Ask Bdran

ليش تضحك؟ والله اسأل من جد، توي مخلص الهيئة وفارح الا بوم يقولون ذاكر للمقابلات وذاكر السي في حقك سلامات يبوي — هو مب اختبار.. هي مقابله بالاخير يعني الجزء الوحيد اللي يحتاج حفظ هو الابحاث.. ياخي اذا انت عارف وش حطيت بالسيڤي وعارف الكورس الفلاني وش سويت وعارف المؤتمر الفلاني مين كانوا السبيكرز وش بعض المواضيع اللي شدتك خلاص.. ترى مجرد تجهيز

دكتور خطبني واحد نفس التخصص الي ابيه، والسنتر الي اعجبني، متردده هل تحس انو فيه obstacles تشتغل مع شريكك بنفس بيئة العمل😔 — اشوفهم كثير والله لكن ما ادري اذا هم يواجهون مشاكل او لا.. ما احس انه فيه عوائق الصدق

دكتور في استشاري قال عادي تحطيني رفرنس وانا احس ٩٠٪؜ مايتدكرني احطه ؟ والا اخليه روكمندبشن بس — بسيطه ذكريه قبل المقابلات ترى حطيتك رفرنس

انا ترشحت برغبتي الخامسة بس من كثر ماان نسبتي نازلة ماتوقعت ولا ١٪؜ انني انقبل لدرجة اني حاجز لاختبار الهيئة نهاية شهر ابريل من قبل ماتطلع النتايج حقت الترشيح والحين احس اني انحطيت بالامر الواقع وماني قادر على التخصص اللي انقبلت فيه والحين احس اني محتار ومصدوم اكمل اذاكر واشد حيلي عشان ادخل رغبتي الاولى السنة الحايه ان شاء الله والا استعد للمقابلة ؟ بالله احتاج رايك في الموضوع — هذي من الاشياء المحيره.. محد بيتخذ هالقرار الا انت.. حاول تجيب ورقة وقلم وتكتب مميزات وعيوب كل قرار.. واستشير، وبالاخير استخير وربي بيكتب لك اللي فيه خير

بالنسبة للي يسال عن ليش هو يتعب و ما يحصل جهده، الكل يتعب. حتى الشخص اللي ظاهر لك ان كل شيء يجيه بسهولة تراه يتعب و يجتهد و عنده معاركه مع نفسه اللي ما تدري انت عنها. حتى معاناتك انت قد لا اكون ظاهرة للآخرين و هم ينظرون لك بنفس النظرة اللي انت تشوفها للشخص "الناجح" ذاك. Just another perspective و مو حلوة انك تشوف انك انت تستاهل الشيء و ما جاك و هو جته بسهولة. ولا هي حلوة الغبطة او شبه الحسد هذا. ركز على نفسك احسن و الله يكتب لك مناك — صح.. كل واحد يخلي باله من لغاليغوه

انا انقبلت ENT في الرياض وعندي رغبة انسحب. احس مالي خلق للمقابلة والاسئلة والتحقيق. — تذكر ان كثير يبغون مكانك.. قم بس قم خل عنك الكسل

نقاط السيرفس نقطتين، هل إذا سرفست سنة “بدون مايعطوني رقم وظيفي” يحسبون لي النقطتين؟ — نقاط السيرفس: هل انت على رأس العمل حالياً؟ نعم؟ نقطتين لا؟ مافيه نقطتين ماله دخل الايفاد

شلون نذاكر السي في؟ — هههههههههههههههههه

السلام عليكم بدران انا انقبلت لكن عندي ازمة مايعلم فيها الا ربي انا جدا سيء في اللغة اوقات ماافهم السؤال كيف راح اسوي وقت المقابلة الشخصية وهل اذا اكتشفوا اني سيء في اللغة ماراح يقبلوني قلقان ومضطرب — اللغة ممكن تكون من اكثر العوائق انتشاراً بالمقابلات عندنا، لاتخافون.. مع التدريب والممارسة وقراءة الاسئلة ترى الواحد يقدر يمشّي مقابلته بشكل جيّد

الحين أنا جاني ماتش، بس سوالي ألا هو لو انسحبت بعد المقابلات قبل ١ اوكتوبر. وقدمت السنة الجية و جاني تخصص و بدأت فيه و ما عجبني و بعدها هل اقدر اغير؟؟ و لا خلاص؟ ماقدر عشان جاني اثنين ماتش؟ — يمديك تغيري فيه طلب تحويل تخصص

دكتوووور بليز ساعدني ابي اي ملف يجاوب على اسئلة تخصص الطوارئ بشكل خاص — ماعندي والله

بدران انا ما جاني ماتش والحمدلله ع كل حال ممكن نصايحكم بهذي الفترة اش اسوي + لغتي الانجليزية سيئة مره جملة وحده ما اعرف اركب ابي اطورها عشان مقابلات السيرفس وبرضو لان بحط هذا هدف لي وابي السنة هذي اتغير جذريا فاللغة بس كيف ومن وين ابدأ تكفون ساعدوني 🙏🏻 واذا احد قد سوا خطة لتطوير اللغه واستفاد منها ياليت يقولوا اش خطتهم — اكيد في البداية اشتغلي على التخصص اللي بتقدمين عليه الماتش الجاي ان شاء الله من ناحية ابحاث وكورسات ودورات.. اللغة الانجليزية بصراحة فيه اشياء كثير تسويها هي ماتجي بيوم وليله Podcasts, Movies, Reading, …etc ماعندي خطه معينه بالنسبة للمقابله يمديك تتدربين عليها بالانجليزي وتضبط معاك

هل تنصح شخص يهتم بlife style و الحياه الشخصيه والزواج ؟ يدخل ENT — من ناحية اللايف ستايل بعد الرزدنسي إيه هو من التخصصات اللي يكون فيها توازن بين الحياة الشخصية والعمل

السنة ذي اشبهم العالم حتى انا شفت واحد بتوتير كان يعيب ع تخصص تنافسي انه مافيه وظايف وبنفسه سأل وووو ويرفع فتخصص ثاني ولما سألوه اش قدمت كان يستهبل وهو حاط رغبه وحده بس يعني لو حاطهم الاثنين انفهم انو ممكن ينقبل بواحد منهم ويكمل ويقول خيره طالما الاثنين خياره عموماً المستفاد لحد ياخذ كلام من أحد ولا تخلون التحلطم ياثر عليكم في خياراتكم — كل يوم يصدمني المجتمع الطبي.. ترى فيه اشياء خايسه حتى بعد القبول

طول فترة الكلية كنت ابغى تخصص لما جربته في الامتياز ما اعجبني و قدمت على تخصص اخر اعجبني فترة الامتياز وقُبلت فيه الحمدلله. مركبتي الحمدلله عالية لكن السي في يفتقر للاشياء اللي تبين اهتمامي بالتخصص هل هذا الشي ممكن ياثر سلبا على القبول ؟ واذا سالوني ليش ما عندي اشياء في السي في ايش اجاوب ؟ — هنا خلك صريح.. قول انه ماتضحت معي رغبتي في التخصص الا بعد التجربة في الامتياز واقعد امدح في تخصصك وعطهم لستة الاشياء اللي اعجبتك فيه وترى معك وقت تقوي السيڤي

دكتور احياناً اقعد افكر بيني وبين نفسي ليش انا اتعب مثلي مثل الي ينقبلون ورغم ذلك ماانقبل واتعب من كل النواحي واذور وطيفه وو و وغيري يدخل ع طول بنفس الوقت افكر ليش في غني وفقير و و هل في اجابة تفسر هالاشياء احس قاعده تشغلني وتخوفني — الافضل تبعد عن الاسئلة اللي تدخلك في دائرة الشك.. اقطع الشك باليقين وثق تماماً ان الله كاتب لك اللي فيه الخير لك، عقلك الصغير هذا مارح يستحمل او يستوعب الحكمة من كل اللي يحصل لك في هذي الحياة

والله شيء ممتاز اذا رحتي تعرفتي على القسم وجلستي معهم شوي كذا.. بتزيل شوي من مجهولية المقابلة وبتكون حاجة جيدة قبل مقابلتك

بدران ترشحت بتخصصي اللي ابغاه الحمدلله بس بمدينة بعيدة وماقد رحت لها، ودي اروح لهم يوم او يومين بس اوريهم وجهي بس مدري وش اسوي ولا افعل اي شخصية وش رايك وش اسوي علما ان المقاعد محدودة واحد او اثنين والمترشحين ٨-١٠🙆🏻‍♀️ — بتلقين الثمانية او العشره قدامك هههههههههههه

هل المعدل عامل اساسي للمفاضلة؟ — In some centers yes, but Not necessarily.

كيف نجاوب على الاسئلة العلمية — اذا براسك حتى لو نص معلومه قل اللي اعرفه انه ……… اذا ماتعرف شيء مره قل ما اعرف ورح ابحث في الموضوع بشكل اكبر ان شاء الله