بوح بدوي✘♩

لو يغالبني على درب العبادات الهوان ‏داخلي إنسان طيّب فيه بر وفيه خير ‏عفوك وغِفرانك اللهم في شهر رمضان ‏وجنةٍ فيها أنا واللي أحبّه بـ الأخير .

والله إني من سلايل طويلين الشبور ‏في عروقي كلها ما جرى دم رخمه .

أنا والله إني ارحمّك رحمة المسكين ‏تشب الشبوب وتحرق أيامك بنارك ‏أنا لي أذنٍ من عجين وأذن من طين ‏لا والله ما لوّث صفا جوي غبارك ‏كليم القفى وينك وأنا عن كلامك وين ‏تبي تموت ما ردّ الصدى صوت مزمارك ‏أعرّف أجرحك جرحٍ يوسّم ليوم الدين ‏ولكن شرف عداوتي فوق مقدارك .

كبار الهموم اللي تجينا بلا ميعاد ‏عساها تكفّر عن خطا العبد وذنوبه .

يالله وانا طالبك في ساعة الجمعه ‏المغفره و العفو والاجر و التوبه ‏والخير و الرزق و التوفيق والسمعه ‏والرحمه الي بوسط اللوح مكتوبه ‏دعواتنا للهدى و الخير مجتمعه ‏والشر يا رب تبعدنا عن دروبه ‏العمر لوطال مثل النور و الشمعه ‏يقضي مع الوقت والاعمار محسوبه .

عليك يتبارك جعل سود القلوب فداك ‏وجعلك من اللي كل عامٍ يصومونه .

حتى بشهر رمضان اللي وهبناه ‏لله و فروضه الخمس و سننها ‏أصوم عن كل حاجه غير ذكراه ‏ذكراه حاجه عجزت أصوم عنها .

مبارك عليكم الشهر ، وجعلنا الله واياكم من صوامه وقوامه ❣️.

الأرض لو ربّعت ماهي ربيعٍ لي ‏ربيع قلبي بعيد و خابرٍ داره .

والمكتفي فيك لو كثروّ جماهيره ‏يشوف فيك الشعور اللي محدٍ قدّه .

ليا ساقني صوبك هبوب الهيام الصلف ‏صبرت وردعت الشوق من خاطرٍ مجبور ‏لكن لا بغيت الكلمه اللي عليها حلف ‏أنا اشتقت لك لكن حيا الوجه يلعب دور .

‏"حرام يكون الحظ رث والأماني مطاليّق ".

أحر من وقع السيوف وأشد من طعن الرماح ‏ لا صار فيك الهم باين وأنت صامل تنكره .

أنتهى وضح النقا فالعالم المتسيّب ‏عالمٍ درب النقى و الصدق ما ياسعها .

شعُوري اللي تربّى في ذرى صدري ‏أكبر من إنه يلامس طارف إحساسك ‏رح علم الليل كان الليل ما يدري ‏إن المفارق حصل لو طول نعاسك ‏صبُور لكن وصلت لآخرة صبري ‏حيّ العطش لو تمد العمر في كاسك .

تعرف انه مهمَا قسى ومهما هَجر ‏بيبقى شيء داخلك يسأل عليه زيّ ‏" أحن لك لو تصَب الموت وأتهيّلك ".

الصبح معطيني نحر والليل لقاني ظهر ‏والنوم ما وجّب مطاليبي ولا سيّر علي .

تخلّيت وأدري بإن قلبي خليّ شفوف ‏بعد شفت صوتك صار ما عاد يربكني ‏عطيت الفرص لكن هذا جزا المعروف ‏وغسلت ايدي اللي منّها كنت تمسكني.

ما عاد لي قلب ٍ على توديع خلاّنه جسور ‏اللي ما يردعه الحنين البعد ما هو رادعه ‏هاجرت واخترت الرحيل بصمت لأن اقسى شعور ‏إنك تواعد من سكن قلبك عشان توادعه .

تسولف عيونك وتصغي لهـا عيوني ‏ماودي أرمش لجل ما أقطع سوالفها .