Wisdom in Love 💟

🙏🏻🪷🙏🏻☸️🙏🏻 https://www.youtube.com/live/VyRsH8FyXws?is=VIMGhbUzf6v0AN23

" ဘဝဆိုတာ တိုက်ပွဲဆိုရင် လောဘ ဒေါသ မောဟ တွေကို နိုင်အောင် တိုက်ရမဲ့ တိုက်ပွဲ ပဲ ခန္ဓာရနေသေးတာ အကုသိုလ်တွေကို ပယ်ဖို့ လို့လည်း နားလည်ဖို့လိုတယ် အကုသိုလ်တွေကို ကုသိုလ်နဲ့ ပြန် အစားထိုးရမယ် လူ့ဘဝရလာတာ ကံကုသိုလ် သာမက ဉာဏ်ကုသိုလ် ဖြစ်နိုင်တဲ့အထိလည်း သွားကြရမယ် "  - ဆရာကြီး Dr Soe Lwin [ Dhamma Lann ] ☸🙏🏻

" ဘဝဆိုတာ တိုက်ပွဲဆိုရင် လောဘ ဒေါသ မောဟ တွေကို နိုင်အောင် တိုက်ရမဲ့ တိုက်ပွဲ ပဲ ခန္ဓာရနေသေးတာ အကုသိုလ်တွေကို ပယ်ဖို့ လို့လည်း နားလည်ဖို့လိုတယ် အကုသိုလ်တွေကို ကုသိုလ်နဲ့ ပြန် အစားထိုးရမယ် လူ့ဘဝရလာတာ ကံကုသိုလ် သာမက ဉာဏ်ကုသိုလ် ဖြစ်နိုင်တဲ့အထိလည်း သွားကြရမယ် " - ဆရာကြီး Dr Soe Lwin [ Dhamma Lann ] ☸🙏🏻

လောဘ ဒေါသ မောဟ တွေ လျော့နည်းလာလေ Attached to Nothing ဖြစ်လာလေ ဖြစ်မှာပါပဲ Attachment တွေဟာ လောဘ ဒေါသ မောဟ ကြောင့်ပဲမလား သဘာဝရဲ့ သဘောအမှန်တွေကို မသိခြင်းကြောင့် စွဲကြတယ် မသိတဲ့အလျောက် လောဘဓါတ်ခံနဲ့ စွဲပြန်တယ် လောဘအားလျော်စွာ ဒေါသအားနဲ့ စွဲမိမယ် တဏှာ ဥပါဒါန် လို့ပဲ သုံးသုံး ကိလေသာသံယောဇဉ် ၁၀ ပါး လို့ပဲ ပြောပြော Attachment တွေဟာ လောဘ ဒေါသ မောဟ ကြောင့် Sufferings ဖြစ်နေရတဲ့ အကြောင်းတရားတွေပါပဲ Attached to Nothing ဖြစ်လာလေ 🪷 သူငါ မပါပဲ Connected လုပ်လာနိုင်လေ ဖြစ်မယ် Attached to Nothing ပို ဖြစ်လာလေ 💫 လောဘ ဒေါသတွေ ပို လျော့နည်းနေခြင်းနဲ့ Connected ဖြစ်လာနိုင်မယ် Attached to Nothing ပိုပြီး ဖြစ်လာနိုင်တဲ့အခါမှ inner space ပို လာလေ ဖြစ်ပြီး 🌟 လောဘ ဒေါသ ကင်းစွာ စစ်မှန်တဲ့ မေတ္တာ ဂရုဏာ မုဒိတာ ဥပေက္ခာ ဆိုတဲ့ ဗြဟ္မစိုရ်တရားလေးပါးနဲ့အတူ Connected to everything ဖြစ်လာနိုင်လေ ဖြစ်မှာ နောက်ဆုံး No Attachment to Anything အနေနဲ့ 100% လုံးဝ ကြိုက်စွဲ_မကြိုက်စွဲ_မသိစွဲ စတဲ့ အစွဲတွေ မရှိတော့ရင်တော့ , ✨ သဘာ၀ရဲ့ သဘောတရားတွေနဲ့ တသားတည်းကျသွားပြီး Connected To Everything ဖြစ်သွားမှာပါပဲ လူ့ဘဝရလာခြင်းရဲ့ အနှစ်သာရဟာ ကိုယ့် စိတ်သန္တာန်မှာ ဖြစ်နေတတ်တဲ့ လောဘ ဒေါသ မောဟ သတ္တိတွေကို သီလ သမာဓိ ပညာ တွေနဲ့  ဘယ်လောက်ထိ လဲလှယ် အစားထိုးသွားနိုင်မလဲ ဆိုတဲ့ သဘောတရားအနေနဲ့ တန်ဖိုးရှိသွားစေမှာပါ ရလာခဲ့ကြတဲ့ ရုပ်နာမ်နှစ်ပါး ခန္ဓာငါးပါးဟာ ဖြစ်တိုင်းပျက်နေတဲ့ ဒုက္ခသစ္စာသက်သက်မို့ အနှစ်သာရ မရှိသလို အဓိပ္ပါယ်လည်း မရှိဘူး တဲ့ အဲ့လိုဆို လူ့ဘဝမှာ အဓိပ္ပါယ်ရှိဖို့ဟာ သီလ_သမာဓိ_ပညာ နဲ့ သတ္တိတွေ ကိန်းနေစေဖို့သာပဲပေါ့လို့ နားလည်လိုက်မိတယ် True Wealth ဟာ inner peace နဲ့ awareness ဖြစ်တယ် ဆိုရင် Attached to nothing ကြောင့် inner Peace ဖြစ်စေမှာ ဖြစ်ပြီး Connect to everything ဆိုတဲ့ စကားစုလေးအပေါ်  insightful ဖြစ်နေနိုင်ခြင်းက Awareness ရှိနေစေမှာပါပဲ စားဝတ်နေရေးဟာ အရေးကြီးပေမဲ့ ငွေကြေးပစ္စည်းဥစ္စာတွေထက် မဂ္ဂင်ရှစ်ပါးကို ပို တန်ဖိုးထားတတ်ဖို့ လိုပါတယ် လူ့ဘဝအနေနဲ့ အဌားခန္ဓာလေး ရလာတုန်းအခိုက် ဒီ ခန္ဓာကို ကောင်းစွာ အရင်းတည်ပြီး အပ္ပါယ်လေးဘုံ ထပ်မရောက်စေဖို့ နဲ့ ဒီ ခန္ဓာကို အကျိုးရှိအောင် အသုံးချပြီး လောဘ ဒေါသ မောဟ တွေ လျှော်ဖွတ်နိုင်သမျှ လျှော်ဖွတ်သွားနိုင်အောင် အသုံးပြုဖို့ လိုတယ်မလား လူ့ဘဝရဲ့ အနှစ်သာရဟာ သံသရာတလျှောက်မှာ ကိန်းလာတဲ့ လောဘ ဒေါသ မောဟဓါတ်တွေကို ကင်းစင်စေအောင် သစ္စာတရားနဲ့ လျှော့ချနိုင်ဖို့ပါပဲ သံသရာခရီးတွေလည်း တိုပါစေ ကံကို ဉာဏ်နဲ့ ဖြတ်နိုင်ကြပါစေ သံသရာဝဋ်ဆင်းရဲကနေ အပြီးတိုင် ထွက်ခွာနိုင်ကြပြီး သံသရာလည်ခြင်းကနေ လွတ်မြောက်နိုင်ကြပါစေ 🙏🏻☯🪷🙏🏻✨☸🙏🏻 💟w_hlwar

ဖတ်မိတဲ့ မဟာဗောဓိမြိုင် ဆရာတော်ဘုရားကြီးရဲ့ ဆုံးမ တရားစာလေး ကောင်းလို့ ဝေမျှလိုက်ပါတယ် ~ ☸️🙏🏻

စိတ်ထဲမှာ ဒေါသအရှိန်တက်နေချိန်မှာ ချက်ချင်းတုံ့ပြန်မယ့်အစား ခဏရပ်လိုက်ပါ။ အသက်ရှူသံကို သိပါ။ ရင်ထဲမှာ တင်းကျပ်နေတာကို သိပါ။ မျက်နှာပူလာတာကို သိပါ။ ဒေါသဖြစ်နေတယ်ဆိုတာကို သိပါ။ “အခု ငါ့အတွင်းမှာ မီးလောင်နေတယ်” လို့ သိလိုက်ရုံနဲ့ပဲ အပြောင်းအလဲတစ်ခု စတင်နိုင်ပါတယ်။ မီးလောင်နေမှန်း မသိတဲ့သူက မီးကို ပိုလောင်အောင် လောင်စာရှာထည့်တတ်ပါတယ်။ မီးလောင်နေမှန်း သိတဲ့သူကတော့ လောင်စာမထည့်တော့ဖို့ သတိထားနိုင်ပါတယ်။ ဒါဟာ ကိုယ့်မီးကိုယ် ငြှိမ်းခြင်းရဲ့ အစပါပဲ။ • မီးငြိမ်းပြီးမှ ပြော သို့ပေမဲ့ ကိုယ့်မီးကိုယ် ငြှိမ်းတယ်ဆိုတာ အမြဲတမ်း ကိုယ့်အခွင့်အရေးကို စွန့်လွှတ်ရမယ်လို့လည်း မဆိုလိုပါဘူး။ မတရားမှုရှိရင် မတရားဘူးလို့ ပြောလို့ရနိုင်ပါတယ်။ မှားယွင်းမှုရှိရင် မှားတယ်လို့ ပြောလို့ရနိုင်ပါတယ်။ သူ့စည်းကိုယ့်စည်းထားဖို့လိုရင် စည်းထားလို့ရနိုင်ပါတယ်။ ကွာခြားတာက မီးလောင်နေတဲ့စိတ်နဲ့ ပြောတာနဲ့ မီးငြိမ်းပြီးမှ ပြောတာ ပါ။ မီးလောင်နေတဲ့အချိန်မှာ ပြောတဲ့စကားက တစ်ဖက်လူကို နာကျင်စေဖို့ ရည်ရွယ်လာတတ်ပါတယ်။ မီးငြိမ်းပြီးမှ ပြောတဲ့စကားကတော့ အခြေအနေကို နားလည်စေဖို့၊ ဖြေရှင်းဖို့၊ လိုအပ်ရင် ကိုယ့်ကိုယ်ကို ကာကွယ်ဖို့ ဖြစ်လာနိုင်ပါတယ်။ • မီးကို မီးနဲ့ ငြှိမ်းဖို့ မကြိုးစားနဲ့ ဘဝမှာ ကိုယ်နဲ့သဘောထားမတူသူတွေ ရှိနေမှာပါ။ ကိုယ့်ကို