Nukta | Fikriy uyg'oqlik

#nazm

ABDULLA QODIRIY G‘AZALIGA MUXAMMAS Yil o‘tub, yillar o‘tub tobora loyga botamiz, Iblisning suprasinda vaxdad mayini totamiz. Onomiz balki gumroh, balki so‘qirdir otamiz, Ko'r, bizim ahvolimiz, g‘aflatda qanday yotamiz, Joyi kelgan chog‘ida vijdonni pulga sotamiz. Bizga or bo‘ldi nahot, yo Rab, Vatanni kuylamak, Zoru zoru bu zamin yetti falakni o‘ylamak, Qizimizga o‘rgatub, "suf" deb jahonni bo‘ylamak, O‘g‘limizga na adab, na fan, na yaxshi so‘ylamak, Na xudoning buyrug‘i bo‘lg‘on ulum o‘rgotamiz. O‘ltirur el xonavayron, botgan quyoshga ko‘z tikib, Kulfatu somon yig‘ib qolmish yana bo‘ston ekib, Nechalar narvondadur, nechalar yitmish ko‘z tegib, Hamda har kun takyalarda nasha, ko‘knori chekib, Bachchaga kokul solib oh-voh ila o‘ynotamiz. Ne balomiz biz o‘zi, to‘rdamiz, ayvondamiz, Ne kasofat fe’li bu — kurdamiz, tayvondamiz, Benazir parrandamiz, qo‘rdamiz, hayvondamiz. Qorimiz, boyonmiz, balki bu vaqt ahvondamiz, Nogahon ko‘rsak agar bir besoqolni qotamiz. Qaydin ey sen takabbur, ko‘ksimni mixlab o‘yguvchi, Ay yaloqxo‘ri balo, ichib qonimni to‘yguvchi, Bormikan olam aro ko‘ngilga malham qo‘yguvchi, O'rtadin chiqsa agar millatni yaxshi suyguvchi, Biz ani dahriy sanab, to‘foncha birla otamiz. Aqrabolar — ko'z ochiq, dunyoyi dun foniy biling, El uchun, Alloh uchun jonni tiling, tanni tiling, Kelingiz, ul kun o'tdi, qullik, asirlikni siling, Kelingiz yoshlar, ziyolilar bu kun g'ayrat qiling, Uxlagonlarni agar Qodir esak uyg'otamiz. © Rauf Parfi Nukta

#iqtibos

Har bir odamning Allohga murojaat qiladigan pok bir makoni, joynamozi bo’lishi lozim. Oq qog’oz – shoirning joynamozi. Oq qog’ozi bo’lmagan shoir imonidan ayriladi, Allohni unutadi. San’atning barcha turlari: musiqami, rassomlikmi, shoirlikmi – barchasi Allohga munojot shaklidir. She’r yozish poklanish degani. Poklanishga doim tayyorman. © Rauf Parfi

#shaxsiyat | bitiklar

Nukta

#iqtibos

Har bir odamning Ollohga murojaat qiladigan pok bir makoni, joynamozi bo’lishi lozim. Oq qog’oz – shoirning joynamozi. Oq qog’ozi bo’lmagan shoir imonidan ayriladi, Ollohni unutadi. San’atning barcha turlari: musiqami, rassomlikmi, shoirlikmi – barchasi Ollohga munojot shaklidir. She’r yozish poklanish degani. Poklanishga doim tayyorman. © Rauf Parfi

#shaxsiyat | bitiklar

Nukta

— Bilingiz bu Turon diyori Rauf Parfi ijodidagi eng shiddatli, keskin va og'ir she'rlarning gultoji ayni Adashgan Ruh she'ri.Bekorga Aziz Said ham "Rauf Parfi haqiqat va yolgʼonlar aro, muhabbat va xiyonatlar aro, ezgulik va yovuzliklar aro adashgan ruhiga yoʼl izladi, manzil izladi... Аdashgan ruh hamon yoʼlda!... Rauf Parfi tirik! " demagandi. Shoir tariximizni shunday kuylaydi:

Tarixning temirdan devori, Yilt etgan bir ziyo ko‘rinmas. Moziyning ko‘milgan mozori, Atrofda tirik jon urinmas

