Premier League Enjoyers

“ ဒီအခိုက်အတန့်ကို ခံစားကြည့်လိုက်စမ်းပါ လက်ခုပ်သံတွေက မင်းအတွက်ပဲ " - ရီးယဲလ်မက်ဒရစ်က ဆိုစီဒက်ကို ၄-၁ နဲ့ အနိုင်ရခဲ့တဲ့ပွဲမှာ ဗီနီဆီယပ်စ်ဟာ ဂိုးတစ်ဂိုး သွင်းယူပြီး ဂိုးဖန်တီးမှု ၂ ကြိမ် ပြုလုပ်ကာ ထူးခြားတဲ့ စွမ်းဆောင်ရည်ကို ပြသနိုင်ခဲ့ပါတယ်။ ပွဲအတွင်း ဗီနီဆီယပ်စ်ကို လူစားလဲတဲ့အချိန်မှာတော့ - 🗣️ မော်ရင်ညို — “မင်းမြင်လား? ငါပြောခဲ့တယ်လေ။ ဂိုးဧရိယာထဲမှာ နေလိုက်ရင် အလုပ်ဖြစ်မယ်လို့။ ပြီးတော့ ကွင်းထဲကို လက်ညှိုးထိုးပြရင်း “နားထောင်! ဒီအသံတွေကို နားထောင်ကြည့်စမ်းပါ ? ပရိသတ်တွေ လက်ခုပ်တီးနေတာက မင်းအတွက်ပဲ။ဒီနေရာက မင်းနေရာ မင်းရဲ့အိမ်ပဲ မင်းရဲ့ မိသားစုဖြစ်တယ်ဆိုတာ မမေ့လိုက်နဲ့ ” - နောက်ဆုံးအနေနဲ့ မော်ရင်ညိုက — “ ဒီညမှာ ဗီနီဆီယပ်စ်ထက် ပိုကောင်းတဲ့ တောင်ပံကစားသမားတစ်ယောက် ဒီမှာရှိတယ်လို့ ကျွန်တော် မထင်ဘူး။ ဒီအဆင့်ရှိတဲ့ ကစားသမားတွေကို ရီးယဲလ်မက်ဒရစ်မှာပဲ ထိန်းထားရမယ်။ အကောင်းဆုံးကစားသမားတွေက ဒီမှာပဲ ဆက်ရှိရမယ်၊ ၂၀၂၆ - ၂၇ က ဆုဖလားတွေအောင်မြင်မှုတွေကို အမဲလိုက်ရမဲ့ ရာသီတခုပါ ” လို့ ပြတ်ပြတ်သားသားပြောခဲ့ပါတယ် ... ▪️nmt

" သွင်းတိုင်၀င် ဂိုးပေါက်ကို ကာကွယ်ဖို့ မာတီနက်ဇ်ကို ချယ်လ်ဆီးဆီ ကမ်းလှမ်းပြီ " - အက်စတွန်ဗီလာဂိုးသမား မာတီနက်ဇ် ရဲ့ ကိုယ်စားလှယ်တွေဟာ ချယ်လ်ဆီးအသင်းကို ပြောင်းရွှေ့နိုင်ဖို့အတွက် ချိတ်ဆက်နေပြီး ၄င်းတို့ ကစားသမား ကို ခေါ်ယူပေးဖို့ အဆင်ပြေလားဆိုတာ ဆွေးနွေးနေပါပြီ။ - မာတီနက်ဇ် နဲ့ ဗီလာမှာရဲ့ အနာဂတ်ကလည်း သေချာမှုမရှိတော့ပဲ အစောပိုင်းမှာ ဂျူဗင်တပ်စ်ကို ပြောင်းရွှေ့မဲ့ အစီအစဥ်ကလည်း ပျက်ပြယ်သွားခဲ့ပါတယ်။ - ချယ်လ်ဆီးကလည်း လက်ရှိဂိုးသမား ဆန်းချက်ဇ် နဲ့ ရှေ့ဆက်ဖို့ လုံး၀အဆင်မပြေတော့တာကြောင့် အပြောင်းးအလဲပြုလုပ်ဖို့ အသည်းအသန်လိုအပ်နေတာပါ။ အကယ်၍ မာတီနက်ဇ်အနေနဲ့ ဗီလာက ထွက်ခွာဖို့ ဆုံးဖြတ်ခဲ့မယ်ဆိုရင် စတမ်းဖို့ဒ်ဘရစ်ချ်က သူ့ရဲ့ နောက်ထပ်အသင်း ဖြစ်လာနိုင်မလား ဆိုတာ စောင့်ကြည့်ရမှာဖြစ်ပါတယ် .... Source : @David_Ornstein ▪️nmt

" မန်စီးတီးရဲ့ ကွင်းလယ်ပိုင်း အသုံးစရိတ် ပေါင် ၃၃၁ သန်းအထိ ရောက်လာပြီ " - မန်ချက်စတာစီးတီးအသင်းဟာ ကွင်းလယ်ပိုင်းကို အကြီးအကျယ် ပြန်လည်တည်ဆောက်နေပြီး ကစားသမားသစ်တွေအတွက် အသုံးပြုထားတဲ့ ပြောင်းရွှေ့ကြေးက ပေါင် ၃၃၁ သန်း အထိ ရောက်ရှိလာပါပြီ။ ကစားသမားသစ်တွေထဲမှာ — ▪️ အဲလီယော့ အန်ဒါဆန် — ပေါင် ၁၁၆ သန်း ▪️ အယူးဘ် ဘူအာဒီ — ပေါင် ၈၅ သန်း ▪️ အန်ဇို ဖာနန်ဒက်ဇ် — ပေါင် ၁၃၀ သန်း - လက်ရှိအခြေအနေအတိုင်းသာ အပြောင်းအရွှေ့တွေ အပြီးသတ်သွားမယ်ဆိုရင် မန်စီးတီးရဲ့ ကွင်းလယ်ပြန်လည်တည်ဆောက်မှုအတွက် အသားတင်အသုံးစရိတ်က ပေါင် ၁၆၄ သန်း ဝန်းကျင် ရှိလာနိုင်ပါတယ်။ - ပြီးခဲ့တဲ့နှစ်က ပရီးမီးယားလိဂ်ရဲ့ မန်စီးတီးအပေါ် စွပ်စွဲထားတဲ့ ဘဏ္ဍာရေးစည်းမျဉ်းချိုးဖောက်မှု ၁၁၅ မှု ကိစ္စကလည်း အသက်၀င်နေဆဲပါ။ ဒါကြောင့် မြင့်မားတဲ့ အသုံးစရိတ်တွေက ပရိသတ်တွေကြားမှာ ထပ်မံဆွေးနွေးစရာ ကိစ္စတခုဖြစ်လာပါတယ်။ - တဖက်မှာလည်း မန်စီးတီးရဲ့ ကွင်းလယ်ပိုင်း ပြန်လည်တည်ဆောက်မှုက အောင်မြင်မလား၊ ပေါင် ၁၆၄ သန်း အသားတင်သုံးစွဲမှုက ထိုက်တန်တဲ့ ရလဒ်တွေ ပြန်ပေးနိုင်မလားဆိုတာ ၂၀၂၆ - ၂၇ ဘောလုံးရာသီမှာ စောင့်ကြည့်ရမှာဖြစ်ပါတယ် .... Source : Football Tweet ▪️nmt

