បណ្ណាល័យ ស៊ន់ ឡី

របៀបអានសៀវភៅ - ចំណោទបញ្ហា/ ប្រធានបទ - ស្វែងរកឯសារ ឬសៀវភៅ - អាន ១. មើលទំព័រក្របមុខ (ទំព័រចំណងជើងសៀវភៅ Title page) - ប្រធានបទ? - ជ្រើសរើសសៀវភៅទាក់ទងនឹងប្រធានបទ ២. យកសៀវភៅដែលបានជ្រើសរើស - ពិនិត្យមើលក្របក្រោយ (blurb) - រកមើលមូលន័យសង្ខេប (Abstract) ៣. យកសៀវភៅដែលបានជ្រើសរើសមកបើកមើលទំព័រខាងមុខ ស្វែងរកមើល៖ - មូលន័យសង្ខេប អារម្មកថា ចំណាប់អារម្មណ៍របស់អ្នកនិពន្ធ - ប្រធានបទ? - ជ្រើសរើសយក ឬជំរុះសៀវភៅ? ៤. បើសៀវភៅដែលបានជ្រើសរើស ពីទំព័រក្របខាងក្រោយ ស្វែងរក៖ ៥. យកសៀវភៅដែលបានជ្រើសរើសដោយសម្រិតសម្ដៅមកបើកមើលកំពងមាតិកា៖ - រកទម្រកមើលជំពូកផ្នែក - ប្រធានបទ - ពេលកំណត់ចំណាំឬ highlightត្រង់ចំណុចពាក់ព័ន្ធ និងប្រធានបទ គ្រប់សៀវភៅ ដែលបានជ្រើសរើស។ ៦. បើកសៀវភៅតាមចំណុចកំណត់ចំណាំលើមាតិការ (គ្រប់សៀវភៅ) - អត្ថបទមេរៀនពិស្តា - អានត្រួសៗ/ច្បោលៗ/ចោះៗ - រកមើលឃ្លា ឬកថាខណ្ឌណាដែលជាប្រធានបទ - ធ្វើកំណត់ចំណាំ ត្រង់ចំណុចពាក់ព័ន្ធនឹងប្រធានបទ នៅគ្រប់សៀវភៅដែលបានជ្រើសរើស ៧.ត្រឡប់មកអាច ត្រង់កំណត់ចំណាំឡើងវិញយឺតៗ  យកចិត្តទុកដាក់វិភាគពាក្យពេចន៍ អត្ថន័យ ខ្លឹមសារអត្ថបទដោយហ្មត់ចត់ ទាក់ទងប្រធានបទ  រកឃើញឃ្លា ឬកថាខណ្ឌ ដែលទាក់ទងនឹងប្រធានបទ  ដកស្រងចេញមក និងកត់ត្រាទុក ៨. កត់ត្រា៖  ឈ្មោះអ្នកនិពន្ធ  ចំណងជើងសៀវភៅ  ទីកន្លែងបោះពុម្ភ  ក្រុមហ៊ុនបោះពុម្ភ  ឆ្នាំបោះពុម្ភ  បោះពុម្ភលើកទី......  ទំព័រ  កត់ត្រាខ្លឹមសារដែលបានដកស្រង “abc” ៩. សរសេរ ប្រធានបទ ដែលជាអំណះអំណាងដែលជាគំនិតផ្ទាល់ខ្លួនឯង  សរសរខ្លឹមសារដែលបានដកស្រង “abc” ១  សរសរខ្លឹមសារដែលបានដកស្រង “abc” ២  សរសរខ្លឹមសារដែលបានដកស្រង “abc” ៣  ខ្លឹមសារដក់ស្រងគឺជាទឡ្ហីករ ដែលគាំទ្រ គំនិតផ្ទាល់ខ្លួន។ (ដកស្រង់ពីសៀវភៅ “ទស្សនវិជ្ជា (ការគិត៖ មនុស្ស និងច្បាប់សង្គម)”, បណ្ឌិត ប៉ាន់ វុត្ថា)

# មជ្ឈត្តការ [ម័ច-ឈ័ត-តៈ-កា] ន. ដំណើរការដោះស្រាយវិវាទក្រៅប្រព័ន្ធតុលាការ ដែលភាគីពីរឬច្រើនដាក់រឿងវិវាទរបស់ពួកគេរៀងៗខ្លួនជូនមជ្ឈត្តករឱ្យព្យាយាមធ្វើកិច្ចព្រមព្រៀងមួយដែលមានអព្យាក្រឹតភាពចំពោះភាគីទាំងនោះ ហើយចេញមជ្ឈត្តវិនិច្ឆ័យមួយ។

