أخت حمزة 🌸

Ramazon kelmoqda va qalb kutmoqda ✨🌸

•Bedana va Bani Isroil Ov qushlari va honaki qushlar 13. Yuzyilda faqat qirollarning taomi deb hisoblanar edi. Ularni oddiy xalq ovlashi va yeyishi taqiqlangan. Unday qilganlar o‘limga mahkum qilinar edilar. Podshohlar dasturxonida albatta bedana go‘shti bo‘lar edi. Bu ma'lumot Ingliz sulolasining eng yorqin davri bo'lgan va 1485-1603 yillar orasida 118 yil davom etgan Tudor sulolasiga tegishli. O‘qib turganingizdek, oldingi zamonlarda bedana go‘shtini faqat qirollar yer edi. Buni hikoyalarda o‘qigan yoki multfilmlarda ham ko‘rgan bo‘lsangiz kerak. Shunday qirollarga xos bo‘lgan go‘shtni Alloh taolo Bani Isroil uchun osmondan yog‘dirib bergan. U Zot Qur'oni karimda aytadi: وَظَلَّلۡنَا عَلَیۡكُمُ ٱلۡغَمَامَ وَأَنزَلۡنَا عَلَیۡكُمُ ٱلۡمَنَّ وَٱلسَّلۡوَىٰۖ كُلُوا۟ مِن طَیِّبَـٰتِ مَا رَزَقۡنَـٰكُمۡۚ وَمَا ظَلَمُونَا وَلَـٰكِن كَانُوۤا۟ أَنفُسَهُمۡ یَظۡلِمُونَ. "Va bulutni ustingizga soyabon qildik va osmondan shirinlik va bedanalar yog‘dirib, «Sizlarga rizq qilib bergan pok narsalardan yenglar», (dedik). (Bani Isroil) Bizga zulm qilmadilar, balki o‘zlariga zulm qilguvchi bo‘ldilar". Alloh taolo Bani Isroilga juda ko‘p ne'mat va mo‘jizalar ato etgan. Ular mo‘jizalarni ko‘zlari bilan ko‘rib shohid bo‘lganlar. Bedananing kichkina tuxumini o‘zida, 25 ga yaqin foydalar bor ekan va go‘shti ham juda foydali ekan. Alloh taolo shunchalar foydali bo‘lgan va oldingi zamonda faqat qirollar taomi bo‘lgan bedanani, Bani Isroilga osmondan yog‘dirib berdi. Ularga qirollarnikidanda yaxshi hayot ato etdi. Lekin shunday qilishiga qaramasdan, ular Alloh taologa osiylik qildilar va kofirlardan bo‘ldilar. Albatta Alloh kofir va zolim qavmni hidoyat qilmas. Shunday qavmlardan qilib qo‘ymagan Allohga hamdlar bo‘lsin. ©uxtu_Hamza

اللهم صل على سيدنا محمد Anas roziyallohu andudan rivoyat qilinadi: Rosululloh sollallohu alayhi va sallam: "Kim menga bir bor salavot aytsa, Alloh unga o‘nta salavot aytadi va o‘nta gunohini o‘chirib, o‘n daraja yuksaltiradi". (Ahmad, Nasoiy, Hokim rivoyati, Sahihul jomiis-sag‘ir 6359) Anas roziyallohu anhudan rivoyat qilinadi: Rosululloh sollallohu alayhi va sallam aytdilar: "Menga juma kuni ko‘p salavot aytinglar, chunki hozirgina menga Jibril kelib, Robbi tarafidan shuni yetkazdiki: "Yer yuzida biron bir musulmon sizga bir marta salavot aytar ekan, Men va maloikalarim unga o‘nta salavot aytamiz". (Tabaroniy rivoyati, Sahihut-Targ‘ib: 1662). Ibn Mas'ud roziyallohu anhudan rivoyat qilinadi: Rosululloh sollallohu alayhi va sallam aytdilar: "qiyomat kuni odamlarning menga eng yaqinroqlari menga ko‘proq salavot aytuvchilaridir". (Termiziy rivoyati, Riyazus-solihin). Ammor ibn Yosir roziyallohu anhumodan rivoyat qilinadi: Rosululloh sollallohu alayhi va sallam aytdilar: "Alloh mening qabrimga bir farishtani vakil qilib, unga haloyiqlaring ismlarini berdi, qiyomatga qadar biron kishi menga salavot aytsa, u menga uning ismi va otasining ismi bilan: "Bu falonchi falonchining o‘g‘li, u sizga salavot aytdi" deb yetkazib turadi. (Bazzor rivoyati: Sahihut-targ‘ib: 1667).

