ڕەحمەت💚

لەبەرواری یازدەی دوەوە ڕەحمەت بووه بەساڵێک. ڕەحمەت دیاری و ئامانەتی دۆستێکی هەمیشەییمە. کاتێکت کە دەبینم دۆستانی ڕەحمەت دەڕۆن بە خۆم دەڵێم ئامانەت پارێزنەبوویت.💔

خودا هاودەمی هەمیشەییە.

پەروەرێن ژیانت ڕێکدەخات، تۆش ناوت ناوە بەدبەختی.😏

"هەر کەس هەڵە بەرامبەر خزم و دۆستەکانی بکات نزمترینیانە،وە هەرکەس گەر هەڵەی بەرامبەر بکەن بەهەڵە وەڵامیان بداتەوە وەک ئەوانە،هەرکەسیش هەڵەی خەڵکی بەچاکە وەڵام باتەوە باشترین و گەورەی خەڵکیە" سَیدي الفقیه عليُ ابن حزمِ الأندلُسيُّ روَّح اللهُ روحَه

هەرکەس بەهێزبێت دەیباتەوە،وە هەرکەس هەوڵی باش بدات دەگاتە مەبەست،وە هەر کەسێک بچێنێت دەدورێتەوە،وە هەر کەس گەورەیی مەبەستەکەی بزانێت ئەوەی دێتە ڕێی لای ئاساییە،کەسی هیممەت بەرز ڕازی نابێت بە نزمی و کەمی،وە ناترسێت لە ناڕەحەتیەکان،چوون ئارامگرتن لەسەر قورسیەکان سوود بەدوایدا خۆیدا دەهێنێت،وە ڕازی نابێت بە جگە لە پلەبەرزەکان،وە تەماحی نیە لە شتە نزمە لەناوچوەکان. "جا هەرکەسێک گەورەیی دەوێت،باخۆی بخاتە مەترسیەوە" ✍🏻لەپێشەکی کتێبی فەرموودە لە سایەی قورئان دا.

زەردەخەنەیەک،ڕووخۆشی و قسەیەکی خۆش و،پێکەنین و سوعبەتێک،چایی خواردنەوەیەک و مەلزەمە گۆڕینەوەیەک،ئیشێکی پەیمانگا،وهتد......... بوونەتە سەرەتای زۆر کارەسات!! بۆیەش عەرەب گوتویەتی(نضرة،فابتسامة،فموعد،فلقاء،فمصیبة) "گرینگە حەجمی نەهی کراوەکانی پەروەردگار وەک خۆی بە گەورە ببینرێت،بە ئیسڵاح بوون و حەزەڕی یەکەمی ئافرەتیش نیوە و بگرە زیاتری فیتنەکان کەمتر دەبێتەوە.."

خوشکی ئازیزم سەد خەت بهێنە بەژێر ئەو دێرەیا و لێی وردبەوە.... "ئەگەر تۆ ڕازی نەبیت ئەو نایێتە پێش،ئەگەر ڕووخۆشی و نەرم و نیانی تۆ نەبێت سەرناکێشێت بۆ توندو تیژی،تۆ دەرگایەکت بۆی کردۆتەوە ئەویش هاتۆتە ناوەوە" الشیخ علی التنطاوی هەمیشە قەناعەتم ئەوەبووە،ئافرەت خۆی نەیەوێت و"خۆی پاراستبێت"زۆۆر ئەستەمە توشی داوی گورگێک بێت.......

هەموو بەهەشتێک ماری خۆی هەیە !! ....................... ئەڵێن کابرایەک ، گەنمی ئەفرۆشت ، هەر کەس ئەچوو بۆ گەنم کڕین بە دۆڕاویی و خەڵەتاوی ئەهاتەوە ، ڕۆژێک کەسێک وتی (شەرتبێ بچم ، قۆڵی ببڕم) ، کابرا ڕۆشت و دە درهەمی دا بە گەنم فرۆش ، ئەویش وتی ئەوە گەنمەکە خۆت خوا وەکیلی تێیبکە ، کابرا بینی کەسی لێینیە لە بری دە تەنەکە ، سیانزە تەنەکەی تێکرد. کە هاتەوە ، خەڵکی ئاوایی وتیان ها چیبوو تۆشی نەخەڵەتاند ؟ کابرا وتی نەوەڵا برا ئەم زەلامەی ئێوە کردبوتان بە (تەیارە) خەڵەتاندنێک خەڵەتاندم بۆ حەوت پشتی عاقڵم کرد ، لێیان پرسی چۆن؟ کابرا وتی پارەی دە تەنەکە گەنمم پێدا و کەچی سیانزە تەنەکەشم هاورد ، خەڵکی وتیان ئەی ماڵت بڕمێ ، ئەمە هەر ئەوەیە کە ئێمە ئەیڵێین ئاخریەکەی تۆشی خەڵەتاند ، مەگەر خەڵەتاندن لەوە خراپتر ئەبێت ، کابرا متمانەی دایە دەست خۆت و کەچی تۆ نەتووانی بیپارێزیت. ........................ ئینسان زۆر جار خۆی ئەخەڵەتێنێت ، پێش ئەوەی بەرامبەرەکەی بخەڵەتێنێت ، دەرزی بۆ خۆی ئەکات پێش ئەوەی بۆ بەرامبەرەکەی بکات ، کاتێک زیاد لە کەسێک ئەسێنی ، ئەوانی تریش لە شوێنێکی تردا لێت وەردەگرنەوە جا ئەو زیادەیە ماڵی بێت یان ڕۆحی دەبێت بەسەد شێوە بیداتەوە کاتێک جاوی تەماعت لەسەر کارمەند و فەرمانبەر و هاوڵاتیەکانتە ، خێزان و مناڵ و کەسوکاریشت دەچنە بەردەستی کەسێکی ترچاوی ئەوانی تیش دەچنە سەری ، کاتێک پەنجا وەرەقە لە سەیارەیەک ئەخۆیت ، کەسێکی تریش لە کەوانتەر و قەنەفە و سیستەمی شۆڤاژەکە دوو پەنجایی لە تۆ ئەخوات. ......................... ئەوەی لە ئەنجامدا لێی خوراوە من و تۆ نین ، ئەوەی گۆڵی لێکراوە قۆڵی بڕدراوە من و تۆ نین بەڵکو متمانەی کۆمەڵگایە لێی ئەخورێت و کەم ئەکات، ئەوەی قۆڵی بڕدراوە ئەو دۆخەیە کە کەس جورئەت ناکات تەنانەت مۆبایلێک یان ئوتومبیلێک ، یان کیلۆیەک خورما و تەماتەش لە نزیکترین کەسەکانی بکرێت. .............. ڕەشەبا کار ناکاتە سەر چڵە پووشی باریک ، بەڵام گەورەترین دار ئەشکێنێ ، ئەم شتانە لەبەرچاوماندا زۆر ئاسایی و بچوکن و پێمان وایە هیچ کاریگەریەکی نیە ، بەڵام کۆمەڵگا تا ڕادەی شکان دەشکێنێت. کورد ئەڵێت ( هەموو بەهەشتێک ماری خۆی هەیە)، هەموو شادی و خۆشی و خەڵەتاندن و فریودان و قۆڵبرین و دەرزی بۆکردن و بۆ پیوەنانێک ، ئاژاوە و فیتنەی ماڵ و لێوەرگرتنەوە و خەستەخانە و زیندان و جیابوونەوە و نەخۆشی دەرونی و خراپی خۆی هەس ، خراپییەک کە وەک ئادەم و حەوا لە بەهەشتی متمانەوە کۆمەڵگا دەتگوازێتەوە بۆ دۆزەخی گومان و ڕسوایی و سەرشۆڕی و کەوتن. ............... برغو چەوییەک چۆن تەلەفزیۆنێکی گەورەی بە دیوارەوە ڕاگرتووە ، شتەبچووکەکانن کە شتە گەورەکانیان ئاوا ڕاگرتووە ، نووسەری ئەفغانی (خالید حوسێنی) لە ڕۆمانی کۆلارەواندا دەڵێت (تەنها یەک تاوان هەیە ئەویش بریتیە لە دزی ) مرۆڤ کاتێک کەسێک دەکوژێت حەقی ژنەکەی دەدەزێت لەوەی هاوسەرێکی هەبێت، کاتێک درۆ دەکەیت مافی کەسێک بۆ زانینی راستی دەدزیت، کاتیک خیانەت دەکەی مافی کەسێک بۆ دادپەروەری دەدزی. دزی هەر ئەوە نییە بەسەر دیواری خەڵکا سەرکەوین ، دەست بخەینە قاسەی تایبەت و گشتییەوە ، ڕۆژانە سەدان جار دزی لەخۆمان و لە خەڵکی ئەکەین ، دزی لە ڕاستگۆیی ، لە دادپەروەری، لە متمانە بەیەکتری. نوقتە سەری دیڕ .... ...................................................... *کۆمەڵگای ئێمە قاموسێک لە م دەستەواژانەی هەیە کە وەک شانازی و نیشانەی زیتەڵەیی بەکاردێت ، (بۆم پێوەنا) ، (دەرزیمان بۆ کرد) ، (قۆڵیمان بڕی) ، (بەڕەکەمان لە بن پێی دەرهێنا) (نەمانهێشت بە قنی خۆی بزانێت) (بردمان بۆ چەم و نەمانهێشت قولی تەڕبێت) و دەیان دەستەواژەی تر. بەڵام لە راستیدا ئەوەی ئەبڕدرێت ئەو پەیوەندییە کە لەنیوان دوو کەس یان کۆمەڵگادا پیویستە بە ساغڵەمی بمێنێتەوە . هەرگیز نیگەرانی ئەوە مەبن شتێک زیاتریان لێسەندون یان خەلەتنراون ، بەڵکو نیگەرانی ئەوە بن کە ئیتر متمانە بکەوێتە کێشەوە ، ئەڵین چینیەکان کە ئەچنە تەمەنەوە ئامۆژگاری گەنجەکانیان دەکەن و دەڵێن ( هەمیشە وەکو گۆچان بن، نەهێڵن ئەو کەسە بکەوێت کە متمانەی بە ئێوە هەیە و دەستی لە سەر پشتی ئێوە داناوە) هەر کەسێک ئوتومبیلەکەی ، مۆبایلەکەی ، پارەکانی ، کاسپیەکەی ، کجەکانی ، کوڕەکانی لە ماڵی تۆدا لە ئۆفیسی تۆدا دادەنێت نەهێڵیت متمانەی تۆ بکەوێتە مەترسییەوە، چونکە هەموو شتەکانی خۆشت لە ماڵی خەڵکی و لە دوکانی خەڵکی و لە ئۆفیسی خەڵکی و لە فەرمانگەی خەڵکیدا یەک یەک دەکەونە مەترسییەوە.

زۆر گریا، دواتر وتی: لە هەموو سوجدەیەکدا دوعام دەکرد ببێـت بە نسیبـم، بەڵام دواتر بۆم دەرکەوت ئەو یاری بە هەستەکانم دەکرد و تەنها کاتی پێ پڕ دەکردمەوە....💔 و: ئەیاد فەهمی

شاد بمێنن💚