- အာဆင်ဝင်ဂါးက PFA တစ်နှစ်တာအကောင်းဆုံးကစားသမားဆု ကို ဘရူနို ဖာနန်ဒက်စ် ရရှိသွားတာနဲ့ပတ်သက်ပြီး သူ့အမြင်ကို အခုလို ပြောကြားခဲ့ပါတယ် .... 🗣️ အာဆင်ဝင်ဂါး — “ သူတို့ ဘယ်လိုမဲပေးခဲ့ကြလဲတော့ မသိဘူး။ ဒါပေမယ့် ရိုက်စ်က ဒီဆုကို ရဖို့ လုံလောက်ခဲ့ပါတယ်။ ဆိုးတာက ဒီနှစ်ဟာ သူ့အတွက် မဖြစ်ခဲ့တာပဲ။ ရိုက်စ်ဟာ ပိုကောင်းတဲ့ကစားသမား ဖြစ်ခဲ့ပြီး အာဆင်နယ်နဲ့အတူ လိဂ်ဖလားရယူနိုင်ခဲ့သလို အသင်းအတွက်လည်း အလွန်အရေးပါတဲ့ အခန်းကဏ္ဍကနေ ပါဝင်ခဲ့တဲ့သူပါ " “ ဘရူနိုက တစ်ခါတလေ ဘောလုံးတွေချည်း ဖြတ်တင်နေတာပဲလေ ဒါတွေက အရမ်းတော့လည်းမထူးဆန်းပါဘူး ” " ရိုက်စ်အနေနဲ့ အခုလို ဆုတစ်ခုကို လွဲချော်ခဲ့တာက နောက်ထပ်အောင်မြင်မှုတွေအတွက် တွန်းအားတစ်ခု ဖြစ်လာလိမ့်မယ်။ အသက်အရွယ်အရလည်း ငယ်ရွယ်နေသေးတာကြောင့် လာမဲ့နှစ်မှာ PFA ဆုကို ရရှိလာနိုင်မဲ့သူက ရိုက်စ်ပါပဲ " ▪️nmt

" ယူရို သန်း ၄၀ တန်ဖိုးရှိ နာတန်ကို ခေါ်ယူဖို့ မန်စီးတီး ချိတ်ဆက်နေ " - မန်စီးတီးအသင်းဟာ ရီးယဲလ်ဘက်တစ်နောက်ခံလူ နာတန် ကို အဓိကပစ်မှတ်စာရင်းထဲ ထည့်သွင်းထားပြီး နည်းပြ အန်ဇို မာရက်စ်ကာ ရဲ့ တောင်းဆိုမှုနဲ့အတူ ခေါ်ယူဖို့ စိတ်ဝင်စားနေပါတယ်။ - ဘက်တစ်ဘက်က နာတန်ကို ယူရို သန်း ၃၀ နဲ့ လာရောက်ကမ်းလှမ်းခဲ့တဲ့ ဖူလ်ဟမ်အသင်း ကို ပယ်ချထားပြီး ၄င်းတို့ နောက်ခံလူ အတွက် အနိမ့်ဆုံး ယူရိုသန်း ၄၀ ဝန်းကျင် ရရှိမှသာ ကမ်းလှမ်းမှုတွေကို စတင်စဥ်းစားပေးသွားမှာပါ။ - တဖက်မှာလည်း နာတန်ကို မန်စီးတီးတစ်သင်းတည်းက စိတ်ဝင်စားနေတာမဟုတ်ဘဲ ဘာစီလိုနာနဲ့ စပါး တို့ကလည်း ကစားသမားရဲ့ အခြေအနေကို စောင့်ကြည့်နေကြပါတယ်။ - ဒါ့အပြင် အသင်းကြီးတွေရဲ့ စိတ်ဝင်စားမှုမြင့်တက် လာတာကြောင့် နာတန်ရဲ့ အနာဂတ်ဟာ အပြောင်းအရွှေ့ဈေးကွက်မှာ စောင့်ကြည့်ရမယ့် အခြေအနေတစ်ခု ဖြစ်လာနေပါပြီ ..... Source : @Ekremkonur ▪️nmt

" မာတင်နယ်လီ ကို ရောင်းထုတ်ဖို့ အာဆင်နယ် သဘောတူလိုက်ပြီ " - အာဆင်နယ်နဲ့ အယ်လ်ဟီလယ် တို့ဟာ တောင်ပံကစားသမား ဂါဘရီယယ် မာတင်နယ်လီ ကိုရောင်းထုတ်ဖို့အတွက် အသင်းလိုက်သဘောတူညီမှု ရရှိခဲ့ပါပြီ။ လက်ရှိအချိန်မှာ အယ်လ်ဟီလယ်ရဲ့ ကမ်းလှမ်းမှုကို လက်ခံလိုက်ဖို့ မာတင်နယ်လီကို အာဆင်နယ်ဘက်က စည်းရုံးနေရဆဲ ဖြစ်ပါတယ်။ - မာတင်နယ်လီရဲ့ ဆုံးဖြတ်ချက်တခုက ဒီအပြောင်းအရွှေ့ ဖြစ်မြောက်၊ မဖြစ်မြောက်အတွက် အရေးကြီးတဲ့ သော့ချက်တခုပါပဲ။ အာဆင်နယ်ကကစားသမားနဲ့ သဘောတူညီချက်ရရှိလာအောင် အမြန်ဆုံးကြိုးစားနေပြီး မာတင်နယ်လီသာ လက်ခံခဲ့မယ်ဆိုရင် ဆော်ဒီပရိုလိဂ်ဆီ အပြီးသ/တ် ပြောင်းရွှေ့ရမှာဖြစ်ပါတယ် ..... Source : @Santi_J_FM ▪️nmt

