MAYBE | رُبمآ..!🖤🫀

هذا الصباح ... و انت بترتبط حاول تحافظ على مفهوم ( الدرجة ) إنك أعلى منها درجة ... عقلا و حكمة و حزما و طموحا و ماديا و نفسيا ... الدرجة اللي تخليها لما تتوه تجري عليك انت و هي واثقة إنها بتجري على شخص أعلى منها درجة ... الدرجة دي اللي لازم تحسها منها و تشوفها في عينيها و تصرفاتها بصدق ... الدرجة دي هي الميزان اللي من غيره كل حاجة بتبوظ. - د/ وجدان محمد

هذا المساء.. كل إنسان بيفتش علي راحتو والمُحيط البخليهو مُرتاح ! بعيدًا من التظاهر البتمسك ! أي زول مُمكن يرخي يدو منك في أقرب وقت، لمُجرد لقاك إنو إنت ما مصدر راحة ليـه بغض النظر عن التضحيـات القدمتها ليه والشيء العملتو عشانو عشان كده إتعلم ! في ظلّ م إنت بين الناس أعمل أي شيء بس م تفقد راحتك عشان زول حاجـة بتجنيك علي نفسك وتستنذفك ما تعملها ! العلاقات راحة ما لقيت راحتك أمشي طوالي ! المُرتاح معاك وشايفك راحتو ما بيجبر تختار المشي ! #عند_المُنتهى في الوقت البتحس إنو إختيار راحتك هو الإختيار، إختار راحتك وحتكون مُمتن جدًا للنفسك بالقرار ..."!!💙 #الواثق_الجعلي

في بنات هسي بقو بيقنعو نفسهم إنو عادي يساعدو الراجل الفي حياتهم ماديًا عشان "يتقدم" ليهم. يعني هي البتلم، وهي البتدفع القروش، وهو البيدخل بيتهم وكأنو جاي راجل وجاهز لكن في الحقيقة، هي الممولة، وهي الدافعة، وهي البتعمل المستحيل عشان يتحقق الحلم البتحلم بيه براها. البتعمل كده بتكون متخيلة إنها "بتسهل عليه"، وإنها "بتثبت حبها"، وإنو "ما غلط لو ساعدت زول بتحبو". لكن الحقيقة المُرة؟ الزول البتدفعي عشان يجيك، ما جايك عشانك، جايك لأنك فتحتي ليهو باب ساهل، وقلتي ليهو: “ما مهم رجولتك، المهم تجيني بأي طريقة.” البت الممكن تدفع اليوم مهرها، بكرا بتدفع ثمنه سكوتها، وبعدو بتدفع احترامها، وبعد فترة بتلقى نفسها ما بس ساعدتو، لا، هي الرفعتو فوق راسها وهو ذاتو نزلها تحت رجلو. الحب ما بيعني إنك تمسحي كرامتك، ولا إنك تاخدي مكان الراجل وتتحملي مسؤوليته. الزواج ما مشروع شراكة بالقروش، الزواج رجولة ومسؤولية والتزام. الزول الجاد ما بحتاج منك تموليهو، الزول الجاد بيجهز روحو، بيسعى، وبيجي من نفسو، لأنو بيشوفك غالية، ما رخيصة لدرجة إنك تمولي وجودك في حياتو. ما في بنت المفروض تدفع مهرها، ولا تشتري خاتمها، ولا تجهز بيتها عشان زول "يجي" بس. البيت البتبنيه بالطريقة دي، بيت ما فيه احترام ولا توازن من البداية. وعارفين الوجع الحقيقي شنو؟ لما الزول البدفعتي ليهو، بعدين ينسحب، ويقول ليك "ما كنت جاهز"، ولا "ما عارف حاسي بشنو"، ويخليكي تقعدي تعدي الأيام والدموع، تحسي إنك صرفتي مش بس قروش، صرفتي عمرك وإيمانك بالحب الحقيقي. يا بنت الناس، ما في زول يستحق إنك تقللي من قيمتك عشانو. الراجل الجاد ما بقبل منك جنيه واحد، لأنو شايف نفسو مسؤول، وشايفك حاجة تتكرم، ما صفقة تتسهل. الزواج ما "نعملو بأي طريقة"المهم نتزوج الزواج كرامة قبل يكون حب. والراجل البيبدأ علاقتو بي إنك تساعديه مادياً، بعد شوية حتساعديه عاطفياً، وبعدها نفسياً، ولما تجي تطلبي دعم، حتلقي نفسك وحيدة. فلو فعلاً دايراهو خليه يجيك بطريق الرجال، مش بطريق "التحويل البنكي". وخلي عندك يقين إنو الزول البيجي بتعبو، بيقيمك أكتر من الزول الجبتي بي تعبك. في النهاية، ما في حب حقيقي محتاج تدفعي تمنه بكرامتك. والزواج البيبدأ كدة بينتهي بندم. 💔 #ميادة_حبيبة_البنيات

