FMSG Medx

الإسعافات الأولية عند بلع المواد الكيماوية والمنظفات المنزلية: ١-يراقب التنفس مع عمل تنفس صناعي إذا لزم الأمر. ٢-إعطاء لبن بارد وبياض بيضة ٣-إعطاء مسكن قوي لتخفيف الألم ٤-يمنع إحداث قيء للمصاب ٥-يمنع غسيل المعدة ٦-يمنع إعطاء أحماض مثل الخل وعصير الليمون في حالات التسمم بالقلويات مثل الفلاش ٧-ينقل المصاب للمستشفى فوراً.

الإسعافات الأولية لنزيف الأنف: الانحناء قليلًا إلى الأمام أثناء الجلوس أو الوقوف، مع تجنب الاستلقاء أو ميل الرأس للخلف؛ لأن ذلك سيتسبب في ابتلاع الدم والقيء. إمساك الأنف من الجزء الناعم (ليس العظمي) من الناحيتين، مع تجنب الضغط على جانب واحد فقط، حتى لو كان النزيف على جانب واحد فقط. الضغط على الأنف لمدة 5 دقائق على الأقل للأطفال، ومن 10 إلى 15 دقيقة للبالغين، مع عدم فك الضغط عن الأنف لاكتشاف ما إذا كان النزيف توقف أو لا إلا بعد مُضِي الوقت المحدد. يمكن وضع كمادات باردة أو كيس ثلج على الأنف؛ حيث يساعد الأوعية الدموية على الانقباض. تكرار الخطوات السابقة إذا لم يتوقف النزيف، مع الضغط على الأنف لمدة لا تقل عن 30 دقيقة، فإذا لم يتوقف النزيف فيجب التوجه للطوارئ على الفور. تجنب الاستنشاق أو النفخ من الأنف لعدة ساعات بعد نزيف الأنف.

*عضات الحيوانات :* وهي خطره وتنقل العدوى وتسبب الألم *الإسعاف :* ١/ طمأنه المصاب ٢/نظافه الجرح بماء وصابون ٣/ يعامل معامله إسعاف الجروح ٤/ تحديد الحيوان العاض ونقل المصاب إلى جهه اختصاص ٥/ الكلاب خصوصا الضال منها يجب التعامل بجدية أكثر مع العضة لأنها تنقل داء الكلب (السعار) و هو مرض يسبب الشلل و الهلوسة و كذلك التقيؤ و هو مرض تنقله الحيوانات أبرزها الكلاب. *لسعة العقرب وعلاماتها:* ١/الم في مكان الإصابة ٢/احمرار ٣/ عرق *الإسعاف :* ١/ ربط أعلى مكان الاصابه ٢/ فصد مكان الإصابة بأله حاده ومعقمه والعمل على إخراج السم ٣/ استعمال الترياق المضاد ٤/ إعطاء المصاب الشاي الثقيل والليمون *لدغة الثعبان واسعافها :* ١/ طمأنه المصاب وعدم تحريكه ٢/ ربط مكان الإصابة ٣/ نقله إلى جهه اختصاص *إسعاف العضات المختلفه :* ١/لسعة النحل : إزالة الشوك وعمل مكمدات بارده ٢/ لسعه الزنبور : إزالة الشوك وعمل مكمدات بارده ٣/ عضه السمكه : عمل مكمدات ساخنه ٤/ قنفذ البحر : النظافه بالديتول أو مطهر

التمريض مِهنة اللُّطف والرِعاية، اليد الداعِمة للمرضى في أحلك الظروف وأظلمها، ملاك الرحمة في ظل غشم المَرض. ختام رحلتنا في سلسلة التعريف بتخصص التمريض بلقاء رائع مع الدكتور المتميز: موسى الزين احمد علي. استاذ جامعي في كلية النهرين الخاصة. رئيس رابطة طلاب تمريض جامعة بحري وممثل الكلية بجامعة بحري سابقا. عضو وممثل كلية تمريض بحري في ملتقى السودان الأول بالأبيض. عضو في منظمة تمريض السودان سابقا. عضو في مبادرة الممرضين السودانين سابقا. عضو في جمعية أطفال السكري السودانية سابقا ممارس طبي في العديد من المستشفيات السودانية. عمل كمتطوع في وزارة الصحة فترة الجائحة. أخصائي ثاني مرخص من المجلس القومي للتخصصات الصحية السودانية. أخصائي مرخص من الهئية السعودية للتخصصات الطبية والصحية. يعمل بالمملكة العربية السعودية حاليا. يدرس اللغة الألمانية حاليا. كاتب وروائي. بربك يا لابسا ثوبا من أبيض ** وما يدريك ما أكثر الألوانا كتبت لك الأيـــــــــام أن تبقى ** ملاكا يطير شامخا بجنحانا #ملائكة_الرحمة #FMSGmedx