ضَاحِكَةࣱ مُّسۡتَبۡشِرَةࣱ. (Ular qiyomatda) Kulib turuvchi va shod - hurram bo‘ladi. Abasa: 39 Ushbu oyatdagi baxtli insonlardan murod: Allohga va Uning oyatlariga iymon keltirgan, U Zot bergan ne'matlarga shukr qilgan, U harom qilgan ishlardan chetlangan va agar haromni qilib qo‘ygan bo‘lsa ham doimo tavbada bo‘lgan kimsalardir. (Vallohu a'lam). Ular daxshatli qiyomat kunida Alloh taolo ularga ato etgan rahmatidan, ana shunday kulib shod - hurram bo‘lgan holatda bo‘ladilar. Alloh taolo bizlarni ham ana shu bandalari qatorida qilsin. (Amiin)

Sakinat 🌸🌊

Kofir va zolimlarga tegishli narsalarni sotib olib, zulmga sherik bo‘lmang! Birodarlaringizni "o‘limiga" sababchi bo‘lmang!.. (qiyomatda uni hisob-kitobi juda og‘ir bo‘ladi).

Bu insonlarning shunchalik johil bo‘lib ketganlarining sababi, ilmsizlikdan. Vaholanki har bir qadamda ilm izlasa bo‘ladi. Ilm olish juda ham rivojlanib ketgan zamonda yashayabmiz. Oldingi zamondagi insonlar birgina hadis uchun, u davlatdan - bu davlatga borishgandek, bizni ham borishimizga hojat yo‘q. Telefonni o‘zida son-sanog‘i yo‘q darsliklar topsa bo‘ladi. Alloh barchamizga hidoyat bersin.

• Har yil oxiridagi mavzu Har yili mana shu mavzu qaytalanaveradi, zora birorta domla nishonlash mumkin desa deb, qaytadan so‘rashaveradimi bu insonlar bilmayman.. Kofirlar ham yangi yilni nishonlamayotganda, musulmonlar hali ham nishoblab yotishi, ularning qanchalik ongsizlashib ketganini bildiradi. "Payg‘ambarimiz sollallohu alayhi va sallam nishonlamaganlar" degan so‘zni o‘zi, nishonlamaslik uchun kifoya qilishi kerak. Kofirlar bayramini nishonlashingiz bilan, ularning dini rivojlanishiga o‘z hissangizni qo‘shgan bo‘lasiz. Vaholanki, Alloh taolo huzurida "Islom" dinidan boshqa din yo‘q!. Dunyoda qanchadan-qancha musulmonlar zulm ostida bo‘lganda, qanday qilib sizlarga kofirlarning bayramini nishonlash tatiyabdi?.. Birodarlaringiz kechayu-kunduz bombalar ostida bo‘lganda, badaningiz kofirlar bayramini nishonlashni qanday hazm qila olyabdi?! Payg‘ambarimiz sollallohu alayhi va sallam: "Kim o‘zini bir qavmga o‘xshatsa, u o‘shalardandir", deganlar. Kimga ergashib, kimga taqlid qilib yashasangiz, qiyomatda ham o‘shalar bilan birga tirilasiz. Haqiqiy musulmon bo‘lish uchun, til bilan aytishni o‘zi kifoya qilmaydi. Uni badan bilan ham izhor qilish kerak. Musulmonlar bir tanu - bir jon bo‘lishlikka buyurilganlar. Birodari bombalar ostida yotganda, kofirlar bayramini nishonlab yotmasliklari kerak. Salohiddin Ayyubiy rohimahulloh Quddusni fath qilmagunlariga qadar, kulmagan ekanlar. Buni sababini so‘rashganida: birodarlarim zulm ostida bo‘lganda, men qanday qilib kulaman" degan ekanlar. (Vallohu a'lam). Alloh subhanahu va taolo bizlarga ikki go‘zal hayit bayramlarini berib qo‘ygan, boshqa bayramga hojat yo‘q. Dinimizni komil qilib bergan Allohga hamdlar bo‘lsin. ©uxtu_Hamza

Musulmonlar tarafidan ishlangan programma. Telefonimizni kofirlar ishlab chiqqan programmalarga to‘ldirib yuborganmiz. Shunday ekan, birodarlarimiz tarafidan ishlab chiqilgan programmani ham yuklab olib, ularning yuksalishiga yordam berishimiz kerak emasmi?... Bu programma youtube, instagram va facebooklardan ko‘ra ishonchli. Shorts va boshqa videolari ham, islomga tegishli. Vaqtingiz behuda o‘tmasdan, doim foyda olasiz.