#សន្ធានកម្ម [សន់-ធា-នៈ-កាំ] ១) ន. ការធ្វើសន្ធាន, ការសម្រុះសម្រួល។ ២) ដំណើរការដោះស្រាយវិវាទក្រៅផ្លូវការ ដែលភាគីពីរឬច្រើនពិភាក្សាគ្នាអំពីជំហររបស់ពួកគេរៀងៗខ្លួន ហើយព្យាយាមធ្វើកិច្ចព្រមព្រៀងមួយ ដោយមានជំនួយពីសន្ធានការីដែលមានអព្យាក្រឹតភាពចំពោះភាគីទាំងនោះ : ប្រើសន្ធានកម្មសម្រាប់ដោះស្រាយវិវាទគ្រួសារ។

រីករាយទិវានារីអន្តរជាតិ International Women's Day

និយមន័យ នៃពាក្យ ផ្លាស់ប្ដូរ បរិវត្តកម្ម កំណែទម្រង់ និង បដិវត្ត៖ ​១. ផ្លាស់ប្តូរ (Change) ​គឺជាពាក្យទូទៅបំផុត ដែលសំដៅលើការធ្វើឱ្យមានសភាពខុសប្លែកពីមុន។ ​លក្ខណៈ៖ អាចជាការផ្លាស់ប្តូរតូចតាច ឬធំ វិជ្ជមានឬអវិជ្ជមាន ហើយអាចកើតឡើងដោយឯកឯង ឬមានការរៀបចំ។ ​ឧទាហរណ៍៖ ការផ្លាស់ប្តូរសម្លៀកបំពាក់, ការផ្លាស់ប្តូរអាកប្បកិរិយា។ ​២. បរិវត្តកម្ម (Transformation) ​គឺជាការផ្លាស់ប្តូររូបរាង លក្ខណៈសម្បត្តិ ឬសណ្ឋានទាំងស្រុងពីស្ថានភាពមួយទៅស្ថានភាពមួយទៀតដែលប្រសើរជាងមុន។ ​លក្ខណៈ៖ ជាការផ្លាស់ប្តូរក្នុងកម្រិតស៊ីជម្រៅ (Deep change) ដែលធ្វើឱ្យអ្វីមួយមើលទៅប្លែកមុខប្លែកមាត់ទាំងស្រុង។ ក្នុងសម័យនេះ យើងច្រើនប្រើពាក្យ "បរិវត្តកម្មឌីជីថល" (Digital Transformation)។ ​ឧទាហរណ៍៖ ការផ្លាស់ប្តូរពីការប្រើក្រដាសស្នាម មកប្រើប្រព័ន្ធកុំព្យូទ័រទាំងស្រុងក្នុងរដ្ឋបាល។ ​៣. កំណែទម្រង់ (Reform) ​គឺជាការកែសម្រួល ឬរៀបចំឡើងវិញនូវប្រព័ន្ធ ឬរចនាសម្ព័ន្ធដែលមានស្រាប់ ដើម្បីឱ្យមានប្រសិទ្ធភាពជាងមុន ឬដើម្បីលុបបំបាត់ចំណុចអសកម្ម។ ​លក្ខណៈ៖ ធ្វើឡើងជាជំហានៗ តាមបែបវិវត្ត (Evolution) ដោយមិនបំផ្លាញគ្រោងស្រាប់ចោលទាំងស្រុងនោះទេ តែគឺដើម្បី "ធ្វើឱ្យប្រសើរឡើង"។ ​ឧទាហរណ៍៖ កំណែទម្រង់ការបោះឆ្នោត, កំណែទម្រង់ប្រព័ន្ធអប់រំ ឬកំណែទម្រង់រដ្ឋបាលសាធារណៈ។ ​៤. បដិវត្ត (Revolution) ​គឺជាការផ្លាស់ប្តូរជាមូលដ្ឋាន យ៉ាងគំហុក និងឆាប់រហ័សបំផុត ដែលជាធម្មតាគឺការរុះរើប្រព័ន្ធចាស់ចោលទាំងស្រុង ដើម្បីជំនួសដោយប្រព័ន្ធថ្មីថ្មោង។ ​លក្ខណៈ៖ មានឥទ្ធិពលខ្លាំងក្លា និងជះឥទ្ធិពលដល់សង្គមទាំងមូល (អាចជាផ្នែកនយោបាយ បច្ចេកវិទ្យា ឬឧស្សាហកម្ម)។ ​ឧទាហរណ៍៖ បដិវត្តឧស្សាហកម្ម, បដិវត្តបច្ចេកវិទ្យាព័ត៌មាន ឬបដិវត្តនយោបាយប្តូររបបគ្រប់គ្រងរដ្ឋ។ @Sounley_Library