كسرة: دا ياهو نفس الممرض البطلع مخلوع من غرفة العمليات وأهل المريض يسألوه عن المريض ويقول ليهم أسألو الدكتور ويخليهم يمشي😂😂😂 كل الإحترام والتقدير لمجهوداتهم الجبارة🫡💙 #ملائكة_الرحمة #FMSGmedx

▪️ممرض جراحة التجميل: مهمتهم الشرح للمرضى عن التقنيات، والتحضير للسرير الجراحي، والعمل جنبا إلى جنب مع الأطباء وغيرهم من أعضاء الطاقم الطبي. يدعم ممرض الجراحة التجميلية الأشخاص الذين يعانون من عمليات الجراحة التجميلية ولديهم أساليب إلى إجراءات أكثر شمولا. ممرض التخدير: هذا التخصص غير متوفر في كثير من البلدان، يقدم الممرض للمرضى الذين التخدير للمرضى في غرف العمليات تحت إشراف الطبيب. من بين جميع مهن التمريض، فإن ممرضين التخدير هم من بين الأكثر طلبا والأعلى أجرا. ويقوم على المساعدة في الإجراءات والمرضى الخارجيين, مساعدة المرضى في علاج الألم.

▪️ممرض لطب الأنف والأذن والحنجرة: يقوم الممرض على المساعدة في العلاجات والتشخيص، وتقديم المساعدة لأولئك الذين يقومون بعمليات جراحية وتشخيصية.تقدم ممرضات طب الأنف والأذن والحنجرة الدعم للأشخاص الذين يعانون من أمراض مرتبطة بالرأس. الجلد والجسم والرأس والأنف وتجاويف الفم والأعصاب القحفية هي أماكن حساسة. ▪️ممرض الجراحة: يقوموا على توفير نصائح الاستجمام المنزلي للمرضى، إجراء المقابلات واختبار المرضى للخدمة، الحفاظ على بيئة تشغيل نظيفة طوال العملية برمتها، الإشراف على المريض وتنسيق العلاج أثناء الجراحة.خلال كامل مدة خبرتهم الطبية، يعتني الممرض بالأمور المحيطة بالجراحة للمرضى. في منطقة العلاج، سيتم رؤيتهم يساعدون ويناقشون اقتراحات ما بعد الجراحة التي يمكن للمرضى تبنيها بعد عودتهم إلى المنزل. من أجل ضمان حصولهم على أعلى مستوى من العلاج أثناء الجراحة، غالبا ما يعملون كوسطاء بين الفريق الجراحي وعائلات المرضى. الممرض الجراحي يمكن أن يتدرب ويعمل في عدة أنواع من الجراحة: الجراحة العامة (إزالة الزائدة الدودية، المرارة). جراحة الأوعية (دوالي الساقين). القولون وجراحته (عمل فتحات الإخراج). جراحة الأورام (عمليات الثدي، الأورام). جراحة العظام (زراعة ركبة أو مفصل، ترميم الكسور). الجراحة البولية (عمليات البروستات). العمليات اليومية (التي يخرج بعدها المريض بعد 24 ساعة). الممرض الجراحي مسؤول عن 6 حالات حسب طبيعة القسم، والحالات الجراحية الأكثر حاجة تحتاج إلى ممرض أو ممرضين للحالة الواحدة

تمريض الجراحة عنده عدة مجالات منها: ▪️ممرض جراحة طب العيون: يقوم بتنفيذ التقييمات السابقة للعمليات الجراحية، ومساعدة للأشخاص الذين يعانون من الجلوكوما وإعتام عدسة العين وغيرها من الأضرار التي لحقت العينين. يتولى ممرض العيون مسؤولية المرضى الذين يعانون من أمراض العين الشديدة ويعمل كجزء مهم من الفرق الجراحية ▪️ ممرض زرع الأعضاء: من مهامه تجهيز المتبرعين الأحياء على إجراءات الزرع وأب مضاعفات مرتبطة بالتبرع، وأكيد النوع دا من التمريض دقيق جداً لذلك بيتم تدريبهم بشكل استثنائي. أما بالنسبة للذين يقبلون أعضاء الموتى، يقدمو لهم التسهيلات ذات الصلة أثناء العملية والتعافي بعد العملية. وأهم حاجة بيهتم بعملية تطهير المرضى والمتبرعين الطبيين ورصد العلامات الحيوية للمرضى أثناء الإجراء. ▪️ممرض القسطرة القلبية: متخصص من أجل اكتشاف أو إدارة مشاكل القلب، يسمح هذا النوع من الممرضين بالمساعدة وتجهيز زرع قسطرة في غرفة القلب أو الشريان. أو عند زرع أجهزة تنظيم ضربات القلب (ICDs) أو رأب الصمام. ويشمل التدريب خدمة في غرفة الطوارئ، ووحدة العناية المركزة، أو مرفق الرعاية التاجية لمدة عامين.

تخصصات التمريض: أكيد حضرتو فلم Gray's anatomy و The good doctor😂 _الأفلام التي هيجت 90% من روح الحماس لطلاب الطب والتمريض وهووووب شالهم الحماس وقدمو التخصصات دي🫠 _ لمن دقات قلب المريض يحصل فيها خلل والممرض يكورك دكتور المريض في خطر ويعملو ليه الإنعاش القلبي بجهاز الصدمات الكهربائية؟ والبساعد الجراح في العملية تحت إشرافه؟ طببعععااا عرفناهه كلللنااا🤩🤩 والممرض دا إسمه ممرض جراحي، وصراحة التخصص دا ممتع وفيه درامات كتيرة زي ماشايفين🔥 تعالو نتعرف عليه أكثر. تاني تخصص لليوم هو تمريض الجراحة: نبدأ بتعريف بسيط ليه وهو الممرض الميداني أو القائم بعمليات التعقيم والتنظيف، هو المختص في تقديم الرعاية للمرضى قبل العمليات وخلالها وبعدها. الممرض الجراحي بكون عنده عدة مهام قبل العملية وأثناء العملية وبعدها. ومن المهام الرئيسية ليه: ▪️يعد الخطة التمريضية ومتابعتها وتنفيذها. ▪️بيأخذ العلامات الحيوية والعينات اللازمة لإجراء الفحوصات المخبرية قبل إجراء العملية. ▪️تجهيز أدوات ومواد الجراحة بحسب تعليمات الجراح المختص. ▪️توثيق الإجراءات والأنشطة التمريضية المقدمة للمريض في السجل الطبي. ▪️إعطاء المريض المحاليل الوريدية والعقارات بحسب تعليمات الجراح والمشاركة في عملية الإنعاش والإفاقة.

الشيييييير الشير يا جماعة دا ما لايف بتفوت والله

التمريض مِهنة اللُّطف والرِعاية، اليد الداعِمة للمرضى في أحلك الظروف وأظلمها، ملاك الرحمة في ظل غشم المَرض. ختام رحلتنا في سلسلة التعريف بتخصص التمريض بلقاء رائع مع الدكتور المتميز: موسى الزين احمد علي. استاذ جامعي في كلية النهرين الخاصة. رئيس رابطة طلاب تمريض جامعة بحري وممثل الكلية بجامعة بحري سابقا. عضو وممثل كلية تمريض بحري في ملتقى السودان الأول بالأبيض. عضو في منظمة تمريض السودان سابقا. عضو في مبادرة الممرضين السودانين سابقا. عضو في جمعية أطفال السكري السودانية سابقا ممارس طبي في العديد من المستشفيات السودانية. عمل كمتطوع في وزارة الصحة فترة الجائحة. أخصائي ثاني مرخص من المجلس القومي للتخصصات الصحية السودانية. أخصائي مرخص من الهئية السعودية للتخصصات الطبية والصحية. يعمل بالمملكة العربية السعودية حاليا. يدرس اللغة الألمانية حاليا. كاتب وروائي. بربك يا لابسا ثوبا من أبيض ** وما يدريك ما أكثر الألوانا كتبت لك الأيـــــــــام أن تبقى ** ملاكا يطير شامخا بجنحانا #ملائكة_الرحمة #FMSGmedx

