ក្រសួងសង្គមកិច្ច អតីតយុទ្ធជន និងយុវនីតិសម្បទា

កិច្ចប្រជុំជាមួយក្រុមប្រឹក្សាអ្នកច្បាប់ ………………………………………………….. នៅទីស្តីការគណ:រដ្ឋមន្រ្តី ថ្ងៃអង្គារ ទី៨ ខែកញ្ញា ឆ្នាំ២០២៦ វេលាម៉ោង ៩:០០ នាទីព្រឹក ឯកឧត្តម មុំ ប៊ុនថន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំប្រតិភូក្រសួង ស.អ.យ. ចូលរួមកិច្ចប្រជុំជាមួយក្រុមប្រឹក្សាអ្នកច្បាប់ ក្រោមអធិបតីភាព ឯកឧត្តម សុខ ផេង អនុប្រធាន និងជាប្រធានក្រុមការងារទី៣ នៃក្រុមប្រឹក្សាអ្នកច្បាប់ និងជាប្រធានអង្គប្រជុំ។ ដោយមានការអញ្ជើញចូលរួមពីឯកឧត្តម សៅ ឡែន អនុរដ្ឋលេខាធិការ ក្រុមការងារទី៣ នៃក្រុមប្រឹក្សាអ្នកច្បាប់ អគ្គនាយករងសេវាសង្គមកិច្ច តំណាងគណៈកម្មការភាសាវិទ្យាខ្មែរ ប្រធាននាយកដ្ឋានមនុស្សចាស់ និងអតីតយុទ្ធជន និងមន្រ្តីជំនាញ សរុបចំនួន ២៥នាក់។ គោលបំណងដើម្បីពិនិត្យនិងពិភាក្សាលើសុំណើរសុំហត្ថលេខាដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លើសេចក្តីព្រាងសារាចរនិងសារលិខិតក្នុងឱកាសទិវាមនុស្សចាស់កម្ពុជានិងទិវាមនុស្សចាស់អន្តរជាតិ ១តុលា ឆ្នាំ២០២៦។

ក្រសួងសង្គមកិច្ច​ បានចាត់មន្ត្រីជំនាញនៃមន្ទីរសង្គមកិច្ច ខេត្តស្វាយរៀង ចុះកំណត់អត្តសញ្ញាណកុមារកំព្រានៅស្រុកស្វាយទាប ខេត្តស្វាយរៀង =================== ខេត្តស្វាយរៀង ÷ បន្ទាប់ពីទទួលបានព័ត៌មានដែលបានផ្សព្វផ្សាយលើបណ្តាញសង្គម នាថ្ងៃទី៧ ខែកញ្ញា ឆ្នាំ២០២៦ ឯកឧត្តម​រដ្ឋមន្ត្រី​ ជា​ សុមេធី​ បានចាត់លោក ប៉ែន សុវណ្ណនី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តស្វាយរៀង ដឹកនាំមន្ត្រីជំនាញ សហការជាមួយអាជ្ញាធរមូលដ្ឋាន ចុះកំណត់អត្ថសញ្ញាណ​ និងផ្តល់សេវាសង្គមកិច្ចបឋម​ ដល់កុមារកំព្រា ដែលកំពុងរស់នៅក្នុងស្ថានភាពលំបាក​ ស្ថិតនៅភូមិស្វាយធំ ឃុំស្វាយរំពារ ស្រុកស្វាយទាប ខេត្តស្វាយរៀង។ ក្រោយពីមន្ត្រីជំនាញចុះដល់លំនៅឋានផ្ទាល់​ បានកំណត់អត្តសញ្ញាណ​ឃេីញថា​ ពិតជាមានកំព្រាកំពុងស្វែងរកជំនួយ​ដូចការចុះផ្សាយនៅក្នុងបណ្តាញសង្គមពិតប្រាកដមែន​ ដោយមានកុមារ០៦នាក់ រួមមាន៖ ១.