Guney AZfront

Güney Azərbaycanda məktəblərin birində xoşagəlməz hadisə baş verib. Zəncan şəhərində məktəbli qızlar bələdiyyə sədri və imam qarşısında baş əyməyə məcbur ediliblər. Sözügedən məsələyə dair görüntülər sosial şəbəkə istifadəçilərinin qəzəbinə tuş gəlib. #GuneyAzerbaycan #Zancan

Şimali Kipr Türk Cümhuriyyətində Azərbaycan Beynəlxalq Mədəniyyət Mərkəzinin təntənəli açılışı olub.  Tədbirdə Şimali Kipr Türk Cümhuriyyətinin Prezidenti Ersin Tatar, Baş nazir Ünal Üstəl, parlamentlərarası əlaqələr üzrə Azərbaycan–ŞKTC və Türkiyə–ŞKTC işçi qruplarının üzvləri, Azərbaycan Respublikasının Diasporla İş üzrə Dövlət Komitəsinin əməkdaşları, ictimaiyyət nümayəndələri, jurnalistlər iştirak ediblər. Mərasim iştirakçıları Azərbaycan xalqının ümummilli lideri Heydər Əliyevin, eləcə də Azərbaycan, ŞKTC və Türkiyə uğrunda həyatlarını qurban vermiş şəhidlərin xatirəsini yad ediblər (Xalq Qəzeti). #SimaliKipr #Azerbaycan

ABŞ Milli Kəşfiyyatının direktoru: “Rusiya, Çin və İran ABŞ seçkilərinə təsir etmək istəyən ən tanınmış xarici oyunçulardır” (sepah_pasdaran). #İran #ABS

İran cavabdehliyə çağırılıb Nobel mükafatı laureatları İran hökumətinin edamdan vasitə kimi istifadə etməsinə görə məsuliyyətə cəlb olunmasının vacibliyini vurğulayıblar.  Aralarında dünya səviyyəsində tanınmış hüquq müdafiəçilərinin də olduğu bəyanat müəllifləri beynəlxalq ictimaiyyəti edamları dayandırmaq üçün İrana təzyiq göstərməyə çağırıblar. Onlar Tehran hakimiyyətinin edamlardan müxalifləri və etirazçıları qorxutmaq vasitəsi kimi istifadə etməsinə diqqət çəkiblər (İranwire). #İran

İraq prezidenti: İranın İraqa hərbi müdaxiləsi yoxdur Əbdüllətif Camal Rəşid: “İraqın İranla əlaqələri tarixi və güclüdür, İrana qarşı bəzi ittihamlar da yalandır və bu ölkənin İraqın işlərinə heç bir hərbi müdaxiləsi yoxdur. Bağdad və Tehran arasında sərhəd mübahisələri dialoq yolu ilə həll olunub”. #İran #İraq

İran sünnilərinin lideri Türkiyəyə yollanıb İranda nüfuzlu sünni din xadimi və etnik bəlucların dini lideri Moləvi Əbdülhəmid (İsmayıl Zehri) Türkiyəyə gedib. Bu barədə onun ofisi məlumat yayıb. Başqa bəluc mənbələr din xadiminin müalicə üçün Türkiyəyə səfər etdiyini yazıb. Əbdülhəmidin ofisi onun səhhəti ilə bağlı məlumatı təsdiqləməyib, din xadiminin vəziyyətinin yaxşı olduğunu və bir neçə gün sonra Zahidan şəhərinə qayıdacağını bildirib. Bir müddət əvvəl İran Təhlükəsizlik və Kəşfiyyat Nazirliyi sünni liderin Məkkəyə nəzərdə tutduğu ziyarətinə mane olmuş və onun ölkədən çıxışına imkan verməmişdi. #SistanBelucistan #Turkiye

​​Güney Azərbaycanda zavodun işçiləri aksiya keçirirlər Təbriz şəhərində fəaliyyət göstərən Neftayırma Zavodu Cəmiyyətinin İstehsal Şöbəsi işçilərinin etirazı 16 gündür davam edir. Sayı 600 nəfərdən artıq olan aksiyaçılar maaşlarının ödənilməməsinə və digər çatışmayan hallara etirazlarını bildirmək məqsədilə zavodda yeməkdən imtina edərək müdiriyyətdən onları dinləmələrini tələb edirlər. Etirazçılardan biri deyib ki, onlar 16 gündür ki, zavodda yemək yeməkdən imtina ediblər. Məqsəd yubanmış ödənişlər, məişət haqqı və müavinətlərin ödənilməsinə nail olmaqlardır (Azərbaycan Öyrənci Hərəkətı “AZOH”-nın Telegram kanalı).  #etiraz #aksiya

​​Bakı ilə İrəvan arasında 4 Azərbaycan kəndi ilə bağlı protokolun imzalanması böyük uğurdur. Bu barədə Ermənistanın baş naziri Paşinyan hökumətin iclasında bildirib.  “Müstəqillik tarixində ilk dəfə olaraq Ermənistanın rəsmi delimitasiya olunmuş sərhədi var ki, bu da təkcə bu hissədə deyil, Ermənistan–Azərbaycan sərhədinin bütün perimetri boyu təhlükəsizlik və sabitliyin səviyyəsini əhəmiyyətli dərəcədə artıracaq”, – deyə o əlavə edib. #Ermenistan #Azerbaycan

Fransanın daxili işlər naziri Darmanan Azərbaycanı Yeni Kaledoniyadakı iğtişaşlara müdaxilə etməkdə ittiham edib. Bir müddət sonra Azərbaycan Xarici İşlər Nazirliyi Fransanı Bakıya qarşı əsassız ittihamları dayandırmağa çağırıb: “Fransanın daxili işlər naziri Jerar Darmananın 16 may 2024-cü il tarixində “France-2” telekanalına müsahibəsində ölkəmizə qarşı, eləcə də Azərbaycanla Yeni Kaledoniyanın müstəqillik liderləri arasında iddia edilən münasibətlərə dair səsləndirdiyi növbəti əsassız fikirləri tamamilə rədd edirik”. Mayın 13-də Yeni Kaledoniyada kütləvi etirazlar başlayıb. Səbəb Fransa parlamentinin adada 10 ildən artıq yaşayan Fransa vətəndaşlarının yerli seçkilərdə səsvermə hüquqlarının genişləndirilməsini nəzərdə tutan konstitusiya islahatını qəbul etməsidir. Mayın 15-də Fransa bu etirazlarla əlaqədar adada fövqəladə vəziyyət elan edib. Yeni Kaledoniya Fransanın Sakit okeanda yerləşən xüsusi inzibati-ərazi qurumudur. Əhalinin əksəriyyətini melaneziyalı kanak xalqı təşkil edir. #YeniKaledoniya #Fransa #Azerbaycan

Balkan yarımadasında sabitliyin və təhlükəsizliyin möhkəmləndirilməsinə dəstək İranın qətiyyətli siyasətidir Balkan yarımadasında sabitlik və təhlükəsizliyin möhkəmləndirilməsinə dəstək vermək və bu regionda əhalinin bütün təbəqələrinin birgə yaşayışını təşviq etmək İran İslam Respublikasının qətiyyətli siyasətidir. Bu barədə İranın xarici işlər naziri Abdullahian yeni serb həmkarı ilə telefon danışığında bildirib. #İran #Serbiya