အထင်လွဲသူတွေလည်း ရှိမယ်။ ကိုယ့်အပေါ် မမျှတစွာ ပြောဆိုသူတွေလည်း ရှိမယ်။ ကိုယ်ဘယ်လောက်ပဲ ရိုးသားပါစေ ကိုယ့်ကို နားမလည်သူတွေ ရှိနေဦးမှာပါ။ အဲဒီအခါတိုင်း သူတို့ကို ပြောင်းလဲဖို့ ကြိုးစားနေရင် ကိုယ်ဟာ ပင်ပန်းနေမှာပဲ။ ဒါပေမဲ့ ကိုယ့်စိတ်ကို ပြန်ကြည့်နိုင်တဲ့အခါ မတူတဲ့လမ်းတစ်ခု ပေါ်လာပါတယ်။ သူ့အပြစ်ကို ရှာမယ့်အစား ကိုယ့်မီးကို ရှာပါ။ သူ့အမှားကို စုဆောင်းမယ့်အစား ကိုယ့်စိတ်ထဲက လောင်စာတွေကို လျှော့ပါ။ သူ့ကို အနိုင်ယူဖို့ မကြိုးစားမီ ကိုယ့်ဒေါသကို အရင်အနိုင်ယူပါ။ အဲဒီအခါ ပဋိပက္ခတစ်ခုဟာ အနိုင်အရှုံးပြိုင်ပွဲ မဟုတ်တော့ပါဘူး။ ကိုယ့်စိတ်ကို ကိုယ်လေ့လာခွင့်ရတဲ့ နေရာတစ်ခု ဖြစ်လာပါတယ်။ အဲဒီအခြေအနေမှာပဲ— သူ့မီးကို မီးနဲ့ပြန်မတိုက်တော့ဘဲ ကိုယ့်မီးကို အရင်ငြှိမ်းနိုင်လာပါလိမ့်မယ်။ ပြီးတော့ မီးငြိမ်းသွားတဲ့အခါမှာ စကားတစ်ခွန်းဖြစ်ဖြစ် သူ့ကို ပြန်ပြောနိုင်ပါလိမ့်မယ်။ နားလည်မှုတစ်ခုနဲ့ ပြန်စနိုင်ပါလိမ့်မယ်။ တစ်ခါတလေ ခွင့်လွှတ်နိုင်ပါလိမ့်မယ်။ တစ်ခါတလေတော့ ဆက်မပတ်သက်ဘဲ ငြိမ်းချမ်းစွာ ခွာထွက်လာနိုင်ပါလိမ့်မယ်။ ဘာပဲဖြစ်ဖြစ်— မီးကို မီးနဲ့ ငြှိမ်းဖို့ မကြိုးစားတော့တာက ငြိမ်းချမ်းခြင်းခရီးလမ်းရဲ့ အစပါပဲ။ သူ့မီးသေစေချင်ရင် သူ့အမှားကို အရင်လိုက်ရှာဖို့ မလိုပါဘူး။ ကိုယ့်မီးကိုယ် အရင်ငြှိမ်းနိုင်ဖို့ပဲ လိုပါတယ်။ အဲဒါကြောင့်— မီးလိုက်ရာရှေ့ အမှိုက်ပွေ့ မဝှေ့မရမ်းနှင့်။ မီးကို ငြှိမ်းချင်ရင် လောင်စာမထည့်ပါနှင့်။ သူ့မီးကို ငြှိမ်းချင်ရင် ကိုယ့်မီးကိုယ် အရင်ငြှိမ်းပါ။ #ငြိမ်းချမ်းသာ #စာပြီးရက်စွဲ-20-8-2026 #သုဝဏ္ဏသျှမ် #စာဖတ်သူတစ်ယောက်၏မှတ်စုများ

✿ သူ့မီးသေစေလို ကိုယ့်မီးကိုယ် အရင်ငြှိမ်းပေး ═══════════ တစ်ဖက်နှင့်တစ်ဖက် သဘောထားကွဲ၊ အမြင်လွဲကာ အခဲမကြေဖြစ်နေကြစဉ် သူ့အပြစ်သွားရှု ငြိမ်းနေသောမီးပင် ထတောက်လာတတ်သည်။ ကိုယ့်အပြစ်ကိုယ်ရှုက တောက်သောမီးပင် ငြိမ်းသွားတတ်သည်။ သို့ကြောင့် ... သူ့မီးသေစေလို ကိုယ့်မီးကိုယ် အရင်ငြှိမ်းပေးနိုင်ရမည်။ ၁၃၆၄ ခုနှစ်၊ ကဆုန်လဆန်း ၁ ရက် စံရိပ်ငြိမ်၊ ကျော်တော၊ ပုလဲ — မဟာဗောဓိမြိုင်ဆရာတော်၊ သာရဏီယကထာ • ဘယ်သူက ထပ်လောင်စာထည့်နေတာလဲ လူနှစ်ယောက်ကြားမှာ သဘောထားမတူတာ၊ အမြင်မတူတာဟာ မဆန်းပါဘူး။ လူတိုင်းမှာ ကိုယ်ပိုင်အတွေ့အကြုံ၊ ကိုယ်ပိုင်အမြင်၊ ကိုယ်ပိုင်ယုံကြည်ချက်တွေနဲ့ အသက်ရှင်နေကြတာဖြစ်လို့ အရာရာကို တစ်ပုံစံတည်း မြင်ကြမှာမဟုတ်ပါဘူး။ အမြင်မတူခြင်းကိုယ်တိုင်က ပြဿနာမဟုတ်ပါ။ ပြဿနာက အမြင်မတူတဲ့အခါ “ငါ့အမြင်က မှန်တယ်၊ သူ့အမြင်က မှားတယ်” ဆိုတဲ့ စိတ်က