بتحكي: مرة حصل خلاف بيناتنا خلاف لدرجة إنو خلاص المفروض ينتهي الطريق هنا و أي حد يمشي بإتجاه.. إتلاقينا في ذات المكان البدينا منو.. شكرا عشان لحدي نهاية الطريق إنت ما أخلفت بوعدك، أهو انحنا بنتفارق و انت لسى بذات اللطف القابلتني بيهو أول مرة. رد عليّ بالحرف الواحد : دي ما نهاية طريق.. دي بداية تانية. أنا أديتك كلمة، و الراجل بمسكوهو من لسانو، ماف سبب ممكن يكون مبرر لتنازلي عنك. ... مرة زعلتها و ما كنت متخيل انها ممكن تسامحني.. رسلت ليّ: "اللحظات ال إنت ما فيها بتعدي ببياخة و بتتقل على قلبي شديد.. أنا ما مسامحاك و ما عارفة حأصفى تجاهك متين.. بس المتأكدة منو إنو ماف حد أنسب ليّ غيرك". بعد كم شهر كتبت في الاستوري: نحن مشتاقين وحاتك، نحن مشتاقين كتير .. ردت عليّ: "تمشي وين الخطوة عنك.. ما الزمن بالحب بلاك و إبتلاني؟" .... متوافقين في أي حاجة بس فكرة زواجنا من الأساس كانت مخالفة للعادات و لراي القبيلة.. لسنتين كاملات هو فضل يدق الباب في المرة ألف مرة.. لمن أبوي غلبتو الحيلة تجاهو جا قال ليّ: "الراجل شاريك يا بتي..بخيت و مبروك عليكم❤️." .... مرة أنا كنت مُصرة على الإنفصال لأسباب ممكن تكون بتستحق على حسب زعلي وقتها.. إحترم قراري.. إنفصلنا و فضل يواسي فيني برغم تقبُلي أنا للشعور و رفضو هو للفُرقة من الأساس. بعديها سألني: عارفة البطمِن شنو؟ أنتِ... وجودك بدون أي مسمي كونك لسى في بيناتنا ف دي حاجة كفيلة إنها تخليني أختارك تاني من أول . لا السكة بيك حتنتهي و لا معاك حأمِل طواف.. ... ف أعتقد الحكاية مبدأ و الله أنا عايزك؟خلاص معناها عايزك فوق للظروف و الطِباع و بُعد المسافات و كترت الإنتظار . عايزك برغم الأراء كلها،و عايزاك فوق للقيل و القال و الإختلاف و جوطة الخِلاف. انتَ تستحق وحدة تشيل معاك عمر كامل بكل الظروف الممكن تقابلك، بذات الأمان البنيت عليهو أساسك. و انتِ فعلًا تستحقي انو يحاربو عشانك كأنك فريدة و كأنك إنتصار عظيم. المهم : "كل ما الريح تطارد الموج أزيد إصرار و أحلف بيك أغير سكة التيار و أقول يا أنت يا أغرق❤️." #YaGeen_A_Ahmad. ــــــــــــــــــــــــــــــــــــــــــــــــــــــ > It's TANZEEL podcast 🎙️ https://t.me/Fadfadah98

يا جماعة نتفق إنو الراجل الكريم يقعد في أول القائمة الكريم في طبعه وكريم في أخلاقه ..❤️ لما غنو قالو دا البضبح بقول حررم دا نوعي المفضل والأبدي لا طول لا شكل لا ملامح ما بتهمني زي الصفه دي أنا قمت في بيت أهلو بكرمو الضيف وصغيرنا وكبيرنا لدرجة الناس بتتحرك من البلد زمن ماف تلفونات وعارفة هي نازلة عند أولاد احمد الفاضل ✨❤️.. عندنا الكرم طبع ما صفه أبوي رحمة الله عليه معروف بالكرم بضربو بيه المثل ولله الحمد في حي القلعة أمدرمان لدرجة كأنو بقولو على أبوي ❤️ صديق الأرباب المحسي الما كضاب ❤️ ❤️وبينادوه بالعمدة وأرباب العقائد ..❤️ بيتو ما حصل إتقفل في وش زول وهو حي وهو ميت ❤️ ولا مالو قل لي زول ف أنا لما أعاين ليك كريم ولالا ما بيعني عندك ولالا الراجل الكريم وااااااضح ي بنات ما دايره ليها فلاحة #أخيراً كريم اليد والعطاء هو نفسه كريم المشاعر شحيح اليد والعطاء هو نفسه شحيح المشاعر

في هذا الصباح ... (لو شافوكِ ساكتة ومتحملة) بشيلوكِ أكتر وكأنك جبل ما بيتكسر..! لو شافوكِ ما بتشتكي ولا بتتكلمِي، بفتكروا الموضوع عادي، وبزيدوا فوقك من غير ما يحسوا إنك بتتألمي. البتتحمل، بحمّلوها أكتر..! والبتسكت عشان ما تكبّر الموضوع بتلقى روحها شايلة جبل وهموم ما ليها طاقة بيها. المشكلة وين؟ إنو مرات بنفتكر إنو الصبر دة بطولة وإنو مفروض نتحمل عشان الناس.. أو عشان العلاقة ما تخرب، أو عشان ما نزعل إنسان لكن الحقيقة إنك بتكوني بتدمري روحك من جوة وبتعوّدي الناس يتعاملوا معاكِ على إنك ما عندك حدود في البيت، مرات الأهل يرموا مسؤوليات البيت كلها على البنت العاقلة الهادية، لأنها ما بتقول (لا). في الشغل، الموظف البسكت على الظلم هو ذاته البدوهو شغل زيادة، وبقللو من قيمتو. وفي العلاقة، مرات الراجل يشوف خطيبتو/مرتو بتسكت وتمشي الموضوع، يكرر نفس الغلط لأنه عارفها في النهاية حتسامح.. التحمل والصبر حلوين، لكن لمن يكونو بعقل وبحدود ما لازم أي زول يشوفك قوية يرمي فيك همو وما أي علاقة تستحق إنك تنزفي من روحك عشانها. قولي: (لا) من غير خوف. قولي: (ما بقدر) من غير إحساس بالذنب. قولي: (كفاية) لمن تحسي إنك خلاص وصلتي الحد. الإنسان البحبك بحق، ما حيخليك تتحملي فوق طاقتك بالعكس، حيحاول يشيل معاك الحمل! ويخفف عنك، ويخاف عليك من التعب لكن الإنسان البخليكِ تشيلي كل الهم براكِ وتقولي: (أيوة ما مشكلة) كل مرة صدقيني دة إنسان ما بيستاهلك. ما تخلي قوة قلبك تتحول لسلاح ضدك خليك رحيمة مع نفسك زي ما أنتي رحيمة مع الناس. وحافظي على حدودك. أنتي ما أتخلقتي عشان تكوني الضحية ولا الحيطة القصيرة..! #Mohammed_Salah

