Hesham's Notes

Dizziness Case (Part 2) 📌 Hx/ Female pt, 29 y.o, No D.M, No HTN, Presents with Dizziness: (sudden onset, progressive course, for 6 days, associated with vomiting "twice, not preceded by nausea, watery, profuse"+ blurred vision + Headache (لحد دلوقتي Dizziness و معاه CNS manifestations يعني ماشية أكتر ناحية Central Vertigo) Dizziness is increased by moving the head and by standing, and decreased by rest. (هنا الdizziness بيزيد مع الposition يعني مع سكة الvertigo، و برضه لما تقوم تقف فممكن orthostatic hypotension) Pt. went to an ENT doctor who gave her TTT for vertigo without improvement, then went to a cardiologist who gave her TTT without improvement. (خدت علاج للvertigo كام يوم و متحسنتش و ده مينفيش إنها عندها vertigo، عشان الدكتور قال إن علاج الvertigo بياخد فترة على ما يجيب مفعول) Pt. has free medical history: no cardiac, neurological, or renal ds. 📌 Vitals/ 📍ABP: 90/70 mmhg و هي قاعدة (بعد كده وقفتها ٣ دقايق تقريبًا و قيسته و هي واقفة طلع 100/80 mmhg ف كده مش orthostatic hypotension) 📍Pulse: 92 bpm 📍R.R: 22 cycles/ min "slight tachypnea" 📍Temp: 37.3 °C (باقي الvitals كويسة) 📌 Inv/ (Full lab): 📍CBC: Normal 📍Urea: 17, Creat: 0.38 📍Na+: 146, K+: 3.9 📍Ca2+ (i): 4.6 (التحاليل طالعة كويسة و inconclusive) 📌 Consult/ 📍ENT/ Dizziness not associated with hearing loss or tinnitus, associated with CNS Manifestations, for Neuropsychiatry consult. (ف كده الENT بعد ما فحصو العيانة، قالو إن ده مش Peripheral Vertigo) 📍Neuropsych/ - CT Brain: free (كنا بنحاول نشوف لو في structural lesion عامل الcentral vertigo بس ملقيناش) - 1 gm MgSo4 on 250 ml Saline (used in specific types of headache) - B com (Vit. B Complex) و الNeuropsych كان الموضوع inconclusive بالنسبالهم كinvestigations بس كتبو علاج للvertigo بشكل عام و قالو تتابع في العيادة. 📍Internal Medicine: - For hypotension: (الضغط كان نزل ل80/50 mmhg و ممكن الhypotension يزود موضوع الdizziness) (ف الباطنة ادو Midodrine 2.5 mg tab قرصين بلع، و ده عبارة عن Alpha1 agonist .. و الضغط بعدهم رفع ل 110/85 mmhg و نزل تاني ل 90/60 mmhg) 📌 TTT/ 📍For Hypotension: - Corasore (positive inotrope) ١٥ نقطة على نص كوب ماء صباحًا و مساءً - شرب ٣ لتر مياه يوميًا - نتابع الضغط يوميًا، لو متحسنش على النقط خلال أسبوع هننقل على Midodrine (مبنبدأش بيه من الأول عشان ليه S.E مش لطيفة) 📍For Vertigo: - Betaserc (betahistine) 16 mg tab قرص كل ١٢ ساعة - Stugeron (cinnarizine) 25 mg tab قرص كل ١٢ ساعة - Doliprane 1 gm tab قرص كل ١٢ ساعة (للصداع) و تتابع مع عيادة العصبية في الجامعة

