ريشة مساعد الرشيدي 📝

لا تواضع للوضيع يضيع قدرك ‏ماانت مجبور ٍ على بعض التواضع ‏،، ‏لبى جبينه اليا ارتج الغطا كنّه ‏برق ٍ يصب الرفيف بكف ديمومه ‏،، ‏حلفت لا مااقولها لك وانا حيّ ‏إلا.. إذا قلت إنسني قلت لك لا ‏،، ‏سادت مفاهيم ٍ.. وبادت مفاهيم! ‏ويح الزمن يابنت الاجواد ويحه

غير عادتها تخيل العيون بْروق ‏تكاشح على جفن الزمن والزمن غافي ‏تشرّه على جرد الفيافي حزين الموق ‏تذوب الخطاوي ما تطاولت ميقافي ‏متى تصحي الدنيا متى يا زمان تفوق ‏متى ترخي الغيمه هدبها على اكتافي ‏انا ياالليالي ما لبست النهار شقوق ‏لون ان الرجا جذع على جال ميهافي

‏يابنت حنّت مهاديف الظمـا عطـش ‏وانتي قبالي وكـن الريـح نعشـي ‏ياكيف قلتي على رمل الضلوع امش ‏قبل اني اروى وقبل المـزن يمشـي ‏ماتسمعين الخطاوي مالهـا وَقـش ‏وظلالها من تعبهـا طـاح مغشـي​ ‏يعنى عشان الحلا والتاج والعـرش ‏طيـب وقلبـي .. وخفقاتـه .. وعرشـي ! ‏بالله مري مابين الجفـن والرمـش ‏سحابـة توقـف شويـّه وتمشـي​ ‏ولاّ اقهري لين اردِ الذود والطـرش ‏حـرام اصـدّر ولا كحلـت رمشـي