"ليَّالي الأُنس البَاسمة كَليَّالي العيِّد.. 💚! " فكرة إنك كل يوم راجع البيت وعارف إنو في زول منتظرك بكل حُب، وهو متلهف وبِكل شُوق الدنيا.. حيكون مُجهز أكل إنت بتحبو.. و حيكون سعيد إنو يسمع كل تفاصيل يُومك من شكلة الكُمساري الصباح لحدي ما إصطبحت بكباية قهوة من خالتو محاسن الجنب الشغل لحدي ما وصلت المكتب والجوطة العاملها ليك مديرك... و.... و... ألخ! تساعدك تغير هدومك حتتشاركو طاولة عليها أكل معمول بكل حب الدنيا.. و إنت كل يوم بتكتشف إنك إبتديت تحب أي حاجة هي بتطبخها.. شاي المغرب والمسلسل المعين داك... شكلة صغيرة علشان بتشيل أي حاجة وما بترجعها كما هي.. وإنت عارف إنو هي بتكره الحركة دي شديد، بس بتحب تعملها من باب ترفع كثافتها.. الدولاب دا فيهو 6ضلفة، إشمعنى أنا عندي منهم واحد بس🙄. قصدك ضلفة إلا رف، علشان الرف التحت الفي ضلفتك محتاجة ليهو برضو.. ما بين النكد وحبة جوطة بس حرفياً في سعادة كدا محفوفة في كل رُكن من أركان البيت.. أثرها لطيف بتشوف في أي حاجة عينك بتقع عليها.. هي حرفياً ست البيت و ست الدار و ست قلبي.. بعد كم شكلة قبل النوم و جوطة بتنوم بسرعة شديدة في كسر من الثانية.. ملامحها وهي نايمة بتحسها طفلة عند الميلاد.. طفلة بس ربتني و رتبت حياتي كلها.. فجأة كدا إتزوجنا.. إتأكدت وقتها إنو على قدر النوايا تأتي العطايا.. الحلال لما يبدأ بخطوة صح ربنا بكملو.. حرفياً مهما عصفت بي الحياة هي كانت بلسم لطيف همومي بتزول مُجرد ما نتشاركها.. #على_سبيل_الجمال. البيوت بتبني وبتدوم على المحبة..💚. #محمد_ورق

(التخطي ما لحظة، التخطي طريق) فيهو بكاء، فيهو سهر، فيهو صمت، و فيهو يوم بتصحى فجأة تحس أنك ما قادر تتنفس، التخطي ما معناهو إنك نسيت، ولا معناهو إنك ما أتوجعت! ولا إنك بقيت قوي خلاص، التخطي معناهو إنك أخترت توقف في صف روحك وتقول: كفاية وجع (كفاية إستنزاف، كفاية أنا ضيعت نفسي عشانو) وفي ناس بتفتكر إنك لما تقول أنا عايز أتخطى.. معناها خلاص ما بتتألم لكن في الحقيقة إنك حتتوجع وأنت بتتخطى، حتتزكر وأنت بتحاول تنسى، حتسمع حاجات تكسّرك، وحتشوف حاجات تعصّف قلبك! لكن برضو حتقوم، وبرضو حتمشي! وبرضو حتلقى نفسك يوم ماشي في الشارع وبتضحك من غير سبب، التخطي مرات بِبدأ في لحظة بسيطة: رسالة ما رديت عليها.. صورة مسحتها، هدية شلتها من الدولاب! أو حتى بكاء ليل طويل طلع التعب إللي في صدرك وكل خطوة من دي، مهما كانت صغيرة.. (هي خطوة لقدام! أمنح روحك الوقت) ما في ساعة ولا زمن ولا إسبوع ولا شهر بِحدد متين تتشافى، ما تراقب، البراقب وجعو بيزيد! والبراقب الإنسان البوجعو، بيغرق أكتر.. أحكي لإنسان بِفهمك، حتى لو ما عندك غير الورق أكتب، الكتابة بتفضي القلب وبتخلي الألم يطلع بدل ما يكتمك! غيّر جو، غير الأماكن، غير روتينك! أنت محتاج تبدّل طاقة، مش تمحي زكريات بس! وأهم حاجة: سامح نفسك، لو حبيت زيادة. لو مشيت ورا وهم، لو أتعلّقت بإنسان ما بستاهلك! ما غلط إنك كنت طيب، الغلط الوحيد إنك تفضل عالق في وجعك! والتخطي ما بِجي في يوم وتقول: أنا أتخطيت لكن بِجي لما تمر بأغنية كانت توجعك وتلقى روحك ما حسّيت بشيء! لما تشوف صورة (وتقول: سبحان الله! الزمن بيغيّر كتير) وبِجي لما تعاين في المرايا وتشوف شخص أقوى أنضج، وأحن على نفسهُ، وصدقني الجاي أجمل.. مش لأنو الحياة بتضمن لينا السعادة، لكن لأنك بتكون أتعلمت تحب نفسك كفاية، ما تسيبها تتكسر! #Mohammed_Salah

