بودكاست ألف باب

‏ألف ضعف تلك القصص حكيناها هنا في تلك الحلقة من بودكاست ألف باب على يوتيوب..هل فعلا من وُلد فقيرًا يُمكن أن يصبح غنيًا؟، أم أن قواعد المنظومة الرأسمالية تمنعه؟..وما الحل..من تجارب 10 دول..شاكر جدًا

‏لو اشتغلت 16 ساعة هتبقى مليونير كما تعدك الرأسمالية؟..لا والله..ولا عمرك هتكون.. مرة كنت في مكان ما -أتحفظ على ذكر اسمه - وكان مُلاك المكان ماسكين أحد الموظفين انتقادات ليل نهار..ليه يا عم؟..عايز 400 جنيه زيادة على مرتبه..أنا فعليًا تخيلت أن مرتبه مثلًا 6000 جنيه شهريًا ( الحد الأدنى للأجور ) وطمع في 400..أتاري مرتبه 2300 جنيه..دول شاملين كل حاجة..يعني أكله وشربه ونومته وقومته..وقسمًا بربي الواحد من أصحاب المكان لو صرف 10 آلاف جنيه يوميًا، ما يكون صرف حاجة..الراجل طلب ثمن كيلو لحمة بس..ورفضوا..ومسحوا بكرامته الأرض..وفي الآخر طردوه..كانت من ضمن الحجج اللي سمعتها - أنا وإنسانة عزيزة جدًا مصدومة من الموقف - أنه خلف 3 عيال..واحنا مالنا..هنربيهم مكانه؟..طيب ما يشتغل شغل تاني يجيب منه فلوس؟ ولا احنا هندفع ثمن أكل وشرب ولاده؟..ولما حد سأل الجمهور المعرتض على الزيادة..طيب الراجل أصلًا بيشتغل كل حاجة حرفيًا، وبينما 5 ولا 6 ساعات..هيشتغل إيه تاني؟..كلوه حي..يبقى يعيش على قد اللي معاه وميوجعش دماغنا..واتطرد فعلًا. مرة - مش فاكر حكيت القصة دي ولا لأ قبل كده - كنت بشوف وثائقي على دويتشه فيله عن أغلى شاي في العالم..شاي دارجيلنج المزروع على جبال ولاية آسام الهندية..البنات اللي بيطلعوا يقطفوا ورق الشاي..على ارتفاع 2000 متر فوق سطح البحر..بياخدوا 30 ولا 40 سنت يوميًا..وكيلو الشاي بيتباع في ألمانيا في نوادي الأثرياء ب 1600 يورو..لما البنات اعترضوا بعد تعرض مئات منهم لأفعال غير أخلاقية من المزارعين..وبعضهم تُوفي من الإجهاد البدني..كان رد فعل الألمان المشغلين والهنود أصحاب الأرض..أنهم لفقوا تهم ل 4 ولا 5 ينات وديتهم ورا الشمس عشان الباقي يخاف.البنات دي كانت مش بتشتغل 16 ساعة..لا..مفحوتين أسابيع بنوم نص ساعة يوميًا لغاية ما جالهم انهيارات عصبية وانتهى بعضهم بالفعل في حفرة متر في متر. كان ملاك الأراضي عاملين حيلة لطيفة كده..زي بتوع التنمية البشرية..ما هم عايزين يخلوا البنات تقبل أجور مخيفة في ردائتها..عبودية بمعنى الكلمة..فجابوا واحدة تكلمهم أنها كانت فلاحة زيهم واشتغلت وسمعت الكلام وبقت شطورة..ودلوقتي هي مالكة حيازة في أحد مرتفعات آسام..فالبنات ينبهروا أووي بالكلام ده..ويشتغلوا 16 ساعة..وأصحاب الأراضي يكسبوا، والألمان يشربوا ويستمخوا من الشاي..والسيدة المتحدثة كان متأرة بالساعة وملبسينها هدوم كويسة ومألفين لها قصة كفاح..عشان البنات يقبلوا يبقوا عبيد من غير ما يفتح فمهم بكلمة..والنتيجة اغتنوا؟..لأ..ليه؟..لأن مينفعش يغتنوا..مينفعش يشتغلوا 16 ساعة ويكون معاهم فلوس..لأن لو بقى معاهم فلوس، محدش هيقبل الذل ده..لازم العمل يتحول لماكينة..توعدك بالجنة..ولا عمرك تشم ريحتها..توعدك بالأجر العادل مقابل المجهود..ومش هتاخد غير المجهود..والأجر يكنزه صاحب العمل في جيبه. شركة شل البريطانية-الهولندية راحت بقى دلتا النيجر في نيجيريا..فليمرح السكان ويفرحوا..أتتكم الاستثمارات الأجنبية..طردوا السكان من بيوتهم..خدوا الأراضي..مدوا أنابيب النفط..الناس زعلت..أراضينا وحقنا..فين الجنة اللي وعدتونا بيها..ساعتها شركة شل جابت مناديب ( الكلام ده كان سنة 94-95 ) يقنعوا السكان بالعمل الجاد والدؤوب..هنلبسكم موظفين وتشتغلوا حراس أمن وتقعدوا على كراسي..والناس صدقت والمشروع دار..2000 إنسان بقوا موظفين فجأة..سابوا حقولهم ومزارعهم السمكية ومهنة الصيد اللي كانت عاملة مركزهم الاجتماعي..وبقوا حراس أمن وعمال رصف.. 16 ساعة مين؟..ده الوردية كانت 4 أيام في بعض...بقوا أغنياء؟..لأ..اللي اتغنى الانجليزي في لندن والهولندي في أمستردام والنيجيري في مبني الولاية..والعيال اللي صدقت..في الآخر..اترموا في الشارع..ولما فتحوا فمهم بكلمة يطلبوا مستحقاتهم..شل علقتهم في الحبل..5 أفراد ذهبوا لعدل ربنا فوق في السما..لكن حظ الشركة أن كان بينهم ناشط بيئي اسمه كين سيريرو..إزهاق روحه عمل ضجة واتكشف التلاعب..وقتها في حملة العلاقات العامة..كان رد فعل الشركة..معلش..آسفين..بس كده..الأسف لأنك صدقتهم..الأسف لأنك صدقت أن العمل الشاق هيخليك غني..الأسف أنك اتكلت ع الله..عادي نشوف غيرك. زمان في القرن ال 18 كان الانجليز يحضروا الأفارقة للعمل كعبيد في مزارع قصب السكر في أميركا اللاتينية..كان شيء واضح تسهل إدانته جدًا..شخص نسرقه من قارته، لقارة تانية، ويعمل بلا أجر..العبودية قعدت 200 ساعة وانتهت..بس اللي استجد مكانها عبودية جديدة..عبودية الأجر..ودي مراوغة جدًا..أنت أهو في بلدك، بتشتغل مقابل راتب، ومحدش بيجبرك على شيء..عبد منين بقى؟..عبد لأن صاحب العمل خلاه يلف في ساقية آخرها عدم الاكتفاء..تشتغل مهما تشتغل ومدخراتك بسيطة..لا هتعرف تبني بيت ولا تجيب أرض ولا تستغنى عن شغلك لأن مفيش غيره..فتفضل تلف في الساقية لغاية ما تطلع معاش وأنت مستهلك تمامًا..ومعملتش حاجة.

