NamTSI NEWS | RASMIY KANAL

Namangan to‘qimachilik sanoati instituti Turkiyaning TOP 300 talikka kirgan Gazi universiteti bilan hamkorlik qiladi Avval xabar berganimizdek, viloyat hokimi boshchiligida delegatsiya Turkiya davlatining qator shaharlarida hamkorlik borasida rasmiy tashrif bilan bo‘lib turibdi. Ushbu delegatsiya tarkibida institut rektori, t.f.d., prof. Qurbonali Xoliqov ham bo‘lib, Turkiyadagi qator OTM va ishlab chiqarish korxonalari bilan hamkorlik borasida kelishuvlarga erishmoqda. Institut rektorining 11-iyuldagi navbatdagi tashrifi Anqara shahridagi Gazi universiteti bo‘ldi. Universitet rektori, prof. Doktor Musa Yildiz boshchiligidagi rahbariyat bilan samimiy uchrashuvda tomonlar o‘zlarining oliy ta’lim maskanlari to‘g‘risidagi ma’lumotlar bilan o‘rtoqlashdilar. Uchrashuv yakuniga ko‘ra, ikki oliy ta’lim muassasalari o‘rtasida o‘quv, ilmiy, ma’naviy  va ilg‘or muhandis kadrlar tayyorlash, buning uchun, talabalar akademik almashinuvi, professor-o‘qituvchilar stajirovkasi hamda malaka oshirish, shuningdek, to‘qimachilik texnoparki faoliyatida hamkorlik borasida Anglashuv Memorandumi imzolandi. Unga ko‘ra, kelishuvni samarali yo‘lga qo‘yish uchun shu yilning o‘zida magistrantlar va doktorantlar tadqiqotlari bo‘yicha dastlabki ishlarni boshlash borasida fikr almashildi. Tashrif davom etmoqda. Bizning ijtimoiy tarmoqlardagi rasmiy sahifalarimiz👇 Telegram | Fecebook | Instagram | Youtube

Namangan to‘qimachilik sanoati instituti Turkiyaning TOP 300 talikka kirgan Gazi universiteti bilan hamkorlik qiladi Avval xabar berganimizdek, viloyat hokimi boshchiligida delegatsiya Turkiya davlatining qator shaharlarida hamkorlik borasida rasmiy tashrif bilan bo‘lib turibdi. Ushbu delegatsiya tarkibida institut rektori, t.f.d., prof. Qurbonali Xoliqov ham bo‘lib, Turkiyadagi qator OTM va ishlab chiqarish korxonalari bilan hamkorlik borasida kelishuvlarga erishmoqda. Institut rektorining 11-iyuldagi navbatdagi tashrifi Anqara shahridagi Gazi universiteti bo‘ldi. Universitet rektori, prof. Doktor Musa Yildiz boshchiligidagi rahbariyat bilan samimiy uchrashuvda tomonlar o‘zlarining oliy ta’lim maskanlari to‘g‘risidagi ma’lumotlar bilan o‘rtoqlashdilar. Uchrashuv yakuniga ko‘ra, ikki oliy ta’lim muassasalari o‘rtasida o‘quv, ilmiy, ma’naviy  va ilg‘or muhandis kadrlar tayyorlash, buning uchun, talabalar akademik almashinuvi, professor-o‘qituvchilar stajirovkasi hamda malaka oshirish, shuningdek, to‘qimachilik texnoparki faoliyatida hamkorlik borasida Anglashuv Memorandumi imzolandi. Unga ko‘ra, kelishuvni samarali yo‘lga qo‘yish uchun shu yilning o‘zida magistrantlar va doktorantlar tadqiqotlari bo‘yicha dastlabki ishlarni boshlash borasida fikr almashildi. Tashrif davom etmoqda.

# OAV biz haqimizda

# OAV biz haqimizda

#халқаро_ҳамкорлик Наманган вилояти делегацияси Туркияда “Албайрак Ҳолдинг” компанияси раҳбарлари билан учрашди

“Албайрак Ҳолдинг” 1952 йилда ташкил этилган ва қурилиш, логистика, оммавий ахборот воситалари ҳамда энергетика каби турли бизнес соҳаларида фаолият юритувчи йирик турк конгломератидир. Хусусан, турар-жой, тижорат ва инфратузилма лойиҳаларини қуриш билан шуғулланади. Компания портларни, темир йўл терминалларини бошқаради ва логистика хизматларини кўрсатади. Шунингдек, бир нечта медиа компанияларига, жумладан, газета ва телеканалларга эгалик қилади.