الأختناق :- هو حالة قفل مجرى التنفس نتيجة لدخول جسم غريب أعراض الإختناق صعوبة في الكلام صعوبة في التنفس صوت صفير عند التنفس سعال ظهور لون أزرق على الجسم خصوصاً منطقة الفم فقدان للوعي كيفية إسعاف المختنق إذا كان المختنق طفل دون العام يوضع الطفل ببطنه على فخذي المسعف و يتم تثبيت رأسه بإستخدام اليد و يضرب برفق خمس ضربات على ظهره بإستخدام اليد الأخرى و إذا لم يخرج الجسم الغريب يقلب الطفل على ظهر و يكون رأسه مائل للأسفل و يتم الضغط برفق على عظمة الصدر خمس مرات متتالية. إذا كان المختنق طفل أكبر من عمر عام يتم تشجيعه على أن يكح لإخراج الجسم الغريب إذا لم يستطع أن يكح يميل للأمام و يضع المسعف يده على صدره و اليد الأخرى على ظهره و يقوم بضغطه خمس مرات و إذا لم ينفع يقوم المسعف بتقيده بيده من الخلف و يعصر على بطنه لإخراج الجسم الغريب. بالنسبة للكبار يتم عم نفس الخطوات للأطفال فوق سن السنة. أما بالنسبة للحامل إذا لم تسطع أن تكح تميل للأمام و تضرب في الظهر دون الضغط على البطن و إذا لم ينفع ذلك يلف المسعف يديه حولها من الخلف لكن على الصدر و ليس البطن . إذا إختنق الإنسان لوحده و لم يجد من يسعفه عليه أن يميل ببطنه على ظهر الكرسي مع ضغط بطنه على الكرسي . إرشادات عامة :- يوضع المختنق في مكان جيد التهوية . طلب المساعدة فوراً إذا فقد المختنق الوعي يتم عمل الإنعاش القلبي الرئوي له مع محاولة نقله لأقرب وحدة صحية

