Abdulloh Domla Maruzalari

МУҲИМ БИР ФОЙДА Ҳазрат Ашраф Али Таҳонавий айтадилар: «Тоат ва ибодатларнинг асосий фойдаси охират савобидир. Ҳар қандай яхши амални ўз шарти ва одоблари билан адо қилган банда бу фойдага, яъни охират савобига эга бўлиши аниқ. Тоат ва ибодатларнинг яна бир фойдаси шуки, ҳар бир амалда ўзига хос таъсир ва баракотлар бўлиб, улар шу дунёнинг ўзидаёқ зоҳир бўлади. Лекин бу таъсир ва баракотларнинг намоён бўлиши учун шарт шуки, киши амал қилаётган вақтда ўша таъсирларни ҳам ният қилган бўлиши лозим. Умуман олганда, одамлар ўз ибодатлари натижасида мазкур таъсирларни ҳосил қила олмасликларига сабаб шу бўладики, улар ўша таъсирларни ният қилган бўлмайдилар. Масалан, Қуръони Каримда намоз туфайли инсонга гуноҳлардан сақланиш тавфиқи берилади, дейилган: إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ ۗ «Намоз фаҳш ва мункар ишлардан қайтарур». (Анкабут сураси, 45-оят). Лекин намознинг бу таъсир ва хосияти уни ўз шартлари ва одоблари билан адо қилиш билан бирга, «Намозим гуноҳлардан қайтишимга сабаб бўлсин», деб ният қилган қишига ҳосил бўлади». "Мажолиси ҳакимул умма" китобидан. @abdullohdomlatg

не-не қалбга тасалли бўлиб, ўз-ўзингга сўзинг ўтмади

баъзи кечиккан дуолар жаннатдадир

умидсиз бўлма, тур дуо қил, қайси гуноҳинг Аллоҳнинг рахматидан катта?!

бугун Муҳаммад (ﷺ) га айтиладиган саловатлар сонини кўпайтир

энг катта бахтсизлик - ислом билан кериладию, исломга амал қилмайди!

ота-онанг ҳаққига дуо қил, ахир солиҳ/солиҳа фарзандсан-ку!

маҳфий гуноҳлар эмас, маҳфий ибодатлар қил

қўлингдаги матоҳ ҳалокатинг бўлмасин

Аллоҳ сени қулга қул бўлишинг учун яратмаган, қаддингни тик тут