#ចក្ខុវិស័យនៃកម្មវិធីជាតិ សម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី២ (២០២១-២០៣០)គឺ “ប្រជាពលរដ្ឋ ទទួលបានផលប្រយោជន៍ពីការផ្តល់សេវាសាធារណៈ និងការអភិវឌ្ឍមូលដ្ឋានរបស់រដ្ឋបាលថ្នាក់ក្រោមជាតិ ប្រកបដោយបរិយាបន្ន និងសមធម៌សង្គម ដែលជាការរួមចំណែកសម្រេចឱ្យបាននូវគោលបំណង ដ៏ទូលំទូលាយរបស់រាជរដ្ឋភិបាលក្នុងការអភិវឌ្ឍសេដ្ឋកិច្ច និងសង្គមជាតិ សំដៅប្រែក្លាយកម្ពុជាឱ្យក្លាយ ទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០”។ @Sounley_Library

#អនុសញ្ញា និង #សន្ធិសញ្ញា ពាក្យទាំងពីរនេះមានតម្លៃគតិយុត្តិស្មើគ្នា ពោលគឺជាកិច្ចព្រមព្រៀងជាលាយលក្ខណ៍អក្សររវាងរដ្ឋ និងរដ្ឋ ឬរវាងរដ្ឋ និងអង្គការអន្តរជាតិ។ ១/ អត្ថន័យ អនុសញ្ញា និងសន្ធិសញ្ញា #អនុសញ្ញា គឺជាកិច្ចព្រមព្រៀងឬល័ក្ខខ័ណ្ឌនៃកិច្ចព្រមព្រៀងគ្នាទៅវិញទៅមក។ #សន្ធិសញ្ញា ជាកិច្ចព្រមព្រៀងឬកិច្ចសន្យាគតិយុត្តិអន្តរជាតិដែលធ្វើឡើងរវាងរដ្ឋ និងរដ្ឋនានាជាភាគីពាក់ព័ន្ធដោយស្ម័គ្រចិត្តនៅក្នុងទម្រង់ជាលាយល័ក្ខអក្សរហើយស្ថិតក្រោមច្បាប់អន្តរជាតិដែលមានអានុភាពអនុវត្តតាមផ្លូវច្បាប់ជាលក្ខណៈបង្ខំចំពោះគ្រប់ភាគីទាំងអស់ដែលខុសប្លែកពីសេចក្ដីប្រកាសធម្មតា។ ២/ ភាពខុសគ្នារវាង អនុសញ្ញា និងសន្ធិសញ្ញា ក/ សន្ធិសញ្ញា (Treaty) - ចំនួនភាគី៖ ច្រើនតែធ្វើឡើងរវាង រដ្ឋ ២ (ទ្វេភាគី)។ - ខ្លឹមសារ៖ ផ្ដោតលើបញ្ហាធំៗ និងជាក់លាក់ ដូចជា ព្រំដែន សន្តិភាព ឬសម្ព័ន្ធមិត្តយោធា។ - ឧទាហរណ៍៖ សន្ធិសញ្ញា បារាំង-សៀម ១៩០២។ ខ/ អនុសញ្ញា (Convention) - ចំនួនភាគី៖ ធ្វើឡើងរវាង រដ្ឋច្រើន (ពហុភាគី)។ - ខ្លឹមសារ៖ បង្កើតជាច្បាប់ ឬបទដ្ឋានរួមសម្រាប់ពិភពលោកអនុវត្តតាម។ - ឧទាហរណ៍៖ អនុសញ្ញាស្តីពីសិទ្ធិកុមារ។ សរុបមក សន្ធិសញ្ញា ជាការព្រមព្រៀងរវាងប្រទេស២(ភាគច្រើន)ចំណែក អនុសញ្ញា ជាការព្រមព្រៀងគ្នារវាងប្រទេសជាច្រើនយល់ព្រមអនុវត្តជាមួយគ្នា។ Credit #ngethmalai-ម៉ាឡៃ

