Amina Usman Sahifasi

Assalomu alaykum va rohmatullohi va barokatuh! Salomatmisizlar?🌷 Peshqadam maktabi haqidagi to’liq ma’lumotlarni shular bilan bog’lanib olsangiz bo’ladi. @Peshqadam_maktabi_admin1 @peshqadam_maktabi_admin2

Peshqadam maktabida Baxt sari ilk qadamlarni qo’ya boshladik. Ochig’ini aytadigan bo’lsam, oila, turmush mavzusidagi ko’pgina seminarlarda va turli xil markazlardagi darslarda ishtirok etdim-u, ammo hech biridan ko’nglim to’lmadi. Bugun Peshqadam maktabidagi birinchi darsni o’zidayoq anchagina bilimlarga ega bo’ldim Alhamdulillah. Aslida shubha-gumonlarni, yomon niyatlilikni hushlamaydigan insonlar toifasidanman. Bilaks, shohidi bo’lgan ko’pgina darslarimda ustozlar chiroyli yo’l bilan oilaning ma’no mohiyatini anglatish o’rniga, oilaga nisbatan qizlarda qo’rquvni, keraksiz hislarni uyg’otish bilan ovvora edilar. Lekin bu kurs men uchun ham biz bilan birga bo’lganlar uchun ham anchagina manfaatli bo’libdi Biiznillah. Shu jumladan, siz azizalarga ham ilindim.

“Qora”lar “oq”ni farqlash uchundir.

Jaloliddin Rumiy

SO'RSAKIM (Bu g‘azal bir arabcha she'rdan ta’sirlanib yozildi) So'rsakim Rabbim nechun qilmay hayo etding gunoh, Yoshurub eldin ani tutding nechun sen egri roh. Betayin bo'lgach javobim yuz qaro bo‘lgan kuni, Kim manga holim so'rab, ilkim tutib, bergay panoh. Hasrato o'tmoqda umrim oxiratni o'ylamay, Hech kishida yo'q baqolik menga bo'lgandek muboh. Sharbatin tutsa qo'limga nogahon achchiq ajal, Kim himoya aylab andan, tutqazar qo'lga siloh. So'rsalarkim, ayt amalnikim, senga bergay najot, Ne degayman, solmadim-ku dinima loyiq nigoh. Hashru Jam'u Din debon kelgach Qiyomat nomlari, Ham o'limning jarchisi solganda jar men chekmay oh. Vo darig'o, tinglamay qoldimmi Haq Qur'onini, Yosinu Qof surasidin olmadimmu intiboh. Tavba aylab eshiging qoqdim qaro yuz birla men, Mag'firatli Rab erursan, Sendan o'zga yo'q iloh. Bor umidim Sen O'zing, kiydir Muqimjon boshiga, Mehru shafqat, marhamat ham mag'firatdin bir kuloh. "Qalam" uchun Muqim Mahmud

Bismillah… Bugungi kunimiz ham go’zal tarzda o’tdi Alhamdulillah. Yurtimizdagi ajoyib maskanlardan biridan bo’ldik. 06.07.2024

#xotiralar Bismillah… Robbim bizni shunday insonlardan ilm olishlikni nasib qilgani, kitobxonlik muhitiga qo’shgani, kitobxonlar jamoasi bilan birga qilgan, kitobxonlar suhbatida jamlagani uchun o’ziga ko’plab hamdlar bo’lsin! Bugun ustozamiz Odinaxon boshchiliklarida “Kitobxonlik” kursining xatmonasi bo’lib o’tdi. 50 dan ortiq ayollarning hayajonlarini, ilmga bo’lgan ishtiyoqlarini, shijoatlarini ko’rish naqadar go’zal. Bu orada o’zim ushbu kursda toliba bo’lib qatnashganim va xatmonadagi hayajonlarimni eslab ko’zimga bir muncha yosh tomchilar uqaladi. Robbim ushbu jamoa a’zolaridan rozi bo’lsin! 05.07.2024

O’zing uchun sabr qilganing hilmdir. Do’sting uchun indamay turganing esa xiyonat!

©️Amina Usman

Fazilat degani kishining faqatgina to’g’ri yo’lda bo’lishi emas, balki xatosi oshkor bo’lganida haqni tan olishi hamdir!

©️Amina Usman

Bizni tarbiyalaydigan, nafslarimizni sikashtalaydigan, xatolarimizni ko’rsatadigan mag’lubiyat tug’yonga boshlaydigan g’alabadan afzaldir.

©️Amina Usman