845
Subscribers
No data24 hours
-47 days
-2330 days
Posts Archive
845
حابه احڪي حاجه حصلت معايا النهارده🤎.
ڪنت راجعه انا وصحبتي من الڪُتاب النهارده المهم ڪنا بنتڪلم عن امور الدين وڪدَ فـ بعدين جيه حوار الارتباط وڪدَ فـ قولتلها دِ علاقه غير شرعيه وحرام فـ المهم ع ما اظن هي مرتبطه فـ قالتلي طلاما هي علاقه محترمه ومش بنقول حاجه خارجه يبق مش حرام قولتلها والله حتي لو بيصحيڪي لـ صلاة الفجر هي علاقه محرمه وقعدت افهمها وجبت ليها فيديو لـ حازم شومان يثبت ڪلامي عارفين ردت عليا بـ إي.؟😹
ساعات الشيوخ بيقولوا ڪلام غلط وهي مش محرمه ومتهبديش فحاجه متعرفيهاش وبعدين خلي حد غيرك يتڪلم دَ ع اساس انك ڪنتِ طاهره يعني بنفس الاسلوب دَ عايزه اقولڪم ان وقتها قلبي وجعني اوي وعيني دمعت اقرب حد ليا وبتعيرني بـ الماضي بتاعي
بس الموقف دَ فاهمني ان الشخص لو بيعمل حاجه حرام بيحاول دايماً يثبت لـ نفسه وللـ حواليه انها مش حرام مع انه بينه وبين نفسه عارف إنها حرام اصلاً واڪتشفت ان لو انت ڪنت شخص مش ڪويس واتغيرت للأحسن ومهما عملت من حاجات ڪويسه الناس هتشوف الغلط الا ڪنت بتعمله بس عايزڪم بس تعرفوا ان الانسان مننا عنده قلب ومشاعر وبيحس وبيتوجع لما تلقي حد اتغير متفڪروش بالماضي بتاعه والغلط الا ڪان بيعمله ع الاقل شجعه متڪسرش بخاطره وبلاش الحقد يسيطر ع قلبڪم الانسان مننا فـ قلبه تقوي وخير بس محتاج الا يرشده للصح ويغيره للأحسن محتاجه صحاب صالحين زي م انا لقيت ناس ترشدني للصح واتغيرت للأحسن مع اني اصلاً مڪنتش متخيله إن ايلا الا ڪانت شايفه نفسها وبتعمل حاجات تعصي ربنا هتتغير ڪدَ ثبتنا الله واياڪم🤎.
845
الحلقة ٣ من السيرة النبوية 🙌
يلا صلو على النبى 🌸💜
ونكمل كلامنا بعد ما خلصت حادثه شق صدر رسول الله ﷺ والملايكه خيطت صدر النبىﷺ كل ده حصل وكان مين واقف عمال يتفرج؟ اخوه.. فأول ما مشيوا صرخ جامد وقال يا أمى إلحقى .. قتل أخى.. قتل أخى القرشى..
بتقول حليمه فبسرعه جريت وأنا عماله أصرخ وورايا زوجى.. فلما وصلنا لقيناه صلى الله عليه وسلم واقف ووشه أصفر اوى .. فأول ما شافنى جرى عليا وحط وشه فى عبايتى وفضل يعيط جامد قوى بصوت عالى.. ونزلت على ركبتى وقلتله مالك.. فداك أبى وأمى يا محمد.. وكانت حليمه أول إنسانه تقول للنبى عليه الصلاه والسلام بأبى أنت وأمى يعنى بتفديه بأقرب واحب ناس ليها.. فقالتله مالك؟ فبدأ يحكيلها اللى حصل.. فقالت لزوجها انا حسه ان مسه جن..اكيد ده جن.. فجوزها راح قايلها: يا حليمه خديه ورجعيه لأهله قبل ما يحصله حاجه وحشه اكبر من كده .
بتقول حليمه شلته ورجعت للزعل والحزن تانى .. وخدته وفضلت أعيط لحد ما وصلنا لمكه .. بحبه.. ومش عايزه أسيبه..❤
فلما وصلنا لمكه دخلت على آمنه أم النبى فقالتلى : فى إيه أنتى رجعتى بسرعه لمكه ليه؟
فرديت وقلت :خلاص محمد ﷺ فطمته ومبقاش محتاج يقعد عندى.
فقالت آمنه: لا والله ابدا شكلك بيقول أن فى حاجه حصلت.. ده انتى كنتى لسه عندى من شهرين بتتحايلى عليا يقعد سنه كمان.. فقلت لآمنه: لا ابدا مفيش أى حاجه.. فزعقت آمنه وقالتلى: أوعى تكدبى عليا.. يلا قولى حالا حصل إيه..