_يا بتنا =أها يا ولدنا _الأخبار والحاصل ونسابتي كيف؟ =كلنا بخير _الحمدلله إنكم بخير يا الحليوة بس مالك زي الزهجانه، خير أنا سامعك =عارف اليوم شنو؟ _عيد ميلادك هي لكن هو قبل شهر اا عيد ميلاد سهى صاحبتك؟ بس ما ختيتي استوريهات معناهو لالا ذكرى زواج أمك وأبوك؟ ااا كان قبل شهرين غزل بنت أختك كبرت سنة؟ لكن صحي هي ياداب شهور طيب أنا فشلت وريني =لو مهتم كان عرفت بس أنت ما فاضي لي مع الشغل _طيب أكتر من كوني حافظ تفاصيل ناس البيت أبقى مهتم كيف؟ ما فاضي ليك من الشغل ودا بوضح ليك إني شقيان عشان ما أحوجك لي حاجة في بيتنا بعدين ما لافي في فارغه يا بتي، وكنت دائماً لما ألقى طريقة بفقدك و أنتِ براك عارفه =لكن اليوم العالمي للحبيبة وأنا ما لقيت ولا رسالة واحدة سمحة، شايفني ما بستاهل! أنا لكن عايزة أفعال ما كلام ياخ _طيب تأمري أنا نسيت أكلمك اليوم اتصلت لأبوك وقلنا الخطوبة دي بعد كده فترنا منها، فاتفقنا بعد شهرين بإذن الله تعالى إني لما أرجع البيت ألقاك أول زولة تستقبلني! =يعني بجد أنت عايزني _يا بتي لو ما عايزك بقول لأهلك لييييه وبعدين الناس اللي بحبو شوية هم العاملين يوم واحد الحبيبة... بس أنا: في وجودك يا حليوة تبقى كل أيامي عيد زي كأني قبُّل أشوفك كنت ضايع أو وحيد ولما جيتي سكنتي قلبي أظنّي قبلك ما رأيت زول حزين مليان تشاؤم بس معاك أصبح سعيد #في_نهاية_المطاف: ضحكة من القلب جنبك كلمة حلوة منك وملامحك، هُّمْ الحياة.♥ #ريان_عثمان

ورط نفسك.. نعم؟ ايوا زي ما بقول ليك كِدا " ورط نفسك ". كيف؟ قوم فجأة اقعد امسك الحاجه المفروض تخلصها وأبداها. ما عندي شغف ومكسل!! قلنا ورط نفسك ما تدي نفسك وقت تخطط وتمنتج فيو خُت نفسك أمام الأمر الواقع✅. اول خمس دقائق بس حتكون بتحاول، تاني حتنغمس بدون تحس حتى. وفي النهاية.. بتنجز، بتخلص، بترتاح، بتلقى ثمرة جُهدك المفاجئ ده. ورط نفسك اسبوع بس واتوكل على الله، وبعد كدا حيحصل شنو؟ تلقائياً حتبدأ تعمل واجِباتك ومهامك المفروضة بدون تأنيب ضمير وضياع وقت❤️. > أنتَ تَستَطِيع | 𝒚𝒐𝒖 𝒄𝒂𝒏 🎀!. فمن توكل على الله فهُو حسبُه 🫶🏻. #لمى_الهلالي

يا الفَطن الوسيِّم و عَرج يا نسيِّم بلغهُ إشتياقي.. 💚! -كانت إسمها محاسِن و يا محاسِن الصُدف كانت ذي إسمها تماماً.. كُنت كل ما ألاقيها لازم أشغل ليها أغنية "أقيس محاسنِك بِمن" كانت من الاغاني القريبة لقلبي لإنها بتعبر عن أي حاجة حلوة عايز أقولها ليها.. أقيس محاسنِك بِمن..؟ يا الدُر الما ليك تمن والله نُور عيني نور الزمن.. كانت بتضحك لإنني كنت بكرر الكوبليه و أنا بعاين ليها جوة عيونها.. دايماً بتقولي إنت عارف مافي زول جاب حاجة من عندو لإنو حرفياً مافي حاجة بتقدر تساويني.. طيب الغالطك منو يا ست قلبي.. كل الحكاية بحب أي أغنية فيها سيرة إسمك.. بحب أي حاجة مربوطة بيكِ.. ومرات لما أشتاق ليها برسلها ليها الكوبليه المحبب لينا من أغنية الفَطن الوسيم" البيقول: أشتاق للمحاسن..! واتهيب وصالا.. من فتاك لحاظا، ومن شدة نصالا.. - ولما تكون زعلانة مني شديد و ما عايزة تشوفني برسل ليها كوبليه من أغنية "أنا بيك سعادتي مؤكدة" البيقول: أنا بِمحاسنك بفتخر و إنت المحاسِن سيدا.. 💚. يُومي الأشوفك ببقى عيد و الدُنيا بتبقى معيدة.. ما حرام عليك يا جميل ليه بتعمل كدا..!؟. ما فشلت يُوم إنو الكلمات دي تراضيها.. زمان قالوا لينا إنو أي زول ليهو نصيب في إسمو و قد كان.. فبقول ليها: لو عز التلاقي،، أنا علي عهدي باقي.. " أنا عاشق مثالي في حُبي ومشاعري لا يوجد مثالي.." للهوى إمتثالي.. كل أسامي البنات حِلوة إلا هي حرفياً كانت في حتة تانية يمكن دا السبب الخلاني أحبها كل يوم أكتر وأكتر.. #على_سبيل_الجمال ولو سألك عليا قوليو منامو قلة..أصلو شكايتو عِلة و الحب ليس إلا.. " #محمد_ورق

