بوستات دينيه قرأن كريم🕋🕌

صلاه الفجر خير من الدنيا وما فيها ❤️🦋

مذكرات تائب - الجزء الأول فكره انه الواحد يرجع لربنا ولعبادته تاني وربنا يهديه ويستقيم دي حاجه جميله جدا إنه يبدا يلتزم ويصلي ويقرأ قرآن ويصوم وووو ده شئ جميل بس فيه حاجه كده هتقابلك خد بالك منها الموضوع في الاول بيبقي صعب لأنك مش متعود فهتبدأ بعباده صغيره زي الصلاه في مواعيدها بس من غير سنن تقرأ قرآن بس مش كتير وهكذا هنا لازم تاخد بالك لأنه الشيطان مش هيبقي عاجبه حالك ده وانه ربنا هداك وهيحاول يبعدك عن الهدايه بس بالطريقه فببساطه هيجيلك ويقولك بص ده بيصلي ازاي الصلوات والسنن وتلاقيه كمان بيصلي قيام وانت يدوبك بتصلي الفروض بالعافيه يقولك بص ده بيقرأ كام جزء ولا ده حافظ كام جزء وانت مش حافظ غير سورتين تلاته طب قولي بقي توبه ايه دي بقي الطريق طويل عليك يابني وعمرك ما هتبقي زيهم اوعاك تسمع كلامه او تديله فرصه إنه يبعدك تاني اوعاك تقارن عبادتك بعباده الصالحين مره واحده كده علطول بس ده مش معناه إنك متحاولش تبقي زيهم  أنت حاول خطوه خطوه تبصلهم بس بنظره تانيه كالآتي ده بيصلي سنن وبيقرأ وحافظ ووووو انا هبدأ بعد كده بعد كل صلاه أصلي السنن بتاعتها وهلتزم بده تمام خلاص التزمت بده خش علي يلي بعده أنا بعد كل صلاه هقرألي صفحه ولا إتنين تمام خلاص التزمت تزود الورد شويه التزمت تزود اكتر وتبدأ تدخل في مرحله الحفظ تحفظ سور قِصار تصلي بيهم غير السور المعتاده (ده هيساعدك جدا إنك تركز في صلاتك وتخشع ) وتزود في حفظك شويه شويه تحاول تاخد وقت من الليل حتي لو ربع ساعه تصلي فيهم ولو ركعتين قيام وهكذا الكلام ده معناه إنه تحاول تجيبها واحده واحده وتلتزم وتبص للصالحين دول وتشوف بيعملوا إيه وتقلدهم ولما تحب تقارن نفسك ببساطه قارن نفسك بنفسك قبل كده انا كنت من فتره بعمل كذا ودلوقتي بعمل كذا وكذا وكذا وكل مره تحمد ربنا علي هداتك وتسأله الثبات والزياده المهم في الموضوع انك متبصش للطريق الطويل ده بنظره انه طويل ركز في الخطوات يلي قدامك الاول ركز علي نفسك وطورها في عباده ربنا مره في مره هتلاقي نفسك بتصلي فروض وسنن وقيام وبتقرأ قرآن وحافظ قرآن وبتصوم تطوع وبتقرأ اذكار وووو واهم حاجه انك متتكسفش من نفسك لما تشوف الصالحين وعبادتهم علطول تفتكر نفسك قبل كده وتحمد ربنا علي هدايتك وتحاول تقلدهم في يلي بيعملوه واوعي تلتفت لكلام الشيطان ليك إنه الطريق طويل وصعب انتظروا الجزء التاني🥰

- قبل ان تستسلم تذكر !👌 ﴿ لَعَلَّ اللَّهَ يُحْدِثُ بَعْدَ ذَلِكَ أَمْرًا ﴾

اللّهم ثبتني واجعلني هادياً مهدياً.

اللّهم لك الحمد كلّه، اللّهم لا قابض لما بسطت، ولا باسط لما قبضت، ولا هادي لمن أضللت ولا مضل لمن هديت، ولا مُعطي لما منعت ولا مانع لما أعطيت، ولا مُقرب لما باعدت، ولا مُباعد لما قربت

اللّهم إنّي أعوذ بكِ من العجز والكسل والجبن والهرم والبخلِ .. وأعوذ بك من عذاب القبر ومن فتنة المحيا والممات.

﴿ وَقالَ رَبُّكُمُ ادعونى أَستَجِب ﴾

النهارده اكتشفنا كارثة .. تخيل أن الموضوع وصل لتحريف القرآن الكريم ؟؟ " صورة 1 " ده ياسيدي تطبيق للقرآن الكريم عادي زي أي تطبيق بنستخدمه لقراءة ومراجعة القرآن، المصيبة فين بقا؟ أن ناس كتيرة لاحظت أن فيه تحريف في بعض الآيات، ومش بس كده ده في آيات مش موجودة أساسًا. طيب ياعم يمكن غلطة ولا حاجة، بعيد عن أن دي حاجة مينفعش فيها غلط، فيه ناس بحثت عن اسم الشركة المطورة للتطبيق وكانت الصدمة. "صورة 2 " Zipoapps شركة صهي.ونية مقرها تل أبيب وبتملك أكثر من 60 تطبيق "صورة 3 " متنوعين ( أكد أجزم أن كلهم بيجمعوا بيانات مستخدميهم) خد نظرة على كل اسكرين ووصفها. وطبعًا مش محتاج اقولك خطورة الأمر وأن تأكد من حذف التطبيق لو نزلته وأنك تعمل شير عشان اللي ميعرفش يعرف وكمان حابب أعرفك أن كل الكلام ده تأكدت منه بعد بحث. ولا حول ولا قوه الا بالله العلي العظيم.

ادعولي ولكم بالمثل🤍