يعني شنو كسر ؟ الكسر دا حاجة بتحصل لما تقع قوة شديدة على العظام مثلا لو وقعت او لو حصل حادث عربية لا سمح الله . عرفنا الكسر هو شنو؟ نجي نعرف انواعو..اي عندو أنواع عشان نعرف نسعف كل نوع لازم نعرفهم ..هم كلهم اتنين 💭 كسر مغلق بسموه كسر العظام الذي لا يُحدث تهتك بالجلد .. يعني شنو؟؟ يعني الجلد ما بتقطع والعظمة ما بتبرز برا ...وغالبا النوع دا عايز معرفة عشان نعرف انو دا كسر ولا التواء ولا مجرد كدمة ..ليه قلت غالباً؟؟ لانو مرات بكون صح ما اتقطع الجلد والعظم ما ظهر لكن بيكون واضح انو كسر . 💭كسر مركّب [مفتوح] يلا دا اكتر خطورة من الأول لانو دا الجلد بتهتك (ينقطع) وبيكون في نزيف . نتكلم عن بعض الأعراض الي ممكن نلاحظها (دا طبعا فحالة كان الكسر مغلق لانو المفتوح دا بنعرفو بدون مجهود مننا) ..الأعراض دي طبعا بتختلف حسب المنطقة المصابة وشدتها وحسب العظم المصاب وحسب عوامل تانية كتيرة ..لكن نحنا حنذكر الأعراض الي غالبا حنلقاها يعني الحاجة الشائعة : 🔹ألم شديد وتورم وكدمات . 🔹الجلد بيتغير لونو حول المنطقة المصابة (في صورة كدمة) . 🔹انحناء بالمنطقة المصابة.. نتيجة للكسر حيكون في انحناء ما طبيعي . 🔹ما حيكون في مقدرة لتحريك المنطقة المصابة (المكسورة) . 🔹وطبعاً زي ما قلنا لو الكسر كان مفتوح ف حيكون في نزيف عشان الجلد اتقطع . 🔺لو الكسر كان لعظام كبيرة زي عظمة الفخذ او عظمة الحوض ف حيكون في أعراض تانية زي شحوب الجلد عموما وشعور بالغثيان وممكن إغماء 💢كيف نسعف الشخص في حالة الكسر ؟! ▫️عرفنا انو دا كسر؟ نعمل شنو؟؟ اول شي لو كان كسر مفتوح أول حاجة حنعملها هي انو نوقف النزيف زي ما اتعلمنا قبل كدا ..هي انو نضغط عالجرح باستخدام ضمادة معقمة أو قطعة قماش نظيفة . 🛑انتبهو ما تضغطو شديد عشان ما تزيدو الطين بلة . ▫️أوعى نحرك المنطقة المصابة بالذات لو كان الكسر فالرقبة او العمود الفقري لانو تحريكنا ليها دا ممكن يعمل مضاعفات شديدة في حالات بتصل للشلل وفي حالات بتصل للموت عديل ..ف لازم نكون حذرين فالتعامل. ▫️نبرد المنطقة المصابة كيف؟ نجيب تلج ونختو فقطعة قماش ..ركزو فقطعة قماش ..التلج ما يلمس الجلد مباشر ..بعد نختو فقماش نختو عالمنطقة المصابة عشان نقلل التورم والألم . ▫️طيب المريض بدا يحس بالدوخة او اغمي عليه ، او كان بتنفس انفاس قصيرة سريعة؟؟ نختو فوضع مناسب كيف؟ راسو يكون اسفل من الجذع قليلاً ما تقومو تجدو راسو ل تحت وتقولو كدا بتسعفوه (بالمناسبة لو الكسر فالرقبة او العمود الفقري ف يفضل ما تهبشوه اساسا وطوالي تطلبو الإسعاف عشان ما تودوه فخبر كان) ..اذا قدرنا كمان نرفع رجليه برضو حبة ما شديد ليه نعمل دا كلو؟؟ عشان نتغلب على أعراض الصدمة . ▫️واكيد ما ننسى طلب الاسعاف دا بيكون قبل تبدأ تتدخل زاتو عشان الاسعاف بياخد زمن لحدي يجي وانت وقتها تسعف الزول متى ما وصلو انت تنسحب وتخليهم كيف نحمي نفسنا من الكسر ؟! طبعاً الكلام دا بمبدأ الوقاية خير من العلاج مع الأخذ بالاعتبار انو دي أقدار مسطرة ولكن دا مجرد أخذ بالأسباب حنقسم الجزء دا ل اتنين كيف نحمي نفسنا ك ناس كبار وكيف نحمي الأطفال للكبار (ودا بيشمل كبار السن) : 🔹نعمل متابعات دورية ونقييم حالة الشخص وعوامل الخطورة الي ممكن تتسبب في انو يتعرض للسقوط . 🔹نفحص العظام عشان نقييم الإصابة بهشاشة العظام او قلة كثافة العظام ..بالذات للمرأة بعد انقطاع الطمث عند عمر ٦٠ سنة . 🔹نحافظ عالنشاط البدني عشان نقوي عضلات القدم ونحسن توازن الجسم . 🔹النقطة دي غريبة شوية بس برضو ليها أهميتها ..نعمل فحص سنوي للعين حتى لو ما بتلبس نظارة ليه؟؟ عشان نقييم قوة النظر ولو انت بتلبس نظارات ف عشان تجدد مقاسات النظر والنظارات . 🔹نحاول نخلي بيئة البيت آمنة اكتر عشان ما تحصل حالات سقوط كتير كيف نعمل كدا؟؟ نعمل كدا ب انو نخلي في مساحات فاضية من العفش عشان الزول زاتو ما يتعتر وتكون الاضاءة كويسة في كل البيت برضو عشان ما تتعترو . للأطفال : 🔹نحافظ على اللعب بصورة آمنة ونتأكد من انو الأماكن الي بيلعبو فيها دي آمنة لانو السقوط أثناء اللعب دي من اكتر الاسباب لكسور الأطفال ...طبعا ي اخوانا نحنا كمان ما نضيق عالأطفال ..طيب كيف نحميهم؟؟ نحاول نوعيهم انو لو لعبو بصورة خطرة حيحصل ليهم شنو ومقدار الألم الممكن يحسو بيه . 🔹نحرص على أمان الأطفال ديل جوة البيت ..لو في سلم نعاين ليهم لما يركبو وينزلو ونراقبو في الاماكن الي بتحتمل انو يقع فيها . 🔹نتأكد انو لو بيقوم ب نشاط بدني يقوم بيهو ب امان ..كيف؟ انو يلبس ملابس واقية زي الخوذة وواقي الركبة والمرفق وغيرها.

