بوح بدوي✘♩

ٰريح المطر يحضن شوراعنا حنين وفينا أماني تكثر إذا رش المطر .

لا سألتك هو متى وقت اللقى ‏كان ردك لي يجيب الله مطر ‏والمطر مالي الشوارع وش بقى ‏ما بقى لي غير حضنك والعطر .

اذا جفتك الحظوظ البيض هملها ‏تاتيك بكره على الرجلين منساقه ‏جمّل م تقدر من ايامك تجملها ‏ولا تشتكي لـ العرب حزنٍ ولا فاقه ‏مشغوله الناس ب انفسها لا تشغلها ‏وصروف الايام جماعه وفراقه ‏م توجع الحاجه الشينه سوى هلها ‏وم استوحش من الجفا الا واحدٍ ذاقه .

صباح الخير : كل الظـروف اللـي تجـي مشكـوره وكل الخـسـايـر كانـت ، تشـرفنـي

يا شبابيك صدري كيف أصك الستاير ؟ ‏عن نسيم الحنين اللي يغيب ويجينا.

تواعدنا أنا وطيفك ثمان إلّا ‏عشان أشرح له شعوري وحنّا بعاد ‏وإلين الحين مدري هو قسى وإلّا؟ ‏إذا طيفك وهو طيفك رحَل ماعاد ‏على الميعاد جيت ومالقيـت إلّا ‏جروحٍ كنت أحسب علاجها الميعاد.

الورد لا كثرت يدين العرب حوله حتى ولو مانقطف ماعاد يغريني وان جا على باله ان يديني تطوله يجي على بالي اتبرّا من يديني -مشعان البراق

لا تشكي علي من الطواري وقل النوم ‏وانا اشتف في سجات الافكار والهجعه ‏تخليت عن غاية سنين العمر في يوم ‏ولا يسمح المتعلق الا من الوجعه ‏بعد ماخذت نفسي من اقدارها المقسوم ‏وقفى الصبر تجذب بروق الجفا نجعه ‏جلبت الشغف وامضيت بيعه على اول سوم ‏و راح الطموح الروحه اللي بلا رجعه - حمد الحول .

يا مختبر قلبي بغيبتكْ غلطان ‏هو مثل ما تقدر على البعد يقدر ‏بنعْرف من فينا من الصد خسران ‏و بنشوف من فينا على الغيبة أصبر ‏يا طارد المقفي ولو كان من كان ‏العمر من طردك ورى المقفي أقصر ‏يوجع شعور إنّك فقدت أقرب إنسان ‏وإنّك تمنّى رجعته يوجع أكثر َ .

وهبتني ما يدهش عبادك من آيات البيان ‏و أكرمتني بـ عقل ما ياخذ من الجهّال شور.

ما رضيت العام بالصفّ الختامي ‏ومستحيل أكون بالصفحة الأخيرة ‏يا أوقّف موقف يناسب مقامي ‏ولا شمت وشومة الأحرار خيرة ‏لي مكان ولي مقام واسم سامي ‏وسيرتي ماهي بحيّ الله سيرة ‏يا يعدّوني مع كبار الأسامي ‏يا يبدّوني على الناس الكبيرة .

دار فيني الوقت من كل الجهات ‏لين علّم بي على الضلع القصير ‏ما تجاوزت السنين المترفات ‏يوم عمري لا صغير ولا كبير ‏من يقول الشي لامن فات مات ‏مايموت الا اذا مات الضمير ‏فيه فتره حافله بـ الذكريات ‏لا انتهى الليل وبداء الثلث الاخير

العبوا🙂😂.

🍏 1 🍏 ? 👈 𝕎𝔸ٰ͊𝕃𝐄𝐄𝔻֓ۘ͢ۥؔ،🕊️🇵🇸!َ ))

ــــ

فتح الكل

عليك الغلا مردود يا الغايب الموجود ‏سوالفك غابت مير طواريك .. ماغابت ‏غيابك حضورٍ له بصدر البيوت ، شهود ‏ويش اللي يغيّب ضحكتك والغلا ثابت ‏أحنّك مثل ما حن وجهي من المنقود ‏وأعدّك .. ليا عديت الأيام وش جابت ‏- ناصر بن هندي .

ماغير وجهك هو الفارق ما بين الوجيه ‏أنا ماني بـ آسف .. اليا زاد فيك طمعي ‏و إن كان به شي .. يحتاج اتأسف عليه ؟ ‏آسف على عمري اللي راح منت بـ معي

نامت اللهفه وصوت الليل هادي ‏السهر ما حقق لـ رمشي غرضنا ‏ننحرم من كل حاجه حيل عادي ‏بس ما نحرم بعضنا من بعضنا .

خلني فاللزوم اللي عليك اتضرر ‏دام مشروه ميقافي على عظم ساقي ‏اللي بيني وبينك مستحيل يتكرر ‏لو تعيد الحياااه بكبرها ما تلاقي