بعد سنين من السعي في الدنيا دي ، أنا الآن مستعدة أبيع العالم كله وأشتري شخص عنده سلام نفسي ، زول متصالح مع أخطائه قبل أخطائي ، زول مهما يحصل شايف إنه حصل خير ، وطالما نحن تمام و مع بعض قادرين نحِل أي قصة ، ممكن نختلف ودا طبيعي جداً لأنه كل الناس بتختلف بس ونحن بنتشاكل واثقين تماماً إنه المشكلة دي عندها حد وتنتهي والمودة هي الباقية . الحياة مرة ساهلة ومرة صعبة فلو لقيت شخص حيصعبها عليك أكثر أمشي خليهُ ، ولو في شخص حيهونها عليك بيع العالم وإشتريه 💗 .. متفقين؟ #هبةالله

يخوانا كونها تبني معاك، ما بيعني انها تجي تشيل طوب او تناولك مونة او تدفع معاك، تبني معاك بإنها تكون جمبك وتهون عليك التعب والشقاء، لو حتبني براك في سنتين، في وجودها ودعمها حتبني في سنة واحدة وما حتحس بأي صعوبة ومعاناة لأنها حتكون رفيقة كل الظروف والمواجع.. وهي البتهون الحاجات دي. القصة ما دا شغلي وإنتي ما عندك دخل بيهو، هي بإمكانها ما تتدخل، بس لو في حُب في قلبها حتعرف تتدخل كيف، حتعرف تبني معاك كيف، رغم المسافات والبُعاد حتلقاها واقفة معاك وبتساعدك... والمساعدة دي ما حتكون ملموسة، بل إحساس بيمتد من لحظة ميلادُه لحدي ما تنتهي من البناء والتأسيس وتشوفها جمبك، حتعاين لورا وتعرف إنها ساهمت بشكل كبير جداً في نجاح العمل دا. صح هِن إتخَلَقن عشان يتحَبَن ويتدلعن، ويحِبَن... يلا حُبهِن دا عبارة عن يد خفية بتمسح عن قلوبنا وأرواحنا التعب والوجع، هِن المحرك الأول للمواصلة والدافع الأول لكل تقدُم ونجاح، هِن الجانب المضيء ونحن الجانب المظلم، حنبقى في النور وقت يعكِسن نورهن على الجانب اللي نحن فيهو. لو حصل عكس كدا... شوف محل نورك وين قبل ما تبدأ تبني... حُب فيهو طرف واحد بقدم والتاني متلَّقي فقط دا عبارة عن صفقة فاشلة ولا يرتقي لمسميات الحب وكناياتِهِ. هامش: " وناديتِك، أقيفي معاي؛ نشيل كتف الغُناء الميَّل، ونتخيل، حلم دونك بيتحقق ". #إسماعيل_عمر_إسماعيل

لو في شي مني، سامحني، ولو من الدنيا، خليني أكون الحضن اللي يهون عليك." ❤️ قالت: كان زعلان... وما قال لي زعلان ليه. لكن كنت حاسة… من نبرة صوته، من ردوده القصيرة، من صمته التقيل. ما كنت عارفة أعمل شنو... أرسل؟ أسكت؟ أعتذر؟ لكن كل الحاجات دي ما بتكفي قد إحساسي بالذنب، ولا خوف فقدو. قعدت أكتب ليهو، وما كتبت اعتذار، كتبت حكاية… نحنا مرات بنوجع بعض من غير قصد، مرات بنتكلم بكلام ما كان مفروض يتقال… بس أنا ما بقدر أزعل منك كتير، ولا بقدر أنوم وقلبي فيهو تقيلة منك. أنا الزعلات دي ما لي فيها، قلبي خفيف عليك… وبيحن ليك بسرعة. أكتر شي بخاف منو نمرق من الزعل لعدم الكلام، ومنو للبعد، وأنا الببعد منك، بكون بعيده من روحي ذاتها كتبت، ومسحت… رجعت كتبت، وبكيت، وبالأخير قلت ليهو: أنا لو ما بحبك، ما كنت بزعل عليك بالطريقة دي #في_منتصف_الحكاية أنا معاك، حتى لما أكون غلطانة، حتى لما ما تقول لي❤️ Mnal A Jad