ឈ្មោះ រុំ ចាន់វត្តី ស្រី អាយុ ១៧ឆ្នាំ ២.ឈ្មោះ រុំ ចាន់បូទី ប្រុស អាយុ ១៥ឆ្នាំ ៣.ឈ្មោះ រុំ គង្គា ប្រុស អាយុ ១១ឆ្នាំ ៤.ឈ្មោះ យស់ ពិសី ស្រី អាយុ ៩ឆ្នាំ ៥.ឈ្មោះ យស់ ពិសា ប្រុស អាយុ ៨ឆ្នាំ ៦.ឈ្មោះ យស់ រស្មី ប្រុស អាយុ ៧ឆ្នាំ កុមារទាំង០៦រូបនោះ​ ជាកុមារកំព្រាឪពុក(ស្លាប់)​ ហេីយម្ដាយបានរៀបអាពាហ៍ពិពាហ៍ជាមួយប្ដីថ្មី​ ដោយទុកកូនទាំង០៦រូបនេះ​ រស់នៅជាមួយជីដូនដែលមានជីវភាពក្រីក្រ​ (មានបណ្ណក្រីក្រ)​ ផ្ទះទ្រុឌទ្រោម​ និងខ្វះលទ្ធភាពក្នុងការចិញ្ចឹមនិងទំនុកបម្រុងចៅៗ។ បន្ទាប់ពីបានរស់នៅជាមួយជីដូនមួយរយៈ​ ជីដូនបានចេញទៅរស់នៅជាមួយម្ដាយរបស់កុមារដើម្បីមើលថែទាំចៅដែលទើបនឹងកើតម្នាក់ទៀតទៀត​ ដែលធ្វេីឱ្យកុមារទាំង០៦រូបនេះ​ ត្រូវរស់នៅដោយគ្មានអ្នកថែទាំ​ ឬអាព្យាបាលត្រឹមត្រូវ​។ ក្នុងស្ថានភាពដ៏លំបាកចំពោះមុខនេះ លោកប្រធានមន្ទីរសង្គមកិច្ច​ បាននាំយកអំណោយដ៏ថ្លៃថ្លារបស់ឯកឧត្តមរដ្ឋមន្ត្រី​ ជា​ សុមេធី​ និងលោកជំទាវ​ ជា​ ផល្គុន​ នូវថវិកា​ និងគ្រឿងឧបភោគបរិភោគមួយចំនួន រួមមាន៖អង្ករ៖ ៥០ គីឡូក្រាម,​ មី៖ ២កេស,​ ទឹកត្រី ៖  ២យួរ,​ កន្ទេល៖២,​ មុង៖២,​ ភួយ៖ ២,​ សារុង៖ ២​ និងថវិកា៖ ៣០ ម៉ឺនរៀល។ ទោះបីជារស់នៅក្នុងស្ថានភាពលំបាកយ៉ាងណាក្តី​ បច្ចុប្បន្ន​ កុមារកំព្រាទាំង០៦រូបនេះនៅបន្តជំនះឧបសគ្គទៅសិក្សារៀនសូត្រគ្រប់ៗគ្នា ក្រោមការឧបត្ថម្ភគាំទ្រពីពលរដ្ឋជិតខាង រដ្ឋបាលឃុំ​ ក្រុមការងារចុះជួយមូលដ្ឋាន ស្ថាប័នពាក់ព័ន្ធ និងសប្បុរសជននានាជាបន្តបន្ទាប់។  ក្នុងឱកាសនេះ​ ដេីម្បីជួយផ្តល់កិច្ចការពារ​ និងការគាំទ្រដល់កុមារកំព្រាទាំង០៦រូបនេះ​ មន្ទីរសង្គមកិច្ច អតីតយុទ្ធជននិងយុវនីតសម្បទាខេត្តស្វាយរៀង​ នឹងសហការជាមួយមន្ទីរ​ អង្គភាពពាក់ព័ន្ធ រដ្ឋបាលស្រុក​ និងអាជ្ញាធរមូលដ្ឋាន អង្គការដៃគូរ​ ព្រមទាំងសប្បុរសជននានា​ រៀបចំផែនការ​គាំទ្រដល់កុមារ​ ​និងគ្រួសារ​ឱ្យបានច្បាស់លាស់​ និងគ្រប់ជ្រុងជ្រោយ​ ដេីម្បីធានាថាកុមារទទួលបានការថែទាំ​ និងកិច្ចការពារពេញលេញ​ ដូចកុមារដទៃទៀតដែរ។

