Ask Bdran

طيب انا كل كل الالكتفز بالتخصص اللي ابيه والسي في جيد بس مشكلتي ماحصلت غير ٥ ريكومنديشن بالتخصص وولا رفرنس هل مره يأثر؟ — بصراحة ما يأثر.. بس بما انك قلق عادي تكلم الدكاترة اللي عطوك الركمنديشن وقلهم يخلونها ريفرنس

ثاني مره اقولها لك بدوري اننت حكيم ومنطقي وبدون فلسفة ومتفاءل واستفيد من اجاباتك مرره — اسعدتني

طيب التخصص اللي عجبني ماعندي شي له غير بحث يتيم — غالباً بحث الى بحثين كفاية

بدران جربت تخصص وعجبني والسي في كله تخصص ثاني ايش اقولهم بالمقابلات جربت التخصص وعجبني وممكن انرفض لان السي في كله تخصص ثاني؟ — بسيطة لاتحطين شيء له علاقة بتخصص ثاني بالسيفي الا الابحاث

جربت جميع التخصصات وولا شيء عجبني وبالتالي ما بروقرام هالسنة دام وضعي كذا اش نصيحتك؟ — طيب لو ماعجبك ولا تخصص نهائياً وش تسوي؟

بدران انا اخذت اليكتف وما عجبني التخصص وقدمت لتخصص مختلف عن حقي مره وما اخذت فيه الكتف مهو تنافسي فيه امل انقبل فيه؟ احد حصله كذا؟ ازعل ع نفسي عشان ما حددت هدفي صح من البدايه — بالعكس الالكتڤ اللي اخذته فادك باتخاذ القرار.. واعرف ناس كثييييييير زي كذا مشت امورهم من احسن مايكون.. بالعكس توكل على الله

Is a one-month rotation of the specialty you like enough to take a position? — According to your rotation experience, location, rule… yes you can!

بدران انا بنت واذا رحت مؤتمر اصير استحي مره يعني شلون اكون علاقات واتكلم مع الناس وش افتح معهم واتكلم فيه وش اقول الموضوع جد يتعب يعني لو ولد احس عادي تقدر تفتح مواضيع بس بنت احس كيف اقدر اعرف بنفسي وادخل واكون علاقات — عادي تناقشين معاهم الكونفرنس واشياء في اطار الاهتمام الطبي يعني مو سوالف جانبيه شاطحه

عندي سؤال، وش قصدك بالعلاقات؟ وكيف تسويها؟ تقدم نفسك وتسولف شوي؟ ومع مين؟ مع ميل وفيميل ولا كيف؟ — والله مافيه شيء مُعين تسويه هي تجي كذا مع السواليف.. الا اذا حاط ببالي شخص له صفة اعتبارية اكون مجهز شيء بسيط احياناً يكون سؤال او فكرة او اي شيء اناقشها معه.. الباقين تصدف بصراحة وعن نفسي غالباً ميل طبعاً

السلام عليكم دكتور انا مسكت البحث بشكل كامل و تعبت عليه بس للاسف نشرته ب Cureus بسبب اني ما اعرف كيف انشر والي معي ما يعرفون عشان كذا اخترتها وهم شروطهم سهله والحين شايله هم بسبب الكلام الي طلع الان عنها — اعرف ناس كثير نشروا فيها اللي اعرفه انها اندكسد وامورها تمام لايهمكم كلام الباقين عن مصداقيتها.. الا اذا استجد شيء انا ماعرفه

كم العدد الافضل للرفرنسز في السيفي ؟ ولا مافي عدد معين مفضل ؟ — ٢-٣ كافي بصراحة

الاشعار منك له شعور مختلف مدري ليه — شكله ارتباط عاطفي

nearby!

👀

مروق تالي الليل — نسيم الليل ماترسل سلامي؟ عواطف شوق مني لك هدية

ما أحب التخصصات الجراحية على أنها عملية وممتعة أكثر من الباطنية. اليوم عندي انكول وتهربت منه بهدوء ومحد سأل وكنت متعبة جسديا بشكل لا يوصف ما اتذكر شيء غير اني حطيت راسي على المخدة العصر وتو صحيت قبل شوية ثم اتذكر بينما اتمتع انا بالنعيم دكاترة انكولي باقي في المستشفى وبيكملون للصباح بل وبعد الانكول تلقى عندهم عمليات ولا امور غيرها !! من وجهة أشوفه ظلم وماله دخل لايف ستايل صعب على الفيميل أو لا أشوفع صعب على الجنسين والمفترض تقليل ساعات الانكول والدوام بشكل عام لزيادة العمل بكفاءة وعشان يكونو الدكاتره أكثر تركيز بشغلهم — انت قاعد توصف حياة كل الرزدنت.. ليش ماتتكلم عن الاستشاري وتشوف شلون عايش معليش بس اظنك اختزلت شيء كبير وركزت على سنين الرزدنسي اللي تمر ولا كأنها شيء

نداء لأبطال الديجتال حقين الجلديه وينكم معقول مافيه ولا مؤتمر ولا كورس اونلاين بشهايد اقدر أستفيد منهم واقوي السيفي حقي تعبت وانا ادور عليكم — لاتدورهم بالويكند.. سفريات

نصيحة لنفسك قبل سنه؟ — سؤال ذهبي جداً بقسم اجابتي لناحيتين: من ناحية الـ Career: • إحرص على العلاقات.. تفتح لك ابواب كثيرة وبعضها يكون اهم من جهدك وتعبك.. لايُغرك عدم أهمية المؤتمر الفلاني او الكورس الفلاني ممكن تتعرف على أشخاص يغيرون مسار حياتك للافضل بفضل الله • الكلنكال سكلز اهم من النولج.. لو عندك ٣ معلومات تقدر تطبقها في عملك افضل من ١٠٠ معلومه متربعه في مخك ماتدري وش تسوي فيها • تعرض للاحراج كثير، مو مشان شيء.. من شان صحتك.. حاول تطلع من منطقة راحتك، الشيء اللي خايف تسويه ومسبب لك قلق سوه كثير عنادً فيك.. بتلاحظ تطور مخيف من ناحية General: • مزاجك غير مهم.. حتى لو انك ضايق.. صل وانت ضايق، اشتغل وانت ضايق، ذاكر وانت ضايق.. لاتصير هطف ومزاجك ياخذك رايح جاي • التسويف هو جزء من الخطة وحلها هو البداية.. اذا بتبدأ اي حاجة ومتقاعس فيها ومافيك حيل.. حط ببالك انك بتسوف اول ١٠ دقايق بعدين تبدأ فيها • لايغرك كُبر المهام.. اذا جزءت الشيء رح تمشيء فيه بدون ماتحس.. • لاتقسى على نفسك وتجلد ذاتك.. ولنفسك عليك حق.. مهما سويت من مصايب تذكر دايماً " it’s ok “ العالم ماوقف ولا انت اللي توفيت وكل شيء حيتيسّر ونصيبك بيجيك مهما صار

بدران تكفى بعيدا عن كل شي انا فيني قلق المهم ما قدرت انام لان عندي يوم السبت موتمر وما اعرف وش البس صدق ولا وش اسوي بحياتي ما حضرت موتمر يمكن تحس الموضوع سخيف بس واللله عشان القلق اللي فيني مو مخليني انام الوضع مدري كيف الوضع بالموتمرات ايش المفروض الواحد يلبس وايش يسوي بالله نزله يمكن احد متعود ويقولي — انزل لهم بالزي الرسمي السعودي وامورك بتكون تمام.. دايماً اذا احترت في مناسبة هذا هو الحل وهدء من روعك يارجُل تراه مؤتمر