Bac 2024 ❤️‍🩹

مصطلحات texte historique في الفرنسية لازم تحفظوهم كامل لانو اغلب هاذ الكلمات هي لي طيح فالباك

نقاط الفروض راح تأثر على معدلك تاع الباك ✨️ !! : 1️⃣ علابالي راكم مع الفروض ولا كاين راح يبداهم هذا الاسبوع، حاب نوصللكم فكرة انه لازم تخدمو في الفروض و تحضرولهم عادي، كيما كنتوا في السنوات الماضية، لكن " النقطة " ما تتأثروش بيها!! سواء كانت مليحة ولا ماشي مليحة 2️⃣ اذا كانت نقطة الفرض مليحة ما تقولش ااا صاي انا تمكنت من هذه المادة و ما توليش مهتم بيها كيما كنت و يديك الغرور، و من جهة اخرى اذا كانت ماشي مليحة ما تقولش راح الباك و انا صاي مراحش نجيب الباك و تولي تخمم غير بالسلبية!! 3️⃣ يعني حضر للفرض تاعك عادي و راجعلو كيما كنت دير في السنوات السابقة، اذا جبت مليح استمر و أقرا هاديك المادة مليح، و اذا راحولك النقاط شوف وين غلطت و راحولك باش تدارك هدوك الأخطاء، و تشوف اذا طريقة الدراسة تاعك راهي صح ولا لالا و هل جابت معاك نتيجة، و اي خطأ درته دوكا احمد ربي لأنك درته دوكا و ماشي في الباك، 4️⃣ اخطاكم من السلبية هاديك تاع " راح الباك " ولا " الصح في الباك "، لأنه مزال عندك الكثير من الفرص و ماشي فرصة وحدة باش تصححوا أخطائكم و تحسنوا طريقة الدراسة تاعكم و تعرفوا النقائص لي عندكم و تتمكنوا منهم

مواد الحفظ عندكم جمعة و سبت اغتانموهم بزاف فالحفظ احفظو دروس لولة مليح لانو تقريباً ديما طيح فالباك الاسئلة عليها

✅ مواد ثانوية بدلو بيناتهم كل يوم وحدة اقراوها ساعة مثلا نص ساعة درس و نص ساعة تعاود تحفظ وش كتبت بش تشد الافكار

✅ المادة الاساسية تعكم لازم تقراوها شبه يومي مثلا العلوم و المات و الفيزيك بدلو بيناتهم كل يوم وحدة ✅ خصصو مثلا ساعة تقراو فيها درس و ساعة تحلو فيها تمارين

كاينة حاجة مهمة انو لازم متفرطوش فالوقت اللازم للنوم في حدود مابين 7-8 ساعات هذي المدة تمدلكم القوة بش تمدو بزاف فاليوم تعكم ، لازم تغتانمو لوقت بزاف و تنقصو من التلفون و الامور لي بعيدة على لقراية لانو الوقت هذا مهم مزال مكانش بزاف ضغط لازم تفهمو مليح الدروس الاولى و تحلو اكبر قدر من التمارين

السلام عليكم بالنسبة لتنظيم الوقت هو انو كي تنوض الصباح لازم يكون علابالك وش راح دير ف يومك مثال انا كفاه كنت منظم وقتي : كنت كي نوض صباح علابالي بلي كاينة مادة تع حفظ نحفظها ، نقرا درس علوم و نحل تمارين تعها ، نقرا مات ول فيزيك نحل تمارين فرات تقريبا العام الثاني لاني الدرس كنت نعرفو ديجا ، و عندي مادة ثانوية نتفرج فاليوتيوب و نكتب ملخص تع درس لي قريتو و نحاول نحفظ منو شوي اذا مقدرتش نخليه ل غدوة و هكذا يتعاود كل يوم ✅ نتوما المشكل لي صاريلكم علابالي انو تقراو يوم كامل فالثانوية كي ترجعو تلقاو رواحكم fatigué و متقدروش تقراو بزاف فالدار

كيفاش نحافظ على تركيزي طيلة العام ؟ ✨️ بعبارة أخرى كيفاه نحافظ على نفسي طوال العام؟ كيفاش نبقى مركز ونبقى نقرا ونجتهد ونمد إلى آخر رمق قبل البكالوريا؟ 1️⃣ صاحااااا، نتفاهموا على حاجة وحدة وهي أهم حاجة في هاذ السؤال: لازم يكون عندك هدف واضح! وين راك رايح وش حاب تدير؟ معليش، قادر تكون متردد بين حوايج، مي لازم يكون علابالك وش حاب تدير بصفة عامة وفي نفس الوقت لازم يكون عندك معدل تخدم عليه، ماتقولش كيما جات تجي ولا "كشما 15 ولا 16" لالاااااا، لازم يكون عندك هدف واضح! مثلا حاب نجيب 18! سيبو، هاذا هدف ولازملي نخدم عليه! 2️⃣ لازم نتفقوا بلي لازم تكون على قناعة أنو هدفك كل ما كان أكبر كل ما احتاج تضحية أكبر وجهد أكثر وانظباط والتزام! إذا حاب تجيب 18، لازم يكون علابالك بلي كي تغلب لازم تكمل وكي تفشل لازم تكمل وكي تمرقلك القراية لازم تكمل لأنو لوكان تحبس، ماكش حا تلحق لهدفك!! 3️⃣ دائما أتفكر والديك وكل الناس لي حا تكون فرحانة بيك ولكن الأهم: أتفكر الناس لي كانت مشككة في قدراتك وتقول بلي مستحيل عليك تنجح! 4️⃣ أمشي ببرنامج تدريجي، يعني ماتنهكش نفسك معا الأول وتفشل في الأخير + أعرف أنو مكانش مشكل في أنو ترتاح وترقد وتاكل وتخرج، وحتى لوكان تنسى قرايتك ولا ماتنظبطش ببرنامج أعرف بلي جامي يفوت الحال ودائما راك قادر ترجع

لكل انسان مازال مابداش ✨️ : 1️⃣ لكل واحد راه يقول راح الحال والناس بدات وناس أخرى راي كملت البرنامج وأنا مستحيل نلحق! صدقني يا صديقي، كاين بزاف عباد وبزااف عباد والله العلي العظيم، كانوا أذكياء وكانوا مجتهدين وكانوا ديما فايتين الاستاذ ولكن مالحقوش لأحلامهم! جابوا معدلات ضعيفة!! علاش؟ لأنهم إرتكبوا أخطاء! قادر كانوا مايرتاحوش، ولا مايقراوش بذكاء ولا عندهم طريقة خاطئة! ولكن صدقني، كاين بزاف ناس لي حرفيا بداو في فيفري ولحقوا لمعدلات الإمتياز! تسما دائما أبدا مهما كان الوقت. ذك نجيو للسؤال الشهير : كيفاش نبدا؟ معليش، لازم يكون علابالك بلي المواد تنقسم ل3 أقسام : مواد علمية ومواد حفظ واللغات. 2️⃣ أبدا كل مادة بالشوي، يعني ماتحوسش زعما مع تبدا الرياضيات اليوم تكملها اليوم، أبدا كل حاجة شوي وماتتحمسش في النهار الأول وتعميها، أبدا كل وحدة وكل درس أقراه من الكتاب المدرسي ولا من اليوتيوب ولا في دروس الدعم، وأمشي معاه بالشوي، يعني ماتزربش مع الأول حتى تتأقلم، لازم يكون علابالك بلي أهم حاجة الدرس ومبعد التمارين متدرجة الصعوبة 3️⃣ لكن كاين حاجة نذكروا بيها : - قبل ما تبدا الدراسة لازم تكون منظم مراجعك، يعني وشي هوما الأساتذة ولا الكتب لي راح تقرا منهم؟ - لازم تنظم وقتك وتدير مكان مخصص للدراسة + نحي كل ما يشتت تفكيرك ولا يضيعلك وقتك كيما التيليفون و الخرجات. - لازم تكون على قناعة تامة بلي كي تجتهد وتجتهد فعلا، راك راح تلحق للمعدل لي حبيتوا صح 4️⃣ و اخيرا حبيت نقولكم : البداية تكون من اليوم، دير برنامج و ابدا، حاول تنظم وقتك و تبدا بالمواد الأساسية لأنه الوقت راه يمشي بالخف، لازم تعفس على قلبك و تبدا و تتجنب التسويف و غدوة نبدا و هديك الحجج لي ما تخليكش تقرا، ما تهملش المواد الثانوية لأنها تعاونك و الكثير من من الطلبة بفضل هذه المواد نجح في الباك ولا طلعلو المعدل و لحق للامتياز، سأحاول ان اجمع لكم أفضل الملخصات التي يمكنكم الاعتماد عليها، سأرافقكم حتى النهاية ❤️✨️

Finaly my drive of bac 2023 is ready ✅

ب هاذ الطريقة كنت نكتب الملاحظات و الافكار لي مهمين في مادة العلوم (في آخر الكراس). ضرك نكمل نصورلكم الافكار تع التمارين كامل .

بالنسبة للملخصات تاعي وكتاه نحطهم؟ حالياً منيش فالدار يسما منقدرش نصورلكم ، عن قريب باذن الله كي نروح للدار نصورلكم وش كاين كامل ❤️