" မိုဆာလာ ရဲ့ နေရာကို ဆက်ခံမဲ့ကစားသမား လီဗာပူး ရှာတွေ့ခဲ့ပြီ " - ကြိုးကြာနီတွေဟာ တောင်ပံကစားသမား ယန်ကူဘာ မင်တေး ကို ခေါ်ယူဖို့ ဘရိုက်တန်အသင်းနဲ့ ဆွေးနွေးမှုတွေ ဆက်လက်ပြုလုပ်နေတယ်လို့ သိရပါတယ်။ - အသက် ၂၂ နှစ်အရွယ် မင်တေးဟာ လက်ရှိမှာ ဒဏ်ရာပြသနာ နဲ့ ရင်ဆိုင်နေရပြီး အပြည့်အဝ ပြန်လည်ကစားနိုင်ဖို့အတွက်ဆို နောက်ထပ် ၂ လကနေ ၃လ ခန့် အထိ အနားယူရမှာပါ။ - ဒါပေမယ့် အဆိုပါ ဒဏ်ရာပြဿနာက လီဗာပူးရဲ့ စိတ်ဝင်စားမှုကိုတော့ လျော့ကျသွားစေမဲ့ အရိပ်အယောင်မျိုး မရှိပါဘူး။ လီဗာပူးဟာ မင်တေးရဲ့ ညာတောင်ပံကနေ ဘယ်ခြေနဲ့ ဘောလုံးကို အတွင်းဘက် ဆွဲဝင်ပြီး တိုက်စစ်ကို စတင်နိုင်တဲ့ ကစားပုံကို သဘောကျနေပါတယ်။ - မင်တေး ရဲ့ ကစားပုံက လီဗာပူးရဲ့ ကစားသမားဟောင်း မိုဟာမက် ဆာလား ရဲ့ ကစားပုံနဲ့ ဆင်တူတယ်လို့တောင် သတ်မှတ်ခံထားရတာပါ။ ကစားသမားအနေနဲ့ ကြံ့ခိုင်မှုပြန်လည်ရရှိဖို့ အချိန်ယူရမယ်ဆိုပေမယ့် လီဗာပူးဘက်ကတော့ အပြောင်းအရွှေ့အတွက် ဆွေးနွေးမှုတွေကို ဆက်လက်လုပ်ဆောင်နေဆဲ ဖြစ်ပါတယ် ..... Source : @Plettigoal ▪️nmt

- အင်တာမီလန်နည်းပြဘဝက မိုင်ကွန်နဲ့ ပတ်သက်တဲ့ အဖြစ်အပျက်အကြောင်း ပြောပြခဲ့တဲ့ စပါယ်ရှယ်၀မ်း ... 🗣️ မော်ရင်ညို — “ စီယင်နာနဲ့ ကစားခဲ့တဲ့ပွဲတစ်ပွဲကို မှတ်မိသေးတယ်။ မိုင်ကွန်က ခရစ္စမတ်ရောက်တိုင်း အဝါကတ် ၅ ကတ်ပြည့်အောင် တမင်ယူပြီး ဘရာဇီးကို အားလပ်ရက်ပြန်သွားလေ့ရှိတဲ့ကောင်။ ဒါနဲ့ ကျွန်တော် သူ့ဆီသွားပြီး ‘ ဟိတ်ကောင် ဒီပွဲမှာ အဝါကတ်ရရင် မင်းအားလပ်ရက်သွားလို့မရဘူး။ မင်းအကွက်တွေ ငါမသိဘူးထင်နေလား ’ လို့ ပြောလိုက်တယ်။ သူက ‘ ဒါဆို ဂိုးသွင်းရင် သွားလို့ရမလား ’ တဲ့။ ကျွန်တော်က ‘ တစ်ဂိုး နဲ့တော့ မရဘူး။ ၂ ဂိုးသွင်းနိုင်မှ ရမယ်’ လို့ ပြောလိုက်တယ်။ ပွဲထဲမှာ သူက တကယ်ပဲ ဂိုး ၂ ဂိုးသွင်းခဲ့တယ်။ ပြီးတော့ ဂိုးသွင်းပြီး ဂျာစီချွတ်အောင်ပွဲခံလို့ အဝါကတ်ပါ ထပ်ယူသွားတယ်။အဲဒီနောက် သူ ဘရာဇီးကို သွားခဲ့တယ်။ ကျွန်တော်လည်း သူ့ကို အားလပ်ရက် အနေနဲ့ တစ်ပတ်ပိုပေးလိုက်တာပေါ့ ” - ဘရာဇီးသားတွေကလည်း အပျော်အပါးမက် စပါယ်ရှယ်၀မ်းကလည်း စည်းကမ်းတင်းကြပ်တော့ အဲ့မှာ စတွေ့ကြတာပဲ .... ▪️nmt

“ ဆန်ချက်စ်နဲ့ဆို ချယ်လ်ဆီး ပရီးမီးယားလိဂ်ဖလား မရနိုင်ဘူး ” ​ ချယ်လ်ဆီးနဲ့ ဖူလ်ဟမ်တို့ရဲ့ ပွဲအပြီးမှာ ဂျေမီ ကာရေဂါနဲ့ ဂယ်ရီ နဗီးလ် တို့က ချယ်လ်ဆီးရဲ့ ဂိုးသမားအခြေအနေကို ပြင်းပြင်းထန်ထန် ဝေဖန်ခဲ့ကြပါတယ်။ 🗣️ ဂျေမီ ကာရေဂါ — “ ဆန်းချက်စ်နဲ့ဆိုရင် ချယ်လ်ဆီးက ပရီးမီးယားလိဂ်ကို မရနိုင်ဘူး။ လုံး၀ကိုမဖြစ်နိုင်ပါဘူး ” 🗣️ ဂယ်ရီ နဗီးလ် — “ အမ်မီ မာတီနက်ဇ် ရနိုင်မရနိုင်တော့ မသိဘူး။ ဒါပေမယ့် ချယ်လ်ဆီးမှာ အမ်မီလို ဂိုးသမားမျိုးခေါ်ယူဖို့ လိုအပ်နေပြီ ။ ဖူလ်ဟမ်အတွက် ယုံကြည်မှုပြန်လည်ရရှိခဲ့တာက ဆန်ချက်စ်ရဲ့ အမှားတွေကြောင့်ပါ။ သွင်းဂိုးနှစ်ဂိုးလုံးက လက်ခံပေးလို့မရတဲ့ အမှားတွေကနေ ဖြစ်လာခဲ့တာပါ။ ဒါက အသင်းအတွက် ကြီးမားတဲ့ပြဿနာတစ်ခုပါပဲ ” - ဖူလ်ဟမ်ဘက်က ရရှိခဲ့တဲ့ အခွင့်အရေးတွေထဲမှာလည်း ဆန်ချက်စ်ရဲ့ အမှားတွေက အဓိကအကြောင်းအရင်းတစ်ခု ဖြစ်ခဲ့တယ်လို့ ကာရေဂါနဲ့ နဗီးလ်က ထောက်ပြခဲ့တာဖြစ်ပါတယ်။ - ချယ်လ်ဆီးအနေနဲ့ အင်အားကြီး အသင်းတစ်သင်းအဖြစ် ပြန်လည်ရပ်တည်​ချင်တယ်ဆိုရင် ဂိုးသမားနေရာမှာ အပြောင်းအလဲတစ်ခု ပြုလုပ်ဖို့ လိုအပ်နေပါပြီ။ လက်ရှိ ဂိုးသမား ဆန်းချက်ဇ် နဲ့ ဆိုရင်တော့ အိတ်ပေါက်နဲ့ ဖားကောက်သလို ဖြစ်သွားနိုင်ပါတယ် .... ▪️nmt

Goooal Fulham 2 - 3 Chelsea - ဒီနောက်တန်း နဲ့ ဂိုးသမား ကတော့ ချဲလ်စီး အတွက် အလုပ်မဖြစ်ပါဘူးကွာ

Goooooooal !!! Fulham 1 - 2 Chelsea - ပထမပိုင်း ကိုတော့ အပြာရောင် မိတ်ကပ်ဆိုင်လေးက ဦးဆောင်ထား

Goooooooal !!! Fulham 1 - 1 Chelsea - ချေပဂိုးတော့ သွင်းလိုက်ပီ ဖူဟမ် အိမ်ကွင်းမှာ ပိတ်ဆော့မလား ကြည့်မယ်

Goooooooal !!! Fulham 0 - 1 Chelsea - စောတီးပဲသားကြီးရေ အိမ်ကွင်းမလို့အထာထားမယ်ထင်နေတာလား

Line - Up ဖူဟမ် vs ချယ်လ်စီး

" ကမ္ဘာ့အဆင့့် ကစားသမားတွေရောင်းထုတ်ပြီး ခေါ်ချင်ရာခေါ်နေတဲ့ မန်စီးတီး " - မန်ချက်စတာစီးတီးအသင်းဟာ တောင်ပံကစားသမား ဒါရီယို အိုဆိုရီယို ကို ခေါ်ယူဖို့ စိတ်ဝင်စားနေပြီး Randers နဲ့ ကစားခဲ့တဲ့ပွဲမှာ သူ့ရဲ့ခြေစွမ်းကို ကြည့်ရှုဖို့ ကင်းထောက်တွေ စေလွှတ်ခဲ့တယ်လို့ သိရပါတယ်။ လူငယ်ကစားသမား အိုဆိုရီယိုရဲ့ တန်ကြေးက လက်ရှိမှာ ယူရိုသန်း ၂၀ ဝန်းကျင် သာရှိတာပါ။ - အိုဆိုရီယိုဟာ Rijeka နဲ့ ကြာသပတေးနေ့မှာ ကစားမယ့် ဒုတိယအကျော့ပွဲမတိုင်ခင် သူ့အသင်းအတွက် နောက်ဆုံးအိမ်ကွင်းပွဲကို ကစားခဲ့တာ လို့လည်း ဖော်ပြထားပါတယ်။ - မန်စီးတီးကတော့ ကင်းထောက်တွေ စေလွှတ်ပြီး အခြေအနေကို စောင့်ကြည့်ထားတာကြောင့် အိုဆိုရီယိုအတွက် တကယ်တမ်း လှုပ်ရှားလာမလားဆိုတာ စောင့်ကြည့်ရတော့မှာပါ။ Source : @Ekremkonur ▪️nmt

" အပြောင်းအရွှေ့ပိတ်ခါနီး မာဇရာဝီအတွက် အေစီမီလန် လှုပ်ရှားလာ " - အေစီမီလန်ဟာ အပြောင်းအရွှေ့ကာလ မပိတ်ခင် မန်ယူနောက်ခံလူ မာဇရာဝီ ကို ခေါ်ယူဖို့​ စတင်ပြင်ဆင်နေပါပြီ။ - မန်ယူနည်းပြဟောင်း အာမိုရင် ကလည်း အသက် ၂၈ နှစ်အရွယ် မာဇရာဝီကို သဘောကျနေဆဲဖြစ်ပြီး အေစီမီလန်ရဲ့ Line Up မှာ ထည့့်သွင်းလိုတဲ့ ကစားသမားတစ်ဦးအဖြစ် သတ်မှတ်ထားပါတယ်။ - တဖက်မှာလည်း မာဇရာဝီဟာ မန်ယူနဲ့ ၂၀၂၈ ခုနှစ်အထိ စာချုပ်ချုပ်ထားတာပါ။ ဒါကြောင့် မန်ယူအနေနဲ့ သူ့ကို ရောင်းချနိုင်ချေ နည်းပါးလွန်းပါတယ်။ - အေစီမီလန်အနေနဲ့ အပြောင်းအရွှေ့ပိတ်ခါနီးမှာ မာဇရာဝီအတွက် တရားဝင် လှုပ်ရှားလာမလား၊ မန်ယူက လက်လွှတ်ဖို့ အစီအစဥ်မရှိရင်တောင် ကစားသမားဘက်က အသင်းပြောင်းမှာလားဆိုတာကိုပဲ စောင့်ကြည့်ရတော့မှာပါ။ Source : @caughtoffside ▪️nmt

" ဘောလုံးဆိုတာ ဒီလောက်ထိ ရက်စက်နိုင်တယ်... လူးဝစ်ဟောလ်ရဲ့ နာကျင်စရာည " - လီဗာပူးနဲ့ပွဲမှာ လူးဝစ်ဟောလ် ဟာ မိနစ် ၉၄ အထိ အကောင်းဆုံးစွမ်းဆောင်ရည်ကို ပြသနိုင်ခဲ့သူပါ။ ဘောလုံးကို ယုံကြည်မှုရှိရှိ ကိုင်တွယ်နိုင်ခဲ့ပြီး တိုက်စစ်ပိုင်းမှာလိုက်ပါ ကစားနိုင်ခဲ့သလို ခံစစ်ပိုင်းမှာလည်း အပိုအလိုမရှိ ကစားနိုင်ခဲ့တာကြောင့် ပွဲရဲ့ အကောင်းဆုံးကစားသမားတွေထဲက တစ်ဦးဖြစ်ခဲ့ပါတယ်။ - ဒါပေမယ့် ကံတရားဟာ လူး၀စ်ဟောဘက်မှာ ရှိမနေခဲ့ဘူး။ ပွဲသိမ်းခရာ မှုတ်ဖို့ စက္္ကန့့်ပိုင်းလောက်သာ လိုတော့တဲ့အချိန် မရည်ရွယ်ဘဲ ပြစ်ဒဏ်ကျူးလွန်မိခဲ့တာကြောင့် နောက်ဆုံးမိနစ်မှာ အသည်းခွဲ ပင်နယ်တီကို ခွင့်ပြုပေးခဲ့ရပါတယ်။ - ၉၄ မိနစ်တာ တောက်ပမှုကို တစ်စက္ကန့် အမှားလေးတခုက ဖျက်ဆီးသွားခဲ့တာပါ။ ပွဲပြီးချိန်မှာလည်း ဟောလ်ရဲ့ မျက်နှာပေါ်က နာကျင်မှုကို မြင်နိုင်ပါတယ်။ - ဘောလုံးမှာ ကံတရားက ကိုယ့်ဘက် ရှိမနေတဲ့အခါ ရက်စက်မှုအပြည့်နဲ့မလွဲမသေရင်ဆိုင်ရမှာပါ ...။ တစ်ပွဲလုံး အကောင်းဆုံးကစားနိုင်ပေမယ့် ဆုံးဖြတ်ချက်တစ်ချက်၊ အမှားတစ်ချက်က ရလဒ်တစ်ခုလုံးကို ပြောင်းလဲသွားနိုင်တဲ့အထိ ပေးဆပ်မှု ကြီးမားလွန်းပါတယ် .... ▪️nmt

`` Cherki ရဲ့ ခြေထောက်တွေ အသက်၀င်ခဲ့တဲ့ ည ´´ ဘောလုံးကို ကိုင်လိုက်တိုင်း အခွင့်အရေးတစ်ခု ပေါ်လာတယ်။ တစ်ချက်ထိလိုက်တိုင်း တိုက်စစ်က ပိုပြီး အသက်ဝင်လာတယ်။ ဒီနေ့ပွဲမှာ သူကိုယ်တိုင် ဂိုးမသွင်းခဲ့ပေမယ့်… ဂိုး ၂ ဂိုးရဲ့ နောက်ကွယ်မှာ သူ့ခြေရာတွေ ကျန်ခဲ့တယ်ဆိုတာ ငြင်းလို့မရတဲ့အချက် တစ်ကြိမ်က အသင်းဖော်အတွက် လမ်းဖွင့်ပေးခဲ့တယ်။ နောက်တစ်ကြိမ်မှာလည်း ဂိုးရှေ့က အခွင့်အရေးကို အေးအေးဆေးဆေး ဖန်တီးပေးခဲ့တယ်။ Assist တစ်ကြိမ်က ကောင်းတယ်။ Assist နှစ်ကြိမ်ကတော့ ပွဲကို ပြောင်းလဲနိုင်တဲ့ အရည်အချင်းပေါ့။ Cherki က ဒီနေ့မှာ ဂိုးသွင်းသူတစ်ယောက်ထက်ပိုပြီး အခွင့်အရေးတွေကို ဖန်တီးပေးတဲ့ တိုက်စစ်ရဲ့ ဦးနှောက်တစ်ခုလို ဖြစ်နေခဲ့တယ်။ တချို့ကစားသမားတွေက ဂိုးသွင်းပြီး နာမည်ကြီးတယ်။ တချို့ကတော့… ဂိုးမသွင်းဘဲနဲ့တောင် ပွဲတစ်ပွဲရဲ့ ဇာတ်လမ်းကို ရေးနိုင်တယ်။ ဒီနေ့ Cherki က အဲဒီလိုကစားသမားမျိုး ဖြစ်ခဲ့တယ် ၁ ပွဲတည်း ၂ ဂိုးဖန်တီး တစ်ယောက်တည်းနဲ့ တိုက်စစ်ကို အသက်သွင်းခဲ့တဲ့ည ... ▪️nmt

" ရာသီအစ ပရီးမီးယားလိဂ် အသင်းကြီး ၆ သင်းရဲ့ တာထွက် " - ပရီးမီးယားလိဂ် အသင်းကြီး ၆ သင်းတွေရဲ့ ရာသီအစ ရလဒ်တွေကတော့ သိသိသာသာ ကွာခြားနေပါတယ်။ 🔴 အာဆင်နယ် — ၃-၀ အနိုင် ✅ 🔵 မန်စီးတီး — ၂-၁ အနိုင် ✅ 🔴 လီဗာပူး — ၁-၁ သရေ ⚔️ 🔴 မန်ယူ — ၀-၂ အရှုံး ❌ ⚪ စပါး — ၀-၃ အရှုံး ❌ - ရလဒ်တွေအရတော့ အာဆင်နယ်နဲ့ မန်စီးတီးတို့ကသာ ရာသီအစကို အကောင်းဆုံး ပုံစံနဲ့စတင်ထားနိုင်ခဲ့ပြီး လီဗာပူးကတော့ သရေတစ်မှတ်နဲ့ စတင်ထားပါတယ်။မန်ယူနဲ့ စပါးတို့ကတော့ အရှုံးနဲ့ စတင်ခဲ့တာကြောင့် ရာသီအစကတည်းက ဖိအားတွေအောက် ရောက်ရှိနေပါပြီ။ - မနက်​ဖြန်ညမှာတော့ ချဲလ်စီး ဟာ အိမ်ကွင်း ကစားပုံ မာတဲ့ ဖူလ်ဟမ် နဲ့ သွားရောက်ကစားရမှာပါ။ ချာဘီ အလွန်ဆို ဦးဆောင်တဲ့ လန်ဒန် သားတွေ အနိုင် ၃ မှတ် နဲ့အတူ စတမ်းဖို့ဒ် ဘရစ်ချ်ကို ပြန်လာနိုင််မယ်လို့ ထင်ကြလား ... ? ▪️nmt

Full Time Result Newcastle 2 - 2 Liverpool - ဒီပွဲမှာ ၃ မှတ်ထိုက်တန်သူတွေဟာ ငှက်ကြားတွေပဲဖြစ်ပါတယ်။ တခါတလေ ဘောလုံးမှာ မထင်မှတ်ထားတာတွေ ဖြစ်တတ်တယ်လို့ပဲ သဘောထားကြီးပေးလိုက်ကြတာပေါ့ ... ▪️nmt