Balki, tariximiz temir parda ortida yashirinishi u qadar edi-ki, hatto uni tushunish, bilish uchun yilt etgan bir ziyo ko'rinmasdi yokida davrdan o'zini sug'urib olib tariximizni abgor qilganimiz, kelajak avlodga qoldirayotgan tarixini sha'ma qilyaptimikan?) Atrofda tirik jon urinmayapti, harakat qilmayapti bu nimasi bo'ldi?! She'rni qayta-qayta o'qib tahlil qilinsa bir bahaybat ruh bor ichida sarosar kezayotgan.Shu ruh bo'lmasa yana "qog'ozni" yirtarmidi? Endi oq "joynamozga" to'kilgan satrlar-da... Nukta

—Bu soqol shu el qayg‘usida oqardi. Bu ko‘ngil shu manfaatparastlar ta’sirida qoraydi. O'zbek romanchiligining Otasi Abdulla Qodiriy aytgan fikrlar millatning chin ziyolilari uchun chinakam etalondir. U: — Tirikligida deyarli qadr topmagan; — Ruh faryodini kuylagan; — Ramzlarni musavviri; — Zulmga qarshi isyonkor ruhda yozgan; — Butun umr Turon deb ijod qilgan; — Shoir bo'lib butun umr yashagan; — Yaratganga munojot va millatni uyg'otishdagi buyuk na'ra sohibi; — .... Ha, U — Rauf Parfidir. Rauf Parfi 1943-yil 27-sentyabrda Toshkent viloyatining Yangiyo‘l tumaniga qarashli Sho‘ralisoy qishlog‘ida tug‘ilgan. Otasi Parfi Muhammadamin savodli bo‘lib, Farg‘ona viloyatining Vodil qishlog‘idan sho‘rolar quvg‘ini tufayli Sho‘ralisoyga kelib qolgan. Onasi — Sakinaxonim Isabek qizi ham asli Farg‘onadan edi.

#shaxsiyat | kirish

Nukta

Bugundan kanalda turli xil ruknlar o'z ishini boshlaydi.Ulardan eng asosiysi hafta Shaxsiyati. Biz uchun Shaxsiyatlardan birinchisi va biz o'rganayotganimiz Rauf Parfi hisoblanadi. Millatning asl ziyolilarni birma-bir tahlil qilamiz. P.s: uzun-uzun postlarga tayyor turamiz. Nukta

#nazm Chidamak mumkinmas ,mumkinmas sira, Hamoqat hayqirsa, boqilsa o'g'ri, Fahsh yursa menman deb toza bokira, To'g'riligi uchun qiynalsa to'g'ri. Hali juda ko'pdir kalamushniyat - Dunyoni kemirib, sotib yurganlar. Umrida o'tqazmay birorta daraxt, Zanchalish ko'ksiga mushtin urganlar. © Shavkat Rahmon Nukta

— O'zbek kelayotir tarix qa'ridan Ushbu she'r ozar shoiri Akif Bag'irga tegishli.Akif Bag'ir asli millati ozar bo'lsada uzoq yillar O'zbekistonda yashab Alisher Navoiy nomidagi Tilshunoslik, adabiyotshunoslik va folklorshunoslik institutida ilmiy xodim bo'lib ishlagan.Turkiy dunyo birligi, taraqqiysi uchun jon fidolardan...Rauf Parfining xos shogirdlaridan, hammaslagi va ixlosmandlaridan bo'lgan. Rauf Parfi O'zturk dunyosi kitobida bu borada to'xtalib o'tilgan.Rauf Parfi she'riyatidagi 21 ta metaforik quyma obrazni, ma'nodor va ta'sirchan, ma'no qatlamini oshiradigan, haqiqiy she'riyat jozibasini ko'rsatgan "Assalomu Alaykum, dorning og'ochi" she'ri aynan Akif Bag'irga bag'ishlangan. O'zbek kelayotir she'ri borasida filologiya fanlar doktori Ilhom G'aniyev aytadi: " ...bu she'rning to'liq matni chiqmagan, gazeta-jurnallarda ayrim parchalari e'lon qilingan o'sha davrda [ 1980-yillar] chiqishi ham mumkin emasdi.Bu she'r va boshqa da'vo she'rlarida o'zbek xalqining sha'niga tuxmat yog'dirgan g'alamis va murtadlarga qarshi qaratilgan bo'lsa, shu isyonkor ruhning so'nggi hayqirig'i sifatida o'zbek xalqining jahon tarixidagi tutgan o'rni chin ko'ngildan kuylangan, tarannum etilgan." Akif Bag'ir borasida ko'proq ma'lumot bilish uchun: — "Platforma uz"ning Faqirona hayot kechirib, qiynalib, lekin bu yurtdan, millatdan malomat qilmagan shoir nomli maqolasini o'qishingiz; — Akademnashr tomonidan chop etilgan 224 betli O'zbek adabiyotidagi yaqin o'tmishdagi buyuk darg'asi Ozod Sharafidinov so'z boshisi ostida chiqqan "O'zbek kelayotir"she'riy to'plami; — Internet saytlari orqali; tanishib chiqishingiz mumkin. Nukta