នេះគឺជាការពន្យល់យ៉ាងសង្ខេប និងងាយយល់អំពីឧបករណ៍គ្រប់គ្រងការអភិវឌ្ឍទាំងពីររបស់រដ្ឋបាលស្រុក ដែលត្រូវបានកំណត់ក្នុងច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ៖ ១. ផែនការអភិវឌ្ឍន៍រយៈពេល ៥ ឆ្នាំ (5-Year Development Plan) ផែនការនេះគឺជា "ចក្ខុវិស័យវែងឆ្ងាយ" របស់ក្រុមប្រឹក្សាស្រុក។ គោលបំណង៖ កំណត់ទិសដៅអភិវឌ្ឍន៍រួមក្នុងស្រុក ផ្អែកលើតម្រូវការជាក់ស្តែងរបស់មូលដ្ឋាន និងស្របតាមគោលនយោបាយជាតិ។ រយៈពេល៖ មានសុពលភាព ៥ ឆ្នាំ (ច្រើនតែស្របតាមអាណត្តិរបស់ក្រុមប្រឹក្សា)។ ខ្លឹមសារសំខាន់ៗ៖ * ការវិភាគស្ថានភាពបច្ចុប្បន្នរបស់ស្រុក (ចំណុចខ្លាំង ចំណុចខ្សោយ)។ ការកំណត់គោលដៅយុទ្ធសាស្ត្រលើគ្រប់វិស័យ (សេដ្ឋកិច្ច សង្គមកិច្ច ធនធានធម្មជាតិ និងរដ្ឋបាល)។ ក្របខណ្ឌតាមដាន និងវាយតម្លៃ។ ២. កម្មវិធីវិនិយោគ ៣ ឆ្នាំរំកិល (3-Year Rolling Investment Program) នេះគឺជា "ផែនការសកម្មភាពជាក់ស្តែង" ដើម្បីអនុវត្តផែនការ ៥ ឆ្នាំខាងលើ។ ហេតុអ្វីបានជាហៅថា "រំកិល"? ព្រោះវាត្រូវបានបច្ចុប្បន្នភាពជារៀងរាល់ឆ្នាំ។ ឧទាហរណ៍៖ ឆ្នាំនេះយើងធ្វើសម្រាប់ឆ្នាំ (២០២៤-២០២៦) ដល់ឆ្នាំក្រោយ យើងនឹងរៀបចំសម្រាប់ (២០២៥-២០២៧)។ គោលបំណង៖ បំប្លែងយុទ្ធសាស្ត្រក្នុងផែនការ ៥ ឆ្នាំ មកជាគម្រោងជាក់ស្តែង (ដូចជា សាងសង់ផ្លូវ សាលារៀន ប្រព័ន្ធធារាសាស្ត្រ...)។ ខ្លឹមសារសំខាន់ៗ៖ បញ្ជីគម្រោងអាទិភាព។ ការប៉ាន់ស្មានថវិកា និងប្រភពទុន (កញ្ចប់ថវិកាស្រុក ជំនួយ ឬការចូលរួមពីសហគមន៍)។ ការកំណត់ពេលវេលាអនុវត្តច្បាស់លាស់។ https://t.me/sounley_library

*** វិមជ្ឈការ ចែកជា២ គឺ វិមជ្ឈការដែនដី និងវិមជ្ឈការបច្ចេកទេស៖ ១. វិមជ្ឈការដែនដី (Territorial Decentralization) វិមជ្ឈការដែនដី គឺជាការផ្ទេរសិទ្ធិ អំណាច និងធនធានពីរដ្ឋបាលកណ្តាល (រាជរដ្ឋាភិបាល) ទៅឱ្យ អង្គភាពរដ្ឋបាលថ្នាក់ក្រោមជាតិ ដែលមានដែនដីកំណត់ច្បាស់លាស់។ លក្ខណៈសម្គាល់៖ មានសមត្ថកិច្ចគ្របដណ្តប់លើ ដែនដី ណាមួយ (ដូចជា ឃុំ សង្កាត់ ក្រុង ស្រុក ខណ្ឌ ឬរាជធានី ខេត្ត)។ មានស្វ័យភាពក្នុងការសម្រេចចិត្តលើកិច្ចការមូលដ្ឋាន។ មានក្រុមប្រឹក្សាដែលកើតចេញពីការបោះឆ្នោត (ឧទាហរណ៍៖ ក្រុមប្រឹក្សាឃុំ/សង្កាត់)។ គោលបំណង៖ ដើម្បីឱ្យការសម្រេចចិត្ត និងការផ្តល់សេវាសាធារណៈនៅកៀកជិតប្រជាពលរដ្ឋបំផុត និងឆ្លើយតបទៅនឹងតម្រូវការជាក់ស្តែងនៃតំបន់នោះ។ ២. វិមជ្ឈការបច្ចេកទេស (Technical Decentralization) វិមជ្ឈការបច្ចេកទេស (ជួនកាលហៅថា វិមជ្ឈការតាមវិស័យ) គឺជាការផ្ទេរសិទ្ធិអំណាចពីរដ្ឋបាលកណ្តាល ទៅឱ្យអង្គភាពសាធារណៈណាមួយ ដើម្បីគ្រប់គ្រង ការងារបច្ចេកទេស ឬសេវាកម្មជាក់លាក់ មួយដោយឯករាជ្យ។ លក្ខណៈសម្គាល់៖ មិនផ្អែកលើដែនដីឡើយ ប៉ុន្តែផ្អែកលើ មុខងារ ឬជំនាញ។ អង្គភាពនោះមាននីតិបុគ្គលសាធារណៈ និងមានស្វ័យភាពហិរញ្ញវត្ថុផ្ទាល់ខ្លួន។ ឧទាហរណ៍៖ គ្រឹះស្ថានសាធារណៈរដ្ឋបាល (សាកលវិទ្យាល័យភូមិន្ទភ្នំពេញ, មន្ទីរពេទ្យកាល់ម៉ែត) ឬសហគ្រាសសាធារណៈ (អគ្គិសនីកម្ពុជា, រដ្ឋាករទឹកស្វយ័តក្រុងភ្នំពេញ)។ គោលបំណង៖ ដើម្បីឱ្យការគ្រប់គ្រងសេវាសាធារណៈដែលមានលក្ខណៈបច្ចេកទេសស្មុគស្មាញ មានភាពរហ័សរហួន និងមានប្រសិទ្ធភាពជាងការដឹកនាំដោយផ្ទាល់ពីក្រសួង។

