتح تقديم الearly action في أغسطس (الحين فاتحة) وبتسكر في نوفمبر للجامعات الأمريكية. وبعد شي regular admissions والي بتكون بعدين. بالتوفيق

السلام عليكم، وياكم عبدالله البلوشي، بخبركم افضل جهات الابتعاث فالدولة: مكتب البعثات الدراسية (بعثة سمو رئيس الدولة/الديوان). حاليًا اقوى بعثة بدون منازع من جميع النواحي ولكن اكيد المتطلبات قوية جدًا والي ينقبلون عددهم قليل. بعثة ADEK. هالبعثة قريبة من SCO من ناحية الامتيازات، ولكن مشكلتها الوحيدة هي التخصصات المتاحة لانها غيت مألوفة ومب نفس التخصصات الي معتادين عليها. وفقط لحاملين جواز ابوظبي بعثة MOE هالبعثة من وزارة التربية والتعليم وتعتبر من البعثات القوية. بعثة ADNOC هالبعثة زينه، من ناحية التخصصات والجامعات وكل شي والحلو فيها انها ويا ادنوك يعني يمكن تأمن لك وظيفة + ما يقبلون اي حد يعني شي مقابلات واختبارات بتمرون فيها بعثة خطوة من ADEK تعتبر من البعثات الضعيفة ويقبلون عدد كبير من الطلاب، اول شي يروحون لcommunity college ووعقب ينتين لنتقلون لحامعة عادية.