Bac 2024 ❤️‍🩹

علابالي نسبة كبيرة جاتكم مادة الفيزياء اصعب مادة لكن عادي متخافوش

اليوم و غدوة خليوهم ايام راحة مديرو فيهم والو بعدو على مجال الدراسة بش نهار السبت ترجعو رجعة قوية ان شاء الله

راك مقلق و خايف من الاختبارات 🥲 : 1️⃣ الإمتحانات الفصلية هي مجرد امتحانات عادية كتلك التي اجتزتموها في السنوات الماضية، يعني ما تتقلق ما تخاف، لكن برك باش تعرف روحك وين راك دور !! 2️⃣ راح تشوف روحك اذا تعرف تتعامل مع المواضيع و تقيم نفسك فيها، الموهيم انت أي مادة تعامل معاها كأنها مادة مهمة باش تعرف روحك في كل مادة اذا مزال عندك نقائص ولالا 3️⃣ هاديك تاع تخلي الورقة فارغة و تخرج قبل الوقت و الصح في الباك خليك منها، انت جاوب على الشيء لي تعرفه و لي ما تعرفوش حاول فيه حتى و كانت محاولتك خاطئة، وكي تتلاقى بتمارين ذات افكار جديدة " لي تبانلكم صعبة " ما تتقلقش و تقول ما نجاوبش !! • ملاحظة : الإختبارات فعلاً حاجة مهمة لتقييم مدى تقدمك ولكن ما تخليهاش تأثر عليك في حالة ما خدمتش مليح فيهم

سلام .. نتمنى راكم تغتانمو فالوقت هذا كامل فالدراسة برك بعدو على كلش كيما قتلكم ديرو في بالكم انو الاختبارات هذو مهمة و هي عبارة عن مباريات ودية توجدك للمباراة الرسمية لي هي الباك، يسما راك متقدرش تروح للمباراة الحاسمة بلا ما تفوت ب مباريات ودية ، مذابيكم تتعبو مليح الفترة هذي تع الاختبارات مع الالتزام (7 ساعات نوم ) ✅