𝑰 𝑬𝒓𝒓𝒐𝒓 𝑫𝒂𝒓𝒌𝑺𝒊𝒅𝒆 𝑹𝒆𝒗𝒊𝒆𝒘

ဒုတိယကမ္ဘာစစ်အကြောင်း ရိုက်ထားတဲ့ Documentary တွေ ရုပ်ရှင်တွေ အများကြီးရှိပေမဲ့ ခုတင်ဆက်ပေးမယ့် ဇာတ်လမ်းတွဲကတော့ အားလုံးနဲ့မတူပဲ ကွဲထွက်နေမှာ သေချာပါတယ်။ ဒါဆို ဘာလို့ကွဲထွက်နေတာလဲ။ အဓိကအချက်ကတော့ တခြား Documentary လိုမျိုး သာမန်သမိုင်းအချက်အလက်တွေကို စာဖတ်ပြသလိုမျိုးမဟုတ်ပဲနဲ့ သမိုင်းနဲ့ လူသားဆန်မှုကို တစ်လှည့်စီဖော်ပြပြီး ရိုက်ကူးထားလို့ပါပဲ။ ၁၉၃၉ ခုနှစ် ဂျာမနီက ပိုလန်ကို ကျူးကျော်ဝင်ရောက်ပြီး စစ်မီးစတင်တောက်လောင်ခဲ့ပုံ၊ Blitzkrieg (လျှပ်တပြက်စစ်ဆင်ရေး) ရဲ့ ကြောက်မက်ဖွယ်ရာ အရှိန်အဟုန်တွေ၊ ကမ္ဘာ့သမိုင်းကို ပြောင်းလဲစေခဲ့တဲ့ Pearl Harbor တိုက်ခိုက်ခံရမှုတွေ၊ စတာလင်ဂရက် (Stalingrad) တိုက်ပွဲနဲ့  D-Day (Operation Overlord) ရဲ့ ရင်သပ်ရှုမောဖွယ် အလှည့်အပြောင်းတွေကို တကယ့်သမိုင်းအတိုင်း အသေးစိတ် ပုံဖော်ထားပါတယ်။ နောက်တစ်ချက်ကတော့ Hollywood အချစ်တော် အော်စကာ ဆု နှစ်ခုပိုင်ဆိုင်ထားတဲ့ မင်းသားကြီး Tom Hanks ကိုယ်တိုင် နောက်ခံစကားပြောတင်ဆက်ထားတာပါပဲ။ "ဒုတိယကမ္ဘာစစ်ဟာ လူသား သမိုင်းတစ်လျှောက် အကြီးမားဆုံး ဖြစ်ရပ်ပါ" လို့ စပြောလိုက်ကတည်းကကို စိတ်ဝင်စားဖို့ကောင်းနေပါပြီ။ ဒီရုပ်သံဇာတ်လမ်းတွဲမှာ ဒုတိယကမ္ဘာစစ်အတွင်း ရိုက်ကူးထားတဲ့ တကယ့် သမိုင်းကြောင်းအစစ်မှန် မှတ်တမ်းတင် ဗီဒီယိုတွေလည်းပါရှိပါတယ်။ အပေါ်ပိုင်းလူတွေရဲ့ အပြောကိုပဲ ထည့်သွင်းထားတာမဟုတ်ပဲ နှင်းတောထဲမှာ တကယ်ရှေ့တန်းကျကျစစ်တိုက်ခဲ့ရတဲ့စစ်သားတွေ၊ စစ်ပွဲကို ခါးဆီးခံခဲ့ရတဲ့ ပြည်သူတွေဘက်ကနေလည်း ချပြထားတာမလို့ အတော်လေးကောင်းတဲ့ ဇာတ်လမ်းတွဲတစ်ခုဖြစ်ပါတယ်။ ဒါတင်မကသေးပဲ အရှေ့တောင်အာရှနိုင်ငံတစ်နိုင်ငံဖြစ်တဲ့ မြန်မာနိုင်ငံအကြောင်းလည်း ပါဝင်တာမလို့ ကြည့်သင့်တဲ့ ဇာတ်လမ်းတွဲတစ်ခုဖြစ်ပါတယ်။ သမိုင်းစာအုပ်တစ်ခုကိုဖတ်ရတာထက် ကမ္ဘာစစ်မီးတောက်လောင်ခဲ့ရတဲ့ ဒုတိယကမ္ဘာစစ်ကာလကို ကိုယ်တိုင်ကိုယ်ကျသွားရောက် ခံစားရသလိုမျိုးဖြစ်သွားစေမယ့် လက်ရာတစ်ခုလို့ပြောရင်လည်းမမှားပါဘူး..ခံစားကြည့်လိုက်ကြပါ။ ကျန်ရှိနေသော အပိုင်းများကိုလည်း ဆက်လက်တင်ဆက်သွားမှာဖြစ်ပါတယ်။

ကျနော်တို့ အချစ်တော် မင်းသားကြီး စတီဗင်ချောင်ရဲ့ အတိတ်ကို လွမ်းဆွတ် စရာ ဇာတ်လမ်းတွေထဲက တစ်ပုဒ် ဖြစ်ပါတယ်။ ရှီကျင့် ရွှီ ဆိုတဲ့ကောင်လေးဟာ မိမရှိဖမရှိ တစ်ကောင်ကြွက် မျက်နှာမွဲ ဖြစ်ပြီးတော့ ငယ်ငယ် ကတည်းက သူဌေးတစ်ယောက်ဆီမှာ အလုပ်လုပ်လာ ခဲ့ပါတယ်။ ဒီလိုနဲ့ အရွယ်ရောက်လာတော့ ရှီကျင့်ဟာ သူ့သူဌေးရဲ့ သမီးဖြစ်သူ တီနဲ့ လူငယ်သဘာဝ ချစ်ကြိုက်မိကြပြီး တော့ သူ့သူဌေးမသိအောင် ခိုးတွဲနေရပါတယ်။ တစ်နေ့မှာတော့ သူဌေးဟာ သူတို့နှစ်ယောက် ခိုးတွဲနေ တာကို သိပြီးတော့ သူ့ကို အိမ်ပေါ်က မောင်းချတဲ့အခါ မှာ သူတို့နှစ်ယောက်သား မခွဲနိုင်တဲ့အတွက် ခိုးပြေးဖို့ ဆုံးဖြတ်လိုက်ကြပါတော့တယ်။ ဒီတော့ သူတို့နှစ်ယောက်သား လောကဓံရဲ့ စမ်းသပ်မှု ကို အချစ်တစ်မျက်နှာတည်းနဲ့ ဘယ်လိုရင်ဆိုင်ကြမ လဲဆိုတာကို ၉ဝ ရာစု ဟောင်ကောင်အငွေ့အသက်တွေ အောက်မှာ ဆွတ်ပျံ့ကြည်နူးဖွယ်ရာ ကြည့်ရှုရမှာဖြစ် ပါတယ်။

၁၈၆၇ခုနှစ်ဖွားအင်္ဂလန်နိုင်ငံသားတဦးပါ။သူ့ဖခင်ဖြစ်သူဟာလည်းRoyal Geographical Society(RGS)အဖွဲ့ဝင်တဦးဖြစ်ပါတယ်။ နောက်ပိုင်းသူဟာလည်းအဲဒီအဖွဲ့ဝင်ဖြစ်လာခဲ့ပြီးတောင်အေမေရိကတိုက် အမေဇုံဒေသကိုနိုင်ငံရေးကိစ္စကြားဝင်စေ့စပ်မှုတခုအတွက်စေလွှတ်ခြင်းခံရသူဖြစ်ပါတယ်။ အဲဒီမှာနယ်မြေတိုင်းတာမှုတွေစစ်တမ်းကောက်ရင်းအမှတ်မထင်တောကြီးမျက်မည်းထဲမှာရှေးလူ့အသုံးအဆောင်ပစ္စည်းတွေကိုတွေ့ရှိခဲ့ပါတယ်။ အဲဒီကစပြီးအဲဒီဒေသမှာပျောက်ဆုံးကွယ်ပျောက်နေတဲ့သူကိုယ်တိုင်Zလို့နာမည်ပေးထားတဲ့ရှေးဟောင်းမြို့ကြီးတမြို့ရှိလိမ့်မယ်လို့ယုံကြည်ခဲ့ပါတယ်။ သူဟာ၁၉၀၆ခုနှစ်ကနေ ၁၉၂၄ခုနှစ်အတွင်းစူးစမ်းရှာဖွေမှု၇ကြိမ်တိုင်တိုင်ကြိုးစားခဲ့ပါတယ်။ တျောက်လျောက်သူလိုချက်တဲ့ရည်မှန်းချက်မအောင်မြင်ခဲ့ပေမယ့်သူလုံးဝစိတ်မပျက်ခဲ့ပါဘူး။ဒါပေမယ့်သက်သေအထောက်အထားတွေတော့ပြနိုင်ခဲ့ပါတယ်။ လူတယောက်ရဲ့ဇွဲလုံလ၊အဲဒီခေတ်အခါကရူးသွပ်မှုတွေစွန့်စားမှုတွေကိုမြင်တွေ့ရမှာပါ။