អនុក្រឹត្យ ស្ដីពីការកំណត់មុខតំណែងវិជ្ជាជីវៈ និងការពិពណ៍នាមុខតំណែងនានាក្នុងរចនាសម្ព័ន្ធរបស់រដ្ឋបាលក្រុង ស្រុក ខណ្ឌ (២០២៣)

ប្រាក់ឧបត្ថម្ភចូលនិវត្តន៍ ១- អតីតភាពការងារតិចជាង ២០ឆ្នាំ ប្រាក់ដែលត្រូវទទួលបាន : បៀវត្សមូលដ្ឋានមុនពេលចូលនិវត្តន៍ គុណ ១០ខែ គ្មានប្រាក់ប្រចាំខែ ២- អតីតភាពការងារ ២០ឆ្នាំ ប្រាក់ប្រចាំខែទទួលបាន ៦០% នៃបៀវត្សមូលដ្ឋានមុនពេលចូលនិវត្តន៍ និងប្រាក់ឧបត្ថម្ភទទួលបានស្មើនឹង បៀវត្សមូលដ្ឋានមុនពេលចូលនិវត្តន៍ គុណនឹង ៨ខែ ។ ៣- - អតីតភាពការងារ ២១ឆ្នាំ គុណ ៦២% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២២ឆ្នាំ គុណ ៦៤% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៣ឆ្នាំ គុណ ៦៦% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៤ឆ្នាំ គុណ ៦៨% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៥ឆ្នាំ គុណ ៧០% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៦ឆ្នាំ ៦ខែ ៧២% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៧ឆ្នាំ គុណ ៧៤% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៨ឆ្នាំ គុណ ៧៦% នៃបៀវត្សមូលដ្ឋានមុនពេលចូលនិវត្តន៍ - អតីតភាពការងារ ២៩ឆ្នាំ គុណ ៧៨% នៃបៀវត្សមូលដ្ឋានមុនពេលចូលនិវត្តន៍ និងប្រាក់ឧបត្ថម្ភទទួលបានស្មើនឹង បៀវត្សមូលដ្ឋានមុនពេលចូលនិវត្តន៍ គុណនឹង ៨ខែ ដូចគ្នា ។ ៤- អតីតភាពការងារចាប់ពី ៣០ឆ្នាំឡើង ទៅគុណ ៨០% នៃបៀវត្សមូលដ្ឋានមុនពេលចូលនិវត្តន៍ និងប្រាក់ឧបត្ថម្ភទទួលបាន ស្មើនឹងបៀវត្សមូលដ្ឋានមុនពេលចូលនិវត្តន៍ គុណនឹង ៨ខែ ។ (និងមានប្រាក់អត្ថប្រយោជន៍ផ្សេងៗទៀត)

អង្គវិជ្ជាជីវៈ ទាំង៦ ដែលស្ថិតក្រោមច្បាប់សហលក្ខខន្តិកៈ រួមមាន : (1)អង្គវិជ្ជាជីវៈរដ្ឋបាល (2)អង្គវិជ្ជាជីវៈរដ្ឋបាលមហាផ្ទៃ (3)អង្គវិជ្ជាជីវៈគ្រូបង្រៀន (4)អង្គវិជ្ជាជីវៈសុខាភិបាល (5)អង្គវិជ្ជាជីវៈការទូត (6)អង្គវិជ្ជាជីវៈបច្ចេកទេស