ဝင်လာခြင်းပါ။ အဲဒီစိတ်နောက်ကို ဆက်လိုက်သွားတဲ့အခါ သဘောထားကွဲခြင်းက အခဲမကြေခြင်း ဖြစ်လာတတ်ပါတယ်။ အခဲမကြေခြင်းကနေ မကျေနပ်မှု ဖြစ်လာတယ်။ မကျေနပ်မှုကနေ အပြစ်ရှာလာတယ်။ အပြစ်ရှာလာရင်းနဲ့ တစ်ဖက်လူရဲ့ အားနည်းချက်တွေ၊ အမှားတွေ၊ မနှစ်သက်စရာတွေကို တစ်ခုချင်းစီ စိတ်ထဲမှာ စုဆောင်းထားမိလာတယ်။ ဒီအတွက် ဆရာတော်ကြီးက အခုလို သတိပေးပါတယ်— “သူ့အပြစ်သွားရှု ငြိမ်းနေသောမီးပင် ထတောက်လာတတ်သည်။” တစ်စုံတစ်ယောက်က ကိုယ့်ကို နာကျင်စေတဲ့စကားတစ်ခွန်း ပြောလိုက်တယ်ဆိုပါစို့။ ဖြစ်ရပ်က အဲဒီအချိန်မှာ ပြီးသွားနိုင်ပါတယ်။ သူကလည်း ပြောပြီး မေ့သွားနိုင်တယ်။ ဒါပေမဲ့ ကိုယ်က အဲဒီစကားကို တစ်နေ့လုံး ပြန်တွေးနေတယ်။ နောက်တစ်နေ့လည်း ပြန်တွေးတယ်။ သူ့ရဲ့ အရင်အမှားတွေကိုပါ ပြန်သတိရတယ်။ “သူက အမြဲဒီလိုပဲ”, “အရင်ကလည်း ဒီလိုလုပ်ခဲ့ဖူးတယ်”, “ဒီတစ်ခါတော့ ခွင့်မလွှတ်တော့ဘူး” ဆိုပြီး အတွေးတွေ ထပ်ပေါင်းလာတဲ့အခါ မူလက သေးငယ်တဲ့အဖြစ်အပျက်တစ်ခုဟာ ကိုယ့်စိတ်ထဲမှာ ကြီးမားတဲ့မီးတစ်ခု ဖြစ်လာပါတယ်။ မေးစရာရှိတာက အဲဒီမီးကို ဘယ်သူက ထပ်လောင်စာထည့်နေတာလဲ။ ရိုးရိုးသားဖြေရရင် ကိုယ်တိုင်ပါပဲ။ ဒါကြောင့် အခဲမကြေတဲ့အချိန်မှာ အခြားသူရဲ့အပြစ်ကို ဆက်ရှာနေရင် ကိုယ့်စိတ်ထဲက မီးကို ကိုယ်တိုင် ပိုတောက်အောင် လုပ်နေမိတာမျိုး ဖြစ်နိုင်ပါတယ်။ • ကိုယ့်အပြစ်ကိုယ်ရှု ဒါဆို ဘာလုပ်ရမလဲ။ ဆရာတော်ကြီးကက အလွန်ရိုးရှင်းတဲ့ လမ်းကို ပြပါတယ်— “ကိုယ့်အပြစ်ကိုယ်ရှုက တောက်သောမီးပင် ငြိမ်းသွားတတ်သည်။” ဒီစကားကို ကိုယ့်ကိုယ်ကို အပြစ်တင်ရမယ်လို့ နားမလည်သင့်ပါဘူး။ ကိုယ့်အပြစ်ကိုယ်ရှုခြင်း ဆိုတာ “အားလုံးဟာ ငါ့အပြစ်ပဲ” လို့ ကိုယ့်ကိုယ်ကို အပြစ်ပုံချခြင်း မဟုတ်ပါဘူး။ ဖြစ်နေတဲ့အခြေအနေထဲမှာ ကိုယ့်စိတ်က ဘယ်လိုတုံ့ပြန်နေသလဲ ဆိုတာကို ရိုးရိုးသားသား ပြန်ကြည့်ခြင်း ဖြစ်ပါတယ်။ “ငါ ဘာကြောင့် ဒီလောက်ဒေါသထွက်နေတာလဲ။” “သူ့စကားကြောင့် နာကျင်တာလား၊ ဒါမှမဟုတ် ငါ့မာနကို ထိသွားတာလား။” “ငါက အမှန်ကိုရှာနေတာလား၊ အနိုင်ရချင်နေတာလား။” “သူ့ကို နားလည်စေချင်တာလား၊ ဒါမှမဟုတ် သူ့ကို ပြန်နာကျင်စေချင်တာလား။” “ငါပြန်ပြောမယ့်စကားက ပြဿနာကို ဖြေရှင်းပေးမှာလား၊ မီးကို ပိုတောက်စေမှာလား။” ဒီလို ပြန်ကြည့်နိုင်တဲ့အခါ အာရုံဟာ တစ်ဖက်လူရဲ့အပြစ်ကနေ ကိုယ့်စိတ်ဆီ ပြန်ရောက်လာပါတယ်။ အဲဒီနေရာမှာပဲ အပြောင်းအလဲ စတင်နိုင်ပါတယ်။ • သူ့မီးသေစေလို ကိုယ့်မီးကိုယ် အရင်ငြှိမ်း ပဋိပက္ခတစ်ခုမှာ လူအများစုက “သူ ဘာလုပ်ရမလဲ” ဆိုတာကို အရင်စဉ်းစားတတ်ကြပါတယ်။ “သူက တောင်းပန်ရမယ်။”, “သူက ဝန်ခံရမယ်။” “သူ့အမှားကို သူသိရမယ်။”, “သူ့အကျင့်ကို ပြင်ရမယ်။” ဒါတွေဟာ အားလုံး သူ့ဘက်မှာရှိတဲ့ အရာတွေပါ။ ဒါပေမဲ့ ကိုယ်ထိန်းချုပ်နိုင်တာက သူ့စိတ်မဟုတ်ပါဘူး။ ကိုယ့်စိတ်ပဲ ဖြစ်ပါတယ်။ သူ့ဒေါသကို ကိုယ်အတင်းငြိမ်းလို့ မရပါဘူး။ သူ့မာနကို ကိုယ်အတင်းချလို့ မရပါဘူး။ သူ့အမြင်ကို ကိုယ်အတင်းပြောင်းလို့ မရပါဘူး။ ဒါပေမဲ့ ကိုယ့်ဒေါသကိုတော့ ကိုယ်ကြည့်နိုင်ပါတယ်။ ကိုယ့်စကားကိုတော့ ကိုယ်ရွေးနိုင်ပါတယ်။ ကိုယ့်တုံ့ပြန်မှုကိုတော့ ကိုယ်ထိန်းနိုင်ပါတယ်။ ဒါကြောင့်— “သူ့မီးသေစေလို ကိုယ့်မီးကိုယ် အရင်ငြှိမ်းပေးနိုင်ရမည်” ဆိုတာ အလွန်နက်နဲတဲ့ သတိပေးချက် ဖြစ်ပါတယ်။ သူက အော်နေချိန်မှာ ကိုယ်လည်း အော်ပြန်ရင် မီးကို မီးနဲ့ ငြှိမ်းနေခြင်း ဖြစ်ပါတယ်။ သူက စကားကြမ်းကြမ်းပြောလို့ ကိုယ်လည်း ပိုကြမ်းကြမ်းပြန်ပြောရင် မီးကို လောင်စာထပ်ပေးနေခြင်း ဖြစ်ပါတယ်။ သူက အတိတ်ကို ဆွဲထုတ်လာလို့ ကိုယ်ကလည်း အတိတ်ထဲက သူ့အမှားတွေကို တစ်ခုချင်း ပြန်ထုတ်လာရင် မီးငြှိမ်းဖို့ မဟုတ်တော့ပါဘူး။ ဒါကြောင့်ပဲ— စိတ်ဆိုးနေချိန်မှာ စကားများများပြောခြင်း၊ အတိတ်ကအကြောင်းတွေ ဆွဲထုတ်ခြင်း၊ တစ်ဖက်လူရဲ့ အားနည်းချက်တွေကို တစ်ခုချင်း ထုတ်ဖော်ခြင်း၊ အခြားသူတွေကိုပါ ပြောပြခြင်းဟာ မီးငြှိမ်းခြင်း မဟုတ်ပါဘူး။ မီးလိုက်ရာရှေ့ အမှိုက်ပွေ့နဲ့ ဝှေ့ရမ်းနေခြင်းမျှသာပါ။ သတိထားရမှာက အမှိုက်ကစ ပြဿဒ်ကြီး မီးလောင်တတ်တယ်ဆိုတဲ့ အချက်ပါပဲ။ • ကိုယ့်မီးကိုယ် ဘယ်လိုငြှိမ်းမလဲ ဒါဆို ကိုယ့်မီးကိုယ် ဘယ်လိုငြှိမ်းမလဲ။ တစ်ခါတလေ ဘာမှမပြောဘဲ ခဏရပ်နိုင်ခြင်း ကပဲ ပထမဆုံးအဆင့် ဖြစ်နိုင်ပါတယ်။

✿ သူ့မီးသေစေလို ကိုယ့်မီးကိုယ် အရင်ငြှိမ်းပေး ═══════════ တစ်ဖက်နှင့်တစ်ဖက် သဘောထားကွဲ၊ အမြင်လွဲကာ အခဲမကြေဖြစ်နေကြစဉ် သူ့အပြစ်သွားရှု ငြိမ်းနေသောမီးပင် ထတောက်လာတတ်သည်။ ကိုယ့်အပြစ်ကိုယ်ရှုက တောက်သောမီးပင် ငြိမ်းသွားတတ်သည်။ သို့ကြောင့် ... သူ့မီးသေစေလို ကိုယ့်မီးကိုယ် အရင်ငြှိမ်းပေးနိုင်ရမည်။ ၁၃၆၄ ခုနှစ်၊ ကဆုန်လဆန်း ၁ ရက် စံရိပ်ငြိမ်၊ ကျော်တော၊ ပုလဲ — မဟာဗောဓိမြိုင်ဆရာတော်၊ သာရဏီယကထာ • ဘယ်သူက ထပ်လောင်စာထည့်နေတာလဲ လူနှစ်ယောက်ကြားမှာ သဘောထားမတူတာ၊ အမြင်မတူတာဟာ မဆန်းပါဘူး။ လူတိုင်းမှာ ကိုယ်ပိုင်အတွေ့အကြုံ၊ ကိုယ်ပိုင်အမြင်၊ ကိုယ်ပိုင်ယုံကြည်ချက်တွေနဲ့ အသက်ရှင်နေကြတာဖြစ်လို့ အရာရာကို တစ်ပုံစံတည်း မြင်ကြမှာမဟုတ်ပါဘူး။ အမြင်မတူခြင်းကိုယ်တိုင်က ပြဿနာမဟုတ်ပါ။ ပြဿနာက အမြင်မတူတဲ့အခါ “ငါ့အမြင်က မှန်တယ်၊ သူ့အမြင်က မှားတယ်” ဆိုတဲ့ စိတ်က ဝင်လာခြင်းပါ။ အဲဒီစိတ်နောက်ကို ဆက်လိုက်သွားတဲ့အခါ သဘောထားကွဲခြင်းက အခဲမကြေခြင်း ဖြစ်လာတတ်ပါတယ်။ အခဲမကြေခြင်းကနေ မကျေနပ်မှု ဖြစ်လာတယ်။ မကျေနပ်မှုကနေ အပြစ်ရှာလာတယ်။ အပြစ်ရှာလာရင်းနဲ့ တစ်ဖက်လူရဲ့ အားနည်းချက်တွေ၊ အမှားတွေ၊ မနှစ်သက်စရာတွေကို တစ်ခုချင်းစီ စိတ်ထဲမှာ စုဆောင်းထားမိလာတယ်။ ဒီအတွက် ဆရာတော်ကြီးက အခုလို သတိပေးပါတယ်— “သူ့အပြစ်သွားရှု ငြိမ်းနေသောမီးပင် ထတောက်လာတတ်သည်။” တစ်စုံတစ်ယောက်က ကိုယ့်ကို နာကျင်စေတဲ့စကားတစ်ခွန်း ပြောလိုက်တယ်ဆိုပါစို့။ ဖြစ်ရပ်က အဲဒီအချိန်မှာ ပြီးသွားနိုင်ပါတယ်။ သူကလည်း ပြောပြီး မေ့သွားနိုင်တယ်။ ဒါပေမဲ့ ကိုယ်က အဲဒီစကားကို တစ်နေ့လုံး ပြန်တွေးနေတယ်။ နောက်တစ်နေ့လည်း ပြန်တွေးတယ်။ သူ့ရဲ့ အရင်အမှားတွေကိုပါ ပြန်သတိရတယ်။ “သူက အမြဲဒီလိုပဲ”, “အရင်ကလည်း ဒီလိုလုပ်ခဲ့ဖူးတယ်”, “ဒီတစ်ခါတော့ ခွင့်မလွှတ်တော့ဘူး” ဆိုပြီး အတွေးတွေ ထပ်ပေါင်းလာတဲ့အခါ မူလက သေးငယ်တဲ့အဖြစ်အပျက်တစ်ခုဟာ ကိုယ့်စိတ်ထဲမှာ ကြီးမားတဲ့မီးတစ်ခု ဖြစ်လာပါတယ်။ မေးစရာရှိတာက အဲဒီမီးကို ဘယ်သူက ထပ်လောင်စာထည့်နေတာလဲ။ ရိုးရိုးသားဖြေရရင် ကိုယ်တိုင်ပါပဲ။ ဒါကြောင့် အခဲမကြေတဲ့အချိန်မှာ အခြားသူရဲ့အပြစ်ကို ဆက်ရှာနေရင် ကိုယ့်စိတ်ထဲက မီးကို ကိုယ်တိုင် ပိုတောက်အောင် လုပ်နေမိတာမျိုး ဖြစ်နိုင်ပါတယ်။ • ကိုယ့်အပြစ်ကိုယ်ရှု ဒါဆို ဘာလုပ်ရမလဲ။ ဆရာတော်ကြီးကက အလွန်ရိုးရှင်းတဲ့ လမ်းကို ပြပါတယ်— “ကိုယ့်အပြစ်ကိုယ်ရှုက တောက်သောမီးပင် ငြိမ်းသွားတတ်သည်။” ဒီစကားကို ကိုယ့်ကိုယ်ကို အပြစ်တင်ရမယ်လို့ နားမလည်သင့်ပါဘူး။ ကိုယ့်အပြစ်ကိုယ်ရှုခြင်း ဆိုတာ “အားလုံးဟာ ငါ့အပြစ်ပဲ” လို့ ကိုယ့်ကိုယ်ကို အပြစ်ပုံချခြင်း မဟုတ်ပါဘူး။ ဖြစ်နေတဲ့အခြေအနေထဲမှာ ကိုယ့်စိတ်က ဘယ်လိုတုံ့ပြန်နေသလဲ ဆိုတာကို ရိုးရိုးသားသား ပြန်ကြည့်ခြင်း ဖြစ်ပါတယ်။ “ငါ ဘာကြောင့် ဒီလောက်ဒေါသထွက်နေတာလဲ။” “သူ့စကားကြောင့် နာကျင်တာလား၊ ဒါမှမဟုတ် ငါ့မာနကို ထိသွားတာလား။” “ငါက အမှန်ကိုရှာနေတာလား၊ အနိုင်ရချင်နေတာလား။” “သူ့ကို နားလည်စေချင်တာလား၊ ဒါမှမဟုတ် သူ့ကို ပြန်နာကျင်စေချင်တာလား။” “ငါပြန်ပြောမယ့်စကားက ပြဿနာကို ဖြေရှင်းပေးမှာလား၊ မီးကို ပိုတောက်စေမှာလား။” ဒီလို ပြန်ကြည့်နိုင်တဲ့အခါ အာရုံဟာ တစ်ဖက်လူရဲ့အပြစ်ကနေ ကိုယ့်စိတ်ဆီ ပြန်ရောက်လာပါတယ်။ အဲဒီနေရာမှာပဲ အပြောင်းအလဲ စတင်နိုင်ပါတယ်။ • သူ့မီးသေစေလို ကိုယ့်မီးကိုယ် အရင်ငြှိမ်း ပဋိပက္ခတစ်ခုမှာ လူအများစုက “သူ ဘာလုပ်ရမလဲ” ဆိုတာကို အရင်စဉ်းစားတတ်ကြပါတယ်။ “သူက တောင်းပန်ရမယ်။”, “သူက ဝန်ခံရမယ်။” “သူ့အမှားကို သူသိရမယ်။”, “သူ့အကျင့်ကို ပြင်ရမယ်။” ဒါတွေဟာ အားလုံး