Dizak ART

«ԴԻԶԱԿ ԱՐՏԸ» ՊԱՏՐԱՍՏՎՈՒՄ Է ՆՈՐ ՈՒՍՈՒՄՆԱԿԱՆ ՏԱՐՎԱՆ 📚 Ընդունելություններն սկսված են։ Շարունակում ենք պահպանել մեր ոչ նյութական մշակութային ժառանգությունը՝ սերունդների հետ կրթամշակութային ծրագրերի միջոցով։ 🎨🎭🎶 Եթե ցանկանում եք, որ ձեր երեխան միանա «Դիզակ ԱՐՏ»-ի ստեղծարար ու կրթական միջավայրին, ապա՝ սիրով սպասում ենք։ 📞 Գրանցվելու համար կարող եք զանգահարել՝ +374 97 287000 հեռախոսահամարին։ «Դիզակ ԱՐՏ» մշակութային ՀԿ

«Դիզակի գույները» 6-րդ միջազգային նկարչական սիմպոզիումը Սյունիքում Օգոստոսի 10–16-ը Սյունիքի մարզում անցկացվեց «Դիզակի գույները» 6-րդ միջազգային նկարչական սիմպոզիումը, որին մասնակցեցին 22 նկարիչներ Հայաստանից, Արցախից և տարբեր երկրներից՝ ԱՄԷ, Վրաստան, Մոնտենեգրո, Իտալիա, Ռուսաստան, Սերբիա, Ուզբեկստան, Ղազախստան, Ղրղզստան։ Մեկ շաբաթ շարունակ արվեստագետները ստեղծագործեցին Սյունիքի բնության և մշակութային միջավայրի ներքո՝ իրենց կտավներում արտացոլելով Կապանի, Գորիսի, Մեղրիի բնապատկերները, տարածաշրջանի առանձնահատկությունները։ Սիմպոզիումը մասնակիցների համար դարձավ ոչ միայն ստեղծագործական աշխատանքի, այլև՝ մասնագիտական շփման, փորձի փոխանակման և միջազգային մշակութային երկխոսության հարթակ։ Սիմպոզիումի ավարտը, ավանդույթի համաձայն, նշանավորվեց ցուցահանդեսով։ Փակման միջոցառումը տեղի ունեցավ Կապանի ժամանակակից արվեստի թանգարանում, որտեղ ներկայացվեցին սիմպոզիումի ընթացքում ստեղծված աշխատանքները։ Ցուցահանդեսը բաց կլինի ևս 10 օր՝ հնարավորություն տալով Կապանի բնակիչներին, քաղաքի հյուրերին և արվեստասերներին՝ ծանոթանալու միջազգային սիմպոզիումի շրջանակում ստեղծված կտավներին։ Ցուցահանդեսի բացմանը «Դիզակ ԱՐՏ» մշակութային հասարակական կազմակերպության համահիմնադիր, ՀԿ գործադիր տնօրեն Ե. Հայրիյանը կարևորեց նախաձեռնության շարունակականությունը՝ հիշեցնելով, որ «Դիզակի գույները» առաջին անգամ կազմակերպվել է 2017 թվականին՝ Հադրութում։ Նախաձեռնության գաղափարը հենց սկզբից եղել է մեկ հարթակում հայ և օտարերկրյա նկարիչների համախմբումը՝ արվեստի միջոցով հայկական բնության, պատմության և մշակույթի ներկայացումն ու արժևորումը։ Պատերազմից հետո նախաձեռնությունը շարունակվեց։ 2021 թվականին սիմպոզիումն անցկացվեց Արցախում, իսկ 2025 թվականին՝ ավելի քան չորս տարվա ընդմիջումից հետո, «Դիզակի գույները» վերականգնվեց Հայաստանի Հանրապետությունում՝ Գեղարքունիքի մարզի Դպրաբակ գյուղում, որտեղ անցկացվեց հոբելյանական 5-րդ միջազգային սիմպոզիումը։ Այս տարի նախաձեռնությունը շարունակեց իր ճանապարհը Սյունիքում։ Սիմպոզիումի փակման միջոցառման ընթացքում ելույթներով հանդես եկան Հայաստանի Հանրապետության նկարիչների միության անդամ, ՅՈՒՆԵՍԿՕ-ի պրոֆեսիոնալ նկարիչների միջազգային միության անդամ, Հայաստանի մշակույթի նախարարության ոսկե մեդալակիր, «Դիզակի գույները» 5-րդ հոբելյանական և 6-րդ սիմպոզիումների մասնակից Նիկոլ Աղաբաբյանը, Հյուսիսային Օսեթիայի (Ալանիայի) Հանրապետության վաստակավոր նկարիչ, Ռուսաստանի նկարիչների միության և ՅՈՒՆԵՍԿՕ-ի Նկարիչների միջազգային ֆեդերացիայի անդամ, Արցախում անցկացված «Դիզակի գույները» 4-րդ և 6-րդ սիմպոզիումների մասնակից Վլադիմիր Միգաչյովը, բոլոր 6 սիմպոզիումների մասնակիցներ, ՀՀ նկարիչների միության անդամներ՝ սիմպոզիումի գաղափարի հեղինակ Գևորգ Ընծա Բաբախանյանը և Արցախի նկարիչների միության նախագահ Հովիկ Գասպարյանը։ Ելույթներում ընդգծվեց նման միջազգային հարթակների կարևորությունը՝ տարբեր երկրների արվեստագետների միջև ստեղծագործական կապերի ստեղծման, մշակութային երկխոսության հաստատման և մասնագիտական փորձի փոխանակման տեսանկյունից։ Սիմպոզիումի ավարտին մասնակից նկարիչներին հանձնվեցին մասնակցության վկայականներ։ «Դիզակի գույները» 6-րդ միջազգային սիմպոզիումի իրականացումը հնարավոր չէր լինի առանց նախաձեռնության գործընկերների և աջակիցների։ Շնորհակալություն ենք հայտնում «ՍՕՍ» Արևելքի քրիստոնյաներ կազմակերպությանը, «Kataro» գինու գործարանին, «Լենդմարկ Կապիտալ» ընկերությանը, «Հայկական ժառանգություն» մշակութային ՀԿ-ին, Իվան Ավանեսյանին, ինչպես նաև Կապանի ժամանակակից արվեստի թանգարանին՝ աջակցության և համագործակցության համար։ «Դիզակի գույները» ծնվել է Հադրութում, սակայն տարիների ընթացքում իր ճանապարհը շարունակել է տարբեր համայնքներում՝ ամեն անգամ իր շուրջը համախմբելով նոր արվեստագետների և արվեստասերների։ 6-րդ միջազգային սիմպոզիումը ևս մեկ անգամ ցույց տվեց, որ արվեստը կարող է դառնալ հիշողությունը պահպանելու, մշակույթը ներկայացնելու և մարդկանց ու երկրներին միմյանց մոտեցնելու հարթակ։ 2026-ին «Դիզակի գույները» իր գույները բերեց Սյունիք, իսկ նախաձեռնության պատմությունը շարունակվում է՝ նոր հանդիպումների, նոր ստեղծագործությունների և արդեն 7-րդ միջազգային սիմպոզիումի սպասումով։

«Դիզակի գույները» 6-րդ միջազգային նկարչական սիմպոզիումի մասնակից Ելենա Դրոբենկովա, Սերբիա Elena Drobenkova, Participant of the 6th International Painting Symposium ‘’Colors of Dizak’,’ Serbia

«Դիզակի գույները» 6-րդ միջազգային նկարչական սիմպոզիումի մասնակից Նիկոլ Աղաբաբյան, Հայաստան Nikol Aghababyan, Participant of the 6th International Painting Symposium ‘’Colors of Dizak’,’ Armenia

«Դիզակի գույները» 6-րդ միջազգային նկարչական սիմպոզիումի մասնակից Գևորգ Ընծա Բաբախանյան, Հայաստան Gevorg Endza Babakhanyan, Participant of the 6th International Painting Symposium ‘’Colors of Dizak’,’ Armenia

«Դիզակի գույները» 6-րդ միջազգային նկարչական սիմպոզիումի մասնակից Գայանե Շուշեցի, Արցախ Gayane Shushetsi, Participant of the 6th International Painting Symposium ‘’Colors of Dizak’,’ Artsakh

«Դիզակի գույները» 6-րդ միջազգային նկարչական սիմպոզիումի մասնակից Մուհամադջոն Սատտորով, Ուզբեկստան Muhammadjon Sattorov, Participant of the 6th International Painting Symposium ‘’Colors of Dizak’,’ Uzbekistan

«Դիզակի գույները» 6-րդ միջազգային նկարչական սիմպոզիումի մասնակից Արամ Մաշուրյան, Հայաստան Aram Mashuryan, Participant of the 6th International Painting Symposium ‘’Colors of Dizak’,’ Armenia

«Դիզակի գույները» 6-րդ միջազգային նկարչական սիմպոզիումի մասնակից Ռաշիդա Մուգավեևա, Ղազախստան Rashida Mugaveyeva, Participant of the 6th International Painting Symposium ‘’Colors of Dizak’,’ Kazakhstan

«Դիզակի գույները» 6-րդ միջազգային նկարչական սիմպոզիումի մասնակից Տալանտ Բոկոեւ, Ղրղզստան Talant Bokoev, Participant of the 6th International Painting Symposium ‘’Colors of Dizak’,’ Kyrgyzstan

Հարգելի հայրենակիցներ, Սյունիքի մարզի հարգելի հյուրեր և արվեստասերներ, Սիրով հրավիրում ենք Ձեզ ներկա գտնվելու «Դիզակի գույները» 6-րդ միջազգային նկարչական սիմպոզիումի փակման արարողությանը նվիրված ցուցահանդեսին։ Այս տարի ևս տարբեր երկրներից ժամանած արվեստագետները Սյունիքի բնությունն ու մշակութային ժառանգությունը վերածել են գույնի, զգացողության և արվեստի՝ ստեղծելով Հայաստանի հարավի յուրօրինակ պատկերային պատմությունը։ Սպասում ենք Ձեզ՝ միասին ամփոփելու սիմպոզիումի ստեղծագործական ճանապարհը և վայելելու միջազգային արվեստագետների աշխատանքները։ Օգոստոսի 16-ին, ժամը 13:00-ին Կապանի ժամանակակից արվեստի թանգարանում Հասցե՝ Սյունիքի մարզ, ք. Կապան, Ռոմանոս Մելիքյան փող., 8 շենք։ Սիրով սպասում ենք Ձեր ներկայությանը։ «ԴԻԶԱԿ ԱՐՏ» ՄՇԱԿՈՒԹԱՅԻՆ ՀԿ

«Դիզակի գույները» միջազգային 6-րդ նկարչական սիմպոզիումի մեկնարկը տրված է։ Սյունիքը լցվում է արվեստի նոր գույներով։

«Դիզակի գույները» 6-րդ միջազգային նկարչական սիմպոզիումի մասնակից Լիանա Ղուկասյան, Իտալիա Liana Ghukasyan, Participant of the 6th International Painting Symposium ‘’Colors of Dizak’,’ Italy