Hend Ahmed

فرصة تدريب صيفي ل Front end Developer

المواقف الصعبة بتعدي و بتبقي ذكري حلوة لما تفتكر صمودك و قوتك وقتها و دعم ربنا ليك و لطفه و كرمه ❤️

و نعم بالله 🤲

لا تقارن بدايتك بموسم حصاد الآخرين 👌

حرفيا اي مهارة جديدة بتتعلمها 👌

هتفضل اعظم انجازاتك و انتصاراتك في الحياة هي محاولاتك المتكررة و الجاهدة للوصول لأفضل نسخة منك .. احلي حاجة فالدنيا انك تكون افضل من نفسك بتاعة امبارح ،، صحيا و علميا و من جميع جوانب حياتك بتحاول دايما تكون شخص افضل مما كنت عليه امس مع الوقت ممكن حياتك كلها تتغير و ال mindset بتاعك يتغير للافضل و تكون فعلا افضل نسخة من نفسك .. و دا بيحصل لما بتركز علي نفسك ،، مش بتقارن نفسك بحد ،، بتتابع تطور نفسك للاحسن يوم بعد يوم و بتفضل تحاول دايما توصل للاحسن ..

دايما اي حاجة بتتعلمها جديد بيكون ليها رهبة و صعوبات و تحديات ، لو رميت نفسك في كل دا و كنت مصمم تكمل ، هتتفاجئ بعد شوية وقت بسيط انها سهلة شوية شوية و مكنتش بالصعوبة المرعبة اوي اللي حسيتها في الاول ، و ان هي بس محتاجة اهتمام ووقت و مجهود و قبل كل دا امتنان لربنا علي الفرصة و التوفيق .. بجد هتحس بكدا ، و دا كرم و فضل من ربنا مش شطارة منك ، عشان كدا دايما بنذكر نفسنا بصدق النية و الاخلاص و حسن التوكل علي الله و الاخذ بالاسباب و بينك و بين نفسك عارف انه ذلك فضل الله يؤتيه من يشاء .. فاللهم انا نسألك التوفيق و السداد ، اللهم دبر لنا حالنا فانا لا نحسن التدبير ، و اللهم لا تكلنا الي انفسنا طرفة عين او اقل من ذلك .. طيب اللي مقدرش يضغط علي نفسه ، اللي مقدرش يكمل بسبب الصعوبات و المعاناة اللي في الاول ، للاسف مش هيعرف دا و مش هيكتشف دا ..و هيعاني جدااا بسبب ضياع الفرصة .. ويمكن معاناه اكبر كمان .. فحاول مرة و اتنين في حاجة جديدة عليك و صعبة في بدايتها قبل ما تقرر تسبها خالص .. اللهم إني أسألُكَ علمًا نافعًا ، ورزقًا طيباً، وعملًا مُتَقَبَّلًا🙏

لو لقيت study partner او رفيق درب لرحلة التعلم يبقي نعمة كبيرة من ربنا بيسهل عليك الطريق و يهونه و يخليه ممتع و متحسش بمشقة الرحلة خصوصا لو كان شاطر و نشيط و طموح و بيشجعك تجرب حاجات جديدة و مبيخافش يتعلم حاجة صعبة بس لو ملقتوش متستناش كتير ابدأ و استمر و هتقابله في يوم في الطريق ... متستناش حد يشجعك ، خليك انت الشخص دا لنفسك 👏