في الهند أيام الحكم البريطاني..الإنجليز لعبوا لعبة حلوة..وهتكبر بعد كده لغاية ما تبقى أنت جزء منها..ادي للناس الأمل..أنت يا فلاح في ولاية أوتار براديش عايز فلوس..الإنجليز هيدوك لما تشبع..بذور ولا سماد طبيعي..اؤمر يا أبو الهنود..الهندي ياخد..ميعرفش يسد..يشتغل أكتر..بعد ما اتداين للأنجليز..يسد الدين..فوائده..طيب لسه الأصل..محتاج أشتغل..طيب عايز محاصيل..اتداين..سد الأصل الجديد..والفائدة الجديدة..حسبة برمة..الشغل هنا فقط بيكون لسد الديون..فظهر بعد كده مصطلح اسمه ‘‘عبودية الديون‘‘. منظومة العمل الحديثة خدت الفكرة وجرتها للعالم الجديد أبو بدلة وكرافتة وجيبة..خد أجر..مش هيكفي..محتاج قرض عربية، تلاجة قسط، تكييف بتخفيض، اشتري..اشتري تاني..الأجر مش هيكفي..فتفضل تلف في الساقية..ومش هتعرف تسيب الشغل لأنه على حسه بتعرف تسدد التزاماتك للبنوك والدائنين..والشغل مش هيديك مرتب زي الناس..لأنك لو اتغنيت هتسيب الشغل لأصحابه..مينفعش..عبد بالدين..8 ساعات يبقوا 16 ساعة في وظيفة تانية..وتفضل من شغل لشغل عشان تكفي أهل بيتك أساسيات مولتها بالدين لأن المرتب مش بيكفي..وعدّ كام واحد منّا بيشتغل عشان الأقساط..كام مليون واحد؟. بس الماكينة الأميركية-الأوروبية التي اخترعت اللعبة وبتعرف ازاي تدورها..بدأت تبطل الكلام ده..غرب أوروبا الاسكندنافي مثلًا محكوم بقواعد الرفاه الاجتماعي..الساعة شغل بكذا..وعدد ساعات العمل اسمها كذا..وعلماو حاجة اسمها lebensqualität أو جودة الحياة..زمان نيتشه كان لهم مقولة أن العبد هو من لا يمتلك ثلث يومه للتصرف بحرية..ورجعوا يطبقوها..جودة حياة يعني صحة وتعليم، يعني وقت فراغ وسينما ومسرح ورياضة، يعني تأمين يغطي مصريف ولادك وشيخوختك..وبقى الوقت المخصص للترفيه جزء من أساسيات الحياة..ولزامًا على الدولة أن توفره للناس. لكن لما الأوروبيين يخرجوا بره بلادهم..لأ..شغل بقى العمال في بنجلاديش 40 ساعة في الوردية لغاية ما مصنع رانا بلازا يقع في رأسهم سنة 2013 ويفنى 1300 إنسان في دقيقة..اللي بنعمله لأهالينا حاجة..واللي ينعمله في العالم اللي بناخد منهم أيدي عاملة رخيصة..حاجة تانية..نفتح بقى مصانعنا عندهم، ونشغل ولاد بلدهم بأجور رديئة، ونراكم الأرباح ونصدرها لوطننا الأم، ندفع هناك ضرايب للحكومة، فتعمل طرق ومستشفيات ومدارس..بس الأوروبي دايمًا محتاج منظرّ..شخص تافه يصدر قيم عمل هما بنفسهم رموها من فوق كتافهم عشان صحة ورفاه شعوبهم..شخص بيتأجر في إيفنتات للشركات اللي بتشتغل الموظفين بتوعها..أنك هتاخد أجر قليل بس بكره تكبر..ده أنت ابن الشركة..خطاب تحفيزي فيه 40 ألف كلمة إنجليزي تعليم الشارع بس بيتقالوا بتفخيم كده..لازم حد يشربهم الذل بمعلقة فضة..زي السيدة التي كانت تخطب في فلاحات قطف أوراق الشاي في الهند. أهو ده بالظبط اللي أشكال التنمية البشرية المطلوقة علينا على فيسبوك بتعمله عشان تزود اسمها في الترند..تمرير الذل في هيئة شخص كاتب كلام على صورته وهو قاعد في مكان 5 نجوم..وفي الآخر هتتغني لما تشتغل 16 ساعة زي ما بيقولك؟..لأ...لأن مينفعش تتغني..ولا ينفع تعيش آدمي..لازم يحولك لماكينة جمع فلوس..جمع فتات..تلضم اللقمة في اللقمة وفي الآخر متلاقيش رغيف عيش كامل..لأنك لو لقيته..هتشبع..والشركة هتخسرك، وهو هيخسر الساعة اللي ب 800 $ تدريب..والأسوأ..الرسالة الأردأ..أنها هتشيلك ذنب فقرك وقلة حيلتك..لأنك لم تقبل تكون عبد على مقاسه.. والأكثر سوءً..أنها هتدي مبرر لأصحاب العمل أنهم يرموك ويجيبوا ألف غيرك..لأن ثمنك اتخفض جدًا بعد ما غيرك قبل شروط العبودية بالألوف..فلما تيجي تقول عايز كيلو لحمة..زيادة 400 جنيه..هيبقى مصيرك زي الموظف اللي بدأت به الحكاية. الخطاب مش ليك..أبدًا..ألخطاب لتدجين أجيال من الشباب..ولمخاطبة أرباب العمل..شوفوا أنا بجيب بضاعة رخيصة ازاي..زودوا ثمن الساعة بتاعتي..هي دي قصة ال 16 ساعة !

