ربنا مفيش احن منه ❤️

من أجمل القصص الملهمة في حياة النبي واللي بتخليني دايماً عندى أمل في بكرة ويقين في ربنا .. هي نزول سورة الضحى بعد ما الوحى إنقطع عن النبي فتره .. و المشركين فضلوا يقولوا " قلاك ربك " يعني إلهك سابك يا محمد .. وقتها النبي كان حزين ولكن فجأه و بدون أي مقدمات نزلت سورة الضحى وما أجملها من مواساه ربانيه في الآيه اللي ربنا قال فيها " مَا وَدَّعَكَ رَبُّكَ وَمَا قَلَىٰ " .. مش بس كدة لا ربنا قاله كمان " وَلَسَوْفَ يُعْطِيكَ رَبُّكَ فَتَرْضَىٰ" عشان كلنا نعرف ان انقطاع الخير لبعض الوقت هو مجرد تهيئة لفيضان خير جديد .. وان خزائن الله لا تنفذ و كرمه ملوش حدود رغم أنف كل واحد شمتان فيك أو منتظر انك متنجحش في حياتك ❤️..صلوا عليه وسلموا تسليما

خلي عندك يقين إن لسه ف خير متشال ليك، لسه ف لحظات حلوة هتعيشها، وأيام هتبكي فيها من كرم ربنا ومن شدة الفرح، حتى لو إنت حاليًا بتعيش أيام صعبة فمستحيل حياتك هتفضل كدا وإنت مفيش قدامك حاليًا غير الصبر، اصبر وصدقني ربنا هيجبر بخاطرك ويراضيك

عمرك ما هتلاقي أجمل ولا أحسن من اختيارات ربنا لحياتك، كل حاجه بتحصل هتعرف ف الآخر إنها بتصب ف صالحك حتى لو انت مش عارف ومش مدرك ده وقتها، كل الخير والحكمة بجد ف تدابير ربنا. بتفضل تخطط وتندم وتزعل ع حاجات راحت ومجاتش وف لحظه وبأبسط الطرق بتلاقي ربنا بيراضيك من اتجاه تاني خالص! اتأكد إن ربنا مبيأخرش عليك حاجة أو يحرمك من حاجة إلا عشان يهاديك بحاجه أحسن وأكبر بكتير بس الصبر وحسن الظن بالله. ما تحسبهاش.. ربنا دايمًا حساباته أجمل وأنفع ♥️

‏اليقين ده جميل أوي تخيل قاعد مكانك وأنت واثق إن كل حاجة من نصيبك مهيأة ليك مهما ظهرلك عكس كده وهتكون ليك وبين أيديك ف الوقت المناسب و أي حاجة شر ليك ربنا بلطفه و حكمته هيبعدك عنها ويحميك شرورها مهما قلقت وخوفت ! الحمد لله إن لينا رب كبير ولطيف ورحيم 💜