هنا نبدأ وفي الجنه نلتقي "🤎

أقولك أنا الأغاني بتعمل إيه في النفس! صاحبنا بيسمع أغنية راب فيها تعظيم للنفس البشرية فَبياخد جرعة أدرينالين كبيرة ويبقى عظيم جدا في نفسه شويتين تلاتة. لكنه على أرض الواقع صفر، عبد، بيشوف غيره بيموت وهو هيموت وشغله عادي جدا وبالنسبة لأصحابه عادي، لا هو خد لقطة العظمة ولا حسها. التاني بيسمع أغنية رومانسية وبيعيشها ويبني خيالات في دماغه ويحس إن هو مفيش منه اتنين وأن الحب هيقويه ولازم ياخد اللي بيتمناها، لكنه عادي مش بيوصل وهي بتتزوج واحد تاني وبيشوف إن الدنيا مش ملونة زي كليب الأغنية اللي سمعها. الثالث بيسمع أغنية حزينة لواحد موصلش لحبيبته اللي كان بيحبها زمان، يعيد ويزيد في كوبليه معين من الأغنية؛ يتأثر بها؛ تاخد من وقته، ويعيش حزنا ربما ليس حزنه أصلا، وربما لم يكن يوما محبا ولهانا أو عاشقا، ولكن تماشيا مع مود الأغنية.. الإطار السينمائي اللي بتولده الأغنية سواء حزن أو فرح أو حب أو بغض أو تعظيم للنفس، كل ده إطار واهي ضعيف مالوش أي علاقة بالدنيا وابتلاءاتها وأذاها وضعفها والكره اللي موجود فيها. يعني حتى الحزن اللي بيبقى المغني متأثر بيه أوي إن حبيبته سابته أو الفلوس مش مكفيه معاه شويتين فبيسرد لك قصة حياته اللي هي مش قصة أصلا وأنت بتتأثر بيها. التأثر ده اللي بيكون في غير محله بيخليك إنت كمان ضعيف جدا أمام الابتلاءات الحقيقية، لأنك قللت قيمة نفسك وتأثرت باللي مش لازم أصلا تنظر له! فالأغاني بتعمل منك كيان هش مالوش اعتبار في الدنيا الحقيقية. عاوز المعنى الحقيقي لكل شعور بالضبط وهيحكيلك دواخلك وعلاجاتك الحقيقية، افتح القرآن. ركز كده على الخطاب القرآني وهو بيقولك تعدي أيامك إزاي وتقاوم الابتلاءات إزاي، وإزاي هيصغر قيمة الدنيا في عينيك وإزاي هيعطي لك قيمة حقيقية، وإزاي هيضبط مشاعرك وإنك لا تستهلكها في أي مكان وخلاص، وغيره وغيره من أصغر حاجة لأكبرها لحد ما تدخل الجنة انظر وتحقق من كيفية الخطاب اللي بيتغلغل داخل أغوار نفسك، وكيف لا؟ وهو من كلام قدير حكيم خبير؟

فيه كثير من الأهل بيرفض رفضًا باتًا إن البنت تختمر أو تنتقب قبل خطوة الخطوبة بغاية إن البنت لازم تتشاف وإن النقاب هيغطيها والخمار هيكبرها وبالتالي فُرص اختيارها هتقل. وبيبدأوا يقارنوا بيها بنات من جيلها لابسين (عادي) واتخطبوا ودنيتهم فل. ومحاولة ربط الخمار والنقاب بالموضوع ده بتزيد كل ما البنت بتكبر في السن. فأنا بس حابب أقول إن اللي هيجيلك علشان لبسك الحلو الملفت بلاش منه. اللي يجيلك لازم يجيلك علشان نفسك ودينك وتربيتك، لازم يعرف أنتِ مين معنى قبل الشكل. لو قلعتِ نقابك وخمارك علشان السبب ده، فسببك ده واهي جدًا ومالوش أي قناعة. لأن أنتِ ممكن تخلعيهم عادي جدًا ومتتخطبيش برضو. البنت اللي بتلبس النقاب والخمار، فَده لأنها مقتنعة بيه من ناحية الستر، فبلاش تمنعوها عنه، وإن الإنسان الصالح التقي هيعرف طريقه ليها بدون هادٍ أو مرشد. البنت لو اتخذته سبب لرضا ربنا، فَربنا هيراضيها ويقر عينها بواحد يتقي الله فيها ويحببها فيه أكتر وأكتر سواء جيه دلوقتي أو بعدين. بلاقي بنات كتير للأسف بتضعف وبتقلعه وبتتحول ١٨٠ درجة ودي تعتبر انتكاسة، وفي الآخر بيتبص لها إنها كانت لابساه عياقة ومنظرة وبرضو مبيجيلهاش حد لكثرة الظنون حولها، وبتندم ندم عمرها إنها تخلت عنه بعدين. الناس دي آخر حاجة تفكري فيها، خلي رضا ربنا نُصب عينيكِ، وهو القادر وحده إنه يرسل ليكِ ألف سبب يجعلك راضية وفرحانة بعد وقت من الصوم والتقشف.