فضغطت آمنه على حليمه فبدات حليمه تحكى.. قامت أم النبى عليه الصلاه والسلام بعد ما سمعت اللى حصل ردت علي حليمه رد شديد قوى قوى
اتنرفزت قوي أمنه لما سمعت حليمه السعديه بتقول ان النبي ﷺ مسه جن
قالت امنه لحليمه ابعدي عني هاتي أبني وشدت أمنه النبي ﷺ وقالت والله أنتي كدابه والله... أبني ده مش مسه جن ولا أي حاجه.. أبني ده له شأن عظيم والله يوم متولد شوفت نور بيخرج مني.. نور منور من هنا مكه لحد منطقة بصرة
وفعلا خدت أمنه النبي ﷺ من حليمه ... وبتقول حليمه رجعت لبني سعد وفضلت اعيط واقول يارب اجمعني بيه في يوم من الايام يارب.. اصلها كانت بتحب محمد ﷺ قوي❤
دلوقتي الرسول ﷺ رجع بيته مع أمه أمنه والداده بتاعته أم أيمن ... وكبر النبي ﷺ لحد مبقي عنده 6 سنين فامه قالتله انت كبرت يالا بينا نروح نزور اخوالك في يثرب "هتتسمي المدينه بعد كده" عشان تعرفهم .. وأخوال النبي ﷺ كانوا في منطقة عند بني النجار.. وقالت يلا نزورهم واحنا راجعين نعدي كمان علي قبر أبوك عبد الله ونزوره
وفعلا يزوروهم وهما راجعين عدوا علي قبر ابوه عبد الله بن عبد المطلب وقفوا عند القبر وتبكي آمنه ويبكي محمد ﷺ ... والعلماء قالوا أن أعلي درجات اليتم هو ان تفقد أبوك من قبل حتي ما تشوفه لان عمرك ما شفت يعني أيه أب وعمرك ماجربت تنطق الكلمة الحلوة دي فكان الحبيب ﷺ يتمه من أعلي درجات اليتم 💔
وفي طريق رجوعهم لمكة في نص الطريق كده عند منطقة أسمها اﻷبواء.. هتحصل حاجة شديدة قوي وصعبة أيه هي!!؟
..أم النبى ﷺ تعبت وبدأت تحس أنها مش قادره تتنفس والألم بيزيد.. وتبدأ تقع على الأرض.. ويبدأ النبى ﷺيحضنها ويطبطب عليها بإيده الشريفه صلى الله عليه وسلم.. محمدﷺ خايف قوى..بدأ يعيط مش عارف إيه اللى بيحصل لأمه.. آمنه تحتضر.. وأم أيمن واقفه مش عارفه تعمل إيه..
وبعد دقايق وقف ألم آمنه.. وفضل النبى ﷺيبصلها ويحركها ولكن للأسف امه مش بتتحرك.. آمنه ماتت ..💔
ورغم أنه موقف صعب قوى.. إلا أن لسه فى موقف هيحصل أصعب من كده.. أم أيمن مينفعش تسيب آمنه على الأرض ولا تقدر تشيلها لحد مكه...
أم أيمن لازم تدفن آمنه..تبدأ أم أيمن تحفر القبر.. والنبى عليه الصلاه والسلام ولد مؤدب مش هيسيب أم أيمن ست كبيره تحفر لوحدها ويقف يتفرج عليها.. هيبدأ يساعدها عليه الصلاه والسلام فى حفر قبر أمه ..وهيدفن أمه بإيديه الشريفه صلى الله عليه وسلم ..
فيبدأ يحفر ويبكى وأم أيمن تبكى على الولد الصغير اللى بقى يتيم الأب والأم .. ويحطوا التراب على آمنه...
أتولدت يا رسول الله ومشفتش أبوك ومعرفتش معنى وإحساس كلمه أب .. وأمك تموت وتدفنها بإيديك وعندك ست سنين.. هيفضل المنظر قدام عينيك؟! هتفضل فاكره طول عمرك؟!.. أى طفل لو مر بظروف زى دى ممكن يطلع طفل معقد.. حقود.. عايز ينتقم من الدنيا إلا النبى صلى الله عليه وسلم إزداد حنان فوق حنانه وطيبه وعطف..وهنشوف ده طول ما أحنا بنحكى سيرته سوا مواقف كتيره مليانه رحمه وإنسانيه..💜👑
محمدﷺ دلوقتى مع أم أيمن يتيم الأب وكمان الأم.. مين هيهتم بيه بعد كده؟ مين هيبقى ولى أمره؟
محمدﷺ رجع مكه من غير امه 💔 وماسكه إيده أم أيمن وهي حاسه ناحيته بالمسئوليه.. راحت بيه لبيت جده عبد المطلب. فتح وقالها مالك؟ قالت ماتت آمنه ومحمدﷺ أهو فيعيط عبد المطلب.. زعلان على آمنه وعلى النبىﷺويخده فى حضنه..
845
س/ ايه هو سجود السهو ؟
ج/ سجود السهو هو سجدتين تسجدهم قبل السلام أو بعده وبيكونوا لجبر خلل حصل في الصلاة
الخلل ده ممكن يكون ...زيادة أو نقص أو شك لحديث النبي :
"إِذَا شَكَّ أحَدُكُمْ في صَلاتِهِ، فَلَمْ يَدْرِ كَمْ صَلَّى ثَلاثًا أمْ أرْبَعًا، فَلْيَطْرَحِ الشَّكَّ ولْيَبْنِ علَى ما اسْتَيْقَنَ، ثُمَّ يَسْجُدُ سَجْدَتَيْنِ قَبْلَ أنْ يُسَلِّمَ، فإنْ كانَ صَلَّى خَمْسًا شَفَعْنَ له صَلاتَهُ، وإنْ كانَ صَلَّى إتْمامًا لأَرْبَعٍ كانَتا تَرْغِيمًا لِلشَّيْطانِ"
*
س/امتى يكون سجود السهو قبل السلام وامتى يكون بعده ؟
ج/ لو نسيت حاجة من واجبات الصلاة زي مثلا جلسة التشهد الاول أو انك تقول سبحان ربي العظيم أو سبحان ربي الاعلى ...لو نسيت تقولهم مش لو نسيت الركوع والسجود ...ساعتها هتسجد سجدتين السهو قبل السلام
او لو كان عندك شك انك ناسي حاجه منهم
👈أما لو زودت حاجة في الصلاة او عندك شك انك زودت ساعتها هتسجد سجدتين السهو بعد ماتسلم
فمثلا انت شكيت انك صليت العصر ٥ ركعات هتسلم الاول وبعدها تسجد سجدتين السهو
**
س/ يعني لو نسيت ركعة ...اسجد سجود سهو بس قبل السلام ؟؟
ج/ لا ...لو نسيت ركعة او شكيت انك نسيت ركعة هتقوم تصلي الركعة دي الاول وفي الاخر هتسجد سجدتين قبل ماتسلم
سجود السهو لوحده ماينفعش لو نسيت ركن من اركان الصلاة ..يعني لو نسيت ركوع او سجود او مثلا قراءة القاتحة ...هتصلي الاول الركعة اللي نسيت فيها حاجه دي وفي اخر الصلاة قبل ماتسلم تسجد سجدتين سهو
**
س/ طيب لو نسيت التشهد الاوسط ؟؟
ج/هتسجد سجدتين سهو قبل السلام بس
*
س/طيب فيه دعاء معين لسجود السهو ولا بنقول فيها ايه ؟؟
ج/ مافيش دعاء مخصوص لسجود السهو
بتقول سبحان ربي الاعلى بس زي السجود العادي
**
س/ طيب لو نسيت التشهد الاوسط ونسيت اسجد سهو اعمل ايه ؟
ج/ لو افتكرت بعد ماخلصت صلاة ع طول اسجد وقتها
ولو افتكرت بعد فترة طويلة خلاص سقط من عليك وصلاتك صحيحة
#س_و_ج
#رسايل
845
ذنوب الخلوات تُفسد القلب وتمرضه حتىٰ لا يتأثر بطاعة ولا يتلذذ بعبادة،وتؤثر علىٰ العقل حتىٰ لا يعرف الحق مِن الباطل، وتجعل الإنسان شحيب الوجه، مضطرب النفس،حتىٰ ليجد بينه وبين الخلق وحشة وبغضاء.
قال أبو الدرداء:
إن العبد يخلوا بمعاصي اللَّه، فيُلقي اللَّه بغضه في قلوب المؤمنين من حيث لا يشعر.
845
﴿أَلَمْ أَنْهَكُمَا﴾
عتاب يُذيب القلب المؤمن!
أصعب شيء على من ذاق حلاوةً القربِ من اللّٰه أن يَذوق مرارةً البُعد!
هو أصعب من فقدان أي شيء دنيوي 💔🚶♀".
