Suxrob Xurramov | Blog

Vaqtida maktabni tugatib olgan ekanman. Bu kabi baholash tizimidan o'tib olish ham oson bo'lmasa kerak )

🏫 Maktablardagi yangi baholash tizimi qanday ishlashini bilasizmi? ➖ Yangi tizim o‘quvchining faqat yodlagan ma'lumotlarini emas, balki mavzuni qanchalik tushungani, mustaqil fikrlashi va bilimini amalda qo‘llay olishini baholashga qaratilgan. 🌟Yangi baholash tizimining asosiy mezonlari (choraklik natija — 100 ball):

👨‍💻 Formativ baholash (10 ball): Dars davomida o‘quvchining o‘zlashtirishi kuzatiladi, xatolar o‘z vaqtida aniqlanib, ularni tuzatish imkoni beriladi; 📖 BSB – Bob bo‘yicha summativ baholash (50 ball): O‘quvchi har bir mavzu yoki bo‘limni qay darajada o‘zlashtirganini aniqlab beradi; 🗓 CHSB – Chorak bo‘yicha summativ baholash (40 ball): Chorak davomida egallangan umumiy bilim va amaliy ko‘nikmalar yakuniy sarhisob qilinadi;

📌 Yangi baholash tizimi — o‘quvchining bugungi natijasini ko‘rsatib, ertangi natijasini yaxshilashga xizmat qiladigan adolatli yondashuvdir. 🌍🌍🌍🌍🌍🌍 ❤ Telegram          🌐 Facebook 🌐 Youtube           🌐 Instagram 🔎 Veb-sayt          😄 Linkedin

Uyqudan oldingi g‘urur haqida fikrlar... Qariyb bir yildan beri bu mavzudagi fikrlarimni boyitib, g'ururni yaxshiroq tushunishga harakat qilyapman. G‘azabimni ham nazorat qilishga urinyapman. Chunki ayrim g‘azablarimning ildizida g‘urur bor deb qarayman. Birovning gapi tegib ketishi, tanqidni qabul qilolmaslik, doimo haq bo‘lib chiqishni istash, xatosini tan olmaslik yoki birinchi bo‘lib kechirim so‘ray olmaslik ham ba’zan g‘ururdan kelib chiqadi. Keling, avval g‘urur nima va g‘ururga ketish nima ekanini tushunib olaylik. G‘ururga ketish insonning o‘zini boshqalardan ustun ko‘rishi, haqiqatni qabul qilmasligi, xatosini bilsa ham egilmasligi va uzr so‘rashni o‘ziga ep ko‘rmasligidir. Diniy ma’noda esa inson o‘zidagi ne’matlarni o‘zidan deb bilishi, Allohning fazlini unutishi va amallariga ortiqcha ishonib qolishi ham g‘ururning bir ko‘rinishidir. G‘urur faqat boylik, mansab yoki bilim bilan maqtanishda namoyon bo‘lmaydi. Ba’zan inson ibodati, odobi yoki qilmayotgan gunohlari sabab ham o‘zini boshqalardan yaxshiroq deb his qila boshlaydi. “Boshqalar bu gunohni qilyapti, men esa qilmayapman”, degan fikr qalbda ustunlik hissini uyg‘otsa, bu ham g‘ururga aylanishi mumkin. Gunohdan saqlanish yaxshi, ammo shu sabab gunohkorni mensimaslik to‘g‘ri emas. Balki u chin dildan tavba qilib, Allohning huzurida bizdan ham yaxshiroq maqomga erishar. Biz esa qilmayotgan gunohimiz bilan g‘ururlanib, qalbimizdagi kibrni sezmay qolishimiz mumkin. Yana bir narsani unutmaslik kerak. Biz boshqalarning qanday sinovdan o‘tayotganini bilmaymiz. O‘sha inson tushgan vaziyatga o‘zimiz tushsak, balki undan ham og‘irroq xatolarga yo‘l qo‘yarmiz. Shuning uchun birovning gunohini ko‘rib o‘zimizni ustun sanash emas, Alloh bizni undan saqlaganiga shukr qilish va u insonning hidoyatini so‘rash to‘g‘riroq bo‘ladi. Inson aynan faxrlanib, o‘zidan bilib yurgan narsasi bilan sinalib qolishi ham mumkin. Shu sabab qalbimizda g‘urur uyg‘onganini sezsak, uni oqlashga emas, tavba va istig‘forga shoshilishimiz kerak. Chunki bugun bizga berilgan iymon, iroda, ilm yoki yaxshi holat ertaga ham bizda qolishiga o‘zimiz kafolat bera olmaymiz. O‘z qadrini bilish boshqa, o‘zini boshqalardan ustun ko‘rish boshqa. Inson o‘zini kamsittirmasligi kerak, ammo haqiqat qarshisida egilishni ham bilishi lozim. Menimcha, g‘ururni yengish o‘zini past ko‘rish emas. Bu ne’matlarni Allohdan deb bilish, xatosini tan olish, kechirim so‘rash, tanqidni eshitish va haq gap kimdan chiqishidan qat’i nazar uni qabul qila olishdir... #gurur #komillikka_qadam

Bu yaramaslar, premiumni olib surishyapti ekan... P.S. Selena ham chiqib ketibdi. Bevafo🥀

Smartfon xadya qilaman deyishadimi?)

Meni kuzatuvchilarimga gap yo'qda 😁

redmi 9 a bor 😎

Ishlatib turishga deb berib turadiganlar bo'lsa ham variant :))

Android applarni testlash uchun smartfon olishim kerak. Qaysi modelni tavsiya qilasizlar? Eng arzonidan 🙂

Kimdir: “O‘qishga kirsam, yaxshi joylarda ishlayman. Shu men uchun xayrli”, deb o‘ylaydi. O‘qishga ham kiradi, yaxshi lavozimlarda ham ishlaydi. Lekin bora-bora pora olishni, haromdan rizq topishni boshlaydi. Qarabsizki, xayrli deb yugurgan narsasi uni xayrdan uzoqlashtirib qo‘yadi. Yana kimdir o‘qishga kira olmaydi. Oddiyroq joyda ishlaydi, lekin birovning haqiga tegmaydi. Pora olmaydi. Halol mehnat qilib, peshona teri bilan rizqini topadi. Balki unga yopilgan eshik rad etilish emas, yomonlikdan asralish bo‘lgandir. Biz xayr deb bilgan narsada zarar, yo‘qotish deb bilgan narsamizda esa katta bir xayr yashiringan bo‘lishi mumkin. Shuning uchun Yaratgandan faqat ko‘nglimiz tusaganini emas, biz uchun eng xayrli bo‘lganini so‘rashimiz kerak! P.S. O'zimga eslatma!

Omad muvaffaqiyatsiz kishilar uchun! Meni obunachilarim hammasi muvaffaqiyat kishilardir )

Figma motionda logoni animatsiya uchun tayyorlab ko'rdim. Yomon emas-a?

Reklama bo'yicha yozvurasla ))

Kun.uz'dan o'tmasak hisob emas :)

3 ta premium obunaga shuncha userbot😁

qani qanchagacha boradi ekan, keyin chopib yuboramiz hammasini )

UX

Giveawayga deb ko'p userbotlar kanalga qo'shilyapti ekan, tozalab chiqay desam, aktiv odamlar ham qo'shilib ketishi mumkin. Bittalab tozalab chiqish ham vaqt va resurs talab qiladi (

— Yaqin orada ko‘payishib qolamiz. — O‘g‘ilmi, qizmi? — Yog‘e, qanaqa o‘g‘il-qiz? Kanalga nakrutka urdim )