💢نتجنب الحاجات الي حذكرها دي : 🚫نتجنب انو نشيل الهدوم المحترقة العالقة على الجلد 🚫نتجنب انو نغطي الحرق بضمادة لاصقة ( لانو كدا الدكتور لما يجي يشيلها حيشي لمعاه طبقة من الجلد الي حيلتصق في الضمادة ودا بيسبب الم للمصاب كما بيأخر عملية الالتئام للجرح ) 🚫اوعى نخت المناطق المصابة بالحروق الكبيرة في موية باردة عشان المصاب ما تحصل ليهو صدمة 🚫طبعا خلاص عرفنا انو التلج على المنطقة مباشرة ممنوع وكذلك عرفنا ما نخت معجون اسنان او غيرو على الحرق وكمان ما نلمس الفقاعات النتجت من الحريق 🚫اوعى تخت قطن رقيق على المنطقة المصابة لانو ممكن يهيج الجلد وتخشو فدوامة تانية .. 🗯️نجي لأخر نوع من الحروق ..حروق الدرجة الثالثة : زي ما عرفنا ف دي تعتبر اخطر الحروق ..طيب حنتصرف كيف ؟؟ ▫️اتاكد من العلامات الحيوية للمصاب زي التنفس مثلاً ▫️احمي الشخص المصاب من الضرر وذلك بابعاده عن المواد المشتعلة أو الدخان أو مصادر الحرارة ▫️ارفع المنطقة المصابة فوق مستوى القلب إذا كان ذلك ممكناً ▫️تغطية منطقة الحرق بإستخدام ضمادة رطبة أو قطعة نظيفة باردة .. 🚫اوعى زي ما قلنا نشيل الملابس المحترقة العالقة على الجلد وكمان 🚫اوعى نخت المناطق المصابة في الماء البارد عشان المصاب ما تحدث ليهو صدمة ..ما نغطي الحرق بضمادة لاصقة ..عدم استخدام معجون الاسنان او غيره ..واخيراً ما نخت القطن على المنطقة المصابة عشان ما تتهيج المنطقة