ទីស្ដីការក្រសួង៖ នាព្រឹកថ្ងៃទី៧​ ខែកញ្ញា ឆ្នាំ២០២៦ ឯកឧត្តម ជា ចំណាន រដ្ឋលេខាធិការ បានដឹកនាំកិច្ចប្រជុំលើបូកសរុបលទ្ធផលការងារឆមាសទី១ និងលើកទិសដៅអនុវត្តបន្ត របស់នាយកដ្ឋានគាំពារអ្នកញៀនគ្រឿងញៀន ដោយមានការអញ្ជើញចូលរួមពីឯកឧត្តមអនុរដ្ឋលេខាធិការ ឯកឧត្តមអគ្គនាយកស្ដារសម្បទា លោកអគ្គនាយករងស្ដារសម្បទា លោកប្រធាននាយកដ្ឋានគាំពារអ្នកញៀនគ្រឿងញៀន និងលោក លោកស្រីជាថ្នាក់ដឹកនាំមជ្ឈមណ្ឌល មណ្ឌលរដ្ឋ និងឯកជនទាំង១៩ ផងដែរ។

សិក្ខាសាលាផ្សព្វផ្សាយផែនការសកម្មភាពជាតិស្តីពី ការទប់ស្កាត់និងឆ្លើយតបចំពោះអំពើហិង្សាលើកុមារឆ្នាំ២០២៥-២០៣០ ============= ខេត្តតាកែវ៖ ថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាជាតិកម្ពុជាដើម្បីកុមារ(ក.ជ.ក.) លោកជំទាវ ខៀវ បូរី រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធាន ក.ជ.ក. បានអញ្ជើញជាអធិបតីក្នុងសិក្ខាសាលាផ្សព្វផ្សាយផែនការសកម្មភាពជាតិស្តីពី ការទប់ស្កាត់និងឆ្លើយតបចំពោះអំពើហិង្សាលើកុមារឆ្នាំ២០២៥-២០៣០ នៅសាលប្រជុំសាលាខេត្តតាកែវ ដែលមានសមាសចូលរួមពីលោកជំទាវសមាជិកា ក.ជ.ក. លោកជំទាវអនុរដ្ឋលេខាធិការក្រសួង ស.អ.យ. ឯកឧត្ដម​អគ្គលេខាធិការ ឯកឧត្ដម​ លោកជំទាវ​អគ្គលេខាធិការរង លោកជំទាវអភិបាលរងខេត្ត លោកប្រធានមន្ទីរ ស.អ.យ. លោក លោកស្រីតំណាងមន្ទីរពាក់ព័ន្ធ រដ្ឋបាលក្រុង/ស្រុក និងអង្គការដៃគូអភិវឌ្ឍន៍ដែលមានអ្នកចូលរួមសរុបចំនួន ៧០នាក់។សិក្ខាសាលាខាងលើនេះរៀបចំឡើងក្នុងគោលបំណងដើម្បីឆ្លើយតបនិងអនុវត្តផែនការសកម្មភាពជាតិស្តីពីការទប់ស្កាត់និងឆ្លើយតបចំពោះអំពើហិង្សាលើកុមារ ឆ្នាំ២០២៥–២០៣០ ឱ្យបានល្អប្រសើរស្របតាមការតម្រង់ទិសរបស់រាជរដ្ឋាភិបាលទៅដល់អាជ្ញាធរថ្នាក់ក្រោមជាតិក្នុងការគាំទ្រនូវគំនិតផ្តួចផ្តើមថ្មីៗ ដើម្បីលើកកម្ពស់ការអនុវត្តសម្រាប់អ្នកពាក់ព័ន្ធ ដើម្បីពង្រឹងសមត្ថភាព និងការវិភាជន៍ធនធាននៅថ្នាក់ក្រោមជាតិ ដែលត្រូវការចាំបាច់សម្រាប់ការអនុវត្តផែនការជាតិនេះ។