ស្វែងយល់ពីប្រាក់បំណាច់របស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ ក៏ដូចជាក្រុមប្រឹក្សា ឃុំ សង្កាត់ និងមន្ត្រីភូមិ សម្រាប់ឆ្នាំ ២០២៦ មានស្ថានភាពដូចខាងក្រោម៖ * ប្រធានក្រុមប្រឹក្សារាជធានី ខេត្ត ទទួលបាន ១ ៦៨៥ ០០០ រៀល, * សមាជិកក្រុមប្រឹក្សារាជធានី ខេត្ត ទទួលបាន ១ ២៨០ ០០០ រៀល, * ប្រធានក្រុមប្រឹក្សាក្រុង ស្រុក ខណ្ឌ ទទួលបាន ១ ៣៩៥ ០០០ រៀល, * សមាជិកក្រុមប្រឹក្សាក្រុង ស្រុក ខណ្ឌ ទទួលបាន ១ ០៥០ ០០០ រៀល, * មេឃុំ ចៅសង្កាត់ ទទួលបាន ១ ៣៤៥ ០០០ រៀល, * ជំទប់ទី១ ទី២ ចៅសង្កាត់រងទី១ ទី២ ទទួលបាន ១ ០០៥ ០០០ រៀល, * សមាជិកក្រុមប្រឹក្សាឃុំ សង្កាត់ ទទួលបាន ៨៩៥ ០០០ រៀល, * មេភូមិ ទទួលបាន ៥៧០ ០០០ រៀល, * អនុប្រធានភូមិ ទទួលបាន ៤៤៥ ០០០ រៀល, * សមាជិកភូមិ ទទួលបាន ៤១៥ ០០០ រៀល --------------------------------------------------- #រដ្ឋបាលថ្នាក់ក្រោមជាតិ

ស្វែងយល់ អំពីបញ្ចកោណទាំង ៥ នៃយុទ្ធសាស្ត្របញ្ចកោណ-ដំណាក់កាលទី១ នាំកម្ពុជា២០៥០

(1)ដល់ឆ្នាំ២០៣០ ចំណូលប្រជាពលរដ្ឋម្នាក់4466$/១ឆ្នាំ (2)ដល់ឆ្នាំ២០៥០ ចំណូលប្រជាពលរដ្ឋម្នាក់13 845/១ឆ្នាំ(លេខលុយនេះ យោងតាមបទបង្ហាញរបស់ឯ.ឧ ហ៊ាន សាហ៊ីប រដ្ឋលេខាធិការក្រ.សេដ្ឋកិច្ច ក្នុងវគ្គអប់រំនយោបាយកម្រិត២ ជំនាន់ទី១៣)។ ម៉េចដែរ?

មន្ត្រីគ្រប់រូបត្រូវឈ្វេងយល់ឱ្យបាននូវធាតុផ្សំនៃឧត្តមភាពមន្ត្រីរាជការរួមមានសមាសធាតុចំនួន៥៖ ១. បុព្វហេតុនៃការក្លាយជាមន្ត្រី ២. កាតព្វកិច្ច និងសិទ្ធិ ព្រមទាំងអត្ថប្រយោជន៍មន្ត្រីរាជការ ៣. សមត្ថភាព ស្តង់ដាវិជ្ជាជីវៈ និងក្រមសីលធម៌ជាមន្ត្រីរាជការ ៤. វប្បធម៌ការងារស្ថាប័នសាធារណៈ ៥. ការផ្សារភ្ជាប់ឧត្តមគតិនៃមន្ត្រីរាជការទៅនឹងទស្សនៈរបស់សង្គមជាតិ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ថ្ងៃទី៨ ខែមករា ឆ្នាំ២០២៦។

