ស៊ុន សុវណ្ណារិទ្ធិ - Sun Sovannarith

នៅព្រឹកថ្ងៃសុក្រ ទី០៧ ខែសីហា ឆ្នាំ២០២៦ សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ឧត្តមប្រឹក្សាផ្ទាល់​ព្រះមហាក្សត្រ​ បានអញ្ជើញដង្ហែ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់ជាទីបំផុត ស្តេចយាងជាព្រះរាជាធិបតីដ៏ខ្ពង់ខ្ពស់ ក្នុងព្រះរាជពិធី សម្ពោធជានិមិត្តរូបតាមរូបភាពមាន អគារសិក្សា ផ្លូវលំ ស្រះទឹក និងអណ្តូងទឹក នៅខេត្តពោធិសាត់ ខេត្តតាកែវ ខេត្តក្រចេះ ខេត្តកំពង់ឆ្នាំង ខេត្តត្បូងឃ្មុំ ខេត្តកំពង់ស្ពឺ និងខេត្តកំពត នៅក្នុងព្រះបរមរាជវាំង។

ខ្ញុំបានចូលរួមជាមួយឯកឧត្ដម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគទូទាំងប្រទេសប្រចាំខេត្តកំពង់ឆ្នាំង និងឯកឧត្ដម អ៊ូ វិសាល ប្រធានដឹកនាំការងារសង្កេតការណ៍ អង្គភាពប្រឆាំងអំពើពុករលួយប្រចាំខេត្តកំពង់ឆ្នាំង ដឹកនាំកិច្ចប្រជុំពិភាក្សាត្រៀមរៀបចំដំណើរការប្រឡង​សញ្ញាបត្រមធ្យមសិក្សាទុតិយភូមិ សម័យប្រឡង ១០ សីហា ២០២៦។ ខេត្តកំពង់ឆ្នាំង មានបេក្ខជនប្រឡងសរុបចំនួន ៥ ០៥៣នាក់ ស្រី ២ ៩៧០នាក់ ចែកចេញជា ៨ មណ្ឌលប្រឡង ស្មើនឹង ២០៣បន្ទប់។ ថ្ងៃទី៧ សីហា ២០២៦

ចូលរួមកិច្ចប្រជុំវិសាមញ្ញលើកទី៨ អាណត្តិទី៤ របស់ក្រុមប្រឹក្សាខេត្តកំពង់ឆ្នាំង ក្រោមអធិបតីភាពឯកឧត្តម សុីវ រុន ប្រធានក្រុមប្រឹក្សាខេត្ត ដើម្បីពិនិត្យ និងអនុម័តការងារសំខាន់ៗមួយចំនួន។ (៧ សីហា ២០២៦)

អភិបាលខេត្តកំពង់ឆ្នាំង ចុះពិនិត្យមណ្ឌលប្រឡងសញ្ញាបត្រមធ្យមសិក្សាទុតិយភូមិ នៅស្រុករលាប្អៀរ 🔗 អានបន្ត 👉 https://www.facebook.com/share/p/1HKdPSbgpe/ 🔗 អានបន្ត 👉https://www.facebook.com/share/p/1ENHUx2Yc9/ ទាញយក​កម្មវិធី​ទូរសព្ទ​ក្រសួងមហាផ្ទៃ​ 📱 📱 👉 Mobile App​ -----បណ្តាញទំនាក់ទំនង​សង្គម​----- 😀 👉 Facebook​ 😅 👉 TikTok​ 😊 👉Youtube​ 😗​ 👉 ​Telegram

សេចក្តីជូនដំណឹង ស្តីពីការរបៀបរៀបរយការមិនតម្លើងថ្លៃបន្ទប់ស្នាក់នៅ និងមិនទទួលថតចម្លងនូវសំណៅឯកសារផ្សេងៗពាក់ព័ន្ធនឹងការប្រឡងសញ្ញាបត្រមធ្យមសិក្សាទុតិយភូមិ នាសម័យប្រឡងថ្ងៃទី១០ សីហា ២០២៦។

ព្រឹកនេះ ខ្ញុំ និងអភិបាលស្រុក ចុះពិនិត្យមណ្ឌលប្រឡងសញ្ញាបត្រមធ្យមសិក្សាទុតិយភូមិ នៅសាលាបឋមសិក្សាគីរីសុវណ្ណវង្ស និងអនុវិទ្យាល័យគីរីសុវណ្ណវង្ស ក្នុងឃុំស្រែថ្មី ស្រុករលាប្អៀរ ព្រមទាំងពិនិត្យលើសោភ័ណភាព អនាម័យទីធ្លា បណ្ណាល័យ សួនបន្លែ សួនច្បារ ស្រះត្រី តារាងបាល់ និងសួនច្បារមុខសាលារៀន ពិសេសបន្ទប់ទឹកត្រូវតែស្អាតជានិច្ច។ សូមកោតសរសើរលោកនាយកសាលាបឋមសិក្សាគីរីសុវណ្ណវង្ស លោកនាយកអនុវិទ្យាល័យគីរីសុវណ្ណវង្ស ដែលតែងខិតខំកៀរគរធនធានយកមកអភិវឌ្ឍហេដ្ឋារចនាសម្ព័ន្ធសាលារៀន យកចិត្តទុកដាក់លើកកម្ពស់គុណភាពអប់រំ ពង្រឹងវិន័យ អប់រំសីលធម៌ សុជីវធម៌ បំណិនជីវិតដល់សិស្សានុសិស្ស បានល្អជាប់ជាប្រចាំ។ (៦ សីហា ២០២៦)

ចូលរួមអមដំណើរឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង អញ្ជើញប្រគល់ម៉ាសុីនផលិតអុកសុីសែនខ្នាតតូច និងសម្ភារប្រើប្រាស់ ជូនដល់មន្ទីរសុខាភិបាលនៃរដ្ឋបាលខេត្តកំពង់ឆ្នាំង។ ថ្ងៃទី៥ សីហា ២០២៦

សារលិខិតគោរពជូនពរសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត ជាទីគោរពដ៏ខ្ពង់ខ្ពស់បំផុត ក្នុងឱកាសដ៏នក្ខត្តឫក្សនៃខួបចម្រើនជន្មាយុ នៅថ្ងៃទី៥ ខែសីហា ឆ្នាំ២០២៦។ យើងខ្ញុំទាំងអស់គ្នាសូមបួងសួងដល់គុណបុណ្យ​ព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយប្រោះព្រំនូវសព្ទសាធុការពរ សិរីសួស្តី ជ័យមង្គល វិបុលសុខ​ បវរមហាប្រសើរ ជូនចំពោះ សម្តេចអគ្គមហាសេនាបតីតេជោ និង សម្ដេចកិត្តិព្រឹទ្ធបណ្ឌិត ព្រមទាំងក្រុមគ្រួសារ សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ខ្ញុំរួមជាមួយលោកជំទាវ កែ ច័ន្ទមុនី តំណាងរាស្ត្រមណ្ឌលខេត្តកំពង់ឆ្នាំង ឯកឧត្ដម ឡុច វណ្ណារ៉ា សមាជិកក្រុមប្រឹក្សាខេត្ត និងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ បានចូលរួមគោរពវិញ្ញាណក្ខន្ធលោកពលបាលឯក នី ជីហ្វុង យុទ្ធជនកងអនុសេនាតូចទី១ កាំភ្លើងធំត្បាល់ ១២០មីលីម៉ែត្រ កងអនុសេនាធំគាំទ្រ ចំណុះកងពលតូចអន្តរាគមន៍លេខ៦ កងពលធំលេខ២ ឈរជើងទិសខេត្តឧត្តរមានជ័យ នៅគេហដ្ឋានសព ស្ថិតក្នុងភូមិត្រពាំងចឹកសា សង្កាត់កំពង់ឆ្នាំង ក្រុងកំពង់ឆ្នាំង។ ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំង​​ប្រដាប់អាវុធ និងប្រជាព​ល​រដ្ឋ​ទូទាំង​​ខេត្តកំពង់ឆ្នាំង ខ្ញុំសូមចូលរួមរំលែកនូវមរណទុក្ខយ៉ាងក្រៀមក្រំបំផុតជាមួយក្រុមគ្រួសារនៃសព និងសូមឧទ្ទិសបួងសួងសុំឱ្យវិញ្ញាណក្ខន្ធរបស់ លោកពលបាលឯក នី ជីហ្វុង បានទៅកាន់ឋានបរមសុខក្នុងសុគតិភពកុំបីឃ្លៀងឃ្លាតឡើយ​។