សេចក្តីបំភ្លឺរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាចំពោះរបាយការណ៍របស់ Mekong Risk Monitor ដែលបានអធិប្បាយថា មណ្ឌលស្តារនីតិសម្បទាអ្នកញៀនគ្រឿងញៀន ជាកន្លែងឃុំខ្លួន ដាក់ទណ្ឌកម្ម និងកង្វះសេវាព្យាបាល ខណៈមួយចំនួនបានត្រឡប់ទៅប្រើប្រាស់គ្រឿងញៀនវិញ បន្ទាប់ពីចាកចេញពីមណ្ឌល។ សូមស្តាប់ការបំភ្លឺរបស់ឯកឧត្តម តូច ចាន់នី អ្នកនាំពាក្យក្រសួងសង្គមកិច្ច អតីតយុទ្ធជន និងយុវនីតិសម្បទា តាមរយៈការផ្សព្វរបស់វិទ្យុបារាំងអន្តរជាតិ Rfi នាថ្ងៃទី៥ កញ្ញា ២០២៦ ដូចខាងក្រោម៖

ក្រសួងសង្គមកិច្ច ចាត់មន្ត្រីជំនាញ​ចុះសិក្សាស្ថានភាពគ្រួសារស្រ្តីសម្រាលកូននៅផ្ទះម្នាក់ឯងនៅខេត្តសៀមរាប ដែលបានផ្សាយតាមបណ្តាញសង្គម Facebook ================== ខេត្តសៀមរាប៖​ ថ្ងៃទី៤​ ខែកញ្ញា​ ឆ្នាំ២០២៦​ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា​ (ស.អ.យ)​ បានចាត់លោក​ គង់​ សំអឿន​ ប្រធានមន្ទីរ​ ស.អ.យ​ ខេត្តសៀមរាប ដឹកនាំមន្ត្រីជំនាញ​ ដោយមានការចូលរួមពីអាជ្ញាធរមូលដ្ឋាន ចុះពិនិត្យស្ថានភាពស្រ្តី រស់នៅភូមិប្រាសាទចារ្យ ឃុំដូនកែវ ស្រុកពួក ខេត្តសៀមរាប ដែលបានចុះផ្សាយក្នុងបណ្តាញសង្គម​ Facebook​ ឈ្មោះ រួម សូន ដោយមានខ្លឹមសារកំសត់ណាស់ពេក ដែលសម្រាលកូននៅផ្ទះម្នាក់ឯង គ្មានលុយទៅពេទ្យ​ ហេីយក៏គ្មានលុយទិញខោអាវកូន​ ក្រម៉ាក៏គ្មាន ក្នុងទិដ្ឋភាពកំសត់ពន់ពេក។ ក្រោយចុះពិនិត្យស្ថានភាពជាក់ស្តែង ក្រុមការងារបានកំណត់អត្តសញ្ញាណឃេីញថាគ្រួសារនេះ​មានបណ្ណសមធម៌សម្រាប់គ្រួសារក្រីក្រកម្រិត១​ ដែលមាន ប្តី​ឈ្មោះ ប៊ុន សឿម អាយុ​ ៤៦ឆ្នាំ​ ដោយមានកូនជាមួយប្រពន្ធដើមចំនួន០៤នាក់ ស្រី០១នាក់ និងមានកូនជាមួយប្រពន្ធឈ្មោះ រួន សូន អាយុ​ ៣២ឆ្នាំ ចំនួន០១នាក់​ ជាទារិកាទេីបកើតបានពីរថ្ងៃឈ្មោះ សឿម​ សេន កំពុងសម្រាកព្យាបាលនៅមណ្ឌលសុខភាពដូនកែវ​ ស្រុកពួក​ ខេត្តសៀមរាប ។ ជាមួយគ្នានោះ​ ក្រុមការងារ​ រួមមាន​ មន្ត្រីជំនាញមន្ទីរ​ ស.អ.