في هذا الصباح .. بقدر ما بيوجعني إنه علاقتي مع شخص تقل أو تبقى سطحية أو تنتهي بالمرة ويبقى إسمه في اخر قائمة المحادثات بقدر ما بحترم رغبة أي شخص في البُعد، بقول لنفسي يمكن ما ضفتي شيء لحياته، يمكن انت ما ضمن الأشخاص العايزهم يكونو معاه في المرحلة دي من حياته ويمكن هو كمان كان دوره في حياتك مؤقت بس الناس ما بتدخل حياة بعض صدفة، كل واحد بيجي يعلمنا حاجة، يغير فينا نظرة، أو يفتح لينا باب ما كنا حنقدر نفتحه برانا وبتمشي لما الدرس يخلص. الوجع ما بنتهي، بس بيتبدّل شكله، وبعد فترة بتكتشف إنك بقيت أهدى، وإنك بتقبل فكرة "النهاية" كجزء من الرحلة، مش كعقاب الوجع بيكون حقيقي، بس ما بيستمر بنفس الحِدّة بمرّ الوقت وبتتعلم تتجاوز ونظرتك للأشياء والمواقف بتبقى عادية عشان إتصالحت مع واقع إنه انت تستحق الهدوء. وفي النهاية، بتفهم إنه البُعد أحياناً ما خسارة، هو بس طريقة ربنا عشان يقول ليك: “الدرس خلص" تعويد النفس على إنه الحياة والأشخاص فترات ومراحل بهون علينا حاجات كتيرة قاسية سبحان مقلب القلوب ❤️

هذا المساء..! "ليسَ هنالك إحساسُ أدفأََ من أنْ ترى أحدهمْ وهوَ يحاولُ لأجلكَ."♥️ قال لي ذات مرة: أنه يحب ابتسامتي الصباحية وأن ابتسامتي مصدر لـسعادته، ولكنه لا يعلم أن خلف هذه الإبتسامة الجميلة الكثير والكثير من الحزن والاكتئاب... حينها قال لي: _بماذا تفكرين يا ذات الإبتسامة الحلوة؟ قلت له: =لستُ أُفكر، فقط لم أجد ونيسًا للعمر؛ أشكي له كل ما في داخلي. _هل أخبرك سراً صغيراً عني؟ =حسناً اخبريني.. _لقد رحل الجميع عني وبقيتُ وحيدة لا أحد بجانبي، حتى أنهم قالو عني أنني قبيحة ولستُ جميلة، حتى أنني فاشلة في الرياضيات..! لذلك رحلوا عني. =فليرحل من يريد ذلك ليس مهمًا البتة، وليبقى من يريد أنتِ لستِ قبيحة؛ أنتِ جميلة جداً... حتى النجوم تغارُ من جمالك الفاتن يا عزيزتي الجميلة، وأنتِ لستِ فاشلة؛ أنتِ قوية وناجحة، ولستِ وحدك، أنتِ لستِ وحيدة أبداً يا عزيزتي، فلا تقولي ذلك أبداً مهما حدث، أنا هُنا لأجلِك دائمًا... هذا أنا وهذا كتفي، إياكِ أن تحزني وأنا هُنا اتكئي على كتفي و أرمي كل ما في قلبك موجود..! •أنتِ حبيبتي الأولى، طفلتي المدللة أختي، صديقتي، أميرتي، وأنتِ كُل شئ في حياتي• _أتدري يا عزيزي؟ لقد كُنت ذابِلةً من قبلكَ، وبعد أن دخلت حياتي أصبحتُ مُزهرة جدًا.. (ولأنك تعرف كيف تمحي خوفي وتحتويه، اخترتك حبيباً لقلبي ). #وعند_النهايات. بقيت لي انت واحد وبس..! بقيت لروحي تؤام روح♥️.)) "وإنتِ معاي لا بندم ولا بقضي العمر تبريح 🫂..!)) _أتذكُرين هذا التاريخ يا عزيزتي؟ = تاريخ ماذا.. ! تاريخ ميلاد حُبِنا.. "أُحب تاريخ تعارفنا الأول" ويومُنا الأول وساعه حريتنا الأولى.. فجرنًا الأول.. 2025/10/3أكتوبر.. ((الساعة 12:30"♥️)) #meraf_Abraha #مِعراف «ميمي»

