HIST-102🦋🪻

جزاها الله كل خير صاحبة تنظيم مواعيد الاختبارات❤️

قنوات "المهمة" للمواد بالتلجرام: الاحصاء: https://t.me/statistic105 العلوم الانسانية: https://t.me/Humanities102 عقيدة: https://t.me/ISLM181 مهارات التعلم والاتصال: https://t.me/LRSK105 النحو التطبيقي: https://t.me/arab101stud

تعليمات الاختبار

💢 موقع لكشف نسبة الانتحال: https://plagiarismdetector.net/ar ملاحظة/ الموقع مو دقيق ١٠٠% مجرد يساعدك في اعطاء نسبة تقريبية للانتحال + احيانا يعطيك نسبة الانتحال في المراجع او بالغلاف، فلا تحطين المراجع او الغلاف في الموقع، بس حطي محتوى التكليف

جدا مفيد يا بنات لبحثكم وتكاليفكم احفظوه عندكم 👌⭐️

١- اول شي تختارين موضوع من موضوعات المقرر مثلا علم الجغرافيا او علم الاثار او علم الاجتماع .. الخ بس بشرط ما يكون نفس الموضوع الي خدتيه بالتكليف الجماعي ٢- تختارين موضوع يكون مخصص بعلم واحد مو تمعين اكثر من علم بالتكليف ٣- ممنوع رؤوس اقلام لحالها، لازم شرح، مثلا تكتبين: من اهمية علم الجغرافيا انه مهم في الكشف وتدارك الكوارث قبل وقوعها ❌ تبي شرح، من اهمية علم الجغرافيا انه مهم في الكشف وتدارك الكوارث قبل وقوعها، وذلك باستخدام اجهزة كذا وكذا وتعمل بطريقة كذا من قبل المتخصصين في كذا .. الخ ٤- لازم تحطين سبب اختيارك للموضوع، اخترت العلم الفلاني مثلا نظرا للتغيرات والتقدم العلمي الذي يحدث فيه مثل اكتشاف كذا ، وما يزيد عن سطرين ٥- مقدمة ما تزيد عن ٣ اسطر، حطي فيها تهيئة لموضوعك او تعريف للعلم الي اخترتيه ٦- خاتمة علمية ما تزيد عن ٣ اسطر، يعني تبيها اقل من ٣ سطور ٧- تكتبين نتائج علمية ما تزيد عن سطرين، النتيجة والخاتمة تكتبينهم بعد الانتهاء من البحث، مثلا بالنتيجة تكتبين مما سبق أستنتج أن علم الاجتماع يتشابه ويشترك مع العلوم الاخرى في كذا كذا او / من خلال بحثي ارى بأن علم الاثار يتفرع الى العديد من الفروع ومنها كذا كذا ٨- التنسيق: - المحتوى نفسه مو اقل من ٣ صفحات بدون صفحة الغلاف او المراجع او صفحة المعايير(الي هي هذي الي مكتوب فيها المتطلبات مطلزب تحطينها ببحثك بس ما تحسب ضمن صفحات محتوى البحث) تزيدين صفحات محتوى البحث عن ٣ صفحات عادي لكن اقل لا يعني اقل شي لمجموع الصفحات/ ٣ صفحات محتوى البحث ، واذا حابة تزيدين عادي صفحة الغلاف صفحة المعايير صفحة المراجع = ٦ صفحات - المراجع اقل شي ٣ مراجع علمية ( كتب - صحف- مجلات - مقالات- رسائل الماجستير والدكتوراة - الدراسات السابقة .. الخ) باختصار ما تبي من ويكيبيديا ولا المنتديات ولا المدونات واذا بتاخذين من موقع مسموح بس ما يزيد عن موقع واحد ولا تحسبينه ضمن ال٣ مراجع المطلوبة منك، الي هي تو ذكرتها الكتب والصحف والمجلات والدراسات العلمية .. الخ - وثقي بكل صفحة من وين خذتي هالمعلومات ، وممكن توثقين بالحاشية او بالمتن حاشية يعني الهامش، متن يعني نهاية كل فقرة - وثقي ايضا بصفحة المراجع بطريقة apa، هي كاتبة ما تبي صفحة مراجع بس كاتبة بالمعيار الي بعده انها تبي، فحطي صفحة مراجع عشان الي رح يسألوني - حجم الخط ١٢ للمحتوى نفسه، و١٤ للعناوين - رقمي الصفحات - مسافة الاسطر ما تكون كبيرة - رتبي الورقة خلي المحاذاة مرتبة - اكتبيها بالوورد عشان يطلع ارتب شي - حطي صور لو حابة بس مو كثيرة ومو كبيرة بحيث تتركين مجال اكبر للكلام لانه اهم من الصورة ٩- تجنبي الاخطاء اللغوية (التدقيق اللغوي) ما تكتبين مسلمون بدال مسلمين، ما تحطين (.) بدال (،) - ركزي على موضوعك فقط وما تتطرقين لمواضيع ثانية عشان ما تشتتين القارئ، مثلا اذا رح تتكلمين عن علاقة علم الاجتماع بالعلوم الاخرى، تكتبين مثلا علاقة علم الاجتماع بعلم النفس يشتركون بكذا ويختلفون بكذا ، فقط مو تتركين موضوعك الاساسي وهو علم الاجتماع وتخلين التركيز بعلم النفس ❌ كذا تطرقتي لمواضيع اخرى وفقكم الله اختكم / تغريد https://t.me/Humanities102

سيتم شرح التكليف الفردي باذن الله كونو بالقرب👌🌷

التوثيق APA

⭕️ شرح المشروع الجماعي لمقرر العلوم الانسانية: مطلوب منك تختارين موضوع من موضوعات المقرر، طيب من وين اطلعها؟ مواضيع المقرر هي نفسها مواضيع السلايدات حقت المحاضرات الي تدرسونها 1⃣ استيفاء العرض يعني يكون مكتمل من ناحية المعلومات، تختارين موضوع محدد وتجيبين كل ما يتعلق به، وتكتبين بأسلوبك مو كله نسخ 2⃣ ما تقل الشرايح للطالبة الوحدة عن ٧ شرايح، يعني ٧ وفوق، وتكون كل الجزئيات مضاف عليها صور متعلقة بالموضوع او خرائط او فيديو او تحطين كلهم حسب موضوعك شوفي وش يناسبه ⭐️ ملحوظة: فيه دكاترة طلبت كل طالبة ٤ شرايح، فتأكدي من دكتورتك بخصوص هالنقطة 3⃣ عدم وجود اخطاء لغوية او علمية، يعني ما تكتبين التاء هاء، او همزة الوصل بدال القطع، باختصار يحتاج تدقيق لغوي، وكذلك ما تبي اخطاء علمية يعني بالمعلومات الي تحطينها، تكونؤن متاكدة من الكلام قبل تحطينه 4⃣ (فقرة خاصة بتنسيق العرض) مطلوب منك توحيد التنسيق والتنظيم والخلفية، تتفقون على خلفية وتنسيق محدد عشان يظهر يكون عرض متناسق ومنظم ، تختارون نفس حجم الخط المطلوب وهو ٢٨ للمعلومات و٣٢ لعنوان الشريحة، أما نوع الخط اختياري لكم ما حددت بس اختارو شي واحد، وايضا لون الخط يتناسب مع الخلفية، كذلك عدد الاسطر بالشريحة الوحدة ما يقل عن ٧ سطور (بدون سطر عنوان الشريحة) 5⃣ رح تسألك الدكتورة بجزئيتك فتدربي عليها زين 6⃣ لا تنسين صفحة المتطلبات هذي تحطينها بأول شريحة بعرضك وتكتبون معلوماتكم والارقام الجامعية والشعبة 7⃣ بعض التوجيهات الاضافية: - رقمي الشرايح - سوي شريحة مقدمة وشريحة خاتمة - سوي شريحة للفهرس (غير ال٧ شرايح الاصليين حقت كل طالبة) - سوو شريحة جدا تقسيم العمل (غير ال٧ حقت كل بنت) - خذي قوالب كانفا حطيها بالبوربوينت لانها ابداعية جدا واختاري قالب مناسب لموضوعك - لا تاخذين شي من النت نسخ لصق ، تقدرين تقرين وتستفيدين تاخذين منه وتزيدين عليه من عندك - ما تكونين انتي ووحدة ثانية نفس العمل لانه كذا غش، نفس الموضوع عادي ولكن مو نفس المحتوى، يعني كلكم بتتكلمون مثلا عن التكامل في العلوم الانسانية، لكن داخل الشرايح كل وحدة تتكلم عن الموضوع من زوايا مختلفة من مراجع مختلفة - تقدرين تقرين السلايد حق موضوعك من المقرر على أساس تستفيدين منه النقاط الاساسية الي بتتكلمين عنها لكن ما تاخذين نفس الكلام بس تاخذين فكرة - احتفظي بالتكليف بجهازك لو انطلب منك بأي وقت، + سلميه بصيغة pdf وكذلك على CD وكذلك نسخة ورقية مطبوعة 8⃣ انصحك بمراجع موثوقة مثل: - المكتبة الشاملة - المكتبة الوقفية - المكتبة الرقمية السعودية - الموقع الديني الدرر السنية - المجلات والصحف - رسائل الماجستير والدكتوراة ⭐️ ملحوظة: اذا دكتورتك قالتلك لازم كتب اجل خذي فقط من كتب، اذا قالت عادي مجلات اجل عادي، يعني نقطة ٨ حسب الدكتورة 9⃣ لا تنسين اخر شريحة تكون شريحة للمراجع، بطريقة apa (مو مطلوب بصيغة apa بالتكليف بس هذا افضل) وعدد المراجع مو محدد بس اكيد كل طالبة بتستخدم مرجعين ثلاث وعادي لو طالبتين خذو من نفس الكتاب ولكن معلومات غير 🔹 الي وقف معها اي شي تراسلني على اليوزر yosha_nu بالتوفيق للجميلات/ تغريد🌷🌿 قناة المادة https://t.me/Humanities102

سيتم شرح طريقة اعداد التكليف الجماعي باذن الله، كونو بالقرب👌⭐️

✨️يا جميلات اي وحدة عندها استفسار او وقف معها شي انا موجودة @yosha_nu

💢 شرح تكليف العلوم الانسانية الجماعي: هالمشروع الهدف منه يعرفكم بتخصصات وفروع العلوم الانسانية لانكم بتختارون التخصص السنة الجاية باذن الله .. (موفقات🎉⚘) منها التاريخ والجغرافيا والاعلام وعلم الاجتماع وعلم النفس.. الخ وقبل لا نبدأ شرح لازم نعرف ان طريقة كتابة المقال مختلفة تماما عن طريقة كتابة البحث، فأول شي تشوفين بتكتبين أي واحد فيهم بنشرح أول شي اذا كان بحث .. ١- العنوان، أنصح تكتبين العنوان اخر شي بعد م تخلصين البحث عشان تكونين جمعتي معلومات وأفكار، لازم يكون شيق وجديد دال على المحتوى العنوان ممكن يكون وصف، ممكن يكون سؤال، ممكن يكون خبر أو معلومة أمثلة: لو ماسكة تخصص الاعلام مثلا ممكن تكتبين العنوان/ - الإعلام والعالمية (توصفين تخصص الاعلام ان الإعلامي يجمع الاخبار من العالم) - الإعلام والانسانية (تمدحين تخصص الاعلام انه يخدم الانسان والمجتمع بنقل الاخبار الهامة مثل الطقس والقرارات الجديدة.. الخ) - تخصص المستقبل.. الإعلام (هنا تشجعين المقبلين على اختيار التخصص باختياره) - من منا لا يريد أن يصبح إعلاميا! (سؤال تعجبي ان كلنا نحب الاعلام) وغيره كثير ٢- المقدمة: تتكلمين اول شي عن العلوم الانسانية عموما سطرين ثلاث بعدها تدخلين بموضوع فرع الاعلام برضو كم سطر، وتذكرين فكرتك من البحث ان تبين تعرفين هالتخصص للمقبلين عليه وتعلمينهم مزاياه. ٣- المحتوى: وهو صلب البحث واكثر شي عليه شغل، اول شي تحددين تكتبين تعريف تخصص الاعلام مثلا، بفقرة لحالها كم سطر، والفقرة الي تحتها تكتبين الصفات اللازم توافرها فيمن يريد اختيار هذا التخصص وترقمين عشان الترتيب، مثلا يجب أن يتصف الإعلامي الناجح بالصفات الآتية: ١- الجدية وعدم الهزل ٢- الصدق ٣- عدم التحيز ٤- الدقة والشمولية وهكذا البحث كله يكون نقاط او ترقيم اقسام تخصص الاعلام وبرضو مرقمة بعد كذا تنزلين للفقرة الي بعدها مثلا مجالات عمل تخصص الاعلام وبرضو ترقمين اخر شي ممكن تذكرين مميزات وسلبيات التخصص ٤- الخاتمة: لازم بالخاتمة تلخصين وش ذكرتي بالموضوع بطريقة حلوة وجديدة، مثلا/ ختاما.. نود كباحثات تقديم المشورة للمقبلين على اختيار التخصص الذي عرفنا به تفصيلا في هذا البحث بأن يتأكدوا توافر الصفات اللازمة للإعلامي كون هذه المهنة الجلية تحمل أمانة للمجتمع، كذلك ذكرنا مجالات عملها والتي تتفرع الى كذا وكذا، كما أن لها ايجابيات وسلبيات تم ذكرها في هذا البحث من المهم معرفتها ليحقق الهدف. - البحث من ٣- ٥ صفحات والالتزام بنوع وحجم الخط المحددين - التوثيق حاشية أو apa حسب م تحدد كل دكتورة - المصادر +٢ من كتب او صحف او مجلات او مقالات - اضافة صور واطار (غير ضروري ولكن لإضفاء الابداع على البحث - ترقيم الصفحات (غير ضروري ولكن للترتيب) - استخدام هذا الغلاف حق التقييم ك غلاف للبحث عشان كذا نزلته وورد بقناة التلجرام موفقااات🎖❤❤ تغريد 🦜💚