Dizziness case (Part 1) دي حالة اشتغلتها، كانت جاية تشتكي من Dizziness (الدوخة)، و قبل ما أتكلم في الحالة، عايز أتكلم شوية عن إيه هي أسباب الDizziness؟ 📍 كذا حاجة، أشهرها ال Vertigo و هو illusion of sense of motion: العيان حاسس إن الدنيا بتلف بيه، و ده بيحصل ليه؟ ببساطة عندي حاجة اسمها vestibular system بيتكون من peripheral part و هو الvestibular apparatus in inner ear و central part و هو ال: vestibular nerve, nucleus in medulla + vestibular part of cerebellum .. و الvestibular system ده موجود يمين و شمال و في symmetry بين الاتنين .. امتى يحصل vertigo بقى؟ لو حصل asymmetry بين الاتنين vestibular systems، يا إما بسبب abnormality في الinner ear و بسميها peripheral vertigo و غالبًا العيان بيبقى معاه hearing loss, tinnitus أو abnormality في الbrain stem or cerebellum و بسميها central vertigo و بيبقى العيان معاه CNS manifestations زي projectile vomiting, headache, blurred vision, nystagmus. طب إيه تاني ممكن يعمل Dizziness؟ 📍ال orthostatic hypotension، إن العيان يحس بدوخة لما يكون قاعد و يقوم يقف مرة واحدة بسبب الhypotension. 📌 طب أفرّق إزاي بينهم؟ الdizziness في الvertigo بيزيد بتغيير الposition بسبب الasymmetry في الvestibular systems، فلو العيان حرك راسه أو خليته ينام و يتقلب هلاقي الدوخة زادت.. لكن الدوخة في الorthostatic hypotension بتزيد لما العيان يبقى قاعد و يقوم يقف، و لو قيستله الضغط و هو قاعد مرة و وقفته ٣-٥ دقايق و قيسته و هو واقف، هلاقي الsys قل اكتر من ٢٠ أو الdiast قل أكتر من ١٠ .. و فيه أسباب تانية بس دول اللي يهمونا دلوقتي .. ندخل على الحالة بقى 👇

📍Dizziness Case 👇:

----------------------------------------------------

صباح الخير يا جماعة، كان أكتر من حد لفت نظري لحتة إن ورقة استلام الحالات بتبقى صغيرة أوي، فكبرتها شوية بحيث يبقى كل حالتين في صفحة .. و ممكن نطبعها وش و ضهر لو حابين الحالات تبقى في نفس الورقة .. بالتوفيق ❤️

----------------------------------------------------

ملحوظة كمان يا شباب: نايب الnephrology قاللي على التقسيمة دي للdialysis كمان، مفصلة أكتر: الindications of dialysis بتتقسم ل٣ حاجات A. Emergent Dialysis: ده عيان لازم تغسل له فورًا -بل لو عندك عيان تاني ع المكنة ممكن تقومه وتغسل للعيان ده- ودول حاجتين 1. Refractory Hyperkalemia > 6.5 with ECG Changes لازم الشرطين يتحققوا عشان تغسل ناو emergently (أعلى من 6.5 + فيه تغيرات في رسم القلب) وإلا العيان ممكن يأرريست منك.. لو العيان جاي ببوتاسيوم 7 ومفيش تغيرات في الECG ممكن تستنى عليه شوية عادي بيستجيب للعلاج، وتابعه closely لو حصل ECG Changes أو البوتاسيوم مبينزلش بالعلاج خلاص اغسله 2. Refractory Volume Overload وبالأخص pulmonary edema العيان المورم اللي مش بيستجيب للdiuretics وبدأ يجيله dyspnea, tachypnea, chest crepts, HTN الحاجات بتاعت الhypertensive pulmonary edema B. Urgent Dialysis ده المقصود بيه عيان محتاج غسيل ضروري بس مش شرط حالًا دلوقتي، ممكن لو اتأخر شوية في تركيب القسطرة أو استنى لآخر اليوم عادي مش هيجراله حاجة وده يشمل: Uremic Pericarditis Uremic Encephalopathy Neuropathy Severe Metabolic Acidosis Empending Pulmonary Edema C. Elective: ده بقى الadvanced CKD اللي خلاص كرياته 10 مثلًا وماشي في سكة الESRD بس مش معاه الأعراض بتاعت الemergent أو الurgent أو Urea فوق ال200 ومعاها uremic manifestations مش جامدة اوي.. Anorexia, Nausea, vomiting, CNS manifestations, pruritus, malnutrition due to anorexia

و ده لينك شرح الAKI و تفاصيل زيادة عنه على قناة د. خالد: https://t.me/KA_MEDICAL_NOTES/255

ملحوظة في criteria الAKI: ١) الrising Creat: يعني العيان يكون عامل creat في آخر ٤٨ ساعة، و لما اجي اعملهوله دلوقتي ألاقيه أعلى من اللي فات بأكتر من 0.3mg/dl .. طب لو مش عامل creat قبل كده أحكم إزاي؟ بالmanifestations و باقي التحاليل هتوضحلي العيان ده CKD و بدأ يتدهور ولا لأ. ٢) الCreat أعلى من 1.5x الbaseline .. المقصود بالbaseline هو الcreat اللي العيان عامله قبل الAKI في خلال أسبوع .. يعني لو كان طالع ١، و جيت أعيدهوله دلوقتي (و معداش عليه أكتر من أسبوع) و طلع ٢، ده كده أكتر من مرة و نص الbaseline، فأعتبره AKI

📍Random Medical Notes #2: Acute Kidney Injury "AKI" (From KA Medical Notes) 👇:

----------------------------------------------------

📌 KA medical notes 👇: مساء الخير يا جماعة، الchannel دي عاملها د. خالد عبد الصادق نايب باطنة عامة، لازم تكون عند أي دكتور بجد خصوصًا الامتياز و الGP .. شارح المعلومة بطريقة كويسة جدًا، و بيقول ازاي تتعامل مع الحالة في الاستقبال، و من مصادر موثوقة زي uptodate و medscape و oxford و غيرهم .. حقيقي hidden gem للدكاترة، تابعوها و مش هتندمو، ده اللينك 👇: https://t.me/+Tod1h9Jlcog5MWU0

----------------------------------------------------

حبيت المرادي أتكلم بس عن حاجة لينا إحنا مش للعيانين .. لو حد انترستد بالموضوع زيي يعني.