walking dead series ရဲ့ sequel အဆက်အဖြစ်ထွက်လာတဲ့ ဇာတ်လမ်းတွဲဖြစ်ပါတယ်။Walking Dead ထဲက အဓိက villain ကြီးဖြစ်ခဲ့တဲ့ Negan နဲ့ Maggie တို့အဓိက ဦးဆောင်ပါ၀င်ထားပါတယ် ။ မက်ဂီရဲ့ ဟာရှယ်ကို ခရိုအက် ဦး‌ဆောင်တဲ့ raider ခေါ် လုယက်သူတွေက ဖမ်းစီးခေါ်ဆောင်သွားပါတယ်။ ဒါကို ရန်သူတာ်ကြီး‌တွေဖြစ်တဲ့ မက်ဂီနဲ့ နီဂန်က ပြန်လည်ပူးပါင်းပြီး ဟာရှယ်ကို ပြန်ကယ်တင်ဖို့ ရန်သူ့နယ်‌မြေထဲ စွန့်စားခန်းထွက် ကြမှာဖြစ်ပါတယ် ။ Dead City ဆိုတဲ့ နယူးယောက်မြို့ကို အခြေခံဇာတ်အိမ်တည်ထားပြီး raiders တွေ ဝေါ်ကာ‌‌ (ခေါ်) ဖုတ်ကောင်တွေ ၊ လက်နက်ကိုင်အင်အားကြီးအဖွဲ့တွေနဲ့ walking dead စီးရီးကြီးရဲ့ အငွေ့အသက်တွေ ပါ၀င်နေတုန်းဖြစ်တဲ့ စီးရီးအသစ်ကို တင်ဆက်ပေးလိုက်ပါပြီ။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Thiha Yan Naing ဖြစ်ပါတယ်။)

Kung Fu Soccer (2026) HDTC ဗားရှင်းနဲ့ ထွက်ရှိလို့လာပါပြီ အရသာပြည့်ပြည့်ဝဝ ခံစားချင်သူတွေအတွက်တော့ Digital Release ဗားရှင်းသာ စောင့်ကြပါလို့ အကြံပေးလိုက်ပါတယ် ၂၀၀၁ ခုနှစ်က ထွက်ရှိခဲ့ပြီး ကမ္ဘာတစ်လွှားမှာ အောင်မြင်မှုမှတ်တိုင်တွေ စိုက်ထူနိုင်ခဲ့တဲ့ ဂန္ထဝင်ဟာသဇာတ်ကားကြီး "Shaolin Soccer" ကို မှတ်မိကြဦးမယ်ထင်ပါတယ်။ အခုဆိုရင်တော့ ဆယ်စုနှစ် နှစ်ခုကျော်အကြာမှာ ဟာသဘုရင်ကြီး စတီဖင်ချောင် (Stephen Chow) ကိုယ်တိုင် ရိုက်ကူးပုံဖော်ထားတဲ့ "Shaolin Women's Soccer" (သို့မဟုတ်) "Kung Fu Soccer" (功夫女足) ဆိုတဲ့ အသစ်စက်စက် ၂၀၂၆ ထွက် ဇာတ်ကားကြီးနဲ့အတူ ပရိသတ်တွေရှေ့ကို တစ်ကျော့ပြန် ရောက်ရှိလာခဲ့ပါပြီ။ ဒီကားမှာတော့ နာမည်ကြီး တရုတ်မင်းသမီးချောလေး Dilraba Dilmurat ၊ Zhang Xiaofei နဲ့ နာမည်ကျော် အဆိုတော်/မင်းသား Lay Zhang တို့က အဓိကပါဝင်အားဖြည့်ထားပြီး Stephen Chow ရဲ့ နာမည်ကျော် အငွေ့အသက်တွေနဲ့အတူ အားရပါးရ ရယ်မောရမယ့် Sports