مش هسيب ابني للشارع يربيه، الشارع مش بيربي حد دلوقتي، بل بينزع التربية انتزاعا. بنتي ممكن تخرج في يوم ألاقيها بتغني أغاني في غاية القبح من اللي لقطتها من الأطفال اللي قدها. أضطر أمكث أياما أغير أثر ساعتين بس قضيتهم في الشارع. تربية الأطفال في الزمن ده مريرة وعايزة صبر وإحاطة فوق الوصف، ولو لم تكن الغاية في إننا نربيهم تربية سوية ليكونوا خير خلف لخير سلف إن شاء الله، لما فكر الواحد في خلفة أصلا. الرجل يترك أولاده لامرأته، اللي بدورها بيطلع عينها حرفيا في الجري وراء أولادها بس علشان ميعملوش في نفسهم حاجة. ده بالإضافة إلى إنها تذاكر لهم وتعلمهم القيم، فدور الزوجة في الجزئية دي جبار ومش بس مجهود يحترم، ده أجره عظيم جدا عند الله سبحانه. كون إنك تتزوج وتحافظ على نفسك في الزمن ده من عدم التغير للأسوأ جراء الاحتكاك بالناس ومقابلة الفتن واللي بنشوفه، ده مجهود عظيم جدا ومعونة من الله كبيرة، فما بالك بالمحافظة على بيت كامل فيه زوجة وأبناء! في إطار الحديث عن الزواج، مش هنتكلم بس عن درء فتنة العزوبية والحفاظ على العرض من الزنا، بل هناخد معاها تربية النشء اللي هياخد الحيز الأكبر من حياتك. وساعتها حياتك هتنقلب رأسا على عقب، مش بالصيغة السيئة، ولكن للاختلاف الجذري اللي هيطرأ عليها. فلو بتحب تقعد لوحدك أو بتحب المزاج الرايق أو الجلسة الحلوة الهادئة، استعد لأن كل ده هينتزع منك انتزاعا. والله الموفق.

أدعوا أن يُزوِّجَني اللهُ مِن عَائِلةٍ طَيَّبةَ المَعشَرِ والخُلقِ والدِّين، لا أُحِبُّ الصِراع ولا الجِدَال، ولا يَسَعُ قلبي أكثَر من الحُبِّ لمن أحبُّ وأهَله، أتمنى أَن يَكُونوا عَائِلَة لِي بَعدَ عَائِلَتي، أتمَنى لو يكُونوا سَببًا للصُلح، لا عَونًا على الهَجر، أتمَنى أَن أُنجِب ذُرِّيَّةً تُنِيرُ الدُنيَا بالقُرآنِ والعِلم. هذا رجائي ولن يُضيِّعني اللّٰه.💗

اللهُمَّ أحسِن إليَّ في زوجي وزواجي وذريتي.. اللهُمَّ أحسِن إليَّ في زوجي وزواجي وذريتي.. اللهُمَّ أحسِن إليَّ في زوجي وزواجي وذريتي..

وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ .🤍

شُفت بنت بتدعي دعوة جميلة وبتقول: ‏يا رب يكون جوزي أحن عليا من رمش عيني؛ لأني ماعنديش طاقة نهائي إن زواجي يكون بلاء.. يا رب يا وهاب يكون هين، لين لا أُشقى به أبدًا؛ لأني شُفت من الدنيا أذى كفاية. فيا رب مرة ومليون يكون هو عوض الصابرين لقلبي.

لَئِن شَكَرْتُمْ لَأَزِيدَنَّكُمْ. ♥️

ربنا مقالش إن الدنيا هتبقى سهله طول الوقت هي كده كده دار إبتلاء ، بس وعدنا إن بعد العسر في يسر و من كُل ضيق في مخرج و بعد كُل هم و حزن هيبقى في فرح لصاحب نصيبه ، هتلاقي الحل من عند ربنا أحسن بكتير من اللي أنت مرتبله و هتلاقي نفسك مجبور الخاطر أكتر من اللي بتتمناه.

وإني لا أريد أن أتزوج ليقال قد تزوج وظفر بما يريد، أو أرى نظرة إعجابٍ واستحسانٍ في أعين الناس! أو لأفعل شيئا جديدا من باب التجربة يُذكر في حياتي! إنني امرؤ غلبته الدنيا يريد بعض الأمان الذي نَدَر، يبحث عن تقوى الله بين القلوب، ويركن إلى أن يختبيء عن المارة والقيل والقال، أتدثر ببيتي مع من يطمئن إليه قلبي، ونكون لأنفسنا كل شيء. أما وإني لا أعلم غيبي، وتتلقفني الذنوب يوما بعد يوم، فَلا ضَير من البحث عن ضالتي في من يساندني وأسانده على الطاعة والدنيا، ونحتسب كل صغيرة وكبيرة من معروف لوجه الله، ونحسن لأنفسنا كما أحسن الله إلينا ونحمده على نِعَمه وفضله.

