بوح بدوي✘♩

إن تحالفتوا علينا ما علينا ‏ما قوينا إلا من اسباب التحالف ‏ومن سواياكم فلا خوفٍ علينا ‏ما خبرنا عندكم غير السوالف ‏و ما نخاف إلا عليكم من يدينا ‏إن سلمتوا من يدينا ما يخالف .

انا ادري ومن عرفني يدري اني ‏فرصه عمر مانـي فرصه سعيده .

انا مستعد اقضي لزومي بضغطة زر ‏لكن السلوم و عزة النفس تمنعني ‏لـ ذالك نويت احط لـ السر كلمة سر ‏وأكابر لو ان ظروف الايام توجعني ‏ابا اعيش و انا حر و اموت وانا حر ‏ومرد القدر من حيث اخذني يرجعني ‏من يهين نفسه للمخاليق عاش بـ شر ‏مصيره يطاوع كل من قال له طعني .

ليلة فراقك كان دمعي كلامي ‏ما كان عندي غير دمعي أقوله .

حتى بـ وداعك يمتكلني الأستماع ‏و إذني لكل إللي تقوله مصغيه ‏ساكتٍ و أفكر ويش بعدك يـ الوداع ‏ليلً طويل و نار شوقً مضنيه ‏كني أشوف الهم بعدك والضياع ‏والذكريات إللي تجيبك مُبكيه .

ليت ماله في ذرى صدري مجال ‏وليت لا جا الليـل ما يطري علي .

ماعاد فيني للعتب حيل والحين ‏بـ أروح لكن حط نفسك مكاني ‏سور الثقه يبنى على شهور وسنين ‏ويطيح وسط الارض لحظة ثواني ‏يالي على دربك زرعت البساتين ‏ولا اعدك الا واحد ٍ من اخواني ‏عز الله انك طحت مع دمعة العين ‏كانه من ايديك الامريّن جانـي .

قبل امس اعد لك الليالي واراعيك واليوم عني نازح البعد خفاك.

تمر الليالي بين يمكن ، لعل و ليت ‏و أنا أدري تبادلني الغلا و اتّمنـاني  ‏ياكم مرةٍ جيت أعترف لك لكنْ أزريت ‏ذبحني شعوري و الحيـا يربط لساني ‏بنيت بضميري لك مكانة و قدر و بيت ‏ولك الله مافوقك بالغلا غير شيباني ‏أنا جيتك بقلبي وحيّاك كانك جيت ‏ولا عندي أغلى من شعوري و وجداني .

تدري اني شخص ماني سريع اعجاب ‏ولا كل حاجه عابره تكسب اعجابي ‏غلبت الهوى فتره لكن الهوى غلاب ‏تمادى و وقف في طريقي وانا مابي ‏دخلت ف حياتي عرض من اوسع الابواب ‏وانا  للحبايب  ماني  مشرع  ابوابي ‏وعطاك الله من الود والحب والاعجاب ‏مايجعلك نبض قلبي وسيد احبابي .

ياناشــــد عني تســــرك علومــــي انا بفضـــل الله بخـــير مــــن الله ان متت مانـــي ميت قبل يومـــي وان عشت ماني عايش الوقت كله

تدري ان في سلمنا من كبنا لازم نكبه ؟ ‏بس انا وشلون اكبك وانت ضيقي وانشراحي ‏داخل بالله عليك من الجفا ماني بحبه ‏المواصل ود عيني والجفا موت ذحاحي .

شمس المحبه للغروب استعدت ‏ولاعاد لي في ظل رجواك مقيال ‏ ‏ورياح شوقك كان صلفه وهدت ‏واظلال عهدك يوم طال المدى مال ‏ ‏بدو الهيام من المعاليق شدت ‏والشوق مثل البدو نازل ورحال ‏ ‏وكبدي لكل ارماح صدك تصدت ‏والقلب عز الله للحزن خيال . .

شف كيف فرق اليوم هذا عن العام ‏الوقت خلاّ اللي مخيّر مسيّر ‏نمشي ماندري وش تخفّيه الايام ‏بس الوكاد انْ كل حاجه اتغيّر

لي مدةً و انا عن المجتمع صاد ‏أخفي طعون الصدمه اللي تموّت ‏عفت العرب والدار والنوم والزاد ‏واقنعت واخيام الهقاوي تطوّت ‏الفرصه اللي خير من الف ميعاد ‏فاتت و هي مفروض ما تنتفوّت ‏وامسيت اردد كل ماوحيت نشاد ‏الله على الأيـام و شلون سوّت ."

هذي سنه راحــت وانا خاطري شين عسى الجديده تدمـــح اللــــي وراها هــــــذي سنه يا علها فـــدوة السنين سجيت فيــــها بالخـــلا مــــن شقاها ماعاد ينفــــع للعــــذر زود تسمــــين وصــــل النوايا مقترن مــــع خــطاها تحب تخطــــي تعتذر زيــــن بعــدين مــــن يقـــدر يرجـــع للاحـــداق ماها

2⃣0⃣2⃣3⃣➡️🆕2⃣0⃣2⃣4⃣🧨

حطني في وجه خصمك يكون اللي يكون ‏لو اناطح لجل عينك ضلاعين الشفى .

لبيك ي اللي ترفع الصوت لبيك ‏لبيك والنيّه من الله سليمه ‏أبشر بعزّك واحتزم لين اوديك ‏بذبّ انا وياك راس الخريمه ‏أنا خويّك فـ القدا والتهاليك ‏ما همّني لو العواقب وخيمه ‏هذا كلام الصدق ماهوب تسليك ‏مال الصتيمه غير راس الصتيمه .

كلمه ولو جبر خاطر والا سلام من بعيد 🥲😂.