ផែនការយុទ្ធសាស្រ្តអភិវឌ្ឍន៍ ឬយុទ្ធសាស្រ្តកំណែទម្រង់វិស័យការងារ និងបណ្តុះបណ្តាលវិជ្ជាជីវៈមាន៥ហើយយុទ្ធសាស្រ្តកនីមួយៗមានកម្មវិធីដូចខាងក្រោម ៖​  + យុទ្ធសាស្រ្តទី១៖ ការអភិវឌ្ឍន៍លក្ខខណ្ឌការងារ និងសុខដុមនីយកម្មលទំនាក់ទំនងវិជ្ជាជីវៈ កម្មវិធីទី១៖ បន្តលើកកម្ពស់លក្ខខណ្ឌការងារឲ្យកាន់តែប្រសើរឡើង កម្មវិធីទី២៖ ពង្រឹងភាពសុខដុមរមនានៃទំនាក់ទំនងវិជ្ជាជីវៈ កម្មវិធីទី៣៖ បន្តការសិក្សាស្រាវជ្រាវប្រាក់ឈ្នួលអប្បរមា និងអត្ថប្រយោជន៍របស់កម្មករនិយោជិក កម្មវិធីទី៤៖ ពង្រឹងប្រព័ន្ធសុខភាព និងសុវត្ថិភាពការងារ កម្មវិធីទី៥៖  ពង្រឹងនិងពង្រីកសេរីភាពសហជីព និងអង្គការវិជ្ជាជីវៈ កម្មវិធីទី៦៖ ពង្រឹងការទប់ស្កាត់ការប្រើប្រាស់ ពលកម្មកុមារ  +   យុទ្ធសាស្រ្តទី២ ៖ ការអភិវឌ្ឍន៍អប់រំបណ្តុះបណ្តាលបច្ចេកទេស និងវិជ្ជាជីវៈ កម្មវិធីទី១៖ ជំរុញការកសាង និងអនុវត្តគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេសនិងវិជ្ជាជីវៈ និងផែនការនានា ដើម្បីពង្រឹងគុណភាពកវិស័យអប់រំបណ្តុះបណ្តាលបច្ចេកទេសនិងវិជ្ជាជីវៈ កម្មវិធីទី២៖ ពង្រឹងបន្តយន្តការជំរុញការចុះឈ្មោះចូលរៀនរបស់សិក្ខាកាម សិស្សនិស្សិតក្នុងផ្នែកអប់របណ្តុះបណ្តាលបច្ចេកទេស និងវិជ្ជាជីវៈ កម្មវិធីទី៣៖ ពង្រឹងយន្តការគ្រប់គ្រងការអប់រំបណ្តុះបណ្តាលបច្ចេកទេស និងវិជ្ជាជីវៈ  + យុទ្ធសាស្រ្តិទី៣ ៖ ការអភិវឌ្ឍមុខរបរ និងការងារ កម្មវិធីទី១៖ ជម្រុញការកសាង និងការអនុវត្តគោលនយោបាយជាតិស្តីពីមុខរបរ និងការងារ កម្មវិធីទី២៖ ពង្រឹងយន្តការផ្តល់សេវាមុខរបរ និងការងារ ឲ្យកាន់តែមានប្រសិទ្ធភាពោ និងឆ្លើយតបបានតាមតតម្រូវការរបស់អ្នកប្រើប្រាស់សេវា កម្មវិធីទី៣៖ ពង្រឹងយន្តការផ្សព្វផ្សាយ និងបញ្ជា្របអំពីព័ត៌មានទីផ្សារការងារ កម្មវិធីទី៤៖ ពង្រឹងកយន្តការគ្រប់គ្រងប្រើប្រាស់កម្លាំងពលកម្មក្នុងស្រុក កម្មវិធីទី៥ ៖​ពង្រឹងយន្តការគ្រប់គ្រង និងការពារពលករទេសន្តវេសន៍ខ្មែរ នៅបរទេស  + យុទ្ធសាស្រ្តទី៤ ៖ ការអភិវឌ្ឍន៍របបសន្តិសុខសង្គមសម្រាប់ជនទាំងឡាយដែលស្ថិតក្រោមបទបញ្ញត្តិ​នៃច្បាប់ស្តីពីការងារ កម្មវិធីទី១៖ ពង្រឹង និងពង្រីកការអនុវត្តរបបធានារ៉ាប់រងហានិភ័យការងារ កម្មវិធីទី២៖ រៀបចំឲ្យដំណើរការរបបធានារ៉ាប់រងសុខភាព កម្មវិធីទី៣៖ ជម្រុញការរៀបចំ និងដាក់ឲ្យដំណើរការរបបប្រាក់សោធន៍  + យុទ្ធសាស្រ្តទី៥៖ ការពង្រឹងអភិបាលកិច្ចល្អ​ កម្មវិធីទី១៖  ការបង្កើនប្រសិទ្ធភាព និងគុណភាពសេវារដ្ឋបាលសាធារណៈ កម្មវិធីទី២៖ ពង្រឹងការគ្រប់គ្រងហិរញ្ញវត្ថុ និងទ្រព្យសម្បត្តិលរដ្ឋប្រកបដោយ តម្លាភាព ប្រសិទ្ធភាពនិងគណនេយ្យភាព កម្មវិធីទី៣៖ ពង្រឹងោ និងពង្រីកកិច្ចសហប្រតិបត្តិការជាមួយដៃគូជាតិ និងអន្តរជាតិ កម្មវិធីទី៤៖ ពង្រឹងយន្តការកសាងផែនការ ស្ថិតិ និងនីតិកម្ម កម្មវិធីទី៥៖ ពង្រឹងការងារសវនកម្មផ្ទៃក្នុង និងអគ្គាធិការកិច្ច កម្មវិធីទី៦៖​លើកកម្ពស់សមភាពយេនឌ័រក្នុងវិស័យការងារ និងបណ្តុះបណ្តាលវិជ្ជាជីវៈ​។

