588
Subscribers
+124 hours
-17 days
-630 days
Posts Archive
Repost from Prokuratura Departamenti
Андижон вилоятида тадбиркорнинг 20 млн сўмини қўлга киритган ЭТК муҳандислари ушланди
Бош прокуратура ҳузуридаги Департаментнинг Хўжаобод тумани бўлими, ДХХ ва ИИБ ходимлари ҳамкорлигида тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда туман электр тармоқлари корхонаси муҳандиси Ш.В. “Х.Т.” МЧЖга қарашли умумий овқатланиш ошхонасида электр энергиясидан ноқонуний фойдаланганлиги ҳолати бўйича расмийлаштирилган далолатномани йўқ қилиб бериши эвазига корхона раҳбари Х.Т.нинг 20 млн сўмини олган вақтида ушланиб, унинг кўрсатувига асосан "Ҳудудий электр тармоқлари" АЖ филиали маъмурий биноси олдида давом этган тадбирда, Хўжаобод ЭТКнинг яна бир муҳандиси А.А. муҳандис Ш.В.дан 20 млн сўмни олиб, шундан 5 млн сўмини қайтариб берган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
👉@Department_uz
Repost from Prokuratura Departamenti
Ургут туманида ЭТК ҳисобчиси ва собиқ муҳандиси фирибгарлик йўли билан қўлга киритган пулларини қайтарди
Бош прокуратура ҳузуридаги Департаментнинг Ургут туман бўлими томонидан ўтказилган терговга қадар текширувда “Y.K” хусусий корхонасига қарашли савдо дўконларини норасмий бошқариб келган Ж.Ю туман электр тармоқлари корхонаси собиқ муҳандиси А.Н. билан ўзаро тил бириктириб, ушбу дўконларга ўрнатилган электр ҳисоблагични рўйхатдан ўтказмасдан жами 80,2 млн сўмлик электр энергиясидан ноқонуний фойдаланиб келганлиги аниқланган.
Шунингдек, собиқ муҳандис А.Н. ва Ургут тумани ЭТК ҳисобчиси Ж.Т. дўкон бошқарувчиси Ж.Ю.га ЭТК ходимлари томонидан 12.07.2024 йилда ўтказилган текширувда ҳисобланган зарарни камайтириб беришни ваъда қилишиб, унга орқа сана билан расмийлаштирилган сохта далолатномани бериб, эвазига 38 млн сўм пулини фирибгарлик йўли билан қўлга киритганликлари аниқланган, терговга қадар текширув давомида А.Н. ва Ж.Т. томонидан 38 млн сўмнинг қайтарилиши процессуал тартибда расмийлаштирилган.
Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
👉@Department_uz
Оқолтин туманида электр тармоқлари корхонаси бошлиғининг ўринбосари ушланди
Бош прокуратура ҳузуридаги Департаментнинг Сардоба туман бўлими ва ДХХ ходимлари ҳамкорлигида ўтказилган тезкор тадбирда Оқолтин туман электр тармоқлари корхонаси бошлиғининг ўринбосари А.Б. тумандаги “Х” фермер хўжалиги раҳбарига гўёки ЭТК ходимлари томонидан ўтказилган текширишда электр таъминотидан 7,8 млн сўм қарздорлик ҳисобланганлигини айтиб, ушбу қарздорликни камайтириб бериши эвазига 4 млн сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
👉https://t.me/qonunchilik1
Repost from Taftish.uz | Ijtimoiy siyosiy tanqidiy
+1
“Бағдод тумангаз” бўлими бош муҳандиси Р.Қ. мансаб ваколатини суиистеъмол қилиб, тумандаги ЯТТ “А.А.”дан 2023 йил ва жорий йилнинг ўтган даври давомида фойдаланилган табиий газ учун тўланган 29,8 млн. сўмни фирибгарлик йўли билан қўлга киритган. Ўтказилган тезкор тадбир давомида у яна 2,2 млн. сўмни олган вақтда қўлга олинган.
Мазкур ҳолат юзасидан “Бағдод тумангаз” бўлими бош муҳандиси Р.Қ. га нисбатан Жиноят Кодексининг 168-моддаси 3-қисми “в” банди ва бошқа моддалар билан жиноят иши қўзғатилиб, гумонланувчи шахс процессуал тартибда ушланган.
Ҳурматли таъминот корхоналари ходимлари!
Иш фаолиятингиз давомида тамагирлик ҳолатларига ёки бошқа турдаги коррупцион жиноятларга қўл урманг.
Шуни унутмангки, хар қандай коррупцион ҳолатлар фош этилади ва жазо муқаррарлиги таъминланади.
https://t.me/taftishuz_Fargona
Repost from Prokuratura Departamenti
Гулистон шаҳрида тадбиркорнинг 90 млн сўмини қўлган киритган ЭТК бошлиғи ушланди
Бош прокуратура ҳузуридаги Департаментнинг Гулистон шаҳар бўлими томонидан ДХХ ходимлари билан ҳамкорликда ўтказилган тезкор тадбирда Гулистон шаҳар ЭТК бошлиғи Д.Н. шаҳар ЭТК муҳандиси вазифасида ишлаган даврида “Г.С.К.” МЧЖнинг электр таъминотидан 202,5 млн сўм қарздорлигини камайтириб бериши эвазига МЧЖ назоратчиси А.Г.дан 90 млн сўмни фирибгарлик йўли билан қўлга киритиб, ушбу пуллар ҳисобидан 3 млн сўмни фуқаро У.М. орқали қайтарган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
👉@Department_uz