သူ့ဘက်မှာရှိတဲ့ အရာတွေပါ။ ဒါပေမဲ့ ကိုယ်ထိန်းချုပ်နိုင်တာက သူ့စိတ်မဟုတ်ပါဘူး။ ကိုယ့်စိတ်ပဲ ဖြစ်ပါတယ်။ သူ့ဒေါသကို ကိုယ်အတင်းငြိမ်းလို့ မရပါဘူး။ သူ့မာနကို ကိုယ်အတင်းချလို့ မရပါဘူး။ သူ့အမြင်ကို ကိုယ်အတင်းပြောင်းလို့ မရပါဘူး။ ဒါပေမဲ့ ကိုယ့်ဒေါသကိုတော့ ကိုယ်ကြည့်နိုင်ပါတယ်။ ကိုယ့်စကားကိုတော့ ကိုယ်ရွေးနိုင်ပါတယ်။ ကိုယ့်တုံ့ပြန်မှုကိုတော့ ကိုယ်ထိန်းနိုင်ပါတယ်။ ဒါကြောင့်— “သူ့မီးသေစေလို ကိုယ့်မီးကိုယ် အရင်ငြှိမ်းပေးနိုင်ရမည်” ဆိုတာ အလွန်နက်နဲတဲ့ သတိပေးချက် ဖြစ်ပါတယ်။ သူက အော်နေချိန်မှာ ကိုယ်လည်း အော်ပြန်ရင် မီးကို မီးနဲ့ ငြှိမ်းနေခြင်း ဖြစ်ပါတယ်။ သူက စကားကြမ်းကြမ်းပြောလို့ ကိုယ်လည်း ပိုကြမ်းကြမ်းပြန်ပြောရင် မီးကို လောင်စာထပ်ပေးနေခြင်း ဖြစ်ပါတယ်။ သူက အတိတ်ကို ဆွဲထုတ်လာလို့ ကိုယ်ကလည်း အတိတ်ထဲက သူ့အမှားတွေကို တစ်ခုချင်း ပြန်ထုတ်လာရင် မီးငြှိမ်းဖို့ မဟုတ်တော့ပါဘူး။ ဒါကြောင့်ပဲ— စိတ်ဆိုးနေချိန်မှာ စကားများများပြောခြင်း၊ အတိတ်ကအကြောင်းတွေ ဆွဲထုတ်ခြင်း၊ တစ်ဖက်လူရဲ့ အားနည်းချက်တွေကို တစ်ခုချင်း ထုတ်ဖော်ခြင်း၊ အခြားသူတွေကိုပါ ပြောပြခြင်းဟာ မီးငြှိမ်းခြင်း မဟုတ်ပါဘူး။ မီးလိုက်ရာရှေ့ အမှိုက်ပွေ့နဲ့ ဝှေ့ရမ်းနေခြင်းမျှသာပါ။ သတိထားရမှာက အမှိုက်ကစ ပြဿဒ်ကြီး မီးလောင်တတ်တယ်ဆိုတဲ့ အချက်ပါပဲ။ • ကိုယ့်မီးကိုယ် ဘယ်လိုငြှိမ်းမလဲ ဒါဆို ကိုယ့်မီးကိုယ် ဘယ်လိုငြှိမ်းမလဲ။ တစ်ခါတလေ ဘာမှမပြောဘဲ ခဏရပ်နိုင်ခြင်း ကပဲ ပထမဆုံးအဆင့် ဖြစ်နိုင်ပါတယ်။

စိတ်ထဲမှာ ဒေါသအရှိန်တက်နေချိန်မှာ ချက်ချင်းတုံ့ပြန်မယ့်အစား ခဏရပ်လိုက်ပါ။ အသက်ရှူသံကို သိပါ။ ရင်ထဲမှာ တင်းကျပ်နေတာကို သိပါ။ မျက်နှာပူလာတာကို သိပါ။ ဒေါသဖြစ်နေတယ်ဆိုတာကို သိပါ။ “အခု ငါ့အတွင်းမှာ မီးလောင်နေတယ်” လို့ သိလိုက်ရုံနဲ့ပဲ အပြောင်းအလဲတစ်ခု စတင်နိုင်ပါတယ်။ မီးလောင်နေမှန်း မသိတဲ့သူက မီးကို ပိုလောင်အောင် လောင်စာရှာထည့်တတ်ပါတယ်။ မီးလောင်နေမှန်း သိတဲ့သူကတော့ လောင်စာမထည့်တော့ဖို့ သတိထားနိုင်ပါတယ်။ ဒါဟာ ကိုယ့်မီးကိုယ် ငြှိမ်းခြင်းရဲ့ အစပါပဲ။ • မီးငြိမ်းပြီးမှ ပြော သို့ပေမဲ့ ကိုယ့်မီးကိုယ် ငြှိမ်းတယ်ဆိုတာ အမြဲတမ်း ကိုယ့်အခွင့်အရေးကို စွန့်လွှတ်ရမယ်လို့လည်း မဆိုလိုပါဘူး။ မတရားမှုရှိရင် မတရားဘူးလို့ ပြောလို့ရနိုင်ပါတယ်။ မှားယွင်းမှုရှိရင် မှားတယ်လို့ ပြောလို့ရနိုင်ပါတယ်။ သူ့စည်းကိုယ့်စည်းထားဖို့လိုရင် စည်းထားလို့ရနိုင်ပါတယ်။ ကွာခြားတာက မီးလောင်နေတဲ့စိတ်နဲ့ ပြောတာနဲ့ မီးငြိမ်းပြီးမှ ပြောတာ ပါ။ မီးလောင်နေတဲ့အချိန်မှာ ပြောတဲ့စကားက တစ်ဖက်လူကို