Guney AZfront

Tehran Əyaləti Su və Kanalizasiya Cəmiyyəti tərəfindən bir neçə gündür şəhər sakinlərinə adambaşına ən azı 75 litr su ehtiyatı toplamaq barədə tapşırıq verilib (Günaz). #Tehran

Tümən dəyər qazanır İran–İsrail münasibətlərinin gərginləşməsi zamanı kəskin ucuzlaşan İran pulu hadisələr sakitləşdikdən sonra dəyər qazanmağa başlayıb. Aprelin ortalarında 1 ABŞ dolları 71 min tümənə satılırdısa, bu gün 60 min 500 tümənə təklif olunur.  #tumen

İran komandası məktəblilər arasında keçirilən beynəlxalq voleybol turnirində dünya çempionu olub. Ölkə Prezidenti gənclərə müraciət edərək onları təbrik edib. #idman #voleybol

İrandan göndərilən ölüm boğçası ələ keçirilib Dövlət Sərhəd Xidmətinin əməkdaşları narkotik vasitənin qaçaqmalçılıq yolu ilə İran İslam Respublikasından Azərbaycan Respublikasına keçirilməsinin qarşısını alıblar. Bu barədə Dövlət Sərhəd Xidmətinin Mətbuat Mərkəzi məlumat yayıb. Keçirilmiş axtarış-əməliyyat tədbirləri nəticəsində ümumi çəkisi 6 kiloqram 450 qram marixuana aşkar olunaraq götürülüb. #İran #narkotik

“Kərim İsmayılzadə Azad Olsun” Güney Azərbaycan Milli Hərəkatının fəalları Təbriz şəhərinin Mərkəzi Həbsxanasında saxlanılan ağır çəki üzrə ikiqat dünya çempionu boksçu Kərim İsmayılzadənin azad edilməsini tələb ediblər. Şəhərin müxtəlif yerlərində divarlara “Azadlıq, Ədalət, Milli Hökumət” və “Kərim İsmayılzadə Azad Olsun” şüarları yazılıb, siyasi məhbusun rəsmi olan pankartlar paylanılıb. Güney Azərbaycanda və İranda siyasi təqiblərə məruz qalan şəxslər barəsində məlumat əldə etmək üçün Guney AZfront Telegram kanalında #MilliFeal və ya #SiyasiMehbus həşteqlərini axtarış bölməsinə əlavə etmək kifayətdir. #SiyasiMehbus #MilliFeal

​​Anti-Azərbaycan eksperti Ermənistanda “İran agentləri”ni üzə çıxarıb “Hüseyniyyun hərəkatı və erməni kilsəsi İranın Cənubi Qafqazda təsirinin iki qanadıdır. Ermənistanda baş verənlər Tehranın təhlükəsizliyinə, iqtisadiyyatına və siyasətinə birbaşa təsir göstərir. Xristian din xadimlərinin Ermənistanı NATO işğalından və sionizmdən qoruya bilməməsi İran üçün də arzuolunmazdır, bu, bizim (İranın) nöqteyi-nəzərdə qalmalıdır. Bizim passivliyimiz təhlükəlidir!” – deyə Azərbaycan əleyhinə açıqlamaları ilə tanınan iranlı politoloq Ehsan Movahedyan öz Twitter hesabında yazıb. Hüseyniyyun İrana Azərbaycandan qaçan Xomeyni ideologiyası tərəfdarlarından ibarət SEPAH tərəfindən yaradılmış qruplaşmadır.

İranda azərbaycanlı gəncə həyat yoldaşından boşanmaq hökmü çıxarılıb Qərbi Azərbaycan Əyalət Apellyasiya Məhkəməsi “rejim əleyhinə təbliğat aparmaq” ittihamını əsas götürərək Sulduzda yaşayan mülki fəal və keçmiş siyasi məhbus Səccad Şahirini həyat yoldaşından boşanmağa məhkum edib (AZ News). Güney Azərbaycanda və İranda siyasi təqiblərə məruz qalan şəxslər barəsində məlumat əldə etmək üçün Guney AZfront Telegram kanalında #MilliFeal və ya #SiyasiMehbus həşteqlərini axtarış bölməsinə əlavə etmək kifayətdir. #SiyasiMehbus #MilliFeal

​​Böyük Britaniyanın baş naziri: London Rusiya, İran və Çindən gələn təhdidlər səbəbindən hərbi xərcləri artıracaq “İstəsək də, istəməsək də, dünyamız daha təhlükəli hala gəlib. Dəyərləri bizimkindən fərqli olan avtoritar dövlətlərin oxu daha qətiyyətli hərəkət edir, səyləri daha fəal əlaqələndirir. Bunlar İran, Rusiya, Şimali Koreya və Çindir. Bu, ölkəmizə, dəyərlərimizə və maraqlarımıza zərər vurur”, – deyə Britaniyanın baş naziri Sunak Sky News-a müsahibəsində bildirib. Aprelin 23-də Böyük Britaniyanın baş naziri Sunak müdafiə xərclərini ölkənin ÜDM-in 2,5%-nə qədər artırdığını bəyan edib. Bununla da London hərbi xərclərə görə Avropada birinci yeri tutacaq. #İran #Cin

Güney Azərbaycanda avtobus aşıb. Hadisə Qəzvin əyalətində baş verib. Nəticədə 20 nəfər yaralanıb, 1 nəfər isə həyatını itirib. Bu haqda məlumatı sözügedən bölgənin Qızıl Aypara Cəmiyyətinin rəhbəri ictimaiyyətin diqqətinə çatdırıb (SNN.ir). Aşırımda iri sərnişin avtobusu qəzaya düşüb Milli fəal faciəvi şəkildə dünyasını dəyişib #GuneyAzerbaycan #Qazvin #qeza

Təbrizdə kanalizasiya quyusunda partlayış baş verib. Nəticədə 4 nəfər yaralanıb. Xəsarət alanlar İmam Rza xəstəxanasına yerləşdiriliblər. Bu haqda məlumatı Şərqi Azərbaycan Vilayətinin Fövqəladə Hallar İdarəsinin sözçüsü verib (Təbriz Səsi). #Tabriz