Trader Knowledge

▶️ តម្លៃមាសថ្ងៃអង្គារនេះ គឺបានបន្តជួញដូរដោយឈរលើតម្លៃ $4,550 ក្នុងមួយអោន ដោយសារមានសញ្ញាវិជ្ជមានថា អាមេរិក និង អ៊ីរ៉ង់ កាន់តែខិតជិតរកកិច្ចព្រមព្រៀងបញ្ចប់ជម្លោះ។ 📌 ចរចាបទឈប់បាញ់ ២ ខែ៖ គម្រោងគឺអាមេរិកដកការបិទខ្ទប់ ហើយអ៊ីរ៉ង់បើកច្រក Hormuz ឡើងវិញ។ តែនៅទើសចិត្តគ្នាត្រង់រឿងកម្មវិធីនុយក្លេអ៊ែរ និងសិទ្ធិគ្រប់គ្រងផ្លូវទឹក។ 📌 ប្រេងចុះថ្លៃ ជួយសម្រាលសម្ពាធ៖ ដំណឹងចរចានេះធ្វើឱ្យតម្លៃប្រេងឆៅធ្លាក់ចុះយ៉ាងខ្លាំង ជួយកាត់បន្ថយការបារម្ភពីរឿងអតិផរណា និងការដំឡើងការប្រាក់។ 📌 ជារួមនៅតែខ្សោយ៖ ទោះងើបឡើងវិញបន្តិចមែន តែមាសនៅតែធ្លាក់ចុះអស់ ១៣% ធៀបនឹងពេលមុនផ្ទុះសង្គ្រាម ព្រោះទីផ្សារបារម្ភថាធនាគារកណ្តាលនឹងរក្សាការប្រាក់ខ្ពស់ក្នុងរយៈពេលយូរ។

🚨 តម្លៃហាងឆេងមាសអន្តរជាតិ! 🗓 ថ្ងៃទី 26 ខែ ឧសភា ឆ្នាំ ២០២៦ ⏰ គិតត្រឹមម៉ោង 9:00 ព្រឹក

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,565$ ក្នុងមួយអោនស្មេីរនឹង 5,500$ មួយតម្លឹង!

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,562$ ក្នុងមួយអោនស្មេីរនឹង 5,496$ មួយតម្លឹង!

▶️ មាសឡើងថ្លៃមកវិញហើយ! មកដល់ថ្ងៃចន្ទនេះ តម្លៃមាសបានងើបឡើងវិញមកនៅជិត $4,600 ក្នុងមួយអោន បន្ទាប់ពីសប្តាហ៍មុនធ្លាក់ចុះសឹងតែដកដង្ហើមមិនរួច។ ការងើបឡើងនេះ កើតឡើងព្រោះទីផ្សារចាប់ផ្តើម «មានពន្លឺ» ខ្លះៗពីរឿងចរចារវាង អាមេរិក និង អ៊ីរ៉ង់។ 📌 មានក្តីសង្ឃឹម តែមិនទាន់ច្បាស់៖ មនុស្សម្នាភាគច្រើនកំពុងតែតាមដានដង្ហើមការចរចានេះយ៉ាងខ្លាំង។ បើកិច្ចព្រមព្រៀងនេះជោគជ័យ វាអាចជួយបើកច្រកសមុទ្រ Hormuz វិញ បញ្ឈប់សង្គ្រាម ដោះលែងលុយអ៊ីរ៉ង់ដែលជាប់គាំង និងបើកផ្លូវជជែកគ្នារឿងនុយក្លេអ៊ែរ។ 📌 ត្រាំ នៅតែរឹង៖ ទោះបីមានចរចាមែន តែលោក ដូណាល់ ត្រាំ នៅតែបន្តជំហរដាច់ខាត ដោយប្រកាសថា «កុំទាន់អាលសប្បាយ» ព្រោះអាមេរិកនឹងបន្តបិទច្រកសមុទ្រ Hormuz រហូតទាល់តែមានកិច្ចព្រមព្រៀងផ្លូវការសិន។ 📌 មាសនៅតែរងគ្រោះធ្ងន់៖ កុំឃើញមាសឡើងថ្ងៃនេះ ហើយភ្លេចថ្ងៃមុនអី! បើគិតចាប់តាំងពីជម្លោះមជ្ឈិមបូព៌ាផ្ទុះមក តម្លៃមាសនៅតែដាំក្បាលចុះប្រហែល 13%។ ទីផ្សារនៅតែភ័យខ្លាចថា តម្លៃប្រេងឡើងថ្លៃ នឹងរុញឱ្យទំនិញឡើងថ្លៃតាម ហើយបង្ខំឱ្យធនាគារកណ្តាលអាមេរិក (Fed) រក្សាការប្រាក់ឱ្យនៅខ្ពស់ដដែល។ 🔗 ការវាយតម្លៃ: ស្ថានភាពពេលនេះគឺ «មិនទាន់ទុកចិត្តបានទេ»។ សូម្បីតែមន្ត្រី Fed លោក Christopher Waller ក៏ទម្លាក់ទឹកត្រជាក់ដាក់ដែរថា កុំសង្ឃឹមពេកថារឿងបញ្ចុះការប្រាក់នឹងកើតឡើងឆាប់ៗនេះ។

🚨 តម្លៃហាងឆេងមាសអន្តរជាតិ! 🗓 ថ្ងៃទី 25 ខែ ឧសភា ឆ្នាំ ២០២៦ ⏰ គិតត្រឹមម៉ោង 9:00 ព្រឹក

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,528$ ក្នុងមួយអោនស្មេីរនឹង 5,455$ មួយតម្លឹង!

▶️ តម្លៃមាសថ្ងៃសុក្រនេះ គឺនៅបន្តឈរលើតម្លៃ $4,500 ក្នុងមួយអោនដដែល ព្រោះហាងឆេងពេលនេះកំពុងស្ថិតក្នុងដំណាក់កាលអ៊ុតមើលលទ្ធផលចរចារវាង អាមេរិក និង អ៊ីរ៉ង់។ 📌 ចរចាត្រូវរ៉ូវខ្លះ តែទើសរឿងនុយក្លេអ៊ែរ៖ ខាងអ៊ីរ៉ង់ថា សំណើអាមេរិកជួយបានច្រើន តែមេដឹកនាំកំពូលអ៊ីរ៉ង់ដាច់ខាតមិនព្រមប្រគល់ស្តុកអ៊ុយរ៉ាញ៉ូមឱ្យអាមេរិក ទើបការចរចានៅតែអូសបន្លាយ។ 📌 អ៊ីរ៉ង់ចង់ក្រសោបច្រកសមុទ្រ៖ លេចឮថា អ៊ីរ៉ង់ចង់ចាប់ដៃជាមួយអ៊ូម៉ង់ដើម្បីប្រមូលលុយ (ពន្ធផ្លូវទឹក) ពីកប៉ាល់ដឹកទំនិញឆ្លងកាត់ច្រក Hormuz តែត្រូវលោក ដូណាល់ ត្រាំ បដិសេធចោលភ្លាមៗ។ 📌 សម្ពាធជុំទិស៖ ទោះបីសប្តាហ៍នេះមាសហាក់ស្ងប់ស្ងាត់មែន ប៉ុន្តែបើគិតចាប់តាំងពីផ្ទុះជម្លោះមក មាសធ្លាក់ចុះអស់ប្រហែល 14% ទៅហើយ ព្រោះទីផ្សារខ្លាចរឿងប្រេងឡើងថ្លៃ រុញទំនិញឡើងថ្លៃ និងបង្ខំឱ្យរក្សាការប្រាក់ខ្ពស់។ 🔗 ការវាយតម្លៃ៖ ទីផ្សារមាសពេលនេះស្ថិតក្នុងស្ថានភាព «រង់ចាំមើលសិន» ព្រោះដំណឹងចរចាសន្តិភាព និងរឿងនុយក្លេអ៊ែរ នៅតែឌឺដងដាក់គ្នាទៅវិញទៅមក មិនទាន់ដាច់ស្រេច ១០០% ឡើយ។

🚨 តម្លៃហាងឆេងមាសអន្តរជាតិ! 🗓 ថ្ងៃទី 22 ខែ ឧសភា ឆ្នាំ ២០២៦ ⏰ គិតត្រឹមម៉ោង 9:00 ព្រឹក

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,504$ ក្នុងមួយអោនស្មេីរនឹង 5,426$ មួយតម្លឹង!

📌 កំណត់ហេតុកិច្ចប្រជុំរបស់ធនាគារកណ្តាលអាមេរិក (FED) បង្ហាញពីជំហររក្សាអត្រាការប្រាក់ខ្ពស់ក្នុងរយៈពេលយូរជាងមុន ❗️ដោយភាគីបង្កើតគោលនយោបាយជាច្រើន ចង់លុបចោលនិន្នាការបន្ធូរបន្ថយចេញពីសេចក្តីថ្លែងការណ៍គោលនយោបាយ ដោយក្នុងនោះភាគច្រើនបានផ្តល់សញ្ញាថា ការរឹតបន្តឹងបន្ថែមទៀតអាចនឹងត្រូវធ្វើឡើង ប្រសិនបើអត្រាអតិផរណានៅតែបន្តស្ថិតនៅខ្ពស់ជាង ២%។ ❗️ មន្ត្រីទាំងនោះបានលើកឡើងថា កម្រិតអតិផរណាខ្ពស់ ភាពមិនតានតឹងនៅមជ្ឈិមបូព៌ា តម្លៃថាមពល និងពន្ធគយ អាចនឹងតម្រូវឱ្យរក្សាអត្រាការប្រាក់ឱ្យនៅខ្ពស់ក្នុងរយៈពេលយូរជាងមុន។ ទោះជាយ៉ាងណាក៏ដោយ ភាគីបង្កើតគោលនយោបាយមួយចំនួនបាននិយាយថា ការកាត់បន្ថយអត្រាការប្រាក់នៅចុងឆ្នាំនេះអាចជារឿងសមស្រប ប្រសិនបើភាពតានតឹងភូមិសាស្ត្រនយោបាយមានការធូរស្រាល ហើយអត្រាអតិផរណាមានការថយចុះ។ ❗️ស្ទេីរតែអ្នកចូលរួមទាំងអស់បានគាំទ្រដល់ការរក្សាអត្រាការប្រាក់ឱ្យនៅដដែលនៅក្នុងកិច្ចប្រជុំនោះ ខណៈដែលមន្ត្រីបុគ្គលិករបស់ Fed បានព្យាករណ៍ពីទស្សនវិស័យសេដ្ឋកិច្ចដែលរឹងមាំជាងមុនបន្តិច បើធៀបទៅនឹងខែមីនា។

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,521$ ក្នុងមួយអោនស្មេីរនឹង 5,446$ មួយតម្លឹង!

▶️ មាសឡើងថ្លៃហួស $4,500 (កើនជាង 1%) ដោយសារតែមានក្តីសង្ឃឹមខ្ពស់ថា កិច្ចព្រមព្រៀងសន្តិភាពរវាងអាមេរិក និងអ៊ីរ៉ង់ ជិតអាចសម្រេចបានក្នុងពេលឆាប់ៗ ដែលជួយកាត់បន្ថយសម្ពាធអតិផរណា និងការព្រួយបារម្ភរឿងការដំឡើងអត្រាការប្រាក់។ 📌 ដូណាល់ ត្រាំ បង្ហើបពីដំណាក់កាលចុងក្រោយ៖ ប្រធានាធិបតីអាមេរិកបានថ្លែងថា ការចរចាជាមួយអ៊ីរ៉ង់បានឈានដល់ដំណាក់កាលចុងក្រោយហើយ ដែលបង្កើនការរំពឹងទុកថា ច្រកសមុទ្រយុទ្ធសាស្ត្រ Hormuz អាចនឹងត្រូវបើកដំណើរការឡើងវិញក្នុងពេលឆាប់ៗខាងមុខ។ 📌 ច្រក Hormuz ជិតបើក ធ្វើឱ្យប្រេងចុះថោក៖ លទ្ធភាពនៃការបើកច្រកដឹកជញ្ជូនដ៏សំខាន់នេះឡើងវិញ បានរុញឱ្យតម្លៃប្រេងធ្លាក់ចុះយ៉ាងគំហុក ដែលជួយកាត់បន្ថយភាពភ័យខ្លាចចំពោះបញ្ហាអតិផរណា និងកាត់បន្ថយសម្ពាធលើធនាគារកណ្តាលក្នុងការរឹតបន្តឹងគោលនយោបាយរូបិយវត្ថុ។ 📌 ជំហររបស់ ធនាគារកណ្តាលអាមេរិក៖ ទោះជាយ៉ាងណា កំណត់ហេតុនៃកិច្ចប្រជុំចុងក្រោយរបស់ធនាគារកណ្តាលអាមេរិក បានបង្ហាញថា មន្ត្រីភាគច្រើននៅតែយល់ថា ការដំឡើងអត្រាការប្រាក់នៅឆ្នាំនេះអាចនឹងត្រូវធ្វើឡើង បើអតិផរណានៅតែខ្ពស់ជាងគោលដៅ 2%។ ពេលនេះ ក្រុមវិនិយោគិនកំពុងបែកគំនិតគ្នាថាតើធនាគារកណ្តាលនឹងដំឡើងការប្រាក់នៅខែធ្នូ ឬរក្សាវាឱ្យនៅថេររហូតដល់ដាច់ឆ្នាំ។ 🔗 សរុបសេចក្តីមក៖ មាសឡើងថ្លៃលើកនេះ គឺដោយសារទីផ្សារទទួលបានព័ត៌មានវិជ្ជមានជុំវិញកិច្ចចរចាសន្តិភាព និងការធ្លាក់ចុះនៃតម្លៃប្រេង បើទោះបីជាធនាគារកណ្តាលអាមេរិកនៅតែរក្សាជំហរម៉ឺងម៉ាត់រឿងការប្រាក់ក៏ដោយ។

🚨តម្លៃហាងឆេងមាសអន្តរជាតិ! 🗓 ថ្ងៃទី 21 ខែ ឧសភា ឆ្នាំ ២០២៦ ⏰ គិតត្រឹមម៉ោង 9:00 ព្រឹក

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,497$ ក្នុងមួយអោនស្មេីរនឹង 5,418$ មួយតម្លឹង!

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,473$ ក្នុងមួយអោនស្មេីរនឹង 5,389$ មួយតម្លឹង!

🔴 មាសធ្លាក់ថ្លៃមកនៅក្រោម $4,500 (ស្រកជិត 2%) ដោយសារតែជម្លោះរវាងអាមេរិក និងអ៊ីរ៉ង់ នៅតែបន្តឡើងកម្តៅខ្លាំង ធ្វើឱ្យទីផ្សារបារម្ភរឿងអតិផរណា និងការប្រាក់ឡើងខ្ពស់។ 📌 ដូណាល់ ត្រាំ ទុកពេលឱ្យ ២-៣ ថ្ងៃ៖ អាមេរិកព្រមានថា អាចនឹងបើកការវាយប្រហារលើអ៊ីរ៉ង់ឡើងវិញ បើភាគីខាងអ៊ីរ៉ង់នៅតែមិនព្រមព្រមព្រៀងលើលក្ខខណ្ឌសន្តិភាព ជាពិសេសគឺរឿងកម្មវិធីនុយក្លេអ៊ែរតែម្តង ដែលកំពុងតែទាល់ច្រកចរចាមិនត្រូវគ្នា។ 📌 ច្រក Hormuz នៅតែបិទ ធ្វើឱ្យប្រេងឡើងថ្លៃ៖ ការបិទច្រកសមុទ្រដឹកជញ្ជូនដ៏សំខាន់នេះ កំពុងតែរុញឱ្យតម្លៃប្រេងហក់ឡើងខ្លាំង ដែលជាហេតុធ្វើឱ្យអតិផរណានៅអាមេរិកកើនឡើងកាន់តែលឿន។ 📌 លទ្ធភាពដែល ធនាគារកណ្តាលអាមេរិក នឹងដំឡើងការប្រាក់៖ នៅពេលដែលអតិផរណាឡើងខ្ពស់ បែបនេះ ក្រុមអ្នកជួញដូរលែងសូវសង្ឃឹមថានឹងមានការបញ្ចុះអត្រាការប្រាក់ហើយ តែបែរជាបារម្ភថា ធនាគារកណ្តាលអាមេរិកអាចនឹងត្រូវដំឡើងការប្រាក់ថែមទៀតនៅចុងឆ្នាំទៅវិញ។ 🔗 សរុបសេចក្តីមក៖ មាសចុះលើកនេះ គឺដោយសារសម្ពាធជុំទិស ទាំងរឿងព្រួយបារម្ភសង្គ្រាម តម្លៃប្រេងឡើងថ្លៃ និងការរំពឹងថា Fed នឹងរក្សាអត្រាការប្រាក់ក្នុងកម្រិតខ្ពស់។

📣 តម្លៃហាងឆេងមាសអន្តរជាតិនាព្រឹកនេះ (9:00AM)

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,533$ ក្នុងមួយអោនស្មេីរនឹង 5,461$ មួយតម្លឹង!

🔴 ទីផ្សារភាគហ៊ុនសកលមានភាពរង្គោះរង្គើក្នុងថ្ងៃអង្គារ ខណៈទីផ្សារមូលបត្របំណុលចាប់ផ្ដើមមានស្ថិរភាពឡើងវិញ ក្រោយរងសម្ពាធពីការលក់ចេញយ៉ាងគំហុក។ ស្ថានភាពនេះកើតឡើងបន្ទាប់ពីប្រធានាធិបតីអាមេរិក លោក ដូណាល់ ត្រាំ បានផ្អាកគម្រោងវាយប្រហារលើអ៊ីរ៉ង់ និងបានអះអាងពីឱកាសខ្ពស់ក្នុងការឈានទៅរកកិច្ចព្រមព្រៀងនុយក្លេអ៊ែរ ដែលជំរុញឱ្យតម្លៃប្រេងមានការធ្លាក់ចុះ។ 📌 កាលពីថ្ងៃចន្ទ លោក ត្រាំ បានថ្លែងថា ការផ្អាកការវាយប្រហារលើអ៊ីរ៉ង់នេះ គឺដើម្បីបើកផ្លូវឱ្យមានការចរចាលើកិច្ចព្រមព្រៀងបញ្ចប់សង្គ្រាម ក្រោយពេលទីក្រុងតេអេរ៉ង់បានផ្ញើសំណើសន្តិភាពថ្មីមួយមកកាន់ទីក្រុងវ៉ាស៊ីនតោន។