"عملتي ايه النهارده؟!" هرد على الرِسالة دي و أنام. "الطريق كان زحمة و إتأخرتي زي كل يوم؟" هرد على الرِسالة دي و أنام. "المدير لسه بيضايقك و لا أجي أجيب لك حقك؟" هرد على الرِسالة دي و أنام. "أكلتي بيتزا النهارده؟ كان نفسك فيها، و لا هتستني اليوم اللي هناكل فيه سوا؟" هرد على الرِسالة دي و أنام. "ماتخليش حاجة تضايقك، خافي على صحتك و خافي من خوفي عليكِ" هرد على الرِسالة دي و أنام. "لأ مش هنتكلم شات، تعالى نُص ساعة نتكلم فون أنا واحشني صوتك." هرد على الرِسالـ.. مش عارفة أنام! كل يوم بكرر نفس الكلام و أقول إني هنام بدري، و مش هحكي كتير.. و لو بعتلي هختصر و هقفل المواضيع و هرد ردود مختصرة أو هقوله إني عايزة أنام. و كُل لحظة بقول لنفسي هرُد على آخر سؤال ده و أنام، خلاص آخر رسالة هرد عليها و هقفل و هنام و ألاقي السؤال جاب سؤال و قراري بينهار لما بس بيبعت ليا آخر اليوم عشان يطمن عليا، و كأنه لما بيبعت ليا آخر اليوم، كأنه الآخر عند كُل الناس، و بدايتي أنا.. يومي بيبدأ من بداية سؤاله عليا. أول ما بيكلمني بعد يوم شاق متعب فجأة بنسى أنا كُنت تعبانة ليه؟ سؤاله بيبقى علاج لإزالة الإرهاق و الشقى بنسى تعبي من قبل ما أحكي و أتكلم بفضل أحكي و بنسى إني لازم أنام عشان استعد لتعب يوم جديد. بحكي له كُل حاجة و كُل التفاصيل، و مش بخلص كلام غير لما عنيا تقفل غصب عنى، و غالبًا بنام و الشات مفتوح. و رغم إني ببقي هموت و أنام، و لو نمت و ماردتش على الرسالة هو مش هيضايق يعني، و عادي مش هيعترض بس مابقدرش ماحكيش! بحب قوي الفقرة دي من اليوم، بستنى اليوم كُله و بفضل أتخيل إن دي هحكيها و دي هحكيها لما يكلمني بليل، و كأني بحوش له تفاصيل اليوم عشان أحكيها معاه آخر اليوم لغاية ما يكلمني فعلًا و أحكي كُل شيء، و لازم هو اللي يكلمني.. رغم حُبي الكبير إنه يكلمني بس يستحيل أبدًا أنا اللي أبدأ الكلام، ليه مدلوقة و لا ايه؟؟ مابصدق أحكي ليه مش أحكي عمومًا، أنا أصلًا شخص مابيحكيش، كَتومي و مُنطوي على نفسه، حُزني ليا مش لحد، و مشاكلي مع حالي مش محل مُناقشة للناس، إلا هو! جه كسر ليا كل قواعدي. مش بحكي حُزني غير ليه. مش بحكي تفاصيل غير ليه. مش بجاوب على سؤال "عاملة ايه" و برُد بـ "مش كويسة" غير ليه. و غالبًا هو ده الحُب.. يجي يلخبط لك كُل الدنيا و يوقعها على دماغك بس بدون ما تتعور! يقلب الموازين و يغير مسار الحياة، و يغيرلك طباعك و الحاجات المتعود عليها ليك سنين! و يبدل الخطة اللي كنت راسمها لنفسك. و الغريب إنك شايف حياتك بتتغير و أنت بتتبدل و بتوافق! يعني أنا كل يوم بنام الساعة تلاتة الفجر عشان أصحي سبعة الصُبح.. و في الأول كُنت بنام من حداشر! بلبس فـ رُبع ساعة، و مش بفطر عشان مافيش وقت، زمان كُنت بفطر! بجري فـ الشارع عشان ألاقي تاكس، و بروح متأخر و بيتحسب ليا تأخير فـ الشُغل، ماكنش بيتخصملي قبل كده؟ و كل يوم و أنا رايحة متبهدلة بحلف إني مش هسهر تاني و خلاص هنام بدري النهارده، و لو بعت ليا هقوله أنا هنام و مش هتكلم كتير معاه. و مع ذلك.. أول ما بيبعت ليا فجأة تطلعلي جناحات و ابقى صغيرة على الحُب، و ببقي عايزة أحضن الفون بـ صورته، بـ غمازاته و بـ ضحكته، و بفضل أحكي و أحكي و أحكي لغاية ما عنيا تشتكي و تقفل لوحدها غصب عني. لكن طاقة الكلام الكتيرة اللي عندي دي، بتتشل أول ما يكلمني فون، بسكت خالص، مش بتكلم و لا بنطق بـ و لا كلمة.. بفضل اتأمل فـ صوته و أسمعه و أدقق فـ نبرته فـ كُل كلمة، و كأني آخر مره هسمعه مثلًا! ببقي عايزة أشبع من صوته و أملى ودني بيه.. عايزة أعمله شريط كاسيت و أشغله جوايا، أرقص عليه أنا و قلبي للصُبح. بعد كُل اللي بيحصل ده، إكتشفت إن مافيش حاجة فـ الدنيا أحلي من إنك تلاقي إنسان يهتم بيك.. يبقى كُل شُغله في الحياة إنه يسأل عليك يسمعك يهتم بتفاصيلك مايزهقش من كلامك هيبقي عندك استعداد تقلب حياتك، لـ أجل كام ساعة تقضيها مع الشخص اللي بتحبه و هو بيغمُرَك بمشاعر الحُب و الإهتمام. و حقيقي يعني أم كلثوم أما قالت: "في الدنيا مفيش أبداً أبداً أحلى من الحب نتعب، نغلب، نشتكى منه لكن بنحب.." كانت صادقة و عندها حق. #TiRo

هذا المساء ... لا تكن غبيًا... لا تُظهر بريقك في مستنقع. حين تكون محاطًا بالفقر، بالسلبية، بالتفاهة... اصمت. تَوارَ. تظاهر بالبلادة، لأن الضوء في الظلام لا يجلب الإعجاب، بل يستفز الوحوش. في بيئة وضيعة، التميّز جريمة... والتفوق إعلان حرب. لا أحد هناك يريدك أفضل منه. صديقك؟ أخوك؟ ابن عمك؟ لا تنخدع. الحسد متأصل في النفس البشرية. ما إن ترفع رأسك حتى تُقطع. ستُرصد. تُراقب. يُحيكوا لك المكائد كأنك سلطان، وأنت فقط حاولت أن تكون أفضل منهم. لا تُرِهم ذكاءك... لا تكشف أوراقك. امضِ بينهم كالأحمق، ولكن خطط كشيطان. كن هادئًا... تواضع حتى وهم يتخيلونك ضعيفًا. وابدأ الزحف للخروج من القاع. قوِّ مالك، جسدك، عقلك... حينها فقط، انتقل. في المحيط الجاد، حيث العقول مشغولة بالتخطيط لا بالقيل والقال، هناك فقط يمكنك أن تتألق. جاذبيتك تصبح سلاحًا، لا لعنة. هناك تُفتح لك الأبواب: عقود، شراكات، دعوات على موائد النفوذ. لأن في المحيط النظيف، القوة تُحترم... لا تُحارب. أما الفقراء؟ فهم يعيشون على قصص الآخرين... يُراقبون من يسافر، من يفشل، من ينجح. لا تفعل شيئًا أمامهم، لا تبنِ قصرًا وسط الخراب، لأنهم سيهدمونه فقط ليثبتوا أنك منهم. #الخلاصة لا تُضيء في الظلام... إلا إن كنت مستعدًا للقتال. وإذا أردت أن ترتقي، فابحث عن أرض لا تُغتال فيها الأحلام. #الدكتور_علي_عبدالراضي