‏لمن لا يطيق القراءة..هذه القصص بتفاصيلها حكيتها في حلقة ‘‘المجزرة الكبرى‘‘ هنا على ‘‘بودكاست ألف باب‘‘ على يوتيوب، ضمن ست حلقات عن القضية الفلسطينية، ولنا لقاء في حلقة جديدة عما قريب..دعواتكم

‏أي جريمة ارتكبتها حماس لما شنّت طوفان الأقصى، ودمرت حياة الفلسطينيين ؟! تأمّل ملامح تلك السيدة، عادية كأي أم عربية، هي بالفعل كانت أمًا لطفلين، واسمها ‘‘خلود السعيدني‘‘..خلود كانت من سكّان مخيم البريج وسط قطاع غزة، وكانت حياتها تسير بشكل عادي، لولا إصابتها بالسرطان..مستشفيات القطاع لم تكن مؤهلة للتعامل مع حالتها المتقدّمة، وبالتالي الحل الوحيد كان سفرها لأحد مستشفيات القدس..لكن قطاع غزة محاصر، ولا بد من المرور على المعابر الإسرائيلية وكان نصيبها هو ‘‘معبر بيت حانون‘‘ خلود ذهبت مع أمها السيدة ‘‘ سلوى‘‘..طلبت إذن بالمرور والعلاج..ما الذي تفعله أكبر ديمقراطية في الشرق الأوسط..إسرائيل بالطبع..وقف ظابط الشاباك ومال برأسه عليها وأخبرها أن نجاتها في أمر واحد فقط..أن تجيب على بعض الأسئلة الخاصة بمن يعتقد الإسرائيليون أنهم ينتمون للمقاومة..رفضت خلود الإجابة..ليس لأنها تمتلك معلومة وتخفيها..أبدًا..لأنها لا تعلم شيئًا من الأساس..بقلب الأم وقفت السيد سلوى تطلب السماح لابنتها بالعلاج..لكن الإسرائيليون رفضوا..قدّمت تقييمًا طبيًا لحالتها المتدهورة..رد ظابط الشاباك..حسنًا ‘‘فتاة فلسطينية ميتة..خبر جيد يمنحني ترقية‘‘. رفضت خلود التجنيد في الشاباك..رفضت ابتزازها بمرضها..وبعد 3 أسابيع..سوف تنتقل إلى ذمّة الله..هل تعلم يا عزيزي..أن 40% من مصابي السرطان في غزة قبل السابع من أكتوبر لم يكن باستطاعتهم حتى إيجاد سرير في مشفى في قطاع غزّة؟..هل تعلم أن إسرائيل كانت تمنع إدخال المعدات الطبية اللازمة لعلاجهم حتى يكونوا مضطرين للذهاب للمعابر ومن ثم تعمل على تجنيدهم؟..هل تتخيّل الجنة التي أفسدتها حماس؟..يا رجل..من أين أتيت بتلك القصة؟..يستحيل أن تفعل إسرائيل ذلك..حماس هي من دمرت الرخاء الفلسطيني..من مصدر غربي بالتأكيد وهو وثائقي ‘‘العمل مع العدو‘‘ إنتاج BBC. حماس تستحق العقاب إذن..هي وسكان قطاع غزة..لكن أكيد في الضفة الغربية حيث السلطة المتعاونة مع الاحتلال..أكيد كان الفلسطيني يحصل على امتيازات طبية..فلتسمع إذن قصة أخرى من كتاب الصحافي الاستقصائي الاسترالي ‘‘ جون بيلجر‘‘..وهو كتاب ‘‘الحرية في المرة القادمة‘‘..