بيشوي طلعت - Beshoy Talaat

الاسلام هو صيدنايا للعقول

الفوضى والعبثية هي جزء من طبيعة المادة عشان كدا الشر مش هينتهي غير لما تنتهي المادة ولكن الجزء الاهم في الموضوع انه رغم العبث ربنا قادر انه يخلق منها جمال لأُعْطِيَهُمْ جَمَالًا عِوَضًا عَنِ الرَّمَادِ (سفر إشعياء 61: 3) #خواطر_شخصية

الدفاعيات مش Script ولا كلمتين هتحفظهم الدفاعيات دراسة وتحليل واستنتاج مبني على تحليل الادلة #مقدمات_في_اللاهوت_الدفاعي

اللاهوت في العموم محتاج دراسة انت بتدرس مادة مش هقولك علمية لان لفظ علم يعني العلوم الطبيعية اللي هي الجيولوجيا والاحياء وخلافه ولكن بدرس ادبيات تمشل كتابات تاريخية وفلسفية الخ.. فبتالي لازم دايما عليك كمدافع يبقى عندك انفتاحية انك تتعلم كل يوم معلومة جديدة وتعرف ازاي تحلل المعلومات دي وتربطها ببعض #مقدمات_في_اللاهوت_الدفاعي

عشان كدت بقولكم تعالوا تليجرام عشان لما تحصل مشكلة في الفيسبوك اعرف اتواصل معاكم

محاضرة مهمة https://youtu.be/FiYDzR976Fs?si=5fg0ZyVGH03u9dWu #مقدمات_في_اللاهوت_الدفاعي

برنامج e-Sword هو برنامج مجاني بيجمع أدوات كتير لدراسة الكتاب المقدس، وبيسهّل على أي حد يحب يقرأ أو يدرس الكتاب يتعمق أكتر. تقدر من خلاله تشوف ترجمات مختلفة، تعمل بحث عن كلمة أو جملة معينة، وتقارن بين الترجمات. كمان فيه شروحات وتفاسير ممكن تضيفها، وده بيساعدك تفهم النصوص بشكل أوضح. البرنامج خفيف وسهل الاستخدام، وبتقدر تنزّله على الكمبيوتر أو الموبايل، وكله مجاني! باختصار، لو عايز أداة بسيطة بس فعّالة لدراسة الكتاب المقدس، e-Sword هو الاختيار الأمثل. https://www.christianlib.com/19635.html/تحميل-برنامج-الكتاب-المقدس-الإلكترون/ #مقدمات_في_اللاهوت_الدفاعي

هو احنا على اي اساس قيمنا ان المسيح كان بيشتم ؟ يعني هل احنا قلنا الكلام ده على اساس الواقع بتاعنا واللغة بتاعتنا ؟ طيب ما في حاليا وفي الوقت الحاضر الخلاف في معنى الكلمة بين البلاد المتحدثة بالعربية رغم انها نفس الكلمة زي كلمة ( مرة ) دي في البلادي زي الشام والعراق عادية جدا ولكن في مصر ماينفعش تقول لاي ست فهو احنا لما نحب نقيم الفاظ المسيح هل بنقيمها على مقياس العصر بتاعنا ولا على مقياس العصر اللي هو كان فيه ؟ #مقدمات_في_اللاهوت_الدفاعي

احنا لو نظرنا للعالم في العموم هتلاقيه هادئ جدا وماشي على نظام معين حتى لو فيه بعض الاضطرابات اللي هتجدها دي بتبقى ناتجة عن طبيعته هو في ذاتها لانه مادة ولكن لو نظرنا لاغلب المصايب هنلاقيها من صنع البشر ، اغلب الاضطرابات والمشاكل والكوارث والدنيا المقلوب دي كلها لو نظرنا فيها بعمق هتلاقي ان اغلب الخراب من البشر انفسهم

#ببساطة بص ياصديقي لفظ ( الله ) لما بيوضع في التراجم العربية مش بيوضع كاسم علم ولكن بيوضع كدلالة عن الذات الالهية او الالهة حتى لو وثنية يعني هو مش اسم علم لاله الكتاب المقدس ولكنه صيغة تعريف ان ده شئ الهي وده ممكن يطلق على اي اله وثني اخر على سبيل المثال في سفر التكوين ( فِي الْبَدْءِ خَلَقَ اللهُ السَّمَاوَاتِ وَالأَرْضَ." (تك 1: 1). وفي النص العبري اللي هو اللغة الاصلية للنص ( בְּרֵאשִׁ֖ית בָּרָ֣א אֱלֹהִ֑ים אֵ֥ת הַשָּׁמַ֖יִם וְאֵ֥ת הָאָֽרֶץ׃) التعبير المستخدم هنا هو ( אֱלֹהִ֑ים ) وده نطقه الوهيم ومعناه اله او الالهة وده اللي ترجم في العربية الي الله نص تاني موازي له بس مش بيتكلم عن الاله الخالق ولكن عن الهة الامم ( "لأَنَّ كُلَّ آلِهَةِ الشُّعُوبِ أَصْنَامٌ، أَمَّا الرَّبُّ فَقَدْ صَنَعَ السَّمَاوَاتِ." (مز 96: 5) والنص العبري ( כִּ֤י ׀ כָּל־אֱלֹהֵ֣י הָעַמִּ֣ים אֱלִילִ֑ים וַֽ֝יהוָ֗ה שָׁמַ֥יִם עָשָֽׂה׃) هو هنا استخدم لفظين ( אֱלֹהֵ֣י ) الوه المشتقة من الوهيم عشان يدلل على الالهة الوثنية شوفتوا نفس الكلمة بتيجي عند اله الكتاب المقدس والالهة الوثنية نفس الكلمة وده لانها في الاصل مش اسم علم ولكنها زي صفة عن الالهيات وهنلاقي برضه الكاتب استخدم لفظ ( וַֽ֝יהוָ֗ה ) يهوه اللي بيترجم عادي في العربي ليهوه زي سفر الخروج ( وَقَالَ اللهُ أَيْضًا لِمُوسَى: «هكَذَا تَقُولُ لِبَنِي إِسْرَائِيلَ: يَهْوَهْ إِلهُ آبَائِكُمْ، إِلهُ إِبْرَاهِيمَ وَإِلهُ إِسْحَاقَ وَإِلهُ يَعْقُوبَ أَرْسَلَنِي إِلَيْكُمْ. هذَا اسْمِي إِلَى الأَبَدِ وَهذَا ذِكْرِي إِلَى دَوْرٍ فَدَوْرٍ." (خر 3: 15).او الرب زي ما ذكر هنا في المزمور وده الاسم العلم الشخصي لاله بني اسرائيل فهو فرق بين الاتنين بين الاسم الشخصي لاله بني اسرائيل وبين التعبير اللي بيترجم للدلاله على الاله او الالهة اللي هو بيترجم بالعربي الى الله وكذلك نفس الشئ في العهد الجديد ولكن بدل يهوه بقا بيتحط الاستعلان اللي عمله الابن عن طبيعة الله ( اَللهُ لَمْ يَرَهُ أَحَدٌ قَطُّ. اَلابْنُ الْوَحِيدُ الَّذِي هُوَ فِي حِضْنِ الآبِ هُوَ خَبَّرَ." (يو 1: 18) فبتالي اصبح الاسم الشخصي للجوهر الالهية في العهد الجديد ( الاب والابن والروح القدس ) ومن هنا نقدر نفرق بين الاسم العلم او الاسم الشخصي اللي بيتميز به الكتاب المقدس عن الالهة الاخرى وتعبير الله اللي هو بيترجم من اصل كلمة هي صفة للدلالة على مفهوم الاله بشكل عام كان اله الكتاب المقدس او كان قصده بيها الالهة الوثنية

كل الشخصيات في الحلم هي احنا انعكاس لطبيعتنا ولكن باشكال مختلفة ممزوجة بشخصيات الناس اللي عرفناها في حياتنا

خلينا نقول ان الفقرة دي بتتكلم عن إن قوانين الطبيعة، زي قانون الترموديناميك التاني اللي بيخلّي كل حاجة ماشية ناحية الفوضى والموت الحراري، مش متماشية مع فكرة تطور الكائنات الحية اللي بتحصل بشكل عشوائي حسب نظرية داروين. علشان كده، بعض العلماء اقترحوا وجود حاجة اسمها "قوة الحياة"، حاجة غامضة بتخلّي الكائنات تطوّر نفسها عكس اتجاه الفوضى. وبرضه في فلاسفة وعلماء شايفين إن القانون ده مش لازم ينطبق على الكون كله أو ممكن يتم تجنبه. و في الآخر الكلام ده بيؤدي لاستنتاج واحد: لازم يكون فيه قوة أكبر وأعلى من الكون، هي اللي بتنظّم وبتخلق كل حاجة فيه.

بقالي فترة قبل ما اقرا اي كتاب برفعه على chatgpt وبعمل معاه حوار بخصوص الكتاب واهم الافكار اللي فيه وكدا قبل ما ابدا قراية فيه وده كتاب كتبه فيلسوف اكسفورد Richard Swinburne وكان تحت عنوان هل نحن اجساد ام ارواح ونلاقي بعض النقاط اللي وضعها chatgpt في تلخيصه للكتاب كالاتي 1. الروح والجسد: الكاتب بيقول إن الإنسان عبارة عن روح وجسد. الروح دي هي الجزء العقلي والذاتي فينا، والجسد هو الجزء المادي. والروح والجسد بيتفاعلون مع بعض، يعني الدماغ بتأثر في الروح والروح بتأثر في الدماغ. ولكن المهم هنا إن الشخص بيظل هو هو، مش بالاعتماد على الدماغ أو الجسم بس، لكن الروح هي اللي بتحدد هويته. لو كان عندنا شخص اسمه "أليكس" عنده نفس صفات "ألكسندرا"، ممكن نعتبرهم نفس الشخص لو كانت عنده نفس الروح. 2. الروح والهوية الشخصية: الهوية الشخصية مش مرتبطة مباشرة بالجسد أو الدماغ، لكن الروح هي العامل الأساسي في تعريف الشخص. يعني لو الجسد اتغير أو الدماغ اتغير، الشخص ممكن يظل هو نفسه طالما الروح هي نفسها. لكن كمان، ممكن تلاقي شخصين مختلفين عندهم نفس الجسد بس الروح مختلفة، زي ما بيحصل في بعض الحالات المرضية. 3. وجود الروح بعد الموت: الروح هي اللي بتستمر بعد الموت، مش الجسد. العلم الطبيعي بيأكد إن الروح والجسد مش مرتبطين بشكل كامل دايمًا. ودي فكرة مختلفة عن بعض الأديان اللي بتقول إن الروح ممكن تفضل موجودة بعد الموت أو حتى قبل الميلاد في بعض الحالات. 4. الدليل على وجود الروح: فيه أدلة بتثبت وجود الروح، زي "الذكريات" (اللي هي زي الذاكرة لكن مش مرتبطة بالجسد بشكل مباشر) اللي بتثبت إن نفس الروح متصلة بنفس الجسد طوال العمر. الذكريات دي بتبقى قوية لما الإنسان يقدر يتذكر أحداث سابقة بشكل واضح. كمان، المعتقدات والرغبات بتبقى مستمرة مع الشخص، وده برضه دليل إن نفس الروح متصلة بنفس الجسد. 5. الحالات الاستثنائية: في بعض الحالات، زي مرضى "الانقسام الدماغي"، بيحصل تداخل بين تصرفات الشخص نتيجة لانفصال نصفي الدماغ. في الحالات دي، ممكن تلاقي إن الطرفين في الجسم بيتصرفوا بشكل متناقض في البداية، لكن في البشر العاديين مفيش اختلافات زي دي، وده بيخلي الباحثين يعتقدوا إن في العادي الروح واحدة مرتبطة بالجسد. 6. الروح والدماغ: لو كان في شخصين مختلفين عندهم نفس الجسد والدماغ، كان المفروض يحصل تداخل أو اختلاف بين الأطراف اللي بتتحكم فيها نصفي الدماغ. لكن في الحالة الطبيعية مفيش كده، وده بيأكد إن الروح واحدة فقط هي اللي متصلة بالجسد طوال الحياة. 7. الاستنتاج النهائي: الكاتب بيقول إن الأدلة كلها بتشجعنا على الاعتقاد بأن الروح والجسد متصلين بطريقة طبيعية، وإنه في معظم الحالات الروح اللي بتتصل بالجسد هي نفسها اللي تفضل متصلة بنفس الجسم طوال الحياة، باستثناء الحالات الاستثنائية زي "الانقسام الدماغي" اللي ممكن تدينا تفسيرات مختلفة. ولكن برضه القراءة المتعمقة للكتاب مع تحليلك له هيعطي نتائج مختلفة وافضل من chatgpt

بخصوص اقتباس المسيحية من الوثنية نلاقي بارت ايرمان وهو عالم في العهد الجديد وفوق كل ده مش مسيحي اصلا بيعترف بصريح العبارة ان اخد المسيحية عقائدها من الوثنية ماهو الا خرافة مافيش عليها دليل في مقاله اللي كان تحت عنوان ( The Other Virgin Births in Antiquity December 7, 2022 ) بيقول ايرمان ‎اللي خلّى "فريك" و"جندي" يفتكروا كده هو إنهم شايفين كل الشخصيات دي ليها نفس القصة الأسطورية: أبوهم كان إله، وأمهم كانت عذراء بشرية، واتولدوا في كهف يوم 25 ديسمبر قدام 3 رعاة وحكماء. من معجزاتهم إنهم حولوا المية لخمر، ودخلوا المدينة على حمار، واتصلبوا وقت عيد الفصح كذبيحة عن خطايا العالم، ونزلوا الجحيم، وبعد 3 أيام قاموا تاني. وبما إن نفس الكلام بيتقال عن المسيح، ففريك وجندي شايفين إن القصص اللي المسيحيين بيؤمنوا بيها دي مجرد تقليد للأساطير الوثنية. ‎إنما المؤرخين بتوع العصور القديمة، بشكل عام، شايفين إن الكلام ده صعب حد يصدقه. أي حد لو بحث شوية في النصوص القديمة هيشوف قد إيه الكلام ده غريب. المشكلة إن فريك وجندي مبيقدموش أي دليل عليه، حتى مبيجيبوش أي مصدر قديم ممكن الناس تتحقق منه. يعني هما مش بيقدموا تفسير بديل للأدلة اللي عندنا، هما أساسًا مش بيستشهدوا بأي أدلة أصلًا. وده منطقي، عشان الأدلة دي مش موجودة أصلاً. ‎مثلاً، إيه الدليل إن "أوزوريس" اتولد يوم 25 ديسمبر قدام 3 رعاة؟ أو إنه اتصلب؟ أو إن موته كان كفارة عن خطايا الناس؟ أو إنه رجع للحياة بعد ما مات؟ الحقيقة مفيش أي مصدر قديم بيقول الكلام ده عن أوزوريس أو أي إله تاني. لكن فريك وجندي بيقولوا إن ده "معروف". وإثباتهم؟ إنهم بينقلوا كلام من كتاب تانيين من القرنين 19 و20، واللي برضه مبيستشهدوش بأي أدلة تاريخية. ‎ببساطة، كل ده مجرد ادعاءات، وفريك وجندي صدقوها عشان قروها في مكان ما. ده مش تاريخ جاد، ده كتابة هدفها إنها تثير الجدل عشان تبيع كتب وخلاص. #مقتطفات

اي حد يقولك نتناقش بالعقل في الأمور المسيحية يبقى حط دايما انه مايخرجش الي اطار المشاعر والاراء الشخصية النقاش العقلي المحض دايما بيعتمد على استدلالين( الاستقراء والاستنباط ) الاستنباط ( مبنى على حقيقة عامة زي مثلا البشر بيموتوا وسقراط من البشر = ان سقراط هيموت ) دي حقيقة عامة مافيش فيها شك الاستقراء ( مبنى على ادلة انت جمعتها وده بيديك في النهاية نتيجة ) زي مثلا ان الشمس بتشرق كل يوم وده نتيجة بس ممكن يكون مافيش فيه شمس اطلاقً وده شك ولكن في المجمل عندك ادلة على ان في شمس بتطلع كل يوم مع حتت شك انه يمكن ما تطلعش في وقت من الاوقات هو ده اسلوب العقلي المحض ، يعني لو هتدخل نقاش مع حد ماتسبهوش يخرج برا الاتجاهين دول ولو خرج واتكلم في طريق تاني غير الطريقين دول رجعه تاني وقوله انت كدا مش بتتناقش بالعقل انت بتتناقش بمشاعرك الشخصية #مقدمات_في_اللاهوت_الدفاعي

هل نثق في البرديات المبكرة للعهد الجديد ؟ هل نثق في برديات العهد الجديد ؟ بمعنى احنا ليس لدينا المخطوطات الاصلية للعهد الجديد وهذا كنت قد تناولته في مقال قديم [1] واقدم المصادر التي لدينا عن العهد الجديد هي البرديات القديمة وأيضا كنت قد كتبت عنها دفاعاً في احد المقالات القديمة [2] وأريد في هذا المقال الكتابة بشئ من التفصيل عن أهمية هذه البرديات المبكرة للعهد الجديد وهل كان نسخ هذه البرديات جدير بالثقة ام ان نسخها لم يكونوا على درجة جيدة من الكفاءة للاعتماد عليها في نقل نص العهد الجديد متابعة القراءة : https://epshoi.blogspot.com/2024/11/blog-post_26.html?m=1