بوح بدوي✘♩

يمر الحزن في صدري ولا يلقى حضن وأعذار ‏وافتش عن عذر واحد ولا القى سوى الخيبة ‏تعلمت الوقوف اللي يبعثر كومة الأسرار ‏وقفت بـ صف أحلامي وأماني ماهي قريبه ‏على درب الوفا امشي و أسكّت قلبي الثرثار ‏وأشيل من الغلا واجد وأشيل الضيق والطيبه

ياللي علينا بالمحـبه تغليت ‏يالله توكل رافقتك السلامه ‏لا تحسبني بتبعك كان صديت ‏مااتبعك دام الراس وسطه كرامه ‏من صد جازيته بصده وصديت ‏ومن يتبع المقفي يقل احترامه ‏وكانك نويت تذل هالراس أخطيت ‏والله لتبطي ماتنزل من مقامه ‏انا ترى لاقفيت ياهيه اقفيت ‏ماعاد ارجع لو تقوم القيامه .

مسا البارح مع فارق الشوق والتوقيت ‏سرت بي هواجيسي ولا عاد جابوني ‏أنا حد علمي بي قبل لااكتب اول بيت ‏ونا ماوعيت الا وهالناس يقروني ‏تغنو على حزني طرب ونت كيف أمسيت ‏تعبت أزرع شعوري وكسرلك غصوني ‏لك الحب يجمعني والوله كبريت ‏مسا البارح اطيوفك لكوني وشبوني _ حمد السعيد .

لي مدةٍ وانا عن المجتمع صاد ‏اخفي طعون الصدمه الي تموّت ‏عفت العرب والدار والنوم والزاد ‏واقنعت وخيام الهقاوي تطوّت ‏الفرصه اللي خير من الف ميعاد ‏فاتت وهي مفروض ماتنتفوّت ‏وامسيت اردد كل ماوحيت نشاد ‏الله على الايام .. وشلون سوُت

اخطيت ياخلي وانا مثلك اخطيت ‏ومافادني صبري ولا فاد صبرك ‏لا تحسب اني كارهك يوم صديت ‏قلبي على حطت يدينك وخبرك ‏سويت كل حاجه تجيبك ولا جيت ‏وش باقي اسوي ؟ سوات الله ابرك .

ماني بحبك شويّ الا علي الحرام ‏انك دواي وهوى نفسي ومشهاتها .

ما فيه بسمه تراود وجه محبوبك ‏إلا وخطاويك مرّت بك على باله .

للشِعر ما كان في عمري رساله ‏كنت احاول من جمر روحي أشبّك ‏ما قدرت أحبّك بقلبي لحاله ‏قلت أخلي الناس تقراك وتحبّك .

الارض كانت وسيعة بس من تالي ‏ما عاد تاسع مناكبها مناكبنا .

بين أيه وبين لا الله لنا  ‏حرت مابين التناقض والوضوح  ‏ٰ ‏خايف اتعود على قربك وانا ‏كل ماقربت من حاجه تروح .

غابت الشمس وانا مابعد راق جوي ‏واعذابي من الدنيا وحسبي عليها ‏الحسايف خلافي والطموحات توي ‏والهقاوي تدور واحدٍ يحتميها .

يردّني عن دمعتي تالي الليل ‏ناسٍ تشوف فـ قو باسي سندها .

والله أنّه مايحرك هاجسي وأحساسي ‏كود صوتٍ ما نسيته غير مبطي عنه ‏مانساني صد غصب ويحسب أني ناسي ‏والعوض همٍ ما غير أزايمه وأكنّه ‏يعلم الله ماقسينا وقتنا اللي قاسي ‏يبعد الغالي من الغالي ويخلف ظنه ‏له علي أن الله أحياني وسلّم راسي ‏أنه فروض الغلا والعابرين السنه .

أنا سمحت وطابت النفس وأقفيت ‏ما عاد لي صوب الرجوع إلتفاته .

معه نفس لاعافت تفارق معاد تشين ‏فلا تختبر صبره معك طالبك طلبه ‏يحبك لكن ما ودّه انك تعرفه زين ‏و لا ودّه تشوف الموازين منقلبه ‏ليا صد ماعاده مع الذكريات يلين ‏لو ان الهوى غلاب ماتقدر تغلبّه ‏ولو حنّ له قلبه و رفّت عليك العين ‏يده سكّرت عينه و رجله وطت قلبه .

يكسبني الكلام الواقعي والجناب الزين ‏و ردّي العقل بذات ماهوب كاسبني .

لا برد دم العروق و جف ماء الوجيه ‏ من ساق نفسه على الدنيا و اهلها غبي ‏وش عاد ما تكره الأنفس وما تشتهيه ‏نقول لـ الغيث يهمل والصّدور اعشبي ‏الطيب مالي يده والحظ رافع يديه ‏يالله تقوي عزايمنا على اللي تبي ‏سمحين والوقت ما جانا على اللي نبيه ‏ وشلون اجل لو انه يجينا على ما نبي ؟.

وقفي لين الزمان يمرّنا بأربع فصوله ‏الثواني مستحيل انها تكون اللي بقى لي ‏يوم جيتي كان ياكثر الكلام اللي بقوله ‏ويوم رحتي ما لقيت من الكلام الا ، تعالي ‏يا ثمر قلبٍ وهبك الله مرابيه وميوله ‏انتي الدنيا واهلها كلّهم وانا لحالي

- دلّوني عَلى اللي يقول : و وجدت فيها مَليون عَيب تسواكم هي وعيوبها

عطاك الله قبول وكل مامر العرب طاريك ‏تلّج أصواتهم مابين .. نعم وحيّ هالطاري