შოთა მარტინენკო / Shota Martinenko

არაფერი იმაზე სახიფათო არ არის, როგორც მოწინააღმდეგის და ძალთა რეალური ბალანსის შეუფასებლობა: ამ დღევანდელ ვიდეოზე გირჩის წევრის, ცოტნე კობერიძის ქუჩაში გალახვა სცადა, სავარაუდოდ, ოცნების მიგზავნილმა ხალხმა. და ძალიან საინტერესო და მრავლისმეტყველია ის ფაქტი, რომ ჩვეულებრივი გამვლელები გირჩელს გამოექომაგნენ, ოცნების ხალხს დაუპირისპირდნენ და გააქციეს. ასევე დღესვე დაიდო ვიდეო, სადაც ოცნების დეპუტატს, ვიქტორ სანიკიძეს პარკში ვიღაც ქალი დაუპირისპირდა აგენტების კანონის მხარდაჭერის გამო და როცა ვიქტორ სანიკიძემ შეკამათება დაუწყო, ამ ქალს რამდენიმე შემთხვევითმა გამვლელმაც აუბა მხარი სანიკიძის წინააღმდეგ, ოცნების დეპუტატის მოქომაგე კი არავინ გამოჩნდა. და თუ ქალი, რომელმაც თავდაპირველად დაუწყო სანიკიძეს კამათი, შეიძლება მიგზავნილი აქტივისტიც ყოფილიყო (რაც არ ვიცით, ასეა თუ არა, დიდი შანსია, არც ის იყოს მიგზავნილი), დეპუტატის წინააღმდეგ კამათში ჩაბმული დანარჩენი ადამიანები აშკარად ჩვეულებრივი გამვლელები იყვნენ. მანამდე იყო ფორთოხლის გამყიდველთან ბოდიშის მოსახდელად მისული სხვა დეპუტატი, სადაც ისევ აქეთ დაუპირისპირდნენ ოცნებას შემთხვევითი მაღაზიის მეპატრონეები. ანუ, რაც კი მსგავსი დაპირისპირების ვიდეო დაიდო ამ დღეებში, ყველგან ჩვეულებრივი გამვლელები ოცნების წინააღმდეგ არიან, მიუხედავად იმისა, რომ ხელისუფლების წინააღმდეგ მოქმედება ყოველთვის უფრო სარისკოა ხოლმე. რეალურად ეს ძალიან სახიფათო სიგნალია და ამ მოცემულობის იგნორირება არ შეიძლება. თუ რამე დამღუპველი და მავნებლურია ახლა, პირველ რიგში უსაფრთოხების ილუზიების კულტივირება და ამით უმოქმედობის წახალისებაა. ფაქტი ის არის, რომ ბოლო ორ თვეში ოცნებამ საინფორმაციო კამპანია პირწმინდად წააგო, დიდი რეპუტაციული ზიანი მიიღო და ამომრჩევლის იმხელა პროცენტი დაკარგა, რომ დაქირავებული ხალხის გარდა ძალიან იშვიათადღა თუ შერჩა დამცველი. საქმე იქამდე მივიდა, რომ ქუჩაში ნაცები და გირჩები უპრობლემოდ გადაადგილდებიან, ოცნებას კი ყოველ ნაბიჯზე პრობლემები ექმნება არა მხოლოდ დაქირავებული აქტივისტებისგან, არამედ ჩვეულებრივი გამვლელებისგანაც. ეს ყველაფერი ძალიან სახიფათოდ ჰგავს 2012 წლის ზაფხულის პერიოდს, როცა ნაცებს ეგონათ, რომ ვითარება ხელში ეჭირათ, რეალურად კი მათი დამცველი სისტემის იქით აღარავინ იყო. ასე თუ გაგრძელდა, ოცნება უბრალოდ პირწმინდად წააგებს არჩევნებს და ეგ იქნება. ერთად-ერთი რეალური შანსი, აქ ვითარების გადატეხვის და კოლექტიური პროდასავლელი ნაცების რევანშის არდაშვების, კონსერვატიული ფლანგის კონსოლიდაციაში და მათ მიერ არჩევნებზე იმ კრიტიკული მასის მიყვანაშია, რომელიც ერთის მხრივ ოცნების, და მეორეს მხრივ მედასავლეთე აგენტების სახით მოძულებულ არსებულ პოლიტიკურ ელიტაში საკუთარ პოზიციას ვერ პოულობს.

ამ ვიდეოზე ამერიკის ყოფილი და მომავალი პრეზიდენტი, დონალდ ტრამპი პატივისცემით ხვდება შერეული ორთაბრძოლების ყოფილ დაღესტნელ ჩემპიონს, ხაბიბ ნურმაგომედოვს, რომელიც ჩემპიონობასთან ერთად კავკასიური ტრადიციების და რელიგიური ცხოვრების წესის უპირატესობის ხაზგასმით არის ცნობილი ამერიკაში და ამით იქცევს დიდ ყურადღებას. ანუ ის ხაზს უსვამს საკუთარი ტრადიციული იდენტობის მნიშვნელობას, სწორედ ამ იდენტობიდან გამომავალმა თვისებებმა მოუტანეს წარმატება და ამ თვისებების ეფექტურობას აღიარებენ და პატივს სცემენ დასავლეთშიც. სიმბოლური და დემონსტრაციული ვიდეოა კოლექტიური ქართველი დასავლეთუმეებისთვის, ვერცერთი თქვენგანი დასავლეთისგან რეალურ პატივისცემას ვერ დაიმსახურებს და ამერიკის არც ერთი პრეზიდენტი, ტრამპი იქნება ეს თუ თუნდაც ბაიდენი, თქვენთვის ხელის ჩამორთმევას პატივად არ ჩათვლის, რადგან თქვენ საკუთარი ტრადიციული რაობა გეთაკილებათ და საკუთარ თავს და მნიშვნელობას იმით ზომავთ, რამდენად მოახერხებთ და დაემსგავსებით დასავლელებს. ხოლო სხვის მიმბაძველებს, არასრულფასოვნების განცდის მქონე უთავმოყვარეოებს, რომლებმაც მაქსიმუმი, რასაც შეიძლება მიაღწიონ, დასავლელის შეუმდგარი ასლი იყონ მხოლოდ, ანუ სულიერად მონებს და "ღამურებს" არავინ რეალურად პატივს არ სცემს. იყავით ისინი, ვინც ხართ, რითიც მოვიდა ეს ქვეყანა აქამდე, მოგვწონდეს და ვაფასებდეთ საკუთარ ტრადიციულ, ეროვნულ და რელიგიურ იდენტობას და დავიცვათ ჩვენი უფლება, ვიცხოვროთ საკუთარი ეროვნული წესებით, ანუ ვიყოთ მართლა თავისუფლები და თვითკმარები და მაშინ ყველა იძულებული იქნება, ჩვენი ძალა და მნიშვნელობა აღიაროს.

ინტერვიუ ალბანურ ტელევიზია NTV-ს ეთერში. საქართველო ალტ ინფოს პერსპექტივიდან

მანჰეტენის ნაფიც მსაჯულთა სასამართლომ დონალდ ტრამპი დამნაშავედ ცნო. მას ბრალი ედებოდა ფინანსური დოკუმენტაციის გაყალბებაში. სასჯელის სახე სასამართლომ მომავალში უნდა განსაზღვროს. სახეზეა ამერიკის "დემოკრატიობანას" დასასრული. ყველას მშვენივრად ესმის, რომ ეს არის პოლიტიკურად ანგაჟირებული საქმე და ერთად ერთი მიზეზი, რატომაც მის წინააღმდეგ მართლმსაჯულებას უკანონოდ იყენებენ, არის აშშ-ს 2024 წლის საპრეზიდენტო არჩევნები, სადაც ყველა გამოკითხვებით რესპუბლიკური პარტიის კონსერვატორი კანდიდატი დონალდ ტრამპი უპირობო ფავორიტია. ნაკლებად სავარაუდოა ტრამპი ციხეში ჩაჯდეს, მოვლენების განვითარების ნებისმიერ სცენარში მას არჩევნებში მონაწილეობის უფლება აქვს.

პოლიტიკურ პროცესებში ჩართულობის თვალსაზრისით და განსაკუთრებით არჩევნების კონტექსტში, ახალგაზრდობა საზოგადოების ერთ-ერთი ყველაზე პასიური სეგმენტია. თან ეს არ არის ვიწრო ქართული სპეციფიკა, სხვა ქვეყნებშიც ანალოგიური სურათია. თუმცა, უკანასკნელი მოვლენების ფონზე, საქართველოში ეს ტენდენცია შეცვლილია, ხელისუფლების ნაბიჯებმა და დასავლეთის ჩართულობამ ახალგაზრდებში პოლიტიკისადმი ინტერესი გაზარდა. ცხადია უკიდურესად დილეტანტურ, პრიმიტიულ დონეზე და ძირითადად ემოციური ლოზუნგების ფორმებით ( მაგ. "ევროპა გვინდა", "რუსეთს ვამარცხებთ" და ა.შ ). მაგრამ მეტი არც არის საჭირო. დასავლეთმა ამოცანა წარმატებით შეასრულა, მოსწავლეებში, სტუდენტბში ანტისახელისუფლებო პროტესტი ტრენდული გახადა. ხელისუფლების გინება სოციალური ქულების ჩასაწერად, კულტურული თვითდამკვიდრების იდეალურ საშუალებად იქცა. დასავლეთი მთელ ამ, აქამდე არა აქტუალურ ელექტორალურ ენერგიას მოაგროვებს და არჩევნებში საკუთარ, არც თუ ისე მცირე, პოლიტიკურ კალაპოტში მიუშვებს. ტიკ-ტოკ ტრენდად გაფორმდება არჩევნებზე წასვლა და ხელისუფლების წინააღმდეგ ხმის მიცემა. "ქართული ოცნება" ვერაფერს ვერ დაუპირისპირებს ამ წმინდა მათემატიკურ კანონზომიერებას. ვერც "გამჭვირვალობის კანონი" ვერ შეზღუდავს პრო-დასავლურ ჯგუფებს, იმ მარტივი მიზეზთა გამო, რომ ეს კანონი შინაარსობრივად სიმბოლურ ხასიათს ატარებს და ვერც ვერაფერს ახალს, ე.წ "გეიმჩეინჯერს", ამ დარჩენილ 5 თვეში, ვერ შესთავაზებს ხელისუფლება საზოგადოებას, რამაც შეიძლება ძალაუფლებაში მყოფი ოცნების გაცვეთილი რეიტინგის რეაბილიტაცია მოახდინოს.

ოცნებამ ბოლო ორ თვეში იმდენი მოახერხა, რომ ახალგაზრდობის მნიშვნელოვანი ნაწილი, რომელიც ტრადიციულად არჩევნებზე ყველაზე პასიური სეგმენტი იყო, ოპოზიციონერ აქტივისტებად აქცია და ახლა ბევრი მათგანი პირდაპირ დამკვირვებლებად რეგისტრირდებიან არჩევნებისთვის. თან ახალგაზრდების რაოდენობა ქვეყანაში ასეულობით ათასია, ანუ ეს არის კრიტიკული სეგმენტი, რომელსაც თავისუფლად შეუძლია არჩევნების ბედის გადაწყვეტა. და ამის საპირწონედ დაიდო კანონი, რომელიც აგენტების დაფინანსებას ვერანაირად ვერ ზღუდავს, მაქსიმუმ გამჭვირვალობა უზრუნველყოს, ანუ მაქსიმუმ კოლექტიურმა ბაია პატარაიამ ღიად უნდა თქვას, კი, დასავლეთიდან ვფინანსდებიო, რასაც ისედაც ამაყად იძახდნენ. და ამ დაპირისპირების პროცესში რეპუტაციული და რეიტინგული ბალანსი ისეთი გახდა, რომ თვითონ ამ კანონის მომღებ დეპუტატებს უწევთ ქუჩაში მოღალატეების და აგენტების ძახილის ატანა. მართლაც ოცნების გასაოცარი "შორსმჭვრეტელობის" და გეგმის მომსწრენი ვართ...

როგორც სხვადასხვა არასამთავრობოების და საინფორმაციო საიტების თანამშრომლები წერენ, ახლა მათი ორგანიზაციები უბრალოდ უცხოეთში თავიდან დარეგისტრირდებიან, შევიწროვებულებად და რეპრესირებულებად გამოცხადებულები იქ აიღებენ კიდევ უფრო მეტ დაფინანსებას, ახლა პირდაპირ იქ გასცემენ თანამშრომლებზე ხელფასებს და ვერც ეს გამჭვირვალობის კანონი გაუკონტროლებს ფინანსებს და არც უცხოეთის აგენტებად დაირეგისტრირებენ თავს... ეს აგენტების კანონი უცხოეთში რეგისტრაციის შემთხვევაში მართლა არ ითვალისწინებს კონტროლის ბერკეტებს. ანუ ამ ორთვიანი დაპირისპირების შედეგი ის იქნება, რომ აგენტების დაფინანსებას პრობლემა არ შეექმნება და არც გამჭვირვალე გახდება, ოღონდ პარალელურად ოცნება ანტიდასავლურ და მოძალადე ხელისუფლებად გამოაცხადეს და სერიოზულად შეურყიეს რეიტინგი, ხოლო გაკოტრებული და სიკვდილის პირას მყოფი ოპოზიცია გაცოცხლდა და საარჩევნოდ შანსები შეიძინა. მართლაც გასაოცარია ოცნების შორსმჭვრეტელობა...

📍იუსტიციის სამინისტრომ მორიგი კანონდარღვევა ჩაიდინა. ანტიკორუფციული ბიუროს საჩივრის განხილვის ვადა, რომლის საფუძველზე პარტია „ქართულ იდეას“ ცენტრალურ საარჩევნო კომისიაში რეგისტრაცია შეუჩერეს, კანონით ერთ თვეს შეადგენდა. იუსტიციის სამინისტრომ შეგნებულად დაარღვია საჩივრის განხილვის კანონით განსაზღვრული ვადა, რითაც მიზანმიმართულად აჭიანურებს გადაწყვეტილების მიღების პროცესს. ცალსახაა, რომ არსებული კანონდარღვევა პოლიტიკური მოტივებითაა ნაკარნახები და ვადების შეგნებული დარღვევა „ქართული იდეის“ არჩევნებში არ დაშვების მართლსაწინააღმდეგო მიზანს ემსახურება.

📍პარტია „ქართული იდეისთვის“ რეგისტრაციის უსაფუძვლოდ შეჩერების გამო, პარტიის ლიდერებმა ცენტრალურ საარჩევნო კომისიას საჩივრით ერთი თვის წინ მიმართეს, თუმცა საკითხთან დაკავშირებით რეაგირება ამ დრომდე არ მომხდარა. ადვოკატი სერგი ხურციძე ამბობს, რომ საჯარო რეესტრი კანონით გათვალისწინებულ ღონისძიებებს არ ახორციელებს და იუსტიციის სამინისტრო, რატი ბრეგაძის მითითებით, „კონსერვატიულ პარტიებს“ ფუნქციონირებას მიზანმიმართულად უკრძალავს.

სალომე ზურაბიშვილმა, ანუ დასავლეთმა დღეს წარმოადგინა პროდასავლური პარტიების საარჩევნო ქარტია, რომლის საფუძველზეც ხელმომწერი პარტიები პირობას დებენ, რომ გამარჯვების შემთხვევაში მაშინვე გაატარებენ "დემოკრატიულ" რეფორმებს და მომავალ წელსვე დანიშნავენ ახალ არჩევნებს. ამასთან ოპოზიციური პარტიები ერთ საარჩევნო სიად კი არ გაერთიანდებიან, არამედ დაიყოფიან ნაცებად, შედარებით ზომიერ და დახვეწილ მედასავლეთეებად ლელო-გირჩ-ახალის და სხვების ერთობის სახით და კიდევ ცალკე გახარიას და მისი რამდენიმე მოკავშირე ჯგუფის სახით. ამით ხალხის მნიშვნელოვან ნაწილს შეექმნება განწყობა, რომ ოცნების დამარცხების შემთხვევაში ნაცები კი არ დაბრუნდებიან, არამედ იქნება კოალიციური მთავრობა, სადაც ნაცებიც შევლენ და გახარიას მსგავსი არანაცებიც და, ასევე, ამ კოალიციის ნაცურის მსგავსი თავგასულობის თავიდან არიდების დამატებითი დამაიმედებელი ფაქტორი იქნება დაპირებული ვადამდელი არჩევნები. საკმაოდ ეშმაკური და ეფექტური პიარული გეგმაა, რაც იმთავითვე მოსალოდნელი იყო დასავლეთისგან და მითუმეტეს სახიფათოდ ჩანს ბოლო ორ თვეში აქციებით თვალსა და ხელს შუა გაცოცხლებული და მკვეთრად გაძლიერებული ოპოზიციის პირობებში. ხოლო, როგორ აპირებს არჩევნებზე ამ გეგმასთან გამკლავებას აგენტების კანონის ირგვლივ დატრიალებული კრიზისის პროცესში სანქციებით და თავპირისმტვრევებით მძიმედ დაზიანებული და რეიტინგშერყელული ოცნება, რომელსაც პროდასავლელი ამომრჩევლის თითქმის სრულად დაკარგვის ფონზე უკვე მაღალჩინოსნები გაურბის და კონსერვატორებსაც არ უშვებს არჩვენებამდე, ჯერჯერობით გაუგებარი ჩანს.