Patho DR.EMAN 3rd Year

ازيكم يا ولاد يارب تكونو بخير معلش في حد منكم سباح وبيدخل بطولات محتاجه استفسار عن حاجه ضروري لو منكم حد كده يبعت لي برايفت وشكرا مقدما

عاملين ايه رئيسة القسم طالبت الورقه دي توصل للدفعه كلها هستأذنكم محدش يبعتلي يسألني عن مواعيد المواعيد عند السكرتيرة أو شؤون الطلبه و كمان بعتذر عن الرد عن أي سؤال بخصوص امتحان النظري لانه فات ومش هنضيع وقت فحاجه فاتت اي سؤال فالعملي ابعتو اي وقت

خلي بالكم برده أن الmorphology بيجي عادي فالامتحان خصوصا الحاجات اللي مدرسناهاش فالعملي زي ulcerative colitis and chron's morphology

النهارده وانتو بتراجعو اهتمو كويس بالعناوين اي حاجه فيها نقط زي Complications,risk factors واهتمو بكل definitions اللي فالكتاب واي جدول مقارنه مهم جدا احنا بنحل الاسئله كالاتي 🤍 Enumeration يعني عناوين فقط 🤍mention يعني عناوين وجنبها سطر شرح 🤍discuss or give account or discuss pathology of يعني تكتب الموضوع كامل 🤍 Morphology يعني gross and microscopy 🤍compare يعني جدول ❤️❤️ناخد بالنا نحل ال case (لو جت اصلا)زي الطريقه اللي بعتهالكم في فايلات ال cases اللي هو بنعمل draft من 3 عواميد عشان مننساش اي تفصيله فال case واي كلمه فال case من سن أو هيستوري أو investigation بتبقي مهمه و بتساعدنا فالحل عموما ال case لو جت يعني بتبقي حلها من نفس مذاكرتنا للنظري مش محتاجه مذاكره جديده مش متضيعوش وقت لها مخصوص النهارده 🤍واحنا بنذاكر برده فالشباتر الاخيره اللي انتو مذاكرتوهاش كويس اللي هي بعد bone خدو بالكم من thyroid ,diabetes,classification of CNS tumors Enumeration ofperiphral nerve sheath tumors Complications of CNS tumors Stroke and cerebrovascular diseases CNS infections are v.imp Lymphadenopathy Classifications of Hodgkin's lymphoma وجدول المقارنه Causes of splenomegaly Complications of plasma cell myeloma يعني دي اشهر الاسئله اللي ممكن تيجي فالشباتر دي وممكن يجي غيرها عادي بس دول اهم حاجه لو حد مش لاقي وقت

سلام عليكم ورحمه الله وبركاته عاملين ايه ❤️ ربنا يوفقكم والنهارده يعدي علي خير 🙏 بكره باذن الله هنراجع العملي كامل الساعه ٢ بعد الامتحان مدرج ٤ اي حد عنده مشكله فالعملي أو مش عارف يلمه في وقت بسيط اللي قبل الامتحان يجي يحضر و أما يروح يراجع مره كمان و كده هيكون كافي باذن الله

عاملين ايه خدو النهارده اجازة متذاكروش خالص حتي لو وراكم حاجات كتير لسه عايزه تتذاكر و نامو بدري واصحو الصبح من ٧ أو ٨ كده هتحصلو افضل معظمنا النهارده لو قعد قدام الكتاب مش هيحصل حاجه ولا منه ذاكر ولا منه ارتاح