Наманган вилояти ҳокими Шавкатжон Абдураззоқов бошчилигидаги делегация  Albayrak Holding  компанияси бошқарув кенгаши аъзоси Mesut Albayrak ҳамда компания бошқарувчилари билан учрашув ва музокаралар ўтказди. Таъкидлаш жоиз, бугунги кунда Albayrak компанияси томонидан Наманган вилоятида бир катор лойиҳалар амалга ошириб келинмоқда. Учрашувда ушбу лойиҳаларнинг жорий ҳолати, қурилиш, туризм, меҳмонхона бизнеси йўналишларида янги лойиҳаларни амалга ошириш бўйича музокаралар ўтказилди. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube

#халқаро_ҳамкорлик MÜSİAD мутасаддилари билан учрашув: Туркиядаги ҳамкорлар сафи кенгаймоқда Наманган вилояти ҳокими Шавкатжон Абдураззоқов бошчилигидаги делегация Туркияда йирик ишбилармонлар билан учрашувларни давом эттирмоқда. Бугунги тадбирлар доирасида  навбатдаги манзил MÜSİAD уюшмаси бўлди.

MÜSİAD (Müstakil Sanayici ve İşadamları Derneği) бу нафақат Истанбулдаги, балки бутун Туркиядаги мустақил ишлаб чиқарувчи ва тадбиркорларни бирлаштирадиган уюшма ҳисобланади. У саноатни ривожлантириш, тадбиркорларни қўллаб-қувватлаш, қулай ишбилармонлик муҳитини яратишга интилади ва масалаларни муҳокама қилишда фаол иштирок этади. Ассоциация, шунингдек, инвестициялар ва стартапларни қўллаб-қувватлайди.

Наманган вилояти ҳокими Шавкатжон Абдураззоқов ҳамда Musiad халқаро алоқалар комиссияси раиси Фаҳреттин Ойлум ўртасидаги учрашув икки томонлама алоқаларни мустаҳкамлаш ва кенгайтиришда муҳим аҳамият касб этди. Учрашувда дастлаб Наманган вилояти имкониятлари, инвестицион ва туризм салоҳияти тўғрисида таништирилиб, амалга оширилаётган ишлар ва режалар билан ўртоқлашилди. Musiad уюшмаси раҳбари ҳам ўз навбатида уюшма тўғрисида маълумот бериб, Наманган вилоятига турк компанияларининг қизиқиши жуда юқорилигини таъкидлади.Айниқса,  текстиль, қурилиш ва туризм йўналишларида ҳамкорлик қилишга тайёр эканликларини билдирди. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube

#халқаро_ҳамкорлик MÜSİAD билан бизнес форум ўтказилди Наманган вилояти ҳокими Шавкатжон Абдураззоқов ҳамда Musiad халқаро алоқалар комиссияси раиси Фаҳреттин Ойлум учрашувидан сўнг бугуннинг ўзида бизнес форум ҳам бўлиб ўтди. Форумда Наманган вилояти ҳокими Шавкатжон Абдураззоқов нутқ сўзлаб, Наманган вилоятининг ижтимоий-иқтисодий салоҳияти, инвестицион муҳит, махсус саноат зоналари тўғрисида батафсил маълумот берди.

Шунингдек, Наманган вилоятининг инвестицион имкониятлари ҳамда 63-халқаро "Гуллар фестивали"  тўғрисидаги видеороликлар намойиш этилди.

Ўз навбатида Musiad раҳбарияти Уюшма сектор ва компаниялар раҳбарларидан иборат Ишчи гуруҳини мавжуд  шарт-шароитлар ва тармоқлар билан танишиш ҳамда янги инвестициявий лойиҳа- таклифларни ўрганиш мақсадида жорий йил июль-август ойларида  Наманган вилоятига юборилишини таъкидлади. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube

#халқаро_ҳамкорлик Наманган вилояти делегацияси Туркияга сафарининг 3-кунида Денизли вилоятида бўлиб турибди.

Денизли - Туркиянинг жануби-ғарбий қисмидаги вилоят. Ер майдони 11 716 квадрат километр. Аҳолиси 1,06 миллион киши (2023 й.). Ҳудуд текстил, тўқимачилик ва гилам тўқиш саноати билан машҳур. Шунингдек, иқтисодиётида туризм муҳим рол ўйнайди. ЯИМ 10 млрд. АҚШ долларига тенг. Йиллик экспорти 4,7 млрд. доллардан ортиқ. 19 та шаҳар ва туманлардан таркиб топган.

