Нео-будитель

Руїны Хустського замка, Пудкарпатська Русь, Чехословакія, апріль 1938. 📷Margaret Bourke-White 🔎Жерело/Source – Google Arts & Culture #rusyn #carpathorusyn #русины  #history #історія #subcarpathia #carpathians #хуст #замок

🇺🇸 США, Клівленд: Карпаторусинськый сад быв представлений на «One World Day 2026» у святковім параді, а фолькльорный ансамбль «Living Traditions» пак выступив на улици Мартіна Лютера Кінґа, представивши карпаторусиньску культуру. © Friends of the Carpatho-Rusyn Cultural Garden of Cleveland [eng] USA, Cleveland: The Carpatho-Rusyn Garden was represented at One World Day 2026 during the festive parade, while the folk ensemble “Living Traditions” performed on Martin Luther King Jr. Boulevard, showcasing Carpatho-Rusyn culture. #carpathorusyn #rusnaks #rusini

Чом по нашому пишут из буквов Ы? По нашому часто пишут «бло», «било», «было», и йсе всьо - єдно й то самоє слово. Чом так ся стало? На тум місті, поправді, стойит доста глубокый звук [ы], котрый наші люде часто розумівут авадь ги варіант українського звука [и], авадь ги нич. Так ся стало, бо в українському языкови нич подобного ниє, у вошколі сякі нюансы нам не сповідали, позад чого людськый розум вымушеный самостуйно глядати даякі способы удбити йсе на писмови. А ци сеся буква російська? Кідь накурто — ніт. Сеся буква была щи у май давньых формах кириличного алфавіта й хосновала ся діля записа руно того звука, што й у нас у слові “хыжа”. Май давно уна ся хоснвоала и на зимльох нынішньої України, докуть в українськум языці не щезнув сам звук [ы], а з ним пак и буква на його запис, чого ся на зимльох Закарпатської области не стало. Пак а нашто ю гія писати? Бо писали сьме ї фурт, бігом цілої історї нашої бисіды, докуть у 1944. році Совітськый Союз ї не заказав — другых причин, чом исьме ї перестали хосновати, ниє. Айбо закіть удмітнути фактор історичный и символлічный — обы писати май легко тай май правилно по нашому, сись звук є повноціннов фонемов и уд нього силно залижит значиня речиня наприклад: «быти», вто не «бити», «до машин», то не «до машины». Писаня «Ы» дає возможность писати так як чуєш и легко читати, до сього вно вызерат акуратно й позволяє всокотити свою ідентичность. Хочеш навчити ся булше? Навчити ся писати по нашому мож на основі Універзалного Пудкарпатського Русинського Стандарта. На сторунці Стандарта, котру годні сьте найти в описі, є курта інструкція на писаня буквы «Ы» тай статі за другі нюансы орфоґрафії нам.

👧🏼Гуцульська дівочка, село Богдан, Пудкарпатська Русь, Чехословакія, 1938. 📷Margaret Bourke-White 🔎Жерело/Source – Google Arts & Culture #фото #історія #гуцулы #русины

🤝Збирька анекдотув по-нашому – вчиніть свуй вклад! Може сьте замітили, ож послідньый час на каналі много анекдотув. Ото изязано из мойов амбіційов учинити збирьку анекдотув по-нашому из катеґоріями тай бонусным умістом. Годни сьте сьому ділови помочи і вы. Розкажіть анекдот по-нашому, котрый вам ся видить смішным/інтересным через анонімну ґуґлош форму. Не творіть ся на граматику, бисіду, просто передайте фіґлю текстом як знаєте. І тяміть, ож анекдот бы не мав переходити за "моральну границю", чорный гумор – плофон. Подяковав. #пудпора #анекдоты #понашому #гумор #збирька

💃🏼Русинські жоны у народнув ноши из Марамороша, меживоєнный період. Жерело/Source - Europeana.eu #русины #rusyn #ноша #етноґрафія

–Іване, передала нам туй уйна 8 грушок. По шість каждому. –Як ото 8 тай по шість каждому? –Незнаву, но я свої 6 уже йзів.

👧🏼Русинська жунська народна ноша. Реконструкція. Турянська долина. Турянська долина є мікрореґіон на западі Пудкарпатя. Територія гурська, ізолована, бідна. Турянськый жунськый народный костюм мав просту єдноверствову структуру. Сорочка мала курті рукавы, выздоблені вышивков. Частьов костюма быв довшый пояс. Ги й у сосіднюв ужанськув долині доміновала зелена фарба. Стрічать ся і пурпурна, ружова, синя фарбы. Знаковым мотивом турянської вышивкы суть галузкы з косицями, пудкреслені тонкыми чорными лініями. 📷Фото костюма: Varosh Костюм ся розміщать у Обласному краєзнавчому музейови в Ужгороді. #русины #ноша #туря

🤳🏼Русинська свальба у селови Синевир, Пудкарпатська Русь, Чехословакія, 1919-1922 рр. 📷Amalie Kožmínová #rusyn #carpathorusyn #русины #карпаторусины #русини #rusini #свальба #wedding #subcarpathia #закарпаття #пудкарпатя #синевир