— Postsiz kanal Uzoq muddat yozmadim, yozolmadim.Chunki, bu kanalimni haybati og'ir meni bosib ketadi, doim.Yozishdan avval ko'p izlanaman, ko'p o'ylanaman, shunchaki nimadir tashlolmayman sira.Bugun nihoyat yozishga botina oldim.Nima qilsam bo'ladi, qanday qilib uzoqroq yursam bo'ladi, yozaman, chizaman, o'chiraman, ishlayman, pul topaman, bu kanalimni o'ylayman.Ha, axir meni bor-budim o'ylagan kelajagim shu yerda deyman.Postlarini ko'rib chiqaman, nimadan boshlashni qayta tiklanishni o'ylayman.To'zigan xayollarga fikr tegirmonidan suv quyaman.Aniqki, men bo'lmasam ham hamma ish bo'laveradi, bir kun men o'ylaganlarim ham bo'ladi.Avvalo, nega boshlaganimni o'ylayman va shunda yengil tin olaman. Uzoq o'ylandim, reja qildim, potensialimdan kelib chiqib yozib chiqdim nasib endi hammasi boshlanadi.

Umumiy g'oya va niyat o'zgarmasdir.

Xo'sh, nimadan boshlaymiz desangiz ishni shaxsiyatlarni ochishdan boshlaymiz... Ertadan sekin post qo'yishni boshlayman.Kanalga endi ko'proq e'tibor beriladi. Hanuz bir yaxshilik umid qilib kanaldagi sodiqlardan ko'p minnatdorman)))

O'sha gap: bu kanal faqat sifatli va manfaatli kontent tadim etadi, reklama olinmaydi.

Sizlardan iltimosim esa: 1.Kanalni har bir postiga e'tiborli bo'lib, fikr qoldiring. 2.G'oyamizga mos bo'lgan yaqinlarni taklif qiling. P.s: kanallardan reklamalar olinadi muammo emas ammo jonli takliflar orqali sodiqlar keladi, rahmat. Nukta

#nazm | adabiyot

Avtobusga oʻtirsangu ketsang, Hammasidan,hammadan ketsang. Yoʻl belgilar,daraxtlar,uylar Ortda qolib dam-badam ketsang. Ketsang ufq etagin tutib, (Charchab ketding ichingga yutib). Kechagina ostonang oʻpib Kelganlari shumqadam,ketsang. She'rga solding,qoʻshiqqa solding, Darding oʻrab urchuqqa solding, Xudo shohid,tushunib qolding, Tushunmadi bir odam,ketsang. Ular ketmas,ular uy qurgan, Sotib olgan qoʻy,echki,uloq. Orzulari gullab ulgurgan, Umidlari chiqargan quloq. Ular dunyo tashvishlarini Chaynaydilar uzoqdan uzoq. Ular yirtiq kovushlarini Avaylaydi oʻzidan koʻproq. Va baxt degan sariq qushlarga Yasaganlar umridan tuzoq. Tuzogʻiga qaygʻu ilindi, Baxtni tuta olmadi biroq... Ket,ey badbaxt,baxtiqaro ket, Fusunkor bu borliq aro ket. Singib ketgin oy shu'lasiga, Bukib ketgin yomgʻirlar-o,ket. Tuman tushgan yerlarga ketgin, Oʻylamay ket,afsus tuymay ket, Koʻzing tushgan yerlarga ketgin. Muhimi ket, Solma paysalga, Jon kirar deb kutma haykalga, Qulun mehr qoʻygan paykarga, Qadam yetmas choʻqqilarga ket. Shu kungacha sendan ketdilar, Biri mamnun,biri xafaqon. Shu kungacha seni sotdilar, Biri tekin,boshqasi arzon. Shu kungacha seni soʻydilar, Biri pichoq,biri pichoqsiz, Oʻzgasiga koʻngil qoʻydilar, Biri quchoq,biri quchoqsiz. Tamom,ortga qarama ortiq, Oʻt bolasi samandarday ket. Shoirday ket, Shoirday yasha, Boʻza quchgan qalandarday ket! Avtobusga oʻtirsangu ketsang, Hammasidan,hammadan ketsang. Kiyiklarning tumshugʻi tekkan Buloqlardan bir bor suv ichsang. Xoʻp ingratdi bogʻlab beshikka, Qoʻling siltab katta-kichikka, Kishanlarni yechsangu ketsang. Ruh jismingdan kechmasdan avval, Hammasidan kechsangu ketsang! ©Bek Ali Nukta

