Бизнес Омӯзиш Маркетинг | Мотиватсия

Барои ҷолиб шудани кор бо коргарҳоятон бози ташкил кунед.

Сирри комёбии тоҷир Корҳояш барор намегирифтанд. Ҳар қадар кӯшиш мекард, бенатиҷа буд. Замоне соҳибкори муваффақ буд. Ҳоло, ба қавле, ба қарз ғўтидааст. Аз як тараф соҳибони қарз ӯро ба танг меоварданд, аз ҷониби дигар коргаронаш музди меҳнат интизор буданд. Бисёр ғамгин шуд. Ба зӯр нафас мегирифт. Барои рафъи ин ҳолат ба боғи шаҳр омад. Ба курсие нишаст ва сарашро бо дастонаш дошта, ба фикр фурӯ рафт. Аз ин варта чӣ гуна наҷот ёфтанро меандешид. Дар ҳамин вақт пирамарде наздаш қарор гирифт. - Ғамгин менамой, писар. Маълум аст, ки чизе сахт нороҳатат кардааст. Агар хоҳӣ, дардатро бо ман қисмат кун. Чун қиссаи муфлисшавии соҳибкорро шунид, пирамард афзуд: - Ба ту кумак карда метавонам. Баъд аз ҷайбаш дафтареро бароварда, номи ӯро пурсид ва барояш «чек» навишт. Чекро ба соҳибкор дароз карда, гуфт: - Ин маблағ барои ту. Пас аз як сол дар ҳамин чо вомехӯрем. Он вақт қарзатро бармегардоним Сипас, бо соҳибкор хайрухуш карда, аз назар дур шуд. Соҳибкор ба чеки дасташ нигарист. Дар он 500 ҳазор доллар навишта шуда буд ва дар поёнтар исми Чон Рокфеллер ва имзои ў. Рокфеллер он замон сарватмандтарин шахси дунё ба ҳисоб мерафт. «Бо ин маблағ ман тамоми қарзҳоямро пардохт мекунам. Маоши коргаронамро ҳам медиҳам...» - гуфт ба худ соҳибкор аз ин вохӯрии ногаҳонӣ бағоят шод шуда. Аммо якбора аз нияти иваз кардани чек худдорӣ кард. Вай ин коғази барояш хеле арзишмандро дар хазина нигоҳ дошт. Акнун дилаш пур буд, ки чеки гаронарзиш дорад ва ҳар вақте ки зарур шуд, онро иваз мекунад. Баъд, бо дили гарм ба кор пардохт. Бо шавқу эҳсоси баланд кор мекард. Тамоми фурсати пешомадаро истифода мебурд. Ў пас аз чанде нақшаи пардохтҳояшро аз нав тартиб дод. Корҳояш натиҷаи наву беҳтар медоданд. Ниҳоят, баъди чанд моҳ тамоми корҳо ба низом даромада, аз қарз халос шуд. Соҳибкор баъди як соли бобарори корӣ ҳамон чеки арзишмандро, ки ҳанӯз иваз накарда буд, ба даст гирифту ба боғи шаҳр рафт. Каме интизор шуд. Дид, ки пирамард ҳам бо суръат ба наздаш меояд. Нав чекро ба мард дода, қиссаи муваффақ шуданашро нақл карданӣ буд, ки ҷавонзане дар тан хилъати сафед тозон омада, дасти пирамардро гирифт. Хайрият, ки ӯро пайдо кардам. Гумон мекунам, шуморо нороҳат накардааст, - гуфт вай ба соҳибкор нигариста ва афзуд: Ман ҳамшира ҳастам, ин кас пайваста аз хонаи пиронсолон гурехта, ба ин боғ меояд ва худашро ба ҳама ҷон Рокфеллер муаррифӣ мекунад. Ҳамшира аз дасти пирамард дошта, аз назди соҳибкор оҳиста дур шудан гирифт. Соҳибкор дар ҳайрат монд. Гӯё ях карда бошад, намеҷунбид. Як соли дароз ба он бовар кард, ки дар дасташ ним миллион доллар дорад. Ў бо ин бовар бо тоҷирон доду гирифт мекард. Мол мегирифт, мол мефурӯхт. Бо шахсони зиёде шартномаҳои ҳамкорӣ имзо кард ва муваффақ шуд. Аммо ҳамин ҳоло фаҳмид, он чизе ки якбора равиши зиндагиашро тағйир дода, боис ба комёбӣ гардид, коғази беарзише будааст. Фаҳмид, ки зиндагии ӯро танҳо эътимоду бовариаш нисбат ба худ дигар кардааст. ҚАЙД: Асрори комёбиву муваффақият дар сар ва қалби ҳар яки мост. Онро дар ҷойи дигар наҷӯем... Китоб: 'Қиссаҳои Муштарак ' Муаллиф: Башир Усмон

Ал ҳақ 🔥

Бизнеси Кофе собой.

Эфир дар бораи якум бизнеси кардаам😁 RABONI VOKHIDOV

Хариду фуруш аз сайтҳои Хитойи / хатоигиҳои хариду фуруш .

Қоидаҳои тиллоии зиндагӣ: ➕ Саломатӣ ва оила дар ҷои аввал аст. 🕓 Аввал вақт, баъд пул. 📚 Худро ҳамеша инкишоф диҳед.

Формулуи муввафак кунии блог ва бизнес, дар интернет.

ХОНА ХАРИДОРИ КАРДАНИ ҲАСТЕД ВА Ё МЕХОҲЕД ХОНАИ ХУДРО ФУРУШЕД ПАС ИН КАНАЛ БАРОИ ШУМОСТ 🏡 МАРҲАМАТ ХОНАИ ХУДРО ДАР МУДДАТИ КӮТОҲ ФУРУШЕД ✔️ 👇 https://t.me/KHONA_BOZOR