الرايقة ❤ انا كزول بحب الهدوء، بفتش عنه في كل شيء، حتى في الزول القدامي، او في شريكة عمري. بتعجبني البت البتختار البساطة في لبسها، بعيداً عن صخب الألوان وضجيجها، البت اللي بتميل للألوان الهادئة والرايقة. بحب الزولة اللي ما عندها إسهاب في المكياج، بس مرطب شفاه تحت النقاب، ما عشان يعجب زول لأنه أساساً ما حيظهر، وماسكرا خفيفة في عيون جاية من فوق حلوة وفاتنة. بحب الزولة اللي بتبان ملكة من بعيد وبسيطة شديد من قريب، بسيطة بقدر جمال طبيعتها، بعيدة تماماً عن كل زيف. بحبها واثقة وقوية، تقيف قصاد كل مصيبة لحدي ما تلقى ليها حل، شجاعة ومنتصرة. الزولة اللي بتؤمن إن درب النجاح ما ساهل وبتمشي عليهو بكل ثبات. الطموحة اللي بتشوف الحدود مجرد كذبة لمحدودي الأفكار، مؤمنة إنه الأُفق تتسع لكل الأحلام. بعشق الزولة الواعية، اللي فاهمة الحاصل حولها لكن عاملة رايحة لأنها ما عندها وقت لأنها عايزة تنجز، كل الحولها مجرد ضجيج صادر من أواني فارغة لا يُكترث له. الزولة البتكون واحدة في الدستة، أنيقة وحلوة، جريئة وقوية، ثابتة وشامخة ما بتتهز ولا بتسقط، وفي أوقات معينة بتكون بكامل أنوثتها ورِقتها. الزولة اللي بتوازن بين الرِقة والقوة، اللطف واللين والصلابة.. اللي ما حتكون لقمة سائقة للظروف والأقدار وفاهمة إنه كل شيء في الحياة بتاخده بالحب او القوة، وبتقدر تميز متين تقدم الحب ومتين تستعمل القوة. الزولة اللي بقدر أقول عنها بالجد: " كان أموت قَسَم بصلها ". هامش: " للحب تفاصيل وللتفاصيل تفاصيل " #إسماعيل_عمر_إسماعيل

انا وهي انقطع بينا التّواصل بس كل واحد بشوف استوري التانيّ زي الغريب حقيقي ماكنت قادر اتجاوزها عشان انا كنت بقول عنها ونيس قلبي اخترت انو تكون ونيسي في حياتي لحدي مماتي! كُنت بتخيّل نفسي معاها في بيت واحد وفنفس الوقت كُنت بحاول بقدر الإمكان اتجاوزها، بس كيف اتجاوز الحب ده وانا كل ما اجي انساها كان في شيء بذكرني بيها، لمن يجي ويمر علي بوسْت في الفيس، ويصادف انو البوست ده مره حصل معانا أنا وهي واقعد اتبسم؛ لما كانت بِتخت الphotos تبعها استوري بجيني الف شعور كان ما برضى تختها بغير عليها حتى بعد كل شي بينا خلص، ليه ما اغير وهي كانت حته من قلبي ! في يوم رسلت ليها وكنت متردد ارسل اسال منها لا يا الضو " ماتعمل كده أنت وهي ماف شيء بينكم خلاص. كسرت النقاش الجواي، إحساس أنو في اتنين جواي بتناقشوا، واحد بمنعني والتاني بقول لي رسل انت ما خسران شي اول ما رسلت، - كِيفك =الحمدلله يارب خير مالك - ولا شي بس حبيت اسال عنِك واطمن = انت خليت فيها شي - انا الخليت انا الكنت بقول دايما مشغول انا برضو =أي أنت يا الضو أنت الما خليت حلو بينا؛ اكتفيت بإني قريت كلامها واتجاهلت كل كلامي ده وماقدرت اقول ولا حرف بقيت في النص بتذكر كلام لي محمود درويش لمن قال:💙 "عندما لا تستطيع أن تقترب، ولا أن تبتعد، ولا تستطيع أن تنسى، ولا تستطيع أن تتجاوز، فأهلاً بك في المنتصف المميت ..الذي لا حول لك فيه ولا قوة". دي كانت حالتي كيف اقدر اتجاوز كيف انا كنت بقول اتجاوزت واتعافيت بس ما عارفين احساس التناقض لما تناقض بينك وبين نفسك على انسان انت كُنت بتحبو شديد وتقول انو انا شخص بنتظرك بس انا ما عايزك انو انا متمني اسمع صوتك بس ماعايز اتكلم معاك انو انا ما نفسي اسال عنكِ بس لحدي هسي منتظر منك ولو رساله صغيره انو انا ماعايزك بس بحبك. #على_جمر_الفراق ربما لم يكن شيء مهم بالنسبة لكِ لكنه قلبي‏" انا كنت حابي اقول ليكم كل الفي قلبي بس. #الضوء_آدم