យ​ ការិយាល័យសង្គមកិច្ចនិងសុខុមាលភាពសង្គមស្រុក​ និងអាជ្ញាធរមូលដ្ឋាន​ បានចុះទៅសួរសុខទុក្ខម្តាយ​ និងទារិកាផ្ទាល់ដែលកំពុងស្នាក់នៅក្នុងមណ្ឌលសុខភាពដូនកែវ ។ ផ្អែកការចុះសិក្សាជាក់ស្តែង​ ការចុះផ្សាយព័ត៌មាននៅក្នុងបណ្តាញសង្គម​ Facebook គឺបានផ្សាយផ្ទុយពីស្ថានភាពបច្ចុប្បន្ន ព្រោះគ្រួសារនេះត្រូវបានយកចិត្តទុកដាក់ពីរាជរដ្ឋាភិបាល ដូចជា មន្ទីរសង្គមកិច្ច​ អតីតយុទ្ធជន​ និងយុវនីតិសម្បទាខេត្ត រដ្ឋបាលស្រុកពួក រដ្ឋបាលឃុំដូនកែវ មណ្ឌលសុខភាពដូនកែវ និងលោកមេភូមិដូនកែវ និងអ្នកពាក់ព័ន្ធមួយចំនួនទៀត។ នាឱកាសនោះដែរ​ លោកប្រធានមន្ទីរ ស.អ.យ ខេត្តសៀមរាប​ បាននាំយកអំណោយដ៏ថ្លៃថ្លារបស់ឯកឧត្តមរដ្ឋមន្ត្រី​ ជា​ សុមេធី​ និងលោកជំទាវ​ ជា​ ផល្គុន​ នូវគ្រឿងឧបភោគបរិភោគ​ រួមមាន៖ - អង្ករចំនួន០១បេ២៥គីឡូក្រាម - ទឹកត្រី១យូរ - ទឹកស៊ីអុីវយូរ - ត្រូវកំពុងចំនួន១យរ - អំបិល១គីឡូក្រាម - ស្ករស១គីឡូក្រាម - កន្សែងពោះគោចំនួន១ - មុងចំនួន១ - កន្ទេលចំនួន១ - ភួយចំនួន១ - ច្រាសនិងថ្នាំដុសធ្មេញ - សារុងចំនួន១ ជាមួយគ្នានេះ​ លោកស្រីអភិបាលរងស្រុកពួក​ ក៏បានផ្តល់ថវិកាផ្ទាល់ខ្លួនមួយចំនួនផងដែរ។ សូមបញ្ជាក់ថា​៖​ ឯកឧត្តម​ ជា​ សុមេធី​ រដ្ឋមន្ត្រីក្រសួងសង្គមកិច្ច​ អតីតយុទ្ធជន​ និងយុវនីតិសម្បទា​ ជាថ្នាក់ដឹកនាំដែលតែងតែគិតគូរអំពីសុខទុក្ខ​ និងជួយដោះស្រាយរាល់ការលំបាករបស់ប្រជាពលរដ្ឋក្រីក្រ​ រងគ្រោះ​ និងងាយរងគ្រោះ​ ស្របតាមកម្មវិធី​ គោលនយោបាយរបស់រាជរដ្ឋាភិបាលអាណិត្តទី៧​ ក្រោមការដឹកនាំប្រកបដោយគតិបណ្ឌិត​ និងស្វាហាប់របស់សម្តេចមហាបវរធបតី​ ហ៊ុន​ ម៉ាណែត​ នាយករដ្ឋមន្ត្រី​ ដោយឈលេីស្មារតី​ "​ មិនបោះបងពលរដ្ឋណាម្នាក់"​ ។

ក្រសួងសង្គមកិច្ច ចាត់មន្ត្រីជំនាញ​ចុះសិក្សាស្ថានភាពគ្រួសារស្រ្តីសម្រាលកូននៅផ្ទះម្នាក់ឯងនៅខេត្តសៀមរាប ដែលបានផ្សាយតាមបណ្តាញសង្គម Facebook ================== ខេត្តសៀមរាប៖​ ថ្ងៃទី៤​ ខែកញ្ញា​ ឆ្នាំ២០២៦​ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា​ (ស.អ.យ)​ បានចាត់លោក​ គង់​ សំអឿន​ ប្រធានមន្ទីរ​ ស.