ដឹកនាំកិច្ចប្រជុំបូកសរុបលទ្ធផលការងារប្រចាំខែកក្កដា ឆ្នាំ២០២៦ និងលើកទិសដៅបន្ត របស់ក្រុមការងារគណបក្សចុះមូលដ្ឋានស្រុកកំពង់លែង។ ថ្ងៃទី១ សីហា ២០២៦

ដឹកនាំកិច្ចប្រជុំជំរុញការប្រមូលចំណូលសារពើពន្ធ និងចំណូលមិនមែនសារពើពន្ធ ក្នុងភូមិសាស្រ្តខេត្តកំពង់ឆ្នាំង។ ថ្ងៃទី៣១ កក្កដា ២០២៦

ទស្សនា ៖ វឌ្ឍនភាពការងារប្រចាំឆមាសទី១ ឆ្នាំ២០២៦ របស់រដ្ឋបាលខេត្តកំពង់ឆ្នាំង 🔗 វីដេអូ 👉 https://www.facebook.com/share/v/1KKPrE3NXU/ 🔗 វីដេអូ 👉 https://www.facebook.com/share/v/197VN79gYm/ 🔗 វីដេអូ 👉https://www.facebook.com/share/v/1YNUBc1a1S/ 🔗 វីដេអូ 👉 https://www.facebook.com/share/v/19NLBH5cqG/ 🔗 វីដេអូ 👉https://www.facebook.com/share/v/1GHn7QFiQy/ 🔗 វីដេអូ 👉https://www.facebook.com/share/v/1GjBrhN37X/ ទាញយក​កម្មវិធី​ទូរសព្ទ​ក្រសួងមហាផ្ទៃ​ 📱 📱 👉 Mobile App​ -----បណ្តាញទំនាក់ទំនង​សង្គម​----- 😀 👉 Facebook​ 😅 👉 TikTok​ 😊 👉Youtube​ 😗​ 👉 ​Telegram

ចុះសួរសុខទុក្ខបងប្អូនប្រជាពលរដ្ឋ និងពិនិត្យស្ថានភាពផ្លូវបេតុងប្រវែង ២ ៣១៦ ម៉ែត្រ ដែលស្ថាបនារួចប្រមាណ ៩០% ជូនប្រជាពលរដ្ឋក្នុងឃុំច្រណូក ស្រុកកំពង់លែង ហើយគ្រោងនឹងបញ្ចប់នាពេលឆាប់ៗនេះ។ ថ្ងៃទី៣០ កក្កដា ២០២៦

ក្រសួងវប្បធម៌ និងវិចិត្រសិល្បៈ សហការជាមួយរដ្ឋបាលខេត្តកំពង់ឆ្នាំង បានរៀបចំការតាំងពិព័រណ៍សាធារណៈមិនអចិន្ត្រៃយ៍អំពីរូបថតព័ត៌មានអំពីវត្ថុសិល្បៈខ្មែរ ដែលត្រូវគេនាំចេញដោយខុសច្បាប់ និងទាមទារត្រឡប់មកកម្ពុជាវិញ នៅលើបរិវេណសួនច្បារ ឯកឧត្តមបណ្ឌិតសភាចារ្យ អ៊ុក រ៉ាប៊ុន (ទល់មុខសាលាខេត្តកំពង់ឆ្នាំង)។ ពិព័រណ៍ធ្វើឡើងក្នុងគោលបំណងបញ្ជ្រាបការយល់ដឹងអំពីគុណតម្លៃ ក្នុងការចូលរួមថែរក្សា ការពារ អភិរក្ស និងអភិវឌ្ឍវប្បធម៌ជាតិ ជាពិសេសឱ្យមហាជនបានស្វែងយល់ពីសម្បត្តិបេតិកភណ្ឌមរតកដូនតាដែលបាត់បង់ បន្ទាប់ពីរាជរដ្ឋាភិបាលទាមទារបានត្រឡប់មកវិញ។ លើសពីនេះ ក៏ជាការជួយបំផុស និងដាស់អារម្មណ៍យុវជនដែលជាទំពាំងស្នងឫស្សីឱ្យបានឃើញបានយល់កាន់តែច្បាស់អំពីលក្ខណៈពិសេស និងភាពសម្បូរបែបនៃសិល្បៈវប្បធម៌ខ្មែរ ដែលបន្សល់ទុកដោយដូនតាយើងជាច្រើនជំនាន់មកហើយ ទាំងនេះគឺជាសកម្មភាពដ៏មានប្រសិទ្ធភាពមួយ ក្នុងការផ្សព្វផ្សាយបញ្ជ្រាបការយល់ដឹង បណ្តុះមនសិការ ស្មារតីរបស់កូនខ្មែរគ្រប់រូបឱ្យចូលរួមថែរក្សា ការពារ ឱ្យបានស្ថិតស្ថេរគង់វង្សនូវមរតកវប្បធម៌ ដែលជាអត្ត សញ្ញាណ និងជាដួងព្រលឹងរបស់ជាតិយើង។ មន្ត្រីរាជការ សិស្សានុសិស្ស និងបងប្អូនប្រជាពលរដ្ឋ អាចចូលរួមទស្សនាស្វែងយល់ដោយសេរី។