📌 How to lose weight 👇: ‏مبدئيًا، انت جسمك بيحتاج عدد سعرات حرارية معين عشان يحافظ على وزنه أو يعمل Maintenance .. عشان تخس، محتاج تاكل سعرات حرارية أقل من الMaintenance ده فيما يعرف بعجز السعرات الحرارية أو Calorie Deficit، ف جسمك هيحرق دهون عشان يعوض الDeficit ده و تبدأ تخس. طب أعرف جسمي محتاج سعرات حرارية قد إيه إزاي؟ عن طريق الموقع ده: https://www.calculator.net/calorie-calculator.html بتدخل بياناتك و مستوى نشاطك، و بيديك سعرات الMaintenance و الCalorie Deficit اللي محتاجه عشان تخس.. بيقسم الDeficit لmild, moderate, severe بحد أقصى إنك تخس كيلو في الأسبوع و ده الصحي. ‏كده عرفت الCalorie Deficit اللي محتاجه، أحسب سعرات أكلي إزاي؟ عن طريق برنامج myfitnesspal.. بتدخل أكلك بالعربي عادي و بيقولك السعرات، و تفاصيلها من بروتين و كارب و دهون و غيرهم.. و لو أكل مش متسجل عليه، ممكن تسجله يدوي لو عارف سعراته أو تعمل scan للbar code و هيحسبلك سعراته. و طبعًا بتبقى عامل limit لسعرات اليوم الواحد حسب الDeficit، فعملته 1800 .. طب السعرات دي أكلها كلها كارب عادي؟ أو نصها بروتين؟ هنا بنيجي لحاجة اسمها Macros و هي تقسيمة السعرات لبروتين و كارب و دهون.. كتقسيمة معقولة محتاجين البروتين يبقى ٣٠% و الباقي كارب و دهون بالتساوي. و تقسيمة الMacros دي موجودة في myfitnesspal.. طب لو كلت في limit سعراتي بس من غير Macros هخس؟ اه.. حتى لو كلت ٨٠% من سعراتي كارب هخس، بس أبطأ من لو التزمت بالMacros و جسمي هيخس كتلة عمومًا، من دهون و عضلات و ميه.. و ده مش كويس، لأني مش عايز أخسر كتلة عضلات. لكن لو تقسيمة الMacros ٣٠% على الأقل بروتين، و الكارب و الدهون بالتساوي.. هخس أسرع، و مش هخسر كتلة عضلية.. طب تمام، ينفع أكل أي حاجة طالما ضمن سعراتي و الMacros بتاعتي؟ أه ينفع، و متحرمش نفسك من حاجة.. لو ليك ٢٠٠ جم كارب في اليوم و كلتهم بطيخ زي شوكلاتة، هتخس في الحالتين. ‏بس هنا بنيجي لحاجة تانية و هي الQuality of food اللي بتاكله.. صحيح الشوكلاتة و البطيخ ممكن اكلهم بنفس السعرات.. بس البطيخ مليان معادن و مية هتملى بطنك و تشبعك، لكن الشوكلاتة فيها مواد حافظة و سكر عالي هيجوعك بعد فترة.. فبنعتبر الشوكلاتة empty calories، ملهاش فايدة بل مضرة. و ده مش معناه إنك تحرم نفسك من الشوكلاتة و غيرها، بس متخليش جزء كبير من سعراتك empty calories .. حاجة كل فترة كده من نفسك "و في حدود سعراتك و الMacros بتاعتك" .. لكن الأكل الطبيعي من خضراوات و فاكهة و غيرهم أفضل و أفيد و ده المفروض يبقى الmain bulk من أكلك. لحد دلوقتي إحنا اتكلمنا عن الأكل بس، و لو التزمت باللي قولناه من Calorie Deficit و Macros و High quality food، هتخس دهون و مية و تبقى بتاكل أكل صحي.. بس عشان الدايرة تكمل، محتاجين نتكلم عن التمرين: من الحاجات الشائعة اللي بتتقال لأي حد عايز يخس إنه يجري بس، و ميتمرنش حديد. و ده الحقيقة مش صح، انت محتاج تدمج بين حاجتين: ١- كارديو: زي الجري و نط الحبل و تمارين الحركة في نفس المكان اللي بتزود ضربات القلب، و من هنا اتسمت Cardio. ٢- تمارين مقاومة: اللي هي الحديد، و دي بتحرق دهون و في نفس الوقت لو بتاكل بروتين كويس، هتبني عضلات. ‏ممكن تتمرن ٣ أيام في الأسبوع بس حتى لو جدولك مشغول بنظام اسمه push, pull, leg هيمرنلك جسمك كله في ٣ أيام بس، و ممكن تقرا عنه أكتر لو حابب .. آخر حاجة، موضوع الوجبة الفري .. بلاش تكون كل أسبوع و تبقى بتصبر نفسك من أسبوع للتاني عشان وجبة تاكل فيها اللي انت عايزه. ‏حاول تخلي الدايت life style، و متخليهوش strict أوي و كل اللي نفسك فيه من وقت للتاني في حدود سعراتك .. و ممكن كل شهر تاخد وجبة فري مفتوحة بس وجبة واحدة مش يوم كامل 😂 .. ابدأ الموضوع واحدة واحدة، اتعود على الدايت و بعد كده التمرين، و افتكر إن Slow progress is still a progress. نسيت أقول بس إن فيه أنظمة تانية للدايت زي الكيتو و الصيام المتقطع و غيرهم، و فعّالين و بيجيبو نتايج كويسة .. بس اتكلمت عن النظام اللي ماشي عليه عشان ده اللي عارفه كويس .. لكن تقدر تقرأ أكتر عن باقي الأنظمة و تختار اللي يناسبك ..بس كده