နာကျင်စေဖို့ ရည်ရွယ်လာတတ်ပါတယ်။ မီးငြိမ်းပြီးမှ ပြောတဲ့စကားကတော့ အခြေအနေကို နားလည်စေဖို့၊ ဖြေရှင်းဖို့၊ လိုအပ်ရင် ကိုယ့်ကိုယ်ကို ကာကွယ်ဖို့ ဖြစ်လာနိုင်ပါတယ်။ • မီးကို မီးနဲ့ ငြှိမ်းဖို့ မကြိုးစားနဲ့ ဘဝမှာ ကိုယ်နဲ့သဘောထားမတူသူတွေ ရှိနေမှာပါ။ ကိုယ့်ကို အထင်လွဲသူတွေလည်း ရှိမယ်။ ကိုယ့်အပေါ် မမျှတစွာ ပြောဆိုသူတွေလည်း ရှိမယ်။ ကိုယ်ဘယ်လောက်ပဲ ရိုးသားပါစေ ကိုယ့်ကို နားမလည်သူတွေ ရှိနေဦးမှာပါ။ အဲဒီအခါတိုင်း သူတို့ကို ပြောင်းလဲဖို့ ကြိုးစားနေရင် ကိုယ်ဟာ ပင်ပန်းနေမှာပဲ။ ဒါပေမဲ့ ကိုယ့်စိတ်ကို ပြန်ကြည့်နိုင်တဲ့အခါ မတူတဲ့လမ်းတစ်ခု ပေါ်လာပါတယ်။ သူ့အပြစ်ကို ရှာမယ့်အစား ကိုယ့်မီးကို ရှာပါ။ သူ့အမှားကို စုဆောင်းမယ့်အစား ကိုယ့်စိတ်ထဲက လောင်စာတွေကို လျှော့ပါ။ သူ့ကို အနိုင်ယူဖို့ မကြိုးစားမီ ကိုယ့်ဒေါသကို အရင်အနိုင်ယူပါ။ အဲဒီအခါ ပဋိပက္ခတစ်ခုဟာ အနိုင်အရှုံးပြိုင်ပွဲ မဟုတ်တော့ပါဘူး။ ကိုယ့်စိတ်ကို ကိုယ်လေ့လာခွင့်ရတဲ့ နေရာတစ်ခု ဖြစ်လာပါတယ်။ အဲဒီအခြေအနေမှာပဲ— သူ့မီးကို မီးနဲ့ပြန်မတိုက်တော့ဘဲ ကိုယ့်မီးကို အရင်ငြှိမ်းနိုင်လာပါလိမ့်မယ်။ ပြီးတော့ မီးငြိမ်းသွားတဲ့အခါမှာ စကားတစ်ခွန်းဖြစ်ဖြစ် သူ့ကို ပြန်ပြောနိုင်ပါလိမ့်မယ်။ နားလည်မှုတစ်ခုနဲ့ ပြန်စနိုင်ပါလိမ့်မယ်။ တစ်ခါတလေ ခွင့်လွှတ်နိုင်ပါလိမ့်မယ်။ တစ်ခါတလေတော့ ဆက်မပတ်သက်ဘဲ ငြိမ်းချမ်းစွာ ခွာထွက်လာနိုင်ပါလိမ့်မယ်။ ဘာပဲဖြစ်ဖြစ်— မီးကို မီးနဲ့ ငြှိမ်းဖို့ မကြိုးစားတော့တာက ငြိမ်းချမ်းခြင်းခရီးလမ်းရဲ့ အစပါပဲ။ သူ့မီးသေစေချင်ရင် သူ့အမှားကို အရင်လိုက်ရှာဖို့ မလိုပါဘူး။ ကိုယ့်မီးကိုယ် အရင်ငြှိမ်းနိုင်ဖို့ပဲ လိုပါတယ်။ အဲဒါကြောင့်— မီးလိုက်ရာရှေ့ အမှိုက်ပွေ့ မဝှေ့မရမ်းနှင့်။ မီးကို ငြှိမ်းချင်ရင် လောင်စာမထည့်ပါနှင့်။ သူ့မီးကို ငြှိမ်းချင်ရင် ကိုယ့်မီးကိုယ် အရင်ငြှိမ်းပါ။ #ငြိမ်းချမ်းသာ #စာပြီးရက်စွဲ-20-8-2026 #သုဝဏ္ဏသျှမ် #စာဖတ်သူတစ်ယောက်၏မှတ်စုများ https://www.facebook.com/thuwannashan

Interview with Joseph Goldstein 4

တစ်ဦးနဲ့တစ်ဦး Boundary အနေနဲ့ ဆိုတာ တကယ်တော့ တစ်ယောက်နဲ့ တစ်ယောက် ဗီဇ type လေးတွေ မတူညီတတ်ကြတာမို့ ကိုယ့်ကိုယ်ကိုရော တဖက်သူအပေါ်ကိုရော မေတ္တာနဲ့ လေးစားလို့ ထားသင့်ထားထိုက်တဲ့ Wisdom နဲ့ ထားတဲ့ သဘောတရားလေး တခုပါ 🌉 💟w_hlwar

စွမ်းရေးထားတဲ့ post လေး ကောင်းလို့ ... fb မသုံးတဲ့ သူများလည်း ဖတ်လို့ ရနိုင်အောင် comment မှာ စွမ်းရဲ့ စာလေးကို ပြန် share လိုက်ပါတယ် ☺

စွမ်းရေးထားတဲ့ စာ post လေး ကောင်းလိုက်တာ ....