Бугун Наманган вилояти ҳокими Шавкатжон Абдураззоқов Денизли вилояти ҳокими Ўмер Фаруқ Чошқун билан учрашди. Ўзаро мулоқотда икки вилоят ўртасида мустаҳкам алоқа ўрнатиш, туризм, текстиль саноати йўналишларида ҳамкорликни йўлга қўйиш борасида фикр алмашилди. Шундан сўнг Наманган вилояти ҳокими Шавкатжон Абдураззоқовнинг Денизли шаҳар ҳокими - Бюлент Нури Чавушоглу билан учрашуви бўлиб ўтди. Делегациямизнинг иш фаолияти давом этмоқда. Бу ҳақда яна хабар берамиз. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube

#халқаро_ҳамкорлик Туркиянинг Денизли Савдо-саноат палатасида “Наманган-Денизли” бизнес форуми бўлиб ўтди

Денизли Савдо-саноат Палатаси 20 мингга яқин аъзолар, 100 га яқин кичик касб-ҳунар бўлимига эга. Палата тадбиркорлик соҳасида мунтазам равишда маълумот тўплаш ва ечимлар яратишга ҳаракат қилмоқда. Шу нуқтаи назардан, у бизнес олами билан давлат бошқаруви ёки бошқа нодавлат ташкилотлар ўртасидаги муносабатларни тартибга солувчи институтдир.

Наманган вилояти ҳокими Шавкатжон Абдураззоқов ҳамда Денизли вилояти Савдо-саноат Палатаси бошқарув кенгаши раиси Уйғур Эрдоған иштирокида бизнес форум ўтказилди. Унда Денизли вилоятида фаолият юритаётган 50 дан ортиқ текстиль, фармацевтика, энергетика, чарм, қурилиш материаллари, электротехника, ипакчилик ва бошқа саноат йўналишларда фаолият кўрсатаётган турк компаниялари ҳамда Наманган вилояти расмий делегацияси қатнашди. Форумда Наманган вилояти ҳокими Шавкатжон Абдураззоқов нутқ сўзлаб, Наманган вилоятининг иқтисодий салоҳияти, инвестицион муҳит ҳақида батафсил маълумот берди. Шунингдек, Наманган вилоятининг инвестициявий имкониятлари ҳамда 63-халқаро "Гуллар фестивали" тўғрисидаги видеороликлар намойиш этилди. Форумда Денизли шаҳри маъмурияти ва мутасадди раҳбарлар қатнашдилар. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube

#халқаро_ҳамкорлик Туркия сафарининг 4-куни: Наманган вилояти делегацияси Афёнкараҳисарда!

Афёнкараҳисар - Туркиянинг ғарбий қисмидаги шаҳар. Афёнкараҳисар вилояти ва Афёнкараҳисар туманининг маъмурий маркази ҳисобланади. Ғарбий Туркияда темир йўл, автомагистрал ва ҳаво алоқаларининг муҳим маркази, айниқса, қишлоқ хўжалигида етакчи вилоятлардан бири. Туркияда иссиқ булоқлар ва курортларнинг пойтахти сифатида ажралиб туради.

Наманган вилояти ҳокими Шавкатжон Абдураззоқов бошчилигидаги делегация дастлаб Афюнкараҳисар вилояти ҳокими Кюбра Гюран Йигитбаши хоним билан учрашув ўтказди. Ўзаро мулоқотда ҳудудлараро алоқаларни йўлга қўйиш, бунда икки томон ишбилармонлари ўртасидаги ҳамкорликни мустаҳкамлаш юзасидан фикр-мулоҳазалар алмашилди.   Шундан сўнг Афюнкараҳисар шаҳри ҳокими Буржу Кўксал хоним билан учрашув бўлиб ўтди. Мулоқотда туризм, айниқса, Наманган вилоятининг Чортоқ туманини йирик термал туризм марказига айлантириш, давлат ва хусусий тиббиёт муассасалари ва санаторияларда хизмат кўрсатиш сифатини ошириш ҳамда тажриба алмашиш тизимини жорий қилиш масалаларига эътибор қаратилди. Таъкидлаш жоиз, ҳар икки учрашув кўтаринки кайфиятда, дўстона ва самимий руҳда кечди.  Делегациямиз сафари тафсилотлари ҳақида яна хабар берамиз. Наманган вилояти ҳокимлиги Ахборот хизмати. Sayt | Telegram | Instagram | Facebook |Twitter | YouTube