‘‘ناصر‘‘ شاب قضى في سجون الاحتلال عامين، ثم خرج وكانت أقصى أمنياته أن يُرزق بطفل من زوجته ‘‘فاطمة‘‘..محاولة تلو الأخرى، والأمر غير مُجدي، فجربّوا تقنيات التلقيح، وبالفعل حملت فاطمة..يوم السعد يا ناصر..تسعة أشهر وجاءت لحظة الطلق..خرج ناصر مسرعًا بزوجته في سيارة يمتلكها صديقه، للذهاب للمستشفى..وإذ فجأة يستوقفهم الجنود الإسرائيليون. رفض الجنود عبور فاطمة لوضع وليدها وأمروا ناصر بالعودة..يبكي ناصر طالبًا الرحمة لزوجته، فأتاه الرد من الجندي الإسرائيلي بالضحك والسخرية وتقليد آلام الوضع التي كانت تعانيها زوجته..تراجع ناصر ثم عاود المحاولة..وأتاه الرفض من جديد..في النهاية وضعت فاطمة وليدها في السيارة وانقطع الحبل السري..الحمد لله أنجبت أخيرًا بالعند في جنود الاحتلال..لا والله..رفضوا حتى رجوعهم لمنزلهم..ومات الطفل متجمدًا من البرد..مستشفى ‘‘هداسا‘‘..كانت على بعد كيلو ونصف فقط حيث مات ‘‘سلطان‘‘..رفض ناصر أن يموت ابنه دون اسم..فسماه سلطان..يحكي بيلجر أنه في هذا الشهر توفي 29 فلسطيني لأن إسرائيل منعت وصول سيارات الإسعاف لنجدتهم..لم تكن هناك حماس..ولم يكن ثمة طوفان الأقصى ! يُحكى أنه في العام 1982 قصفت إسرائيل مخيم ‘‘برج البراجنة‘‘ في بيروت ما أدّى لمقتل 120 مدني فلسطيني ولبناني..فتوجّه الصحافيون بسؤال لمناحم بيجن عن الهمجية الإسرائيلية فأجاب..كما يورد الصحافي البريطاني ‘‘باتريك سيل‘‘في كتابه ‘‘الأسد: الصراع على الشرق الأوسط‘‘..‘‘منذ متى أصبح سكان لبنان جميلين فجأة؟..ألم يقدموا المأوى للإرهابيين؟..ألم تطرد إسرائيل مليونًا ونصف المليون مصري من ضفة قناة السويس أثناء حرب الاستنزاف مع مصر؟..إنني لا أشك لحظة واحدة في أن المدنيين يستحقون العقاب‘‘. ليست فلسطين..وليست حماس..بل لبنان قبل خمس سنوات كاملة من تأسيس حماس..كانت إسرائيل تدافع على لسان رئيس وزرائها عن قتل المدنيين..بعد شهور قليلة سوف تذبح إسرائيل بالتعاون مع إيلي حبيقة ومارون مشعلاني..3 آلاف فلسطيني في صابرا وشاتيلا..في ليلة واحدة..قتلوا جميعهم قبل 43 عامًا من طوفان الأقصى..هل تعلم أنه في العام 2022، العام السابق على طوفان الأقصى، قتلت إسرائيل 230 فلسطيني بإعدامات مباشرة في الضفة؟..الضفة حيث سلطة التطبيع التابعة لأبو مازن؟..9335 فلسطينيا أصيبوا في مواجهات مباشرة مع الاحتلال..6500 حالة اعتقال..صادرت إسرائيل 10 آلاف دون..وأنشأت 13 ألف وحدة استيطانية..هذه كانت ومضات فقط من حياة الفلسطيني قبل 7 أكتوبر.

ثم يأتي أحدهم لينعي ‘‘ الجنّة‘‘ التي خربتها حماس عندما اختارت طريق المقاومة..فلتخبر إذن خلود السعيدني عن الجنة..فلتسأل ناصر عبد ربه عن طفله الميت في الجليد..فلتقف أمام أرواح لأفو الفلسطينيين المبقورة بطونهم في صابرا وشاتيلا..فلتسألهم جميعًا..كيف كانت جّنتهم الإسرائيلية التي أفسدتها حماس..كل ما فعلته المقاومة أنها رفضت لمرة أولى وكبيرة مكثّفة الذل اليومي المقطّر الذي يعيشه أبناء شعبها..لأول مرة اختارت ردّ المظالم بالطريقة التي تؤلم العدو كما تألمت ألف خلود وألف ناصر..للمرة الأولى وضعت العالم أمام زيفه وخداعه..الفلسطيني يموت كل دقيقة ألف مرة..فليكن لموته ثمن..علكم تشعرون بمأساتنا. هذه جنة الإسرائيلي التي دمرتها حماس..هل توّد أن تحيا في واحدة مثلها في وطنك؟...هل تود أن تفقد طفلك على المعابر؟..هل تود أن تموت ابنتك بالسرطان وهي تتعرض للابتزاز؟..هل هذه الجنة التي تطأطيء الرأس من أجلها وتقبل الفتات؟...وهل بعد كل ذلك..لن ترفع سلاحك..وتقول..إما الكرامة أو دونها الحياة؟..هذا ما فعلته المقاومة..كرامة الفلسطيني أو أن يدفع العالم أثمان إهدارها..موتًا وأسرًا !

‏مجاعة قاسية تضرب شمال غزة.. الناس لا تجد حتى ورق الشجر لتطهوه وتأكله..والأطفال يتبدّى عليهم الهزال، وكأنه لم تزر بطونهم قضمة من طعام قط..الصور الواردة والمحكية شديدة الرعب وكأننا رجعنا لعصور الحجر..وللأسف ظّن البعض أن المجاعة قد انتهت بفعل صور تم تداولها إعلاميًا قبل شهرين، وأخبار عن دخول شاحنات مساعدات، لكن الصهاينة أوقفوا كل تلك الإجراءات، وعاد الجوع ينهش أجساد الغزيين. تخيّل فقط ابنك هو الذي يطلب رشفة ماء نظيفة ولا يجدها، أو تخيّلها رضيعتك تلك التي لا تجد كوب من حليب، أو أخيك الذي يتضور جوعًا ولا تمتلك حتى كسرة خبز لجبر ألمه..أو تخيّل نفسك فقط وأنت ترى الناس من حولك محتفلون، ولنعيم الله مستعرضون، بينما أنت تتمنى فقط بقية أكل من طعامهم ولا تجد..تخيّل ثم اوصف شعورك حينها..بينما أخيك لا يتذكرك حتى بكلمة أو دعاء. العيد على بعد أيام، وموائد المسلمين سوف تكون ممتلئة بأصناف اللحوم، و‘‘ليس بمؤمن من بات شبعان وجاره إلى جواره جائع وهو يعلم‘‘ كما أخبرنا الرسول الكريم..وإن لم نستطع إطعامهم..فواجب علينا أن نذّكر العالم بمأساتهم، علّ الله يغير بأصواتنا شيئًا..اكتبوا عن ‎#مجاعة_شمال_غزّة..كونوا صوتهم في وقت الخرس، ونور أعينهم في وقت انعدام الشوف..وهذا أقل ما نقدّم لهم.