ربنا يوفقكم جميعا يارب و ييسر عليكم كل أمر عسير طمنوني أما تخلصو

السلام عليكم ورحمه الله وبركاته يارب تكونو بخير مع ان مش واضحلي ده من راسايلكم عايزه اقول كام حاجه وبعدها نصائح لبكره ♥️محدش يعتمد علي أننا اكيد هنصعب علي اللي حاطط الامتحان و هو اكيد عارف ظروفنا و هيراعينا والكلام ده خلي دايما اعتمادك علي سعيك وتعبك وتوكلك علي الله وحسن ظنك بيه وقتها والله العظيم ربنا بيسخرلك كل البشر لتيسير امرك فوجه اعتمادك للمكان الصحيح ♥️مش هفكركم كل شويه بتعبكم و غربتكم طوال التيرم وان ده مش ببلاش عند ربنا حتي لو انت شايف أن محصلتك قليله ♥️عادي جدا نكون ناقصنا حاجات كتير مرجعنهاش ده الطبيعي في ليالي امتحانات الكليه يعني مش وضح جديد كل الدفعات في كل الامتحانات بلا استثناء بتبقي مضغوطه وناقصها بلاوي متراجعتش ليلة الامتحان خلي بالك ربنا بيكرمك بمحصلة تعبك مش بس بالكام يوم اللي قبل الامتحان . فهما كنت مخلصتش ربنا هيكرمك ♥️بكره باذن الله محدش يذاكر جديد ومحدش يحل اي حاجه بكره تماما نصيحتي الحاجات اللي انت كويس فيها اقراها قرايه جرايد بعينك سريعا واللي انت مش كويس فيه اسمع فيديو المراجعه بتاعه انا منززلالكم فيديوهات المراجعه في بلاي ليست من فتره وادخل حل باللي انت سمعته وده افضل من انك تعافر في قرايه حاجه انت مش فاهمها السمع بيثبت اكتر ولو كنت اتبعت نظام الريكوردات اللي نصحتكم بيه فاسمعوا ريكورداتكم بكره وانتو بتبصو بعينكم علي المتاب و اقرو important points for mcq ♥️ اللي عنده اي طريقه مذاكره تانيه يعمل اللي يريحه انا بقولكم نصيحتي عن تجربه شخصيه ولن استفاد شئ ولن اخسر شئ لو اتبعتو ده او غيره علما أن قناة اليوتيوب بلا اعلانات أو ربح عشان لو حد لسه بيفكر اني ممكن اكون هستفاد شئ من سمع الفيديوهات اللي بنصح بيها 💜💜احنا معندناش كتاب قسم mcq والكتاب اللي بتقولو بتاع القسم ده بتاع دكتور واحد فقط عشان ده مش كتاب القسم فمحدش يحطه حمل علي نفسه أنه لازم يقرأه و يخلصه 💜💜اسئله mcq والنظري بتيجي نصا من عناوين و جمل كتاب القسم النظري محدش يقلق اعملو اللي تقدرو عليه ونامو قدر كافي عشان تقدرو تفتكرو اللي ذاكرتوه وربنا هيكرمكم وانا واثقة

السلام عليكم ورحمه الله وبركاته ايام ما كنت فالكليه طالبه وأثناء امتحانات الpost graduate اعتدت كل يوم بعد انتهاء المذاكرة علي صلاة ركعتين شكر لله علي اللي خلصته فاليوم سواء كتير أو قليل اعتمادا علي مبدأ(لإن شكرتم لأزيدنكم) كتر ندب الحال بيدخلنا في جحود النعمه دون أن نشعر طالما بتذاكر و تؤدي اللي عليك احمد ربنا علي أنه اعطاك الصحة والمخ لده و ربنا دايما بيزيدك مع الشكر و لكن بشرط أن تكون حسن الظن بالله

ربنا يوفقكم بكره والامتحان يعدي علي خير 🙏💜

سلام عليكم عاملين ايه ❤️ ربنا يوفقكم بكره و تخلصو علي خير 🙏🤍

سلام عليكم ورحمه الله وبركاته عاملين ايه ❤️ كنتو بعتين بتسالو عن اسئله نظري كنت رجعت لرئيسة القسم و قالت مفيش حاجه هتتحدد ولا فيه categories زي السنين اللي فاتت واي حاجه تيجي ريتن عادي فالبتالي مينفعش ابعت اسئلة لان كده هتهتمو بيها دون باقي الكتاب و ممكن حاجه تيجي من اللي مقلتش عليها فهكون كده بأذيكم وانا كده كده فالشرح كنت بأكد علي الاسئلة اللي بتيجي علي كل جزئية