អ.យ​ ខេត្តសៀមរាប ដឹកនាំមន្ត្រីជំនាញ​ ដោយមានការចូលរួមពីអាជ្ញាធរមូលដ្ឋាន ចុះពិនិត្យស្ថានភាពស្រ្តី រស់នៅភូមិប្រាសាទចារ្យ ឃុំដូនកែវ ស្រុកពួក ខេត្តសៀមរាប ដែលបានចុះផ្សាយក្នុងបណ្តាញសង្គម​ Facebook​ ឈ្មោះ រួម សូន ដោយមានខ្លឹមសារកំសត់ណាស់ពេក ដែលសម្រាលកូននៅផ្ទះម្នាក់ឯង គ្មានលុយទៅពេទ្យ​ ហេីយក៏គ្មានលុយទិញខោអាវកូន​ ក្រម៉ាក៏គ្មាន ក្នុងទិដ្ឋភាពកំសត់ពន់ពេក។ ក្រោយចុះពិនិត្យស្ថានភាពជាក់ស្តែង ក្រុមការងារបានកំណត់អត្តសញ្ញាណឃេីញថាគ្រួសារនេះ​មានបណ្ណសមធម៌សម្រាប់គ្រួសារក្រីក្រកម្រិត១​ ដែលមាន ប្តី​ឈ្មោះ ប៊ុន សឿម អាយុ​ ៤៦ឆ្នាំ​ ដោយមានកូនជាមួយប្រពន្ធដើមចំនួន០៤នាក់ ស្រី០១នាក់ និងមានកូនជាមួយប្រពន្ធឈ្មោះ រួន សូន អាយុ​ ៣២ឆ្នាំ ចំនួន០១នាក់​ ជាទារិកាទេីបកើតបានពីរថ្ងៃឈ្មោះ សឿម​ សេន កំពុងសម្រាកព្យាបាលនៅមណ្ឌលសុខភាពដូនកែវ​ ស្រុកពួក​ ខេត្តសៀមរាប ។ ជាមួយគ្នានោះ​ ក្រុមការងារ​ រួមមាន​ មន្ត្រីជំនាញមន្ទីរ​ ស.អ.យ​ ការិយាល័យសង្គមកិច្ចនិងសុខុមាលភាពសង្គមស្រុក​ និងអាជ្ញាធរមូលដ្ឋាន​ បានចុះទៅសួរសុខទុក្ខម្តាយ​ និងទារិកាផ្ទាល់ដែលកំពុងស្នាក់នៅក្នុងមណ្ឌលសុខភាពដូនកែវ ។ ផ្អែកការចុះសិក្សាជាក់ស្តែង​ ការចុះផ្សាយព័ត៌មាននៅក្នុងបណ្តាញសង្គម​ Facebook គឺបានផ្សាយផ្ទុយពីស្ថានភាពបច្ចុប្បន្ន ព្រោះគ្រួសារនេះត្រូវបានយកចិត្តទុកដាក់ពីរាជរដ្ឋាភិបាល ដូចជា មន្ទីរសង្គមកិច្ច​ អតីតយុទ្ធជន​ និងយុវនីតិសម្បទាខេត្ត រដ្ឋបាលស្រុកពួក រដ្ឋបាលឃុំដូនកែវ មណ្ឌលសុខភាពដូនកែវ និងលោកមេភូមិដូនកែវ និងអ្នកពាក់ព័ន្ធមួយចំនួនទៀត។ នាឱកាសនោះដែរ​ លោកប្រធានមន្ទីរ ស.អ.យ ខេត្តសៀមរាប​ បាននាំយកអំណោយដ៏ថ្លៃថ្លារបស់ឯកឧត្តមរដ្ឋមន្ត្រី​ ជា​ សុមេធី​ និងលោកជំទាវ​ ជា​ ផល្គុន​ នូវគ្រឿងឧបភោគបរិភោគ​ រួមមាន៖ - អង្ករចំនួន០១បេ២៥គីឡូក្រាម - ទឹកត្រី១យូរ - ទឹកស៊ីអុីវយូរ - ត្រូវកំពុងចំនួន១យរ - អំបិល១គីឡូក្រាម - ស្ករស១គីឡូក្រាម - កន្សែងពោះគោចំនួន១ - មុងចំនួន១ - កន្ទេលចំនួន១ - ភួយចំនួន១ - ច្រាសនិងថ្នាំដុសធ្មេញ - សារុងចំនួន១ ជាមួយគ្នានេះ​ លោកស្រីអភិបាលរងស្រុកពួក​ ក៏បានផ្តល់ថវិកាផ្ទាល់ខ្លួនមួយចំនួនផងដែរ។ សូមបញ្ជាក់ថា​៖​ ឯកឧត្តម​ ជា​ សុមេធី​ រដ្ឋមន្ត្រីក្រសួងសង្គមកិច្ច​ អតីតយុទ្ធជន​ និងយុវនីតិសម្បទា​ ជាថ្នាក់ដឹកនាំដែលតែងតែគិតគូរអំពីសុខទុក្ខ​ និងជួយដោះស្រាយរាល់ការលំបាករបស់ប្រជាពលរដ្ឋក្រីក្រ​ រងគ្រោះ​ និងងាយរងគ្រោះ​ ស្របតាមកម្មវិធី​ គោលនយោបាយរបស់រាជរដ្ឋាភិបាលអាណិត្តទី៧​ ក្រោមការដឹកនាំប្រកបដោយគតិបណ្ឌិត​ និងស្វាហាប់របស់សម្តេចមហាបវរធបតី​ ហ៊ុន​ ម៉ាណែត​ នាយករដ្ឋមន្ត្រី​ ដោយឈលេីស្មារតី​ "​ មិនបោះបងពលរដ្ឋណាម្នាក់"​ ។

«ពិធីប្រកាសជាផ្លូវការបណ្ដាញអគ្គលេខាធិការ នៃក្រសួង ស្ថាប័ន ចំណុះអង្គការនីតិប្រតិបត្តិ» នៅសណ្ឋាគារ Shangri-La Phnom Penh រសៀល ថ្ងៃទី០៤ ខែកញ្ញា ឆ្នាំ២០២៦ ឯកឧត្តម ប្រាក់ សុខយូរ រដ្ឋលេខាធិការប្រចាំការ និងជាប្រធានក្រុមការងារកែទម្រង់រដ្ឋបាលសាធារណៈ ក្រសួង ស.អ.យ និងឯកឧត្តម រឿន រិទ្ធីរត្ន័ អគ្គនាយកកិច្ចការរដ្ឋបាល និងហិរញ្ញវត្ថុ បានអញ្ជើញចូលរួម«ពិធីប្រកាសជាផ្លូវការបណ្ដាញអគ្គលេខាធិការ នៃក្រសួង ស្ថាប័ន ចំណុះអង្គការនីតិប្រតិបត្តិ» ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការនៃ គ.វ.រ ។

វេទិកាជាតិគណនេយ្យ ២០២៦ ក្រោមប្រធានបទ «ការបញ្ចូលស្ដង់ដារាយការណ៍ព័ត៌មានចីរភាព គោលនយោបាយ និងធនធានមនុស្សសម្រាប់ភាពធន់នៃសេដ្ឋកិច្ចកម្ពុជា» នៅមជ្ឃមណ្ឌលសន្និបាត និងពិពណ៌កោះពេជ្យ ព្រឹកថ្ងៃទី០៤ ខែកញ្ញា ឆ្នាំ២០២៦ ឯកឧត្តម ប្រាក់ សុខយូរ រដ្ឋលេខាធិការប្រចាំការ និង ឯ.ឧ រឿន រិទ្ធីរត្ន័ អគ្គនាយកកិច្ចការរដ្ឋបាល និងហិរញ្ញវត្ថុ បានអញ្ជើញចូលរួមក្នុងវេទិកាជាតិគណនេយ្យ ២០២៦ ក្រោមប្រធានបទ «ការបញ្ចូលស្ដង់ដារាយការណ៍ព័ត៌មានចីរភាព គោលនយោបាយ និងធនធានមនុស្សសម្រាប់ភាពធន់នៃសេដ្ឋកិច្ចកម្ពុជា»ក្រោមអធិបតីភាព ឯកឧត្តម រស់ សីលវ៉ា រដ្ឋលេខាធិការ ក្រសួង សេដ្ឋកិច្ច និងហិរញ្ញវត្ថុ ។