الفيديو جميل جميل

‏ولا شتيتين إلا جمعتهما، ولا حبيبين إلا زوجتهما، ولا مشتاقًا للذريه إلا رزقتهُ!

كنت بسمع بودكاست عن التربية قالوا فيه جملة حاسة إني عايزة أنكد عليكوا بيها "الطفل بيقتنع بكلام أهله عن شخصيته وبيصدقه ومابيصدقش حد غيرهم لو العالم كله أثبتله عكس كدة" وذكروا قصة توماس أديسون لما رجع لمامته بجواب من المدرسة وقالتله أنه مكتوب فيه : ابنك عبقري ، هذه المدرسة متواضعة جدًا بالنسبة له وليس لديها معلمين جيدين بما يكفي لتعليمه. من فضلك، علِّميه في المنزل بس هو في الواقع مكتوب فيه : ابنك متخلف عقلياً. لا يمكننا السماح له بالذهاب إلى مدرستنا بعد الآن فحولته من متخلف عقليًا لتوماس أديسون اللي العالم منور بسببه دلوقتي لكم حرية العياط أو الامتنان على حسب اللي كان بيتقالك بقى. - أسماء الزفتاوي

عود نفسك كل صباح أن تقول: اللهم إني أسألك خير ما في هذا اليوم ، فَتْحَه وَنَصرَه ونورَه وَبَرَكته وَهُداهُ " استودعُ الله الذي لا تضيع ودائعه ديني ونفسي وأمانتي وخواتيم عملي وأبنائي وأهلي وأحبتي وبيتي ومالي وجميع ما أنعم الله به عليّ " اللهم جملني بقلب رحيم وعقل حكيم ونفس صبوره، يارب اجعل بسمتي عاده وحديثي عباده وحياتي سعاده وخاتمتي شهاده صباحكم دعوة مستجابة بإذن بالله💚

قال ابن الجوزي رحمه الله: اعلم أن سماع الغناء يجمع شيئين أحدهما أنه يلهي القلب عن التفكر في عظمة الله سبحانه والقيام بخدمته والثاني أنه يميله إلى اللذات العاجلة التي تدعو إلى استيفائها من جميع الشهوات الحسية ومعظمها النكاح وليس تمام لذته إلا في المتجددات ولا سبيل إلى كثرة المتجددات من الحل فلذلك يحث على الزنا فبين الغناء والزنا تناسب من جهة أن الغناء لذة الروح والزنا أكبر لذات النفس ولهذا جاء في الحديث الغناء رقية الزنا . تلبيس إبليس

صليت فروضك، غضيت بصرك وصنت لسانك، سكت أكثر ما اتكلمت، أنزلت الناس منازلهم ولم تبخس حق نفسك في كفايتها ورعايتها، نصحت هذا وذاك وكفيت أذاك عن غيرك. الحمد لله، امتلكت الدنيا وما فيها، ربنا يديمها عليك نعمة.

لو ربنا كرمك بشغل برة البلد وكنت متزوج - خاصة لو متزوج حديثا - فمينفعش بتاتا تقعد بالسنتين متنزلش تشوف زوجتك وأهلك تحت مسمى أكل العيش وتحويشة فلوس! زوجتك ولو كانت أعف نساء جيلها وأكثرهن حياء برضو هتحتاج وجودك للغاية، مش بس علشان العلاقة الزوجية، ولكن علشان كل جوانب الحياة من العون والود والسند والمشاعر جميعها. المغترب بيفكر إن الرزق فلوس بس، زوجتك دي كمان رزق كبير جدا والحفاظ عليها واجب شرعي لأنها هتقوم لك بيت نقي طاهر بإذن الله، ولازم ولا بد تستثمر فيها كما تستثمر في شغلك وتدخر المال للمستقبل. ياما شوفنا مغتربين ولادهم مبقوش طايقينهم أصلا، ومش هقول ده صح ولا غلط، ولكن انا بتكلم في جزئية الفراق دون حساب. الفراق مهلك للغاية وبيمحي مشاعر الود رويدا ويجعل الرتابة والملل هما أساس العلاقة، وده مش لازم يحصل أبدا. لو هتدخر ١٠ قروش، ادخر خمسة وقرب منك زوجتك وخليها جنبك وانزلهم زيارات كل فترة لو متاح ومتسألش التذكرة بكام، كل دي ضريبة لازك تتحملها وتفكر فيها لأنك مش بطولك، إنت فيه بيت كامل مسؤول منك مسؤولية كاملة ولازم تكون قدها كويس أوي. اتق الله في بيتك وفي زوجتك وأولادك، واغدق عليهم بمشاعرك وقربك كما تغدق عليهم بمالك.