Diaa Mohsen

أغلى مساعدة ممكن يقدمها صاحب لصاحبه هو إنه يسنده في وقتين.. وقت يساعده فيه إنه يتعوّد على حاجة قهرية ويتعايش معاها.. مثلا زي فقدان شخص عزيز .. الحوادث.. الغُربة.. أو وقت يساعده فيه إنه يتغلّب على نفسه وأفكاره اللي ممكن تضيّعه.. وده أصعب بالمناسبة.. صدقوني.. مفيش أصعب من إنك تتحمّل صاحبك وهو في أسوأ حالاته.. تتحمله بمشاكله بهمومه بإحباطاته.. الصاحب لما اتذكر في القرآن الكريم .. كان بيقول لصاحبه "لا تحزن إن الله معنا"..

إي اللي يخلي إنسان يتحول من شخص كله نشاط وحيوية وطاقة إيجابية ومعافرة لشخص كئيب مهز-وم منعدم الطاقة واحيانًا دبلان! 🤎 لأن ياعزيزي فيه نوعية من البشر قادرين أنهم يصيبوك بالإجهاد البدني والفرهدة النفسية من غير ما يقربوا منك حتى! مجرد الكلام معاهم أو التواجد فى محيطهم مُنهك لأبعد حد، أنت نفسك ياعزيزي قادر إنك تضغط نفسك بشكل لا يُمكن تحمله! "مطرح ما تلاقي التقدير.. إبني علاقاتك..🤎"

لما تيجي تحاول تقرب من ناس نضيفة في حياتك؛ دَوّر على أكتر ناس في حالهم. إن حد في الزمن ده يكون في حاله؛ معناها إن قلبه عظيم إن حد في الزمن ده يكون في حاله؛ معناها إن نضجه رهيب إن حد في الزمن ده يكون في حاله؛ معناها إن ثقته في روحه مبهرة.. اللي في حاله ده مش شخص منطوي أو بيخاف يكلم ناس.. اللي في حاله ده مش شخص مرطرط.. ده شخص بيختار ناسه على الفرازة.. ويابخت من كان ناسه.

إتعلم تشتري دماغك.. شخص متعب في الجدال ومصمم يفرض رأيه وخلاص ف تبطل ترد عليه شخص عارف انه غلطان و حابب يقلب الترابيزة عليك ف تسيب له الترابيزة والمكان كله و تمشي شخص يبقي حافظ مش فاهم و يردد الكلام و خلاص معندوش استعداد يسمع ولا يفهم ف تسيبه يجرب و يشوف و غصب عنه المواقف هتعلمه.. النقاش ينفع مع اللي بيدي نفسه فرصه يسمعك عشان يعرف يرد عليك اما اللي لسانه سابق فهمه ده يستحيل تعرف تفهمه ولا توصل معاه لحل غير إنك تسيبه منه لنفسه.

تصالح مع فكرة إن أكبر إنجاز شخصي عملته السنة دي يادوبك إنك قدرت تعديها.. الحياة صعبة قوي.. وكونك لسه بتعافر وتستحمل وتكمل وتحاول؛ ده في حد ذاته إنجاز عظيم مش قليل! كونك وقعت وقمت ووقعت تاني وقمت تاني ده إنجاز محدش هيشوفه آه.. بس إنجاز لنفسك عظيم.. كونك أحبطت والظروف ما وقفتش جنبك بس ماستسلمتش استسلام كامل وعافرت عشان تبتدي من جديد ده إنجاز عظيم.. ما تجلدش ذاتك لو كل إنجازاتك الفترة اللي فاتت إنك بتعافر.. انت بطل كبير قوي عشان لسه بتعافر.

على عكس الشائع، بشوف إن الشخص اللي بيحبك -بصدق- هو الشخص الوحيد اللي هيهتم يغيّرك للأحسن. عندي مشكلة مع الشعارات اللي بتفترض إن اللي بيحبك لازم يقبلك بكل ما فيك! يقدملك ولاء القَبول لـ أخطائك وإنحرفاتك ومينفعش تصدر منه أي نبرة أو نصيحة لتغيير شيء مُعين فيك. مظنش إن فيه حد عنده شعور صادق تجاهك ممكن يسقّفلك وهو شايفك مُستهلَك في طريق خاطئ أو بتبذل مجهود في أشياء ثانوية وسايب الأولويات حتى لو كنت مبسوط. العلاقة اللي مفيهاش نُصح، لفت نظر، توجيه، تصحيح مسار، هي أكتر علاقة باهتة ممكن تتواجد في حياة أي إنسان. فـ بعيدًا عن كل الشعارات المثالية ومع تغليب كفة المنطق لجزء من الثانية هتلاقي إن اللي بيحبك بصدق هو الشخص اللي بيتمنى يشوفك في أفضل نسخة. وبالتالي بيحاول دائمًا يفوقك ويدلك على الطريق الصح.

