•AFRAH-🐆

من فضل ربي ماربينا على العيب ‏درب النقى نمشيه من طيب نيّه ‏نفزع مع العالم طناخه وتهذيب ‏ماهي ردى ولا بنا عنصريّه ‏عمر الثنا مانقص الذيب ياذيب ‏وبفضل ربي ما مدحت الرديّه ‏خوينا لو بان فيه العذاريب ‏اليا نشدونا عنه فينا حميّه ‏مانقبل بهرج القفى ساعة يغيب ‏واليا حظر يبشر بفزعة خويّه .

"أن يبقى قلبك فارغًا تمامًا أفضل من أن يمتلئ بشيء خاطئ وهمي أو مؤقت، فليبقى فارغًا فحسب."

للصّمت بعض احيان قيمه وهيبه ‏بالذّات لا جاك الحكي من رديّين ‏ردّك عـلــى هــرج الرديّين عيبه ‏إنـّك تعظّم ناس ماهم عظيمين

اللهم قوي قلبنا و طمن بالنا، و ريِّح خاطرنا يالله، يارب إن ضاق صدرنا فلا موسع له إلا انت وإن زاد همنا فلا مُزيل له إلا أنت.

ماني مثل غيري ولا الغير مثلي ‏لي خط سيرٍ مختلف في زماني ‏ ولا انا تابعك مثل ظلك ولا ظلي ‏لي درب اتبعه ولك درب عمياني

اللي يبي يجلس نحطه بالاعيان ‏بين الضلوع العوج محفوظ ودّه ‏ واللي يبي يمشي بستين شيطان ‏ياجعل دربٍ راح به ، ، مايرده ‏احيان بعض الصبر للنفس نقصان ‏من لا يعدك شي لا شي عده

سبحان الله وبحمده سبحان الله العظيم.

ارفع مقامك عن وكالة يقولون ‏مامن وراها غير هدم العلاقات ‏خلك نظيف القلب ظاهر ومظمون ‏شيل الجميل وخل كل التفاهات .

قيادة حكيمة، وهمّة شعب وعزيمة تسير معًا لتحقق رؤية وطن ‏ دمت مجدًا شامخًا ومستقبلاً واعدًا يا وطن🇸🇦⁧

سيء جداً ‏أن تحمل هموم ليست مناسبة لسنك في وقت ‏من المفترض أن تعيش أجمل أيام حياتك ."

جمايل أبوي ماني قادر احصيها ‏من كثرها لو بعددها ابخطيها ‏اكرمني بجوده وطيبه ووقفاته ‏وبالسيره الي تبيض وجه راعيها ‏طاريه لا مر في المجلس يشرفني ‏كلمة نعم تاخذ من اسمه معانيها ‏ابو الهلا والقبال السمح والهيبه ‏وابو المكارم وسيدها وغاليه🤍

إن كان مالك نفس قلّي و مسموح ‏ولا تكرهني بنفسك و أنا أغليك ‏الروح ما تجبر على معرفة الروح ‏فكّر و عطني صامل العلم و أعطيك ‏إن ما حصل من بيننا ضحك و مزوح ‏بالغصب ماني يا أريّش العين باغيك ‏ما أبيك تنهي صادق الحب بجروح ‏ " أبذكرك بالخير لا حل طاريك "

يا كثرهم من حاولوا .. يهزموني ‏شافوني الاصعب ولا شفتهم شي ‏من حقدهم في كل شي ابتلوني ‏لو اذنبوا في ذنب صار الاثم لي ‏انا حديث افواههم لا تطروني ‏كابوسهم لا اظلم الليل والضيّ ‏عوّدتهم لامن نصوني احذروني ‏هيّبتهم لين اعرفوا قيمتي حيّ

اسعى ورا حلمك التايه وخلك جزوم ‏لا تحسب حساب من ساعد ولا من جحد ‏وان وقّفوا ضدك اللي يحبطون العزوم ‏وقّف لهم وقفة اللي ما عليه من أحد

نظافة القلب تتربى عليها صعب تتعلمها .

خلوني الناس او خلاني الغالي ‏مسموحه الناس والغالي على ظنه ‏ماني بداخل صدر من يكره وصالي ‏انا اللي اخطيت يوم اغليه واحنه ‏طريقة الجرح معروفه وفي بالي ‏ويردني الدين ، والتقدير ، والسنة ‏منهو مخليني لحالي على حالي، ‏ماني مخليه .. لين القاه فالجنة

الله الله يالدروب المستقيمه ‏كيف أجادل واحد ماهو بقدي ‏شرهة العاقل على النفس الكريمه ‏وأحتفظ بالرد في مزحي وجدي ‏يفرح الجاهل ويحسبها هزيمه ‏مادرى عيني لمثله ما تلدي ‏صدتي من بعض خلق الله غنيمه ‏مايوالف قلبي القلب المصدي

أحذر إنك تحداني على عزّة النفس ‏و أحذر تذلّني و تحدني على القطاعه ‏ترى الكرامه مغروسةٍ بصدري غرس ‏ترد قلبي عنك لو إنه بكامل إندفاعه ‏كأنك ناوي تعطيني بالمحبه الدرس ‏بعطيك درسٍ عن الكرامه بكل براعه ‏" إن بعدت بخليك ذكرى ليلة الأمس" ‏وبغلي قلبي لإنه ماهوب لك بضاعه

لا تغرك طيبتي ترى راسي عنيد ‏لو طرى شيءٍ على بالـي وجـب ‏ان ضربت اضرب بكفٍ من حديد ‏وان رقيت ارقى على هام السحب ‏الأحرار أحرار ما تصـبح عبـيد ‏لو تشـب النار زدناها حطـب