#អំពីគោរមងារឯកឧត្តម លោកជំទាវ ឯកឧត្តម លោកជំទាវ ជាគោរមងារសម្រាប់មន្ត្រីដែលមានឋានន្តរសក្ដិខ្ពស់ក្នុងក្រុងកម្ពុជាធិបតីបច្ចុប្បន្ន។ គោរមងារឯកឧត្តម លោកជំទាវ ត្រូវបានតែងតាំងដោយព្រះរាជក្រឹត្យតាមរយៈសំណើរបស់នាយករដ្ឋមន្ត្រីឬតាមព្រះរាជតម្រិះរបស់ព្រះអង្គ។ ជនដែលអាចមានគោរមងារជា ឯកឧត្តម លោកជំទាវ បានលុះត្រាតែមានតំណែងឬឋានៈស្មើជា៖ - ប្រធាន អនុប្រធាន រដ្ឋសភា និងព្រឹទ្ធសភា - នាយករដ្ឋមន្ត្រី - ឧបនាយករដ្ឋមន្ត្រី - ទេសរដ្ឋមន្ត្រី - រដ្ឋមន្ត្រី - រដ្ឋលេខាធិការ - អនុរដ្ឋលេខាធិការ - អគ្គនាយក - សមាជិករដ្ឋសភា និងព្រឹទ្ធសភា - ឯកអគ្គរាជទូត - ក្រុមប្រឹក្សារាជធានី ខេត្ត - អភិបាលរាជធានី ខេត្ត អស់លោកមន្ត្រីរាជការអ្នកមុខអ្នកការដែលមានតំណែងឬឋានៈស្មើនឹងតំណែងខាងលើទើបមានសិទ្ធិប្រើនូវគោរមងារឯកឧត្តម លោកជំទាវ ដែលតែងតាំងដោយព្រះរាជក្រឹត្យ។ តែចំពោះអស់លោកដែលមានឋានន្តរសក្តិចាប់ពី ឧត្តមសេនីយ៍ត្រី ឡើងទៅ នៅក្នុងនគរបាលជាតិ កងយោធពលខេមរភូមិន្ទ កងរាជអាវុធហត្ថ មិនមែនសុទ្ធតែមានងារជាឯកឧត្តមលោកជំទាវទេ តែបើលោកបំរើការងារជាអគ្គនាយកឡើងទៅនៅក្នុងក្រសួងនានានោះទើបមានគោរមងារជា ឯកឧត្តម លោកជំទាវ ម្យ៉ាងទៀតលុះត្រាណាតែលោកជាទីប្រឹក្សាជំនួយការ លេខាធិការ ឫជាមន្ត្រីដែលមានឋានៈស្មើក្នុងមុខតំណែងខាងលើទើបមានគោរមងារជា ឯកឧត្តម លោកជំទាវ។ ចំណែកឯនៅតាមរាជធានី ខេត្ត មានតែអភិបាលខេត្តតែប៉ុណ្ណោះដែលមានងារជា ឯកឧត្តម លោកជំទាវ ចំណែកឯអភិបាលរងឯទៀតមានងារត្រឹមលោកលោកស្រីតែប៉ុណ្ណោះតែបើអភិបាលរងរាជធានីខេត្តនោះជាទីប្រឹក្សា ជំនួយការ លេខាធិការ ឬជាមន្ត្រីដែលមានឋានៈស្មើក្នុងមុខតំណែងខាងលើទើបមានងារជា ឯកឧត្តម លោកជំទាវ។ បើស្វាមីដែលមានងារជាឯកឧត្តម ហើយនោះ ភរិយារបស់ជននោះ ក៏មានគោរមងារជា លោកជំទាវ ដោយស្វ័យប្រវត្តិ។ Page : ក្រុងកម្ពុជាធិបតី