Diaa Mohsen

أرضي وانا حر فيها.🇪🇬

أوعى تبطل سعى وجرى حتى لو حسيت أن الأبواب مقفوله أجتهد وأتعب اللهُم رزقا حلالا طيباً .

Fact 📌

أثناء جَلدي لذاتي.. اكتشفت حاجة جميلة بحبها فيا وهي: إن لما حد بيتصرف معايا في موقف أنا محتاجاه فيه بشكل مش كويس/غير اللي كنت مُتخيلاه أنا ببقى قايلة في نَفسي إني هتصرف معاه بعدين زي ما هو عمل بالظبط بس لما بيقع في نفس الموقف وتتبدل الأدوار بلاقيني بتصرف كويس جدًا، بتصرف بأصلي أنا.

📌 هتوصل لمرحلة في حياتك مش هتقدر تستحمل فيها فكرة "التحوير" ولا الناس اللي بيحوروا.. شلة ناس مفيش "صراحة" بينهم؛ شكرًا مع السلامة.. شخص لذيذ بس بيحوّر؛ شكرًا مع السلامة.. بداية علاقة مش "واضحة"؛ شكرًا مع السلامة.. شخص غالي بس بيحور وسايب الباب موارب علشان ما يخسرش حاجة؛ شكرًا مع السلامة.. هتبعد من غير حتى ما "تشيل" منهم.. لإنهم بيتكلموا لغة مش لغتك.. وهيعيشوا حياة مش اللي انت راسمها لنفسك.🖤 التحوير له ناسه، بس الناس اللي مالهمش في التحوير أريح ناس.

‏"اللهم عاماً دون ذَنب، دون حُزن، دُون فقد، دون فراق، دون حرمان، دون كسرة، دون فشل، دون شماتة، دون صدمه , اللهُمَّ عام تتغير فيهَ أقدرانا إلى ما نتمني."

خير ما نبدأ به شهر رجب و 2025 🤎

أجمل حاجه عموما 🤍

الليلة هي اكثر ليلة يُعصي الله فيها بالأرض .! نسأل الله السلامة.

مفيش أي فرق بين 31 ديسمبر و 1 يناير.. الفرق بينهم عامل زي الفرق بين يوم التلات ويوم الأربع ! الفرق الحقيقي بيبقي بين 30 شعبان و 1 رمضان، فرق في النفسية ونظام حياتك وتغيير في روتينك اليومي الممل وتزويدك بجرعة روحانيات تكفيك باقي العام.. فرق في يومك اللي بيتحول من العشوائية المفرطة للنظام الدقيق.. اللهم بلغنا رمضان 🤲🌙

ربنا مش هيبارك لحد بيوقف المراكب السايرة، ولا هيبارك للي بيصعبها، ولا هيبارك للي بيستكتر النعمة على غيره، ولا هيبارك لمنافق قرر يكتم كلمة حق ويبقى بمليون وش عشان أموره تمشي...... الصح معروف، والغلط معروف، والأمور مش سايبة، ولا الكون ماشي سبهللة أو على كيف حد.. الرد الرباني جايز يتأخر بحساباتنا إحنا لكن مجيئه مفيهوش شك.. ﴿وَلَا يَظْلِمُ رَبُّكَ أَحَدًا﴾.. عند ربنا حرفياً مفيش حاجة بتضيع

ما تسيبش حد يبيع ويشتري فيك، ولا تسمح لحد يشوف نفسه عليك ويقلل منّك، اللي يتجاهلك مرّة عن عمد تجاهله ألف مرة، واللي ينفّض لرسايلك ما تعبّروش تاني، ما تقرّبش من حد رافضك، وما تمشيش ورا لحظات ضعفك وتكلّم حد مش حاسس بقيمتك .. وخُدها منّي قاعدة: "اللي تقّلان عليك شبعان ذُل عند غيرك".

بكرا باللّيل ملايين الناس هتعصي ربّنا. فإيّاكَ أن يراك الله بينهم!

📌 في ناس معينه كنت في الأول "مبهور" بيهم جدا وشايف إنّ مفيش بعدهم وخسارتهم صعب "تتعوض". لغاية ما موقف جاب موقف و واحده واحده بدأ يسقط القناع وأكتشفت إنّ الناس دي اقل من العادي وإن أنا اللي خساره فيهم. فأحياناً محبتك "الزايدة" للي قدامك بتخليك تبالغ في تقديره وبتشوفه بالنُّسخة اللي في خيالك واللي بتتمنّاها لكن مش بنسختهم الحقيقية واللي في الغالب بتكون نسخة سيئة وبشعة جدا للأمانة.👌🏻

سبع شداد ( ٢٠١١ - ٢٠١٧) سبع عجاف (٢٠١٨ - ٢٠٢٤) ثم يأتي عام يغاث فيه الناس (( ٢٠٢٥ بإذن الله )) تفائلوا بالخير ❤️‍🩹.

Mood,🖤

📌

الواحد لولا انه دخل الجيش كان زمانه فاكر ان الجو ساقعة دلوقتى مشوفتوش حاجة انتم والله