ចុះពិនិត្យវឌ្ឍនភាពដំណើរការសាងសង់ផ្លូវកៅស៊ូ ១ខ្សែ ប្រវែង ៥ ៩៦៦ម៉ែត្រ តភ្ជាប់ពីឃុំថ្មឥដ្ឋ មកឃុំឈូកស ស្រុកកំពង់ត្រឡាច ដែលជាគម្រោងរបស់រដ្ឋបាលខេត្ត។

ចូលរួមពិធីប្រគល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋចំនួន ២៣ ០៦៧ បណ្ណ ស្ថិតនៅឃុំជ័យធំ ឃុំរកាជន្លឹង និងឃុំពុកឬស្សី ស្រុកខ្សាច់កណ្តាល ខេត្តកណ្តាល ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី នៃព្រះរាជាណាចក្រកម្ពុជា។ ខេត្តកណ្តាល ថ្ងៃទី២៩ កក្កដា ២០២៦

ចូលរួមវេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៧ ក្រោមប្រធានបទ«សិទ្ធិសេរីភាពសមាគម និងអង្គការមិនមែនរដ្ឋាភិបាល ក្នុងបរិបទឌីជីថល» ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ជាដំបូងខ្ញុំសូមអរគុណចំពោះការចូលរួមជាមតិយោបល់របស់បងប្អូនប្រជាពលរដ្ឋ ពាក់ព័ន្ធជាមួយនឹងបញ្ហាប្រឈមនានាដែលសហគ្រាសធុនតូចនិងមធ្យម (SME) ជួបប្រទះ។ ផ្អែកលើយោបល់របស់បងប្អូននិងលទ្ធផលនៃការសិក្សាស្រាវជ្រាវ ពិគ្រោះយោបល់បន្ថែមជាមួយតួអង្គពាក់ព័ន្ធ ជាពិសេសវិស័យឯកជន រាជរដ្ឋាភិបាលនឹងដាក់ចេញនូវវិធានការមុតស្រួចមួយចំនួនដើម្បីដោះស្រាយបញ្ហាសំខាន់ៗជូន SME ។ 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

វីដេអូសម្តេចមហាបវរធិបតី ហ៊ុន ម៉ាណែត​ នាយករដ្ឋមន្ត្រីនៃព្រះរាជាណាចក្រកម្ពុជា ផ្តល់សម្ភាសន៍ផ្តាច់មុខជូនទូរទស្សន៍ Bloomberg ទាក់ទងនឹងប្រធានបទសំខាន់ៗ​ នៃកិច្ចខិតខំប្រឹងប្រែងលើការដោះស្រាយបញ្ហាព្រំដែន ការប្រឆាំងការឆបោកតាមបច្ចេកវិទ្យា https://www.bloomberg.com/news/videos/2026-07-23/cambodian-pm-pledges-to-tackle-evolving-scam-networks-video 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia