Premier League Enjoyers

“ လီဗာပူး ပရိတ်သတ်တွေ ကလော့ပ် ထွက်သွားတည်းက အိပ်မက်ဆိုးတွေမက်နေ​တာ အခုထိပဲ " 🗣️ ရွိုင်ကိန်း — “ ကြည့်ပါ၊ ဒီရာသီ လီဗာပူးက ဆုဖလားတွေအတွက် အလေးအနက်ထားပြီး ပြိုင်ဆိုင်နေတဲ့အသင်းလို့တော့ ကျွန်တော် မထင်ဘူး။ အာနေး ဆလော့နဲ့ အီရာအိုလာ... ကျွန်တော်ကတော့ ဘာကွာခြားချက်မှ မမြင်ဘူး " " သူတို့ရဲ့ ကစားသမားခေါ်ယူမှုတွေကနေ စပြောရအောင်။ ဘာကိုလာ က တကယ်ပဲ အဲဒီလိုအပြောင်းအလဲကို ယူဆောင်လာနိုင်မလား ။ သူက ကစားသမားကောင်းတစ်ယောက်ဖြစ်ပြီး ဂတ်ပိုရဲ့ ပြီးပြည့်စုံတဲ့ အစားထိုးမှုလည်း ဖြစ်နိုင်တယ်။ ဒါပေမယ့် ပွဲကို တကယ်ပြောင်းလဲပေးနိုင်မလား? ဒါက League One မဟုတ်ဘူး၊ La Liga လည်း မဟုတ်ဘူး — ဒါက ပရီးမီးယားလိဂ် " " ဘာစီလိုနာက အာရာအူဟိုကိုလည်း ဘာလုပ်ဖို့ ခေါ်လာတာလဲ? အရပ်ရှည်လို့လား၊ တစ်ရာသီလုံး ဒဏ်ရာနဲ့ နေခဲ့ရတဲ့ အလက်ဇန်းဒါး အီဆက်က ဘာလုပ်ပေးနိုင်မှာလဲ " " ကလော့ပ် ထွက်သွားကတည်းက ပရိသတ်တွေ အိပ်မက်ဆိုးတွေ မက်နေကြမယ်လို့ ကျွန်တော် တော်တော်သေချာတယ်။ အာနေး ဆလော့ကို ထုတ်ပယ်လိုက်ရင် အခြေအနေ ပိုကောင်းလာမယ်လို့ သူတို့ ထင်ခဲ့ကြတာပေါ့။ ဒါပေမယ့် ကျွန်တော်ကတော့ ဒီဇာတ်လမ်း မပြီးသေးဘူးလို့ ထင်တယ် " Source : X ▪️nmt

“ မတ်တင်နယ်လီကို ရောင်းလိုက်ရင် အာဆင်နယ် နောင်တရလိမ့်မယ် ” 🗣️ မာတင် ကီယွန် — “ အာဆင်နယ် ဘာကြောင့် မတ်တင်နယ်လီကို အသင်းကနေ ထွက်ခွာခွင့်ပေးဖို့ ဆန္ဒရှိနေတာလဲဆိုတာ ကျွန်တော် တကယ်ကို နားမလည်နိုင်ဘူး " " ပရီးမီးယားလိဂ်မှာ သူ့ကိုယ်သူ သက်သေပြပြီးသားလည်း လူတစ်ယောက်။ အာဆင်နယ်အတွက် ကစားရတာ ဘယ်လို အဓိပ္ပာယ်ရှိလဲဆိုတာလည်း ကောင်းကောင်းသိနေတဲ့သူပါ " " ​သူသာ ထွက်သွားပြီး တခြားအသင်းတစ်သင်းမှာ ယုံကြည်ချက်တွေ ပြန်လည်ရရှိပြီး ခြေစွမ်းကောင်းတွေ ပြန်ပြနိုင်ခဲ့ရင် အာဆင်နယ်ပရိသတ်တွေက မေးခွန်းကြီးကြီးမားမားတွေ မေးလာကြလိမ့်မယ် " " တစ်ခါတလေမှာ ကိုယ်ပိုင်ဆိုင်ထားခဲ့တဲ့အရာကို ဆုံးရှုံးသွားပြီးတဲ့အချိန်ကျမှ အဲဒီအရာရဲ့ တန်ဖိုးကို သိလာတတ်ကြတယ်။ အာဆင်နယ်ဟာ ဒီနေရာမှာ ကြီးမားတဲ့ အမှားတစ်ခုကို လုပ်မိသွားတော့မယ်။ ကိုယ့်အသင်းအပေါ် ရာနှုန်းပြည့်ပေးဆပ်ကစားတဲ့သူကို လွှင့်မပစ်သင့့်ဘူး ” Source : X ▪️nmt

" ကန်တိုင်း၀င် လက်စွမ်းနဲ့ စပါးစ် ဂိုးသမား ကင်စကီ " - စပါးစ်ရဲ့ သတင်းက မကြားချင်မှအဆုံးပါပဲ။ ချာလ်တန်ကို ဂိုးပြတ်သိပ်နိုင်ခဲ့လို့ ကြက်ဖကြီးပြန်လာပြီလားမှတ်တယ်။ ပရီးမီးယားလိဂ်ရောက်ရင် ကြက်မကြီးပြန်ဖြစ်သွားတာပဲ။ ဒါနဲ့ဆို ရှုံးပွဲဆက်တာ ၂ကြိမ်ရှိပါပြီ။ အသင်းဘက်ကလည်း ​လိုအပ်သလောက် ကစားသမားပံ့ပိုးပေးထားတာဆိုတော့ ပလ္လင် ပေါ်မှာထိုင်နေတဲ့ ဒီဇာဘီ လည်း အခုလောက်ဆို ချွေးဆေးပြန်နေလောက်တယ် .... - နောက်တချက်က အသင်းရဲ့ ဂိုးသမားပါ။ ဗစ်ကာရစ်ယို လိုဂိုးသမားကိုအသင်းကနေထုတ်ပြီး ကင်စကီီ လို ဖုန်းတဂိုးကောင်ကို ချန်ထားခဲ့တာ အံ့သြလို့မဆုံးဘူး။ ဒီဂိုးသမားားအကြောင်းပြောနေရင် မိုးလင်းသွားလိမ့်မယ်။ အဆုံးသတ်အနေနဲ့ပြောရရင် စပါးစ်က အသင်းကြီးတသင်းင်း အဂါ်ရပ်နဲ့ ကိုက်ညီမှုမရှိဘူး။ - တပွဲလုံး ဂိုးပေါက်ကန်ချက် ၂ခါပဲတည့်တဲ့အသင်းက နိုင်သွားတယ်ဆိုတည်းက မဟုတ်တော့တာ။ တကယ်ဆို အိမ်ကွင်းမှာ စပါးစ်ဆိုတာဘာလဲ မာမာထန်ထန်ကစားပြီး အနိုင် ၃မှတ်မဟုတ်တောင် သရေ ၁ မှတ်တော့ရခဲ့သင့်တယ်။ အခုတော့ ဘဲဥ တောင်မကွဲဘူး။ ကြည့်နေရင်း တော်တော်စိတ်ပျက်ဖို့ကောင်းပါတယ် .... ▪️nmt

" ပွဲ ၂၀ ဆက် မရှုံးသေးတဲ့ လီပါပူးနည်းပြ အီရာအိုလာ " - လီပါပူးနည်းပြ အန်ဒိုနီ ရာအိုလာဟာ အခုဆိုရင် ပရီးမီးယားလိဂ် ၂၀ ပွဲဆက်တိုက် ရှုံးပွဲမရှိတဲ့ မှတ်တမ်း ကို ပိုင်ဆိုင်လာခဲ့ပါပြီ။ - တစ်ပါတ်ပြီးတစ်ပါတ် ဖိအားတွေကြားကနေ ရလဒ်ကောင်းတွေ ရယူရင်း ရာအိုလာရဲ့ အသင်းဟာ ပြိုင်ဘက်တွေအတွက် အနိုင်ယူဖို့ ခက်တဲ့ အသင်းတစ်သင်း ဖြစ်လာနေပါတယ်။ - ပွဲ ၂၀ ဆက် ရှုံးပွဲမရှိစံချိန်ကို ဘယ်အသင်စက ရပ်တန့်သွားမလဲဆိုတာ စောင့်ကြည့်ကြတာပေါ့ .... ▪️nmt

Goooal !!! Liverpool 2 - 2 Forest - လီဗာပူးတို့ ကံကောင်းလို့သာ သရေ တမှတ်ရခဲ့တဲ့ပွဲပါ။ အမှန်အတိုင်းပြောရရင် ပွဲစဥ် ၁ ၊ ၂ နှစ်ခုစလုံး လီဗာပူးဟာ ပုံမှန်ခြေစွမ်းမျိုးရှိမနေဘူး။ ဒီပွဲမှာလည်း အန်ဖီးလ်မှာ ကစားရပြီး ဧည့်သည်အသင်းရဲ့ နောက်ကနေ လိုက် ကစားခဲ့ရတာ ရုပ်ပေါက်လွန်းတယ် .... ▪️nmt

Goooal Liverpool 2 - 2 Forest

Goooal လီဗာပူး 1 - 2 ဖောရက်စ်

Goooal လီဗာပူး 1 - 1 ဖောရက်စ်

Goooal လီဗာပူး 0 - 1 ဖောရက်စ်

" ပရီးမီးယားလိဂ်စတင်ကတည်းက တန်းမဆင်းဖူးတဲ့ အသင်း ၆ သင်း " ▪️ 🔴⚪️ Arsenal ▪️ 🔵 Chelsea ▪️ 🔴 Manchester United ▪️ 🔴 Liverpool ▪️ 🔵 Everton ▪️ ⚪️ Tottenham Hotspur - ဒီအသင်း ၆ သင်းဟာ Premier League ခေတ်စတင်ခဲ့တဲ့ ၁၉၉၂ ခုနှစ်ကတည်းက တန်းဆင်းခြင်းကို မကြုံတွေ့ခဲ့ရသေးတဲ့ အသင်းတွေပါ။ - နှစ်ပေါင်းများစွာကြာအောင် အသင်းကြီးတွေ အနေနဲ့ ရပ်တည်လာနိုင်ခဲ့တာကြောင့် ဒီမှတ်တမ်းဟာ ပရီးမီးယားလိဂ်ရဲ့ အထူးခြားဆုံး မှတ်တမ်းတွေထဲက တစ်ခုဖြစ်ပါတယ်။ - မန်ယူ၊ လီဗာပူး၊ စပါး၊ အာဆင်နယ်တို့လို အစဉ်အလာကြီးတဲ့ အသင်းတွေနဲ့အတူ အဲဗာတန် လည်း ဒီစာရင်းမှာ ပါဝင်နေကြတာပါ။ ထူးခြားတာတခုက အဲဗာတန်လိုအသင်းတောင်တန်းမဆင်းခဲ့ဖူးပေမဲ့ ချဲလ်စီး နဲ့ မန်စီးတီး တို့ကတော့ ၁၉၈၈ နဲ့ ၂၀၀၁ မှာ ချန်ပီယံရှစ်ကိုဆင်းကစားခဲ့ရဖူးပါတယ် .... ▪️nmt

" အချိန် ၅မိနစ်သာပေးပါ အပြောင်းးအလဲတခုခုဖြစ်စေရမယ် " ​ - ရိုင်ယန် ချာကီက ပထမပိုင်းမှာ သူ့ရဲ့ စွမ်းဆောင်ရည်က သိပ်မကောင်းခဲ့ဘူးလို့ ပြောကြားခဲ့ပါတယ်။ဟပထမပိုင်းအတွင်း နေရာလွတ်တွေကို ရှာမတွေ့ခဲ့သလို သူ့ကိုယ်သူ “ အရမ်းညံ့ခဲ့တယ်” လို့တောင် ၀န်ခံခဲ့တာပါ။ အဲဒီနောက် နည်းပြ အန်ဇို မာရက်စ်ကာ က သူ့ကို လူစားလဲဖို့ စီစဉ်နေတဲ့နောက် - 🗣️ ချာကီ — “ ငါ့ကို နောက်ထပ် ၅ မိနစ်ပဲ ထပ်ပေးပါ။ ပထမပိုင်းမှာ လုပ်ကွက်ပျောက်နေတာငါသိတာပေါ့။ ဒုတိယပိုင်းမှာ ငါ့ကို ယုံကြည်ပေးပါ။ လူစားလဲစရာမလိုတော့အောင်ကြိုးစားပေးမယ် ” လို့ပြောခဲ့ပါတယ်။ - ချာကီအနေနဲ့ လူစားလဲခံရမယ့် ဆုံးဖြတ်ချက်ကို မကြိုက်ခဲ့ဘဲ သူကစားချင်တယ်၊ ဂိုးသွင်းချင်တယ်၊ ဟာလန်းအတွက် ဂိုးဖန်တီးပေးချင်တယ်ဆိုတာကို နည်းပြကို သက်သေပြချင်ခဲ့တာပါ။ - မနေ့ညက ပွဲမှာတော့ ဟာလန်း ရှိကို ဘောလုံးအများကြီး မပေးနိုင်ခဲ့သေးပေမယ့် နောက်လာမယ့်ပွဲတွေမှာတော့ ဟာလန်းအတွက် အခွင့်အရေးတွေ အများကြီး ဖန်တီးပေးသွားမယ် လို့လည်း ချာကီက ပြောခဲ့ပါတယ် ..... ▪️nmt

" ကားသူခိုးဂိမ်း ထွက်တိုင်း ပရီးမီးယားလိဂ်ဖလား ရနေတဲ့ မန်ယူ " - မန်ယူပရိသတ်တွေအတွက် ထူးဆန်းပြီး ရယ်စရာကောင်းတဲ့ မှတ်တမ်းတစ်ခု ဖြစ်ပါတယ်။ GTA ဂိမ်းထွက်ရှိတဲ့နှစ်တိုင်း ပရီးမီးယားလိဂ်မှာ မန်ချက်စတာယူနိုက်တက်က ချန်ပီယံဖြစ်ခဲ့တာပါ။ ▪️ ၁၉၉၇ — GTA → 🏆 မန်ယူ ▪️ ၁၉၉၉ — GTA 2 → 🏆 မန်ယူ ▪️ ၂၀၀၁ — GTA 3 → 🏆 မန်ယူ ▪️ ၂၀၀၈ — GTA 4 → 🏆 မန်ယူ ▪️ ၂၀၁၃ — GTA 5 → 🏆 မန်ယူ - အခုတော့ GTA 6 ထွက်ရှိမယ့် ၂၀၂၆ ခုနှစ်ကို ရောက်လာပါပြီ။ ဒီတစ်ကြိမ်မှာလည်း အရင်မှတ်တမ်းအတိုင်း ဆိုရင်မန်ယူက ပရီးမီးယားလိဂ်ဖလားကို ပြန်လည်ရရှိသွားမှာပါ ။ ဒါဟာ သာမန် တိုက်ဆိုင်မှုတခုပဲလား ထူးခြားတဲ့ ကံစပ်မှုလားဆိုတာကိုတော့ ရာသီကုန်မှာ မြင်တွေ့ရ​မှာဖြစ်ပါတယ် .... ▪️nmt

" အန်ဇို ကိုမရခဲ့ရင် မက်ကယ်လစ္စတာကို ခေါ်ဖို့ ကြိုးစားလာနိုင်တဲ့ မန်စီးတီး " - မန်စီးတီးအသင်းဟာ လီဗာပူးကွင်းလယ်လူ အလက်ဆစ် မက်ကယ်လစ္စတာ ကို ခေါ်ယူဖို့အတွက် စတင်စုံစမ်းနေပါပြီ။ - မန်စီးတီးရဲ့ အဓိကပစ်မှတ်ဟာ ချယ်လ်ဆီးကွင်းလယ်လူ အန်ဇို ဖာနန်ဒက်ဇ် ပါ။ ဒါပေမယ့် အခုချိန်အထိ ထူးခြား​မှု မရှိသေးတာကြောင့် မန်စီးတီးဘက်က အခြားရွေးချယ်စရာတွေကို စတင်ရှာဖွေနေတာ ဖြစ်ပါတယ်။ - အကယ်၍ အန်ဇို ဖာနန်ဒက်ဇ် ရဲ့ အပြောင်းးအရွှေ့အဆင်မပြေခဲ့ရင် မန်စီးတီးဟာ မက်ကယ်လစ္စတာ ကိုခေါ်ယူဖို့ ကြိုးစားလာမှာပါ။ လီဗာပူးအနေနဲ့လည သူတို့ရဲ့ အဓိကကစားသမားတစ်ဦးကို ပြိုင်ဘက်အသင်းကြီးဖြစ်တဲ့ မန်စီးတီးဆီ ရောင်းချဖို့ ဆန္ဒရှိမရှိက စောင့်ကြည့်ရမှာဖြစ်ပါတယ် .... Source : @DiMarzio ▪️nmt

- ပရီးမီးယားလိဂ်ရဲ့ နာမည်ကြီးတိုက်စစ်မှူးဟောင်း လက်စ် ဖာဒီနန် က ဟာလန်းနဲ့ ယာအို ပက်ဒရိုတို့နှစ်ဦးအကြား ဘယ်သူ့ကို ပိုကောင်းတဲ့ တိုက်စစ်မှူးလို့ မြင်လဲဆိုတာ ပြောကြားခဲ့တာပါ ... 🗣️ လက်စ် ဖာဒီနန် — “ဟာလန်းက ဂိုးသွင်းတဲ့နေရာမှာ ပိုကောင်းတယ်လို့ ထင်တယ်။ ဒါပေမယ့် ဂိုးသွင်းနေနိုင်ရုံနဲ့ ပိုကောင်းတဲ့ ကစားသမားမဖြစ်သွားဘူး။ ယာအို ပက်ဒရို ကိုကြည့်လိုက် သူက ဟာလန်းထက် နေရာစုံမှာ ကစားနိုင်တယ် ” " ဟာလန်းဟာ ထိပ်တန်း ဂိုးသွင်းရှင် တစ်ယောက်ဖြစ်ပေမယ့် အသင်းဖော်တွေကို ကစားပွဲထဲ ပါဝင်လာအောင် ဆွဲခေါ်ပေးနိုင်တာ၊ ဘောလုံးကို ကိုင်တွယ်ကစားနိုင်တာနဲ့ တိုက်စစ်တည်ဆောက်ပုံတွေကို ထည့်စဉ်းစားမယ်ဆိုရင်တော့ ဂျိုအာအို ပက်ဒရိုက ပိုပြီး ပြည့်စုံတဲ့ ကစားသမား တစ်ယောက်ပဲ " " အထူးသဖြင့် လက်ရှိ ပရီးမီးယားလိဂ်မှာဆိုရင်တော့ ယာအို ပက်ဒရိုဟာ အကောင်းဆုံးတိုက်စစ်မှူးတစ်ယောက် ဖြစ်တယ်။ အကယ်၍ ငါ့အသင်းအတွက် တိုက်စစ်မှူးတစ်ယောက်ကို ရွေးချယ်ရမယ်ဆိုရင် ယာအိုပက်ဒရို ကိုပဲ ရွေးချယ်ရလိမ့်မယ် " Source : X ▪️nmt

" ဆမ်ဘာသားလေး အာဆင်နယ်က ထွက်ပြီ ဆော်ဒီမြေမှာ ဂိုးတွေသွင်းနိုင်ပါစေကွာ " - အာဆင်နယ် ကစားသမားဖြစ်သူ မာတင်နယ်လီ ဟာ အယ်လ်ဟီလာ ကိုယူရို ၆၅ သန်းဖြင့် ပြောင်းရွှေ့ဖို့အတွ​က် အချက်ပြလိုက်ပါပြီ။ မကြာခင် လန်ဒန် မှာ ဆေးစစ်မှုခံယူမှာဖြစ်ပြီး ဆေးစစ်မှုအောင်မြင်ရင် အပြီးသတ် လက်မှတ်ရေးထိုးမှာဖြစ်ပါတယ် .... Source [@FabrizioRomano] ▪️nmt

- ချန်ပီယံလိဂ် မဲခွဲမှုအပြီးမှာ အာဆင်နယ်ရဲ့ ဂန္ထဝင်နည်းပြဟောင်း အာဆင် ဝင်ဂါး က နည်းပြ မီကယ် အာတီတာ ကိုပြောခဲ့တဲ့ စကား .... 🗣️ အာဆင် ဝင်ဂါး — “ Son... ငါမရယူနိုင်ခဲ့တဲ့အရာက ဒီတစ်ခုပဲ။ ငါ အင်ဗင်စီဘယ်လ်တွေကို တည်ဆောက်ခဲ့တယ်။ အခု မင်းက ချန်ပီယံလိဂ်ကို အိမ်ပြန်ယူလာမယ် လို့ ကတိပေးပါ ။ လိဂ်ဖလားလား ဒါက အောင်မြင်မှုကြီးတစ်ခုဖြစ်ပေမယ့် အာဆင်နယ်အတွက် မလုံလောက်သေးပါဘူး " “ အာတီတာအနေနဲ့ ကိုယ်တိုင်လိုချင်တဲ့ အသင်းပုံစံကို တည်ဆောက်ပြီးပြီဖြစ်တာကြောင့် အခုက အလုပ်ကို အဆုံးသတ်ရမယ့်အချိန် ဖြစ်တယ်။ မြောက်လန်ဒန်က အနီရောင်ပဲ။ ဒီရာသီကို ဘယ်တော့မှ မမေ့နိုင်တဲ့ရာသီတစ်ခု ဖြစ်အောင် လုပ်ကြစို့ ” လို့ပြောပြီး အာဆင်နယ်ပရိသတ်တွေအတွက် အားပေးစကား ပြောကြားခဲ့ပါတယ်။ - ဝင်ဂါးက အာဆင်နယ်နဲ့အတူ “အင်ဗင်စီဘယ်လ်” အသင်းကို တည်ဆောက်နိုင်ခဲ့သူ။ ဒါပေမဲ့ ချန်ပီယံလိဂ်ဖလားကိုတော့ မရခဲ့ဘူး ဆိုတဲ့ အဓိပ္ပာယ်နဲ့ အာတီတာကို အဲဒီမပြီးဆုံးခဲ့တဲ့ အိပ်မက်ကို ဆက်လက်အကောင်အထည်ဖော်ပေးဖို့ တာဝန်ပေးခဲ့တာဖြစ်ပါတယ် .... ▪️nmt

- ဥရောပရဲ့ အကြီးမားဆုံး ကလပ်အသင်းပြိုင်ပွဲတစ်ခုဖြစ်တဲ့ ချန်ပီယံလိဂ်ရဲ့ ၂၀၂၆-၂၇ ရာသီ မဲခွဲမှုရလဒ် ထွက်ပေါ်လာပါပြီ။ ဘယ်အသင်းတွေက ကစားရချောင်ပြီး ဘယ်အသင်းတွေ ပွဲကြပ်ဖြစ်လာမယ်လို့ထင်လဲ ... ? မဲခွဲမှုရလဒ် အပြည့်အစုံကို အောက်မှာ ကြည့်ရှုနိုင်ပါတယ်။ ▪️nmt

" စံချိန်တင်​ ပြောင်းရွှေ့ကြေးနဲ့ ခေါ်ယူလိုက်တဲ့ ဖောရက်စ် ကစားသမားသစ် ဒီလပ် " - နော်တင်ဟမ်ဖောရက်စ်ဟာ ချယ်လ်ဆီးတိုက်စစ်မှူး လီယမ် ဒီလပ် ကို ပေါင် သန်း ၅၀ ဖြင့် အပြီးသတ် ခေါ်ယူနိုင်ခဲ့ကြောင်း တရားဝင် ကြေညာလိုက်ပါပြီ။ - ဒီလပ်ဟာ နော်တင်ဟမ်ဖောရက်စ်နဲ့ ၅ နှစ်စာချုပ် ချုပ်ဆိုခဲ့ပြီး အသင်းမှာ နံပါတ် ၁၉ ဂျာစီ ကို ဝတ်ဆင်သွားမှာပါ။ အဆိုပါ ပြောင်းရွှေ့ကြေးကြောင့် ဒီလပ်ဟာ နော်တင်ဟမ်ဖောရက်စ်ရဲ့ သမိုင်းတစ်လျှောက် စျေးအကြီးဆုံး ခေါ်ယူမှု ဖြစ်လာခဲ့ပါတယ်။ - တဖက်မှာလည်း ချဲလ်စီး မှာ ရှိစဥ်တုန်းက ဒီလပ်ဟာ ၄၇ ပွဲ ကစားခဲ့ပြီး ၃ဂိုးသာ သွင်းယူနိုင်ခဲ့တာပါ။ ဒါကြောင့် ​ဒီလပ် အနေနဲ့ နော်တင်ဟမ်ဖောရက်စ်မှာ ပုံမှန်ပွဲထွက်ခွင့်ရရှိပြီး ခြေစွမ်းကောင်းအောင် ပြန်လည်ကြိုးစားမလား စောင့်ကြည့်ရမှာဖြစ်ပါတယ် .... Source : @NFFC ▪️nmt

- ဂွမ်ဒူဇီက သူ့ရဲ့ဂိုးအတွက် အောင်ပွဲခံနေချိန်မှာ လီယွန်ကစားသမားတွေနဲ့ ထိပ်တိုက်တွေ့ဆုံခဲ့ပြီးနောက် အခြေအနေကနေ တဖြည်းဖြည်း ပိုမိုရှုပ်ထွေးလာခဲ့တာဖြစ်ပါတယ်။ တဖက်မှာလည်း ဖီနာဘာချီကစားသမားတွေဟာ အသင်းဖော် ဂွမ်ဒူဇီကို လုံခြုံရေးဝန်ထမ်းတွေလို ဝိုင်းရံကာကွယ်ပေးခဲ့ကြတာကိုမြင်တွေ့ရမှာပါ။ - နှစ်ဖက်အသင်းကစားသမားတွေကြားကနေ ဂွမ်ဒူဇီက ထွက်ပေါက်လမ်းကြောင်းဘက်ကို ဦးတည်သွားနေချိန်မှာ လီယွန် အသင်းရဲ့ လုံခြုံရေးတစ်ဦးက ပြေးကန်ခဲ့တာကိုလည်း ဗီဒီယိုမှာ တွေ့မြင်ရပါတယ်။ ကြည့်ရတာ မိနစ် ၉၀ အတွင်းမှာ ဖြစ်ခဲ့တဲ့ ပြသနာတွေကို ကွင်းပြင်ပ အထိ လီယွန် ပရိတ်သတ်တွေ အခဲမကျေတဲ့ပုံပါပဲ ..... ▪️nmt

“ ဒီအခိုက်အတန့်ကို ခံစားကြည့်လိုက်စမ်းပါ လက်ခုပ်သံတွေက မင်းအတွက်ပဲ " - ရီးယဲလ်မက်ဒရစ်က ဆိုစီဒက်ကို ၄-၁ နဲ့ အနိုင်ရခဲ့တဲ့ပွဲမှာ ဗီနီဆီယပ်စ်ဟာ ဂိုးတစ်ဂိုး သွင်းယူပြီး ဂိုးဖန်တီးမှု ၂ ကြိမ် ပြုလုပ်ကာ ထူးခြားတဲ့ စွမ်းဆောင်ရည်ကို ပြသနိုင်ခဲ့ပါတယ်။ ပွဲအတွင်း ဗီနီဆီယပ်စ်ကို လူစားလဲတဲ့အချိန်မှာတော့ - 🗣️ မော်ရင်ညို — “မင်းမြင်လား? ငါပြောခဲ့တယ်လေ။ ဂိုးဧရိယာထဲမှာ နေလိုက်ရင် အလုပ်ဖြစ်မယ်လို့။ ပြီးတော့ ကွင်းထဲကို လက်ညှိုးထိုးပြရင်း “နားထောင်! ဒီအသံတွေကို နားထောင်ကြည့်စမ်းပါ ? ပရိသတ်တွေ လက်ခုပ်တီးနေတာက မင်းအတွက်ပဲ။ဒီနေရာက မင်းနေရာ မင်းရဲ့အိမ်ပဲ မင်းရဲ့ မိသားစုဖြစ်တယ်ဆိုတာ မမေ့လိုက်နဲ့ ” - နောက်ဆုံးအနေနဲ့ မော်ရင်ညိုက — “ ဒီညမှာ ဗီနီဆီယပ်စ်ထက် ပိုကောင်းတဲ့ တောင်ပံကစားသမားတစ်ယောက် ဒီမှာရှိတယ်လို့ ကျွန်တော် မထင်ဘူး။ ဒီအဆင့်ရှိတဲ့ ကစားသမားတွေကို ရီးယဲလ်မက်ဒရစ်မှာပဲ ထိန်းထားရမယ်။ အကောင်းဆုံးကစားသမားတွေက ဒီမှာပဲ ဆက်ရှိရမယ်၊ ၂၀၂၆ - ၂၇ က ဆုဖလားတွေအောင်မြင်မှုတွေကို အမဲလိုက်ရမဲ့ ရာသီတခုပါ ” လို့ ပြတ်ပြတ်သားသားပြောခဲ့ပါတယ် ... ▪️nmt