هۆشیار نصرالدین :: Hoshyar Nasradin

#پوختەی_عەقیدەی_ئیسلامی باوەڕبوون بە ئیسلام وەك بەرنامەی ژیان باوەڕمان وایە كە ئیسلام بریتیە لە تەسلیم بوون و ملكەچبوونی تەواوەتی بۆ فەرمانەكانی خودا عزوجل و پێغەمبەرەكەی ﷺ . هەروەها ئیسلام وەك لەفەرموودەكەی جبریل علیە السلام و ئیبنوعومەر رضي الله عنهما هاتووە بنیاتنراوە لەسەر پێنج پایە، ئەوانیش: - شایەتومان و - نوێژ بەرپاكردن و - زەكات دان و - ڕۆژووگرتنی مانگی ڕەمەزان و - حەجی ماڵی خودا لەتەمەندا یەكجار ئەمانەش كردارە دیارەكانن لە مرۆڤ دا و دەبێ موسڵمان پێیەوە پابەند بێ و خیلاف نیە لەسەر پایەی یەكەم كە هەركەسێ دانی پێدا نەنێ موسڵمان نیە و ، پایەی دووەمیش خیلافی لەسەرە كە هەركەسێ ئەنجامی نەدا لەبەر تەمەڵی موسڵمانە یا نا ، بەڵام خیلاف نیە لەسەر هیچ یەكێ لە پایەكانی بۆ كەسێ كە باوەڕی پێی نەبێ موسڵمان نیە ! هەروەها باوەڕمان وایە كە ئیسلام بەرنامەی ژیانە و كامڵە و هیچ كەموكورتییەكی تیا نیە و ، زۆربەی زۆری درووشمەكانی بە هێز و دەسەڵات جێبەجێ دەكرێ وەك حدودەكان و فەرمان كردن بەچاكە و ڕێگری كردن لە خراپە و دادوەری و سەندنەوەی مافەكان و ..... باوەڕمان وایە كە بۆ ڕازیكردنی هیچ كەسێ یا ستەمی هیچ ستەمكارێ نابێ زیادە بخرێتە ناو ئیسلامەوە یا لێی تەرك بكرێ . هەروەها باوەڕمان وایە كە ئیسلام تاكە دینی وەرگیراوە لای پەروەردگار و هیچ دینێكی تر وەرناگیرێ و خاوەنەكەی ناچێتە بەهەشتەوە وەك خودا عزوجل دەفەرموێت: { وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ }.