طير شلوى

نركب على العليا ونرسم معاني ونخاوي اللي له على الطيب تأثير .

نشوش ونمشي فوق روس المراقيب ما نطمع بغير الله ولا نهاب المخاسير .

عز الله ان الوقت ماهوب مضمون ‏فيه الخطورة من جميع النواحي ‏ٰ ‏تبطي عن الصاحي وتلقاه مجنون ‏وتبطي عن المجنون تلقاه صاحي .

سولف وحاول ما تكثر سوالفك ‏الهرج مفتاح الصدور المقافيل .

للصمت وقت و للمشاريه حزّه ‏واحيان في بعض التغافل ذهانه ..

تواضع تغافل لاتدقق وخلك سمح ‏جمال الحياة إنك تساير بساطتها.

كل ماشفت العباد اللي يعيشون بضعافه ‏قمت اعرّض راسي المرفوع للريح ومهَبّه.

صداقة الكفو مثل بلجيكٍ ماتبغى عيار من حيث ما وجهوها صايبه صايبه

صداقة اللاش مثل المشلح المستعار يومين والثالث ترده على جايبه "

صداقة اللاش مثل الشمس تالي النهار لو كان تسعى ورأها غايبه غايبه '

يطيبون في وقت الشدايد خيار القوم مثل ما يطيب العود الأزرق على الجمره

ياجعل سمعتنا مثلَ " كسرة العود لا صابها حر الجمر تظهر الطيب

يالله عسى الطيب اللي سابقه فعله منين ما لد عينه يضحك حجاجهه

الطيب لاتستغربه من هل ' الطيب ' اللي لهم في منهج الطيب خبره

كن في راسي معارك بلاد الرافدين " وكن فـ الحلق اختناقه وفالكبد لهده

كن عينه لا نخيته تقول ارقى سنود وكن كفه لانصيته تقول اطلب تجّد

كن في صدري سناء ضوء بدوٍ نازلين عرضوها للهبوب والهبوب تلوفها

كن في صدري ليا ناحرت شمس الغروب واديٍ سيله تعرض مضيق ومنحنى .

كن شمس العصر لاحان ميعاد الغروب ودعت وجه البسيطه وطاحت فالحشا

لا شفت الكلام يقل حاول تروح هناك أنا لا وصلت لمرحلة صمت فارقني.