💃🏼Русинська жунська народна ноша. Реконструкція. Воловська верховина. Воловська верховина ото єден із майізолованых тай бідных русинськых мікрореґіонув, котрый лежить высоко у горах. Жунськый народный костюм має єдноверствову структуру. Воловська сорочка ся удрізнять тым ож має вырізу у зоні пазух тай мысокі манжеты. Лайбикы ся туй практично не носили. Нижню часть костюма традиційно творили віґан тай плат із поясом. Вышивка на сорочці была майдавно червено-синя, у 20 сторочови стала многофаребна. Мотивы доміновали ґеометричні: розеты, косиці, ромбы. Частьов костюма парады майбулш не были, но стрічавуться і нашийні прикрасы, і пантликы, заплетені у волося. 📷Фото костюма: Varosh Костюм ся розміщать у Обласному краєзнавчому музейови в Ужгороді. #русины #ноша #етнографія #Волове

👫Пара из Довгого у народнув ноши Боржаської долины, перша пол. 20 ст. #фото #історія #Боржава #ноша #русины

💃🏻Русинська жунська народна ноша. Реконструкція. Боржавська долина. Боржавська долина ґеоґрафічно ся розміщать у сирцьови Пудкарпатя, хоть історично належить ид майбідным його районам. Жунськый народный костюм носить архаїчні рисы, має єдноверствову структуру. Місным знаком є так звана "довганя" – довга жунська сорочка, котра замінять і спудницю. Уже поверх довгої сорочкы жоны носили полотняный плат тай пояс. У Боржавськув долині рідко ся стрічавуть лайбикы, жоны ходили свободно у сорочках, і лиш у студену пору рока брали на ся теплоє верхньоє цуря ги гуня вадь уйош. Упознаваным елементом долины была і ґеометрична ромбовидна вышивка на рукавах. Доміновала в нюв червена тай синя фарба, из меншыми вцяпнутями жовтої ци зеленої. Из парадув місні жоны даколи носили монистята. Специфічного головного убора не мали, туй універсальну роль грала полотняна ширинка. 📷Фото костюма: Varosh Костюм ся розміщать у Обласному краєзнавчому музейови в Ужгороді. #ноша #Боржава #етнографія

🧦Русинська селянська родина у своюв хыжи, Пудкарпатська Русь, Чехословакія, 1937. 📷Margaret Bourke-White 🔎Жерело/Source – Google Arts & Culture #історія #фото #русины

👘Русинська жунська народна ноша. Реконструкція. Нижня латорицька долина. Нижня долина Латориці, авадь Мукачувськоє пудгуря, є єдным из майгустонаселеных русинськых ареалув, котрый ся находить замалым у центрови Пудкарпатя на етнічнув русинсько-мадярськув межи. Структура жунського костюма туй класична про Пудкарпатя. Усподі сорочка из небагатов, но елеґантнов вышивков. Поверх сорочкы читавый орнаментованый лайбик из цупкого полотна. Нижню часть костюма творять полотняні фарблені віґан тай плат. Домінувуть фарбы зелена, червена, синя, жовта. Вышивка ся складать из косиць. Причому специфіка Латорицького ареала у тому ож косиці на вышивці розкладені у шор в лежачому положеньови. Головні уборы вадь нашийні парады ниє мусайнов частьов костюма, айбо спорадично ся стрічавуть. 📷Фото костюма: Varosh Костюм ся розміщать у Обласному краєзнавчому музейови в Ужгороді.

👜Русинські селянкы продавуть товар на улици Ужгорода, Чехословакія, 1938. 📷Margaret Bourke-White 🔎Жерело/Source – Google Arts & Culture #історія #фото #русины

😔Навновали вам стихы за солонину тай гостину? 🤔Думаєте, ож по-нашому мож писати і за штось май інтересноє, серйозноє, інтимноє? Ӱвін так думать🤝. Пудписуйте ся на канал молодого автора, котрый через поезію ся силує задумати за дашто булшоє. #пудпора

🔎 ЯК ЄВРОПУ ВИДЯТЬ РУСНАКЫ Полуфіґлярна мапа за вто як руснакы видять Європу типир по-анґліцькы. А што бы сьте вы ид нюв придали/удобрали? #мапа #русины #мем #стереотипы

образчик | подобенка | финькийп (фотоґрафія, картинка, фотька) Лизанець, мапа №119. жерело | світла тема | чат канала #лексика #мадярізмы #лизанець #україна #мапа

🪢 Русинська жунська народна ноша. Реконструкція. Нижня ужанська долина. Нижньоужанська долина (на сіверовыход уд Ужгорода) є майзападным ареалом Пудкарпатя, котрый граничить із словацькыми, мадярськыми но і западорусинськыми групами Земпліна. Ісе майвыходный русинськый мікрореґіон, де жунська ноша має многоверствову структуру: складать ся з булше ги єдної спудниці/подолока, што юв придає обємности. Рукавы туй узькі, курті. Домінує в костюмі традиційна про Ужанську долину зелена фарба плата, світло-червена фарба у полотні лайбика, поясови. Вышивка у нижньому Ужови ціріпата, у червено-зелено-жовтых тонах; стильом майбулш геометрична, поязана из ромбом, ламаными лініями, котрі символізувуть ток воды, безконечнусть. Не рідко ся стрічавуть і мотивы косиць. Межи парадами ся стрічавуть селянкы і кривулькы. 📷Фото костюма: Varosh Костюм ся розміщать у Обласному краєзнавчому музейови в Ужгороді. #русины #ноша #етноґрафія #Уж

💅🏼Дві русначкы в уйошах, село Ізкы, Пудкарпатська Русь, Чехословакія, 1938. 📷Margaret Bourke-White 🔎Жерело/Source – Google Arts & Culture #русины #фото #історія #Ізкы