‏رغم كل الحب اللي جوايا اتجاه ناس معينة، ورغم القرب اللي كنا عليه، إلا إني فعلًا بقيت أتقفل من الشخص، والحب ملوش علاقة بإني زعلان منك أو لا، يعني لو جيت تقولي بحبك هقول وانا كمان ومش هبقى بكدب، انا بحبك برضو بس اتقفلت منك ومبقتش عارف أتعامل زي الاول. وده بيفكرني باقتباس قرأته زمان‏ ولكني حسيته أوي دلوقتي بيقول: " أنا لا أكره أحد، حتى صديقي الذي خذلني لا زلت أحبه، ولكني لا أستطيع تقبله بجواري مرًة أخرى."

انا اللي بيتجاهلني بيخسرني حتي لو بحبه ، حبه ف قلبي بيقل او بينتهي انا مش ملاك بس معنديش اوبشن اتمسك بحد شاف نفسه عليا او حسسني اني مش من ضمن اولوياته ولو لمره واحده انا مبعاتبش كل واحد عارف هو بيعمل ايه كويس ، انا بس بخرجه بره دايرتي اللي فيها ناس يهموني وكأنه لم يكن.

أنا عارف إن مش منطقي "نقطع" علاقتنا بكل البشر لكن حرفيًا التعامُل مع الناس بقى "مُتعب" جدًا كمية حوارات وقمص وجِدالات خايبة ملهاش أي لازمة، وناس تتحشر في خصوصياتك، وناس تتهمك بدون وجه حق، وإنتَ بقى مُطالب تجادل دا وتبرر لدا وتشرح لدا وتصالح دا، وإحنا أساسًا فينا اللي مكفينا و "الطاقة" اللي عندنا يادوب تمشينا فأنا من هنا ورايح مش هسمح لأي شخص مهما كان إنّه "يضغط" عليّا، واللي هيحاول بس مُجرّد مُحاولة إنّه يأذيني هيلاقي منّي رد فعل هيزعله بجد.

*📌بالنسبه للناس اللي مش فاهمه الشغل بتاعنا عباره عن اي 🤔🌚♥️* *شغلنا عباره عن توثيق حسابات علي تطبيقات استثمار📈😍* *وهي تطبيقات عالميه مرخصة علي متجر جوجل وامان وتقدر تبحث عن التطبيقات اللي بنزلها مش بنشتغل في اي حاجه وخلاص 👌🌹😍* *كل اللي بنطلبه منك توثق حساب في تطبيق من التطبيقات دي بالبطاقه فقط مش بنطلب منك إيداع أو أي فلوس ✅🤝* *وكل حساب بتوثقه بتاخد عليه عموله سواء حسابك أو خليت حد من صحابك أو قرايبك أو حد من النت يوثقو بالشروط بتاعتنا ✅🫰😍* *📍 متقلقش علي بياناتك اللي بتحطها في التطبيق سواء بياناتك أو صوره البطاقه أو السلفي💳* *لان التطبيقات دي تطبيقات استثمار الغرض من التوثيق بيكون أمان للمستخدم قبل اي حاجه كانك بتعمل حساب في بنك ✅😍♥️* *يعني كدا كل مهمتك تشوف احنا شغالين علي تطبيق اي وتبدأ توثق وتجيب ناس توثق عشان عمولتك تزيد ✅😍💸💪♥️* والي جاهز يشتغل يكلمني خاص👇 @dia0l

أيوه فتنة! فتنة لما تلاقي اتنين كانوا متصاحبين واتجوزوا وعايشين حياة سعيدة. فتنة إنك تلاقي البنت اللي كانت بتعف نفسها ومبتصاحبش جوزها مطلع عينها أو تطلق أو مش لاقيه زوج. فتنة إنك تلاقي اللي بيتعامل بالربا بقى غني واللي بيحاول يجيب رزق حلال الطريق صعب عليه. فتنة إنك تلاقي اللي بيعمل معصية أو بيظلم الناس مبسوط أو محقق فوز في الدنيا. بس اوعاك تنسي إن الفوز الحقيقي هناك "فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ" أجر عملك مش لازم تاخده كله في الدنيا ومش شرط تاخده بنفس الحاجه اللي جاهدت عشانها.

(حتى يحب لأخيه ما يحب لنفسه!).. مهارة سلامة القلب. شكلك ولبسك وتعليمك وفكرك وإنجازاتك العلمية والعملية، مجموعها صفر لو اجتمعت بقلبٍ قبيح، ونوايا سيئة. إنَّما المرءُ بقلبه! (إِلّا مَن أَتَى اللَّهَ بِقَلبٍ سَليمٍ).. فإن سلِمَ القلب سلمَت الصُدور والنَّوايا، وصَلُحَ سائر الجسد كله..

لا يشبع المُحب من حبيبه حتى إذا جلس أمامه عمره بأكمله ولا يكفيه أن ينظُر إليه سنوات عديدة حتى يرتوي من ملامحه. وتؤكد هذا أم كلثوم بكلماتها الحنونة وتقول: يا حبيبي مهما طال عُمري معاك برضه أيامه قليلة :))

أنا بعرف أقدّر ظروف اللي قُدامي جدًا وبلتمس له الأعذار، هتلاقيني مرة بقول حصل خير، ومرة تانية بقول مَفيش مُشكلة، ومرّات كتير هكبّر دماغي ومش هقف على الواحدة وحرفيًا هغرّقك فُرص، فلو لقيتني مرة واحدة إتقفلت منك وخدت جنب إعرف إن المُشكلة عندك إنتَ وإعرف كمان إن عُمري ما هرجع معاك زي الأول.

أن يُكتب في نهاية قصتنا؛ أن السعي كان في الإتجاه الصائب، وأن العوض أنسانا ما فقدناه في الطريق، وأننا أخيرًا ولأول مرة شاهدنا تخيلات كل ليلة مُجسّدة أمامنا، نلمسها ونبتسم لا نخشي تبخّرها أو تحولها لسراب وأن قلبنا صار بمأمن.

علشان اكون صريح ؛ انا عُمري ما حسيت بقيمه حد بعد ما مشي من حياتي ، ولا حسيت اني خسرت حاجه ، بل بالعكس بحس بالذنب تجاه نفسي إني كنت سايب حاجه مش في مكانها الصح

حقيقي الناس بتحلوّ أوي لما بتكون في المكان الصح 🤍 شوف الفرق على وش الناس لما بيشتغلوا حاجة بيحبوها ، ولما يكونوا في شغل مش هو هواهم شوف الفرق على ملامح شخص وسط شلة صُحاب بتقدره ، وبين وشه وهو بيعافر عشان ينول القبول شوف الفرق في جمال بني آدم وهو بيحب الشخص الصح له ، وبين توتر ملامحه دايمًا وهو متحاوط بشخص مش مناسب له كل اختياراتك في الحياة بتبان على وشك .. اختار صح 💛

على فكرة عادي جدًا إنك تقرر تبعد عن حد عشرة عشان وجوده مش مريح ليك.. ما تلزمش نفسك بناس لمجرد إنكم عارفين بعض من زمان.. لو الشخص أناني أو انت آخر اهتماماته أو واخدك for granted وحاطك آخر خططه؛ استبدله فورًا واعرف ناس جديده تشدك لفوق وتحسسك بقيمتك.

"و سلاماً على صديق كان اقرب من الوريد فتغير."

- زعلان من أهلك؟ الحمد لله إنهم عايشين وبخير. - أذنبت كتير؟ الحمد لله باقي فيك نفس وتقدر تتوب. - بتحس إنك وحيد؟ الحمد لله نصيبك موجود وينتظرك. - الأكل مش عاجبك؟ الحمد لله إن في أكل أصلاً. - ضايع ومفيش شغف؟ ربنا موجود ويسهل طريقك. دائما استشعروا النعم وقولوا الحمد لله.. احنا غرقانين بالنعم وغالبًا مش بنحس بيها إلا لما نفقدها. الحمد لله على كل شيء.