Comedy ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအကျဉ်းလေးကတော့ "Emei" (အော်မေ့) လို့ခေါ်တဲ့ အမျိုးသမီး ဘောလုံးအသင်းလေးရဲ့ အကြောင်းကို ရိုက်ကူးထားတာပါ။ ဒီအသင်းဟာ အစပိုင်းမှာတော့ ဘယ်သူကမှ အထင်မကြီးတဲ့၊ ပျမ်းမျှအသက် ၃၀ ကျော်အရွယ် အမျိုးသမီးတွေနဲ့ ဖွဲ့စည်းထားတဲ့ အသင်းလေးတစ်ခုပေါ့။ ဒါပေမဲ့ သူတို့တွေဟာ "Supreme Invincible Cup" ဆိုတဲ့ အကြီးမားဆုံး ဘောလုံးပြိုင်ပွဲကြီးမှာ ဝင်ရောက်ယှဉ်ပြိုင်ဖို့ ဆုံးဖြတ်လိုက်တဲ့အခါမှာတော့... ရိုးရိုးဘောလုံးကန်တာမျိုးမဟုတ်ဘဲ တရုတ်ရိုးရာ သိုင်းပညာ (Kung Fu) တွေကို ဘောလုံးကစားကွက်တွေထဲမှာ ထည့်သွင်းအသုံးပြုလာကြပါတော့တယ်။ ပြိုင်ပွဲတစ်လျှောက်မှာ သူတို့အသင်းလေးဟာ သိုင်းပညာနဲ့ ဘောလုံးပေါင်းစပ်ထားတဲ့ ထူးခြားတဲ့ စွမ်းရည်တွေကြောင့် အောင်ပွဲတွေ ဆက်တိုက်ရလာခဲ့ပေမဲ့၊ မထင်မှတ်ထားတဲ့ အတွင်းလူရဲ့ သစ္စာဖောက်မှုကြောင့် အကြီးအကျယ် ရှုံးနိမ့်မှုနဲ့ ရင်ဆိုင်လိုက်ရပါတယ်။ ဒီလို အခက်အခဲတွေ၊ အကြပ်အတည်းတွေကြားထဲကနေ Emei အမျိုးသမီး ဘောလုံးအသင်းလေး ဘယ်လို ပြန်လည်ထလာမလဲ၊ ပြိုင်ဘက်တွေကို သိုင်းကွက်ဆန်းတွေနဲ့ ဘယ်လို အကြိတ်အနယ် ယှဉ်ပြိုင်သွားမလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမှာပါ။ ဒီဇာတ်ကားဟာ အရင် Shaolin Soccer ရဲ့ အငွေ့အသက်တွေကို အပြည့်အဝ ပြန်လည်ခံစားရစေမယ့်အပြင်၊ Stephen Chow ရဲ့ ကိုယ်ပိုင်ဟန်ဖြစ်တဲ့ အဓိပ္ပါယ်မဲ့ ဟာသ (Nonsense Comedy) တွေ၊ အမိုက်စား CGI အထူးပြုလုပ်ချက်တွေနဲ့ သိုင်းကွက်ဆန်းတွေကို ခေတ်မီမီ မြင်တွေ့ရမှာပါ။ ဒါ့အပြင် Carina Lau နဲ့ ဂျပန်မင်းသား Takeru Satoh တို့လို နာမည်ကြီး သရုပ်ဆောင်တွေကလည်း ဧည့်သည်သရုပ်ဆောင်အနေနဲ့ ပါဝင်ထားသေးတာမို့ အရင် Shaolin Soccer ကို သဘောကျခဲ့တဲ့ ပရိသတ်တွေရော၊ ပေါ့ပေါ့ပါးပါးနဲ့ ရယ်ရယ်မောမော ကြည့်ချင်တဲ့ ပရိသတ်တွေပါ လုံးဝ (လုံးဝ) လက်မလွတ်သင့်တဲ့ ဇာတ်ကားကြီးဖြစ်ကြောင်း ညွှန်းဆိုပေးလိုက်ရပါတယ်။