#nazm | adabiyot

Xudoyo, Ayolga kuch ber, Xudoyo, Qirq joniga qirq ming jallod tikmish dor. Qachondir qo‘llari gul edi uning Bugun yelkasida qushlar ini bor. Xudoyo, ayolga ishq ber, Junun ber O‘z umri ichinda bo‘lmasin talosh. Yo‘l ber, ko‘zlaridan tomchi-tomchilab. So‘ngida O‘zingga etuvchi yo‘ldosh. Janglarga tashlasang Zafar ber, shon ber Zulm arqoniga tang‘ilmasidan. Gar bolam deb o‘lsa, qaytadan jon ber, Iymon ber nafsiga yengilmasidan. So‘ngsiz toqat berma, O‘tday isyon ber Sevgi ber shu o‘tni o‘chirguningcha. Bir Odam ko‘ksidan mutlaq qo‘rg‘on ber Toki huzuringga ko‘chirguningcha. Xudoyo, Ayolga kuch ber! © Madina Norchayeva Nukta

#foydali

Mavzu do'stlik bo'lgani uchun ancha oldin dolzarb mavzuga xulosa sifatida yozilgan va auditoriyani katta qismi o'qigan ushbu maqolani o'qib ko'ring.

https://telegra.ph/Tasavvuringizdagi-dostlik-qanday-01-24 P.s: shunday maqolalar yana yozishga ehtiyojim bor) Nukta

Hadyangizni oling

Do'stlar, ko'pchilik xabari bor safarda ham tadbir qilib hadyalar ulashdik, Toshkentda ham tadbir bahona 100+ hadyalar berdik. Mana, bugun bayram arafasida sizlarni yana xursand qilmoqchiman.

Avvalo, oldin men kimgadir kitob va'da bergan bo'lsam, kimdir shartlarimizda yutgan bo'lsa va yoki bizning loyihalarda aktiv bo'lib o'zini eslatsa murojaat qoldiring.

Ertaga qo'shimcha hadyalar ulashaman, avval qolib ketgan hadyalarni yuborib olay. Bayram shukuhini birga his qilamiz) @Amirbekblog_menejer ushbu profilga : — Ism familiya — Manzil — Nomer qoldiring @ChoriyevAmirbek

#nazm

Yovqur jangchi bo‘lmoqchi edim, Yog‘iylar ko‘ksiga tig‘ urgan askar. "Telba"likka, mardlikka moyil Yuragim qaqshar... O, Najmiddin Kubrolar yonib, Jonin fido aylagan paytda — Tug‘ilgan bo‘lsaydim, yov ko‘ksin yorib Haydab chiqarardim Vatandan. Topilmaydi durustroq g‘anim, Yig‘layman ishlabon qo‘l uchi bilan Alam qilar — piyoz to‘rg‘ayotganim Amir Temur qilichi bilan. © Nurmuhammad ABDUZOIR Nukta

@ChoriyevAmirbek — jonli efirga kiramiz)

Haq yo'lda qizil chiroqda tursang nima bo'libdi? Botil yo'lda yashil chiroqda yursang nima bo'libdi?! © Amiriy Nukta

Va nihoyat

Ko'rib baho bering, davomini ham tez fursatda taqdim etamiz) @ChoriyevAmirbek

O'zi dalalarda begona o't bo'lishi tabiiy holat ammo bu Telegramni ham bosib ketgani achinarli... Aqli kaltalarni o'ynab qo'yish kerak?! Nukta

— Keyingi bekat Qoraqalpoq Do'stlar, ancha oldin bu borada chellenj qilganda aytgandik, bugun o'sha kun keldi. Joy gaplashilgandi, biz ham bilet oldik. Endi esa salomat yetib borib, samimiy muhit hosil qilish. Duoda bo'ling) P.s: Kitobxonlarni dalolat qiling. @ChoriyevAmirbek