💢تعريف الحرق : هو تلف في الأنسجة ناتج عن تعرض الجلد الى الحرق بإحدى مسببات الحروق . 💢ما هي مسببات الحروق ؟ الماء الساخن أو الاجسام الساخنة النار المواد الكيميائية الكهرباء التعرض المفرط لأشعة الشمس 💢يلا نحنا عشان نسعف المصاب لازم بالاول نحدد نوع الحرق الي اتصابو بمصطلحات تانية نحدد درجة الحرق ...تعالو نعرف أنواع الحروق ..... 💢ما هي أنواع الحروق ؟ يتم تصنيف الحروق على درجات حسب سمك الجلد المحروق . ومن الممكن ان يتغير تصنيف الحرق خلال الأيام القليلة الأولى يعني انو الحرق ممكن فالبداية يكون سطحي بعدين مع الوقت بيبقى أعمق . النوع الأول : حروق الدرجة الأولى "حروق الجلد السطحية " (الخفيفة ) دي بتشمل حروق الجلد السطحية يعني شنو سطحية ؟ يعني الطبقة العُليا من الجلد بس ، طيب نعرفها كيف ؟ .... بتكون مؤلمة وجافة وحمراء ، وبتتحول للون الأبيض لما نضغط عليها بتتعافى خلال كم كدا تقريباً ؟؟ غالباً النوع دا من الحروق بيلتئم في فترة زي تلاتة او ستة أيام كدا . طيب مثال ؟؟ عندكم زي حروق الشمس االي ما بتطلع فقاعات النوع التاني من الحروق : حروق الدرجة الثانية "حروق الجلد ذات السماكة الجزئية " دي بتشمل الطبقتين العلويتين من الجلد . نعرفها كيف ؟ مؤلمة لما تتعرض للهواء ،لونها أحمر ، بالعادة بتشكل فقاعات وبتتحول المنطقة المحروقة للون الأبيض لما نضغط عليها .. بتاخد كم من الزمن عشان تتعافى ؟؟ زي 7 يوم او 21 يوم بالكتير .. يلا النوع الأخير : حروق الدرجة الثالثة (حروق بسمك كامل) : دا يعتبر أخطر أنواع الحروق دي بتمتد عبر جميع طبقات الجلد وصولاً للدهون وفي بعض الحالات حتى العضلات بتتأثر ...ودا بيؤدي لتدمير طبقات الجلد دي وزي ما عارفين الخلايا الحسية موجودة فالجلد ف بما انو الجلد اتحرق كلو يبقى الزول دا ما حيحس بالألم في المنطقة المحروقة ..بتكون بيضاء شمعية الى رمادية اللون أو سوداء متفحمة . تكون البشرة جافة وما بتتحول للون الأبيض لما نلمسها ..النوع دا من الحروق لا يمكن تلتئم بدون تدخل جراحي واكيد حتخلف ندبة شديدة . 💢طيب بعد ما عرفنا أنواع الحروق نجي نعرف حنعمل شنو عشان نسعف الزول القدامنا دا ؟ 💢طبعا كل درجة حرق ليها إسعافاتها الخاصة ! 🗯️حروق الدرجة الأولى : ▫️أول شي نعملو هو انو نبرد الحرق عشان نهدئ الألم ..طيب نبرد الحرق كيف؟؟ نضع المنطقة المحترقة تحت الماء الجاري المعتدل البرودة (ركزو معاي انو ما موية باردة بل معتدلة يعني موية الماسورة بتكفي) نخلي الحرق تحت الماء الجاري لمدة 10 او 15 دقيقة . ▫️تاني حاجة لو في اكسسوارات مثلا خاتم او اسورة او ساعة أو حزام أو لو الحرق فالقدم نخلع الحذاء أو أي ملابس (الحاجة الي فالمنطقة المحروقة ) نزيلها برفق وبسرعة قبل أن تتضخم المنطقة المحروقة . ▫️تالت حاجة نغطي منطقة الحرق باستخدام ضمادة رطبة أو قطعة قماش نظيفة باردة عشان نقلل من خطر العدوى . ▫️اخر حاجة تاخد مسكن اذا اضطريت عشان يخفف الألم وطبعا اذا كانت الحروق شديدة وممتدة لمساحات واسعة طوالي نطلب المساعدة ..كذلك لو لاحظنا علامات العدوى زي زيادة الألم واحمرار وتورم برضو نرجع للدكتور . 💢طيب حلو عرفنا حنعمل شنو ..يلا نعرف الحاجات الي ما مفروض نعملها بلهجة تانية نتجنبها ! 🚫اوعى تلمس الفقاعات الناتجة من الحرق 🚫اوعى من فلاحة السودانيين البقولو ليك معجون أسنان ..برضو ما تختم أي مرهم أو تخت زبدة او حاجة مدهنة او غيرها من العلاجات على الحرق (تستخدمهم بوصفة طبية وارشاد طبيب) 🚫اوعى تخت التلج🧊 مباشرة على المنطقة المصابة بالحروق لحدي هنا دا كل شي بخص حروق الدرجة الأولى . 🗯️طيب نشوف اسعافات حروق الدرجة الثانية: ▫️اول شي واهم شي حماية الشخص المصاب من الضرر ▫️ثاني شي زي ما قلنا نزيل المجوهرات والاحزمة وغيرها ▫️ثالث شي ناخد مسكن الألم اذا لزم الامر ودا بس للتخفيف من الألم ▫️رابع حاجة منطقة الحرق الي ما فيها فقاعات نغطيها ب ضمادة رطبة او قطعة قماش نظيفة باردة ▫️اخر شي لو كانت المنطقة فيها فقاعات مفتوحة نغطي المنطقة بضمادة جافة ومعقمة ..أما طبعا لو الفقاعات ما مفتوحة ما نهبشها أصلاً

⚪قبل نعمل أي شي نغسل اليدين كويس بالموية والصابون قبل نلمس الجرح (سواء جرحك او جرح زول انت بتساعدو) وانت بتساعدو بعد غسلت يدك ما تلمس الجرح بالأصابع وانت بتعالجو ...طيب حتعالجو كيف؟؟ البس قفازات مطاطية وتعال ساعد (بعد تخلص اتذكر ترميها ) طيب انا غسلت يدي ! معلش انت غسلت يدك صح بس برضو ما مفروض تلمس الجرح بيدك بدون قفاز عشان كدا بتعرض نفسك للخطر . ⚪لو كان في مجوهرات او غيرو ف شيلوها ⚪اضغطو مباشر على الجرح عشان توقفو النزيف ، ما تربطو اي مكان حول الجرح لانو كدا حتضرو الأنسجة . ⚪بعد النزيف يقيف نبدأ ننظف الجرح برفق ..كيف؟ لو عندك مسحات معقمة البتكون في صندوق الاسعافات استخدمها لو ماف استخدم محلول ملحي لو ماف ممكن ننظف بموية الصحة ⚪افحصو الجرح لو في تراب او حجر او قزاز او جسم غريب شيلوه . ⚪ننظف حول الجرح بالموية والصابون بالراحة عشان ما تاني يقوم ينزف . ⚪نغطي الجرح بضمادة نظيفة معقمة، لكن لو الجرح كان ملوث ..ويت كيف ملوث ونحنا نضفنا؟؟ عارفة ...ملوث يعني كان بسبب عض عضة كلب او غيرو او كان بسبب ابرة ملوثة ف هنا نخليه مفتوح ما نغطيه بضمادة ونمشي بيه لأقرب طوارئ. ⚪تناول المسكنات لتسكين الألم اذا اتطلب الامر ونغيير الضمادة كل ٢٤ ساعة 🔴متين مفروض نمشي الدكتور ؟؟ 💢لو الجرح جواه جسم غريب (خشب او معدن او قزاز او اي شي تاني ) لانو ممكن يكون في اجزاء اصغر انت ما بتكون شفتها . 💢الجرح لو كان بسبب عضة حيوان او بسبب وخزة إبرة ملوثة ف برضو نمشي للدكتور 💢لو حصلت عدوى للجرح كمان نمشي للدكتور ...وكيف نعرف انو اصيب ب عدوى؟ اعراضها الم شديد او تورم الجرح ولونو يبقى احمر او يكون في صديد او تجيه حمى . ممكن تكون عدوى في الدم ..طيب دي نعرفها كيف؟؟ علاماتها انو يكون في ضيق تنفس او ضربات القلب تزيد او جسمو حرارتو ترتفع او الرعشة او التعرق او الألم الشديد ⭕️وطبعا أخيراً وأهم شي لو ما قدرنا نوقف النزيف

⭕الجرح وهو تفرق اتصال انسجة الجسم نتيجة العنف الواقع عليه أنواع الجروح ⛔جرح التسلخ:- يحدث عندها يخدش الجسم مع سطح صلب عادة لا يكون هناك الكثير من النزيف ⛔جرح الممزق :- هو قطع عميق او تمزق في البشر تنتج عن الحوادث المرتبطة بالادوات مثل السكاكين ويمكن ان يكون النزيف سريعا ⛔جرح الوخزي :- وهو جرح ينتج عن إصابة الجسم بآلة طويلة مدببة مثلا المسمار وقد لا ينزف كثيرا ⛔جرح القطعي :- هو عبارة عن تمزق جزئي او كامل للجلد والانسجة تحته وعادة ما يحدث نتيجة للحوادث العنيفة

_مقدمة عن الاسعافات الأولية. _أهمية الاسعافات الأولية. _تعريف المُسعِف. _صفات المُسعِف. _واجبات المُسعِف. _الإسعافات الأولية في إصابة الحروب. •إصابات الرصاص الحي